«Լիդիան»-ը հեռացվել է Տորոնտոյի ֆոնդային բորսայի ցուցակներից. սա մեր բնապահպանների համար հաջողություն է

«Լիդիան» ընկերությունը հեռացվել է Տորոնտոյի ֆոնդային բորսայի ցուցակներից վերջինիս պահանջներին չհամապատասխանելու պատճառով: Այս մասին հաղորդում է «Հայկական բնապահպանական ճակատ»-ը: Ի՞նչ է սա նշանակում Ամուլսարի համար, որի ոսկեբեր կվարցիդի հանքավայրի շահագործման թույլտվությունն է ստացել «Լիդիան»-ը: Այս մասին «Հայկական ժամանակ»-ը զրուցել է փաստաբան, էկոլոգիական իրավունքի մասնագետ Նազելի Վարդանյանի հետ:

««Լիդիան»-ին դեկտեմբերից դուրս էին բերել Տորոնտոյի բորսայի ցուցակներից, արգելել էին վաճառել բաժնետոմսեր և տեղեկացրել, որ հարցը վերջնական կլուծվի փետրվարի 5-ին: Հիմա, փաստորեն, վերջնականապես որոշել են»,- ասաց Վարդանյանը:

Նրա խոսքով՝ սա հարված է ընկերության շահույթներին, քանի որ «Լիդիան»-ը թեպետ իր բաժնետոմսերի անուղղակի վաճառք կարող է իրականացնել, սակայն չի կարող նախկինի պես օգտվել բորսայի արտոնյալ պայմաններից, սակարկել: «Հիմա իրենք դիմել են Տորոնտոյի դատարան՝ պաշտպանվելով սնանկությունից, բայց դա էլ ժամկետ ունի՝ մինչև մարտի 2-ը: Դրