Հանրային խորհուրդը լքողը պնդում է՝ իրավիճակը շիկանում է, Ստյոպա Սաֆարյանը հաջողություն է մաղթում հեռացողներին

Հանրային խորհրդի նախագահի պաշտոնում Ստյոպա Սաֆարյանի նշանակումը, որ տեղի ունեցավ նախորդ շաբաթ, ակնհայտորեն խորհրդի մի շարք անդամների սրտով չէ: 

Դեկտեմբերի 20-ին Հանրային խորհրդի անդամ Հարություն Մեսրոբյանը դիմում է ներկայացրել ՀՀ վարչապետին՝ ՀԽ անդամակցությունը դադարեցնելու վերաբերյալ։ Մեսրոբյանը Հանրային խորհրդի անդամ էր նշանակվել 2018 թ. սեպտեմբերի 6-ին՝ ՀՀ վարչապետի առաջարկով։ Սա նշանակում է, որ առաջիկայում ՀՀ վարչապետը ՀԽ նոր անդամ պետք է նշանակի:

Խորհրդի մամուլի քարտուղար Անի Գասպարյանից տեղեկացանք, որ նոր դիմումներ դեռ չկան՝ խորհուրդը լքելու մասին, սակայն Լարիսա Ալավերդյանը հրապարակավ նման ակնարկ արել է: Իր հերթին՝ բնապահպան Կարինե Դանիելյանը խնդրել է բնապահպանական հարցերի հանձնաժողովի նախագահի պարտականությունները դնել այլ անձի վրա, քանի որ շատ ծանրաբեռնված է: Ինչպես հայտնի է՝ ՀԽ նախագահի եւ անդամների աշխատանքը չվճարվող է: 

Մեր մի քանի հարցերին պատասխանել է կառավարման փորձագետ Հարություն Մեսրոբյանը.

- Պարոն Մեսրոբյան, ձեր դուրս գալը Հանրային խորհրդից արդյո՞ք պայմանավորված է ՀԽ նախագահի պաշտոնում Ստյոպա Սաֆարյանի նշանակումով:

- Ես կառավարման փորձագետ եմ, անձեր չեմ քննարկում: Պարզապես ասեմ, որ եթե ինչ-որ ոլորտում մենք ուզում ենք առաջընթաց գրանցել՝ պետք է շատ հաշվենկատ կադրային քաղաքականություն վարել: Եվ երբ որ կադրային քաղաքականությունն անհաշվենկատ է, այդ ոլորտը սկսում է անկում ապրել: Որո՞նք են հաշվենկատության չափանիշները. 1. բարոյական նկարագիրը, 2. անցած ճանապարհը եւ գրանցված դրական արդյունքները:

- Կարծում եք՝ ձեր նշած չափանիշներին չի՞ բավարարում Ստյոպա Սաֆարյանը:

- Ամեն մեկը կարող է իր կարծիքն ունենալ. դուք կարող եք նայել Ստյոպա Սաֆարյանի անցած ճանապարհը՝ առավել եւս վերջին 6 ամսվանը, եւ եզրակացություն անել:

- Վազգեն Մանուկյանը բավարարո՞ւմ էր ձեր նշած չափանիշներին:

- Տվյալ դեպքում Վազգեն Մանուկյանի խնդիրը չի դրված, որովհետեւ երբ նա նոյեմբերին դուրս եկավ՝ ես մնացի Հանրային խորհրդում: Պարզապես, եկեք ընդունենք, որ Վազգեն Մանուկյանն անցած ճանապարհի մասով անմրցելի է:

- Տարբեր են կարծիքները:

- Վազգեն Մանուկյանը մեր պետության ամենածանր փուլում եղել է Պաշտպանության նախարար, վարչապետ: Այլ կարծիքը ո՞րն է:

- Իսկ ինչպե՞ս եք գնահատում Հանրային խորհրդի նախագահի պաշտոնում նրա գործունեությունը. շատերը հարուստ CV են ունենում, բայց լինում է ինչ-որ մի աշխատանք, որը դժվարանում են անել:

- Դա թյուրիմացություն է, նման բան չկա: Վերջերս Հանրային խորհրդի կայք ստեղծվեց. ես ձեզ խորհուրդ կտամ մտնել եւ նայել, թե 10 տարում ինչեր է արվել ՀԽ-ում: Ուրիշ բան՝ շատերը տեղյակ չեն:

- Հնարավո՞ր է Մանուկյանի նախաձեռնած «Վերնատուն» կոչվող կառույցում տեսնենք ձեզ:

- Եթե որեւէ կառույցում քաղաքական տարրը բարձր է, ես չեմ լինում այնտեղ: Դա ինձ մոտ սկզբունք է 1959-ից՝ ծննդյան տարեթվից:

- Պարոն Մեսրոբյան, ՀԽ-ում շա՞տ կան Ստյոպա Սաֆարյանի նշանակումից դժգոհ մարդիկ:

- Արդեն մեկ ամիս ի պատասխան նման կարգի հարցերին՝ ես ասում եմ, որ եթե հանկարծ Ստյոպա Սաֆարյանին նշանակեն՝ ես Հանրային խորհրդից դուրս եմ գալու, եւ այնտեղ մթնոլորտը կշիկանա եւ մարդիկ կսկսեն դուրս գալ: Բայց քանի որ 1991 թվականից Հայաստանում փորձագիտական կարծիքը չեն լսում՝ եղավ այն, ինչ ես ասել եմ:

- Հիմա շիկացա՞ծ է մթնոլորտը:

- Ինչքան հասկանում եմ՝ շիկանում է. ես լրատվամիջոցներից իմացա, որ Լարիսա Ալավերդյանն է դուրս գալիս, Կարինե Դանիելյանը ու այսպես շարունակ: Հիմա դա շիկացո՞ւմ է, թե՞ շիկացում չի:

- Միգուցե նրանց փոխարինեն մարդիկ, որոնք ուզում են աշխատել այդ կառույցում:

- Դուք շատ լավ կարծիքի եք մեր մասին: Կադրերի հարցը սարսափելի վտանգված է: Երբ ասում են՝ դե, կգան ուրիշ մարդիկ…կներեք, ուրիշ մարդիկ երկնքի՞ց են գալու: Ես 1988-ից գրեթե բոլորին անձամբ գիտեմ վերից վար, եթե ես չեմ տեսնում, դուք որտեղի՞ց եք տեսնում:

Մենք զրուցեցինք նաեւ Հանրային խորհրդի նախագահ Ստյոպա Սաֆարյանի հետ: Անդրադառնալով խորհուրդը լքելու մասին հայտարարություններին եւ հնարավոր պատճառներին՝ Սաֆարյանն ասաց.

«Ես բոլորին մաղթում եմ հաջողություններ իրենց բազմազբաղ գործունեության ընթացքում: Իրականում պատճառը շատ խորքային է, որքան էլ չի նշվում այդ մասին: Հանրային խորհրդի վերջին հայտնի նիստում, որտեղ ՀԽ շուրջ ստեղծված իրավիճակն  էր քննարկվում՝ ես ասել եմ. ընկերներ, մենք կարծես թե տարբեր կերպ ենք պատկերացնում ՀԽ գործունեությունը, ինձ համար այն եղել է փորձագիտական եզրակացություններ, առաջարկություններ ներկայացնելու հարթակ, դուք այն պատկերացնում եք որպես ընդդիմադիր միավոր, որը պետք է ընդդիմադիր գործունեություն ծավալի: Բնական է, որ այն մարդիկ, որ տարբեր կերպ են պատկերացրել կառույցի գործառույթը՝ չեն մնալու աշխատելու: Էնպես չի, որ ես այդ մարդկանց մասնագիտական կարողությունները չեմ գնահատում, բայց եթե այդ ընտրությունն են կատարել՝ մեզանից ոչ մեկը չի կարող մյուսին զոռով պահել, ես հաջողություն եմ մաղթում, որ կարողանան իրենց պատկերացումները իրագործել իրենց ղեկավարած ՀԿ-ների միջոցով»:

Անդրադառնալով Հարություն Մեսրոբյանի կանխատեսմանը, թե մթնոլորտը կշիկանա՝ Սաֆարյանը նկատեց, որ ինքը մտադրություն չունի շիկացնելու մթնոլորտը, հակառակը՝ փորձելու է բոլոր անդամների համար ապահովել գործունեության նորմալ մթնոլորտ:

ՀԽ նորանշանակ նախագահը ընդգծում է՝ Հանրային խորհուրդը ոչ թե այն 45 հոգին են, որոնց մարդիկ սովոր են տեսնել էկրաններից, այլ 2000 հոգի, որոնք կան խորհրդի հանձնաժողովներում ու ենթահանձնաժողովներում, բայց նրանց ձայնը լսելի չի եղել:

Մեր հարցին ի պատասխան Սաֆարյանն անդրադարձավ նաեւ Մեսրոբյանի ակնարկին՝ կապված ՀԽ անդամի համար անհրաժեշտ 2 չափանիշների հետ. «Ինչ ուզում են ակնարկեն. իմ հանրային գործունեության գնահատականը տալիս է ժողովուրդը, տվել է ժողովուրդը եւ տալու է, եւ եթե ես զգամ, որ մեկ գրամ իսկ խնդիր ունեմ այդ վստահության հետ, մեկ րոպե ավել չեմ մնա այնտեղ: Ճիշտ հակառակը՝ ես տեսնում եմ այն մեծ հանրային ոգեւորությունը, որ առաջացել է իմ նշանակումից հետո: Անկեղծ ասած, դա ինձ համար շատ հուզիչ է: Եվ վերջապես ես խորապես հասկանում եմ, որ նախկինում այդ կառույցի համար եղել են շատ հետաքրքիր ստվերային պլաններ՝ ցույց տալու, որ բոլոր հարցերով հանրությունը դեմ է Կառավարությանը: Իրականում այդ մարդիկ գիտե՞ք ինչու են հեռանում, որովհետեւ գիտեն, որ այլեւս այդ նպատակները հետապնդել չի լինելու: Ոչ թե նրա համար, որ կարծում են, թե Հանրային խորհուրդը բոլոր հարցերում համակարծիք է լինելու Կառավարության հետ, այլ որովհետեւ էդ սխեման այլեւս չի աշխատելու: Իրենք շատ լավ գիտեն, որ ես ոչ էդքան ներկայացնում եմ Կառավարությանը, որքան հասարակության այն ճնշող մեծամասնությանը, որը ողջունել է հեղափոխությանը: Ուզում են գնալ, թող գնան, ազատ են գնալու: Այս կառույցը իրականացնելու է իր գործառույթը. դա խորհրդատվությունն է կառավարությանը,  հանրային շահի վերհանումն է հանրային հնչողություն ունեցող հարցերով, հանրային կարծիքի հետազոտությունն է, փորձագիտական եզրակացությունների տրամադրումն է»:

Ի դեպ, Ստյոպա Սաֆարյանը նոր կարգավիճակում դեռ չի հանդիպել Հանրային խորհրդի անդամների հետ: Այդ կապակցությամբ նա մեր զրույցում ասաց. «Հինգշաբթի եմ նշանակվել: Ուրբաթ օրը զբաղված եմ եղել մամուլի եւ հանրության առջեւ իմ տեսակետները ներկայացնելով: Բացի այդ, մենք նստավայր չունենք, զբաղված եմ այդ հարցերը լուծելով: Հանդիպել եմ Կառավարության աշխատակազմի ղեկավարի հետ, նստավայրի մի քանի տարբերակ քննարկել ենք, երբ որ առաջին հնարավորությունը ունենանք՝ անպայման հանդիպելու եմ այն բոլոր գործընկերների հետ, ովքեր կմնան խորհրդում»:

Սաֆարյանը տեղեկացրեց, որ «Կառավարությունում ստացվել են Հանրային խորհրդին անդամակցության հարյուրավոր հայտեր»՝ հավելելով, որ խորհրդի մասշտաբները առաջիկայում մեծանալու են: Նա նաեւ ընդգծել է, որ վերջին 3-4 օրերին եւս շուրջ չորս տասնյակ մարդիկ էլ անձամբ իրեն են դիմել՝ ՀԽ հանձնաժողովներում ու ենթահանձնաժողովներում աշխատելու համար: «Այնպես չի, որ միայն գնում են: Գնում են նրանք, ովքեր չեն պատկերացնում, որ կարող են աշխատել փորձագիտական դաշտում: Իրենք միշտ մտածել են, որ հանրության ձայնն են: Ես էդպես չեմ համարել ոչ իրենց, ոչ ինձ: Ես միշտ ասել եմ՝ հանրային կարծիք ներկայացնելու մեխանիզմ պետք է մշակել, որպեսզի մեր սեփական տեսակետները չներկայացնենք հանրային ձայնի անվան տակ»,- ասել է Սաֆարյանը:

Հիշեցնենք, որ Սաֆարյանը ՀԽ նախագահ նշանակվեց դեկտեմբերի 19-ին՝ վարչապետ Փաշինյանի առաջարկով: Վարչապետն ընդգծեց, որ սա, ըստ էության, Հանրային խորհրդի վերջին շանսն է՝ ապացուցելու, որ որպես կառավարության խորհրդատվական մարմին՝ կարող է լինել էֆեկտիվ: Մինչ այդ՝ շուրջ 10 տարի այդ պաշտոնը զբաղեցնում էր Վազգեն Մանուկյանը:

Տպել
2734 դիտում

Համաժողովը հիանալի հարթակ է վեր հանելու խնդիրները, որոնց լուծումը կխթանի տարածաշրջանային համագործակցությանը. Սանոսյան

Դատարանները մերժել են վարույթ ընդունել ապօրինի ծագման գույքի բռնագանձման գործերով գլխավոր դատախազության դեմ հայցերը

ԿԸՀ-ն այսօր կվերահաշվարկի 1 ընտրատարածքի ընտրության արդյունքները

Դավիթ Տոնոյանի փաստաբանական խումբը նոր հայտարարությամբ է հանդես եկել

Մհեր Գրիգորյանի գլխավորած պատվիրակությունը կմեկնի Մոսկվա

Վարդանյան եղբայրների՝ 300 մլն դրամ աջակցության շնորհիվ Հայաստանում 150 անապահով ընտանիք կերջանկանա (տեսանյութ)

Ռուսաստանը Հայաստանի հիմնական առևտրային գործընկերն է. ՀՀ վարչապետը ուղերձ է հղել հայ-ռուսական համաժողովի բացմանը

Ստեփանակերտ-Ասկերան ճանապարհին մարդատարը բախվել է համընթաց մեքենային, այնուհետև՝ արգելապատնեշին. կա տուժած

Հանրային քննարկման է ներկայացվել նախադպրոցական հաստատությունների տնօրենների հավաստագրման կարգը. ԿԳՄՍՆ

Արթուր Ղազինյանը 8-րդ անգամ չընտրվեց պաշտպանության և անվտանգության հանձնաժողովի փոխնախագահի պաշտոնում

Նորվեգիայի Թագավորության նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Ողբերգական դեպք Կոտայքում. ննջարանում հայտնաբերվել են ամուսինների դիերը, ինչպես նաև երկտող

Կորոնավիրուսի մեկօրյա մահերի թիվը դարձյալ բարձր է. գրանցվել է մահվան 37 նոր դեպք

Վրաերթ Երևան-Արմավիր ճանապարհին. տղամարդը հիվանդանոցում մահացել է

Ալբերտ Հովհաննիսյանին հետմահու շնորհվել է «Արցախի հերոս» բարձրագույն կոչում

ԱԱԾ-ն բերման է ենթարկել ՊԵԿ 4 պաշտոնատար անձի և նրանց 1 միլիոն դրամ կաշառք տված ևս 3 մարդու (տեսանյութ)

ՊԵԿ նախագահն ու վրաց պաշտոնյան քննարկել են հարկային և մաքսային ոլորտներին առնչվող հարցեր

Ոստիկանությունը պարզաբանում է անձնագրերի հետ կապված՝ օրենքներում նախատեսվող փոփոխությունները (տեսանյութ)

Մեքենաներից ազատ ևս մեկ հրապարակ. որպես ավտոկայանատեղի և գյուղմթերքի շուկա ծառայող տարածքը բարեկարգվում է (տեսանյութ)

ՀՀ կառավարությունը հաստատել է Արցախի տեղահանված կամ տունը կորցրած քաղաքացիներին դրամական օգնություն տրամադրելու որոշումը

Ռուսաստանը դադարեցնում է ՆԱՏՕ-ում իր առաքելության աշխատանքը. սառեցվում են դիվանագիտական բոլոր կապերը

Մի քանի ժամ լույս չի լինելու Երևանի և 5 մարզերի մի շարք հասցեներում

Էջմիածնից Մասիս տանող ավտոճանապարհին տրակտորը շրջվել է մոտակա փոսը. վարորդին հոսպիտալացրել են

Վաղը Երևանի, Կոտայքի և Արմավիրի մարզերի մի շարք հասցեներում 36 ժամով կդադարեցվի ջրամատակարարումը

ՄԱԿ-ի Արդարադատության միջազգային դատարանում մեկնարկել են Ադրբեջանն ընդդեմ Հայաստանի գործով լսումները

Կամարիս համայնքում ավարտվել են կառավարության 2021 թվականի 3 սուբվենցիոն ծրագրերը

Կորոնավիրուսից մահացել է ԵՊՀ պրոֆեսոր Յուրիկ Գաբրիելյանը

Ջիլ գյուղում մոտ 8 տոննա անասնակեր է այրվել

ԱԱՏՄ-ն բազմապատկված ուժերով խստացված ստուգայցեր է իրականցրել․ վերահսկողություն է կատարվել 478 տնտեսավարողների մոտ

Դալարիկում մարզի առաջնահերթ խնդիրների լուծման ծրագրով փոխվել են մանկապարտեզի դռներն ու պատուհանները

Արշակ Կարապետյանը հանդիպել է զոհված, անհայտ կորած, գերության մեջ հայտված զինծառայողների և կամավորականների հարազատներին

Շուշիում այսօր տեղի ունեցած բանակցությունների արդյունքում Ադրբեջանը հայկական կողմին է փոխանցել ևս մեկ աճյուն

ԵԽ նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն

Սառնաղբյուր գյուղում այրվել է պահեստավորած անասնակերը

ՊՆ ռազմական ոստիկանությունում ամփոփվել են կատարված աշխատանքները

Նորվեգիան «Մոդեռնա» պատվաստանյութի զգալի խմբաքանակ կտրամադրի Հայաստանին․ Նորվեգիայի նորանշանակ դեսպան

Արտակ Դավթյանն ընդունել է ԿԽՄԿ պատվիրակության ղեկավարին․ քննարկվել են փոխգործակցության նոր ուղղությունները

Ալեն Սիմոնյանն ընդունել է ռուս պաշտոնյաների պատվիրակությանը․ անդրադարձել են տարածաշրջանային առաջնահերթություններին

ՊՆ վարչական համալիրում անցկացվել է միջգերատեսչական հանձնաժողովի նիստ (լուսանկարներ)

ԱԳ փոխնախարարն ընդունել է Միջազգային էներգետիկ խարտիայի գլխավոր քարտուղարին․ քննարկվել է Երևանում կայանալիք հանդիպումը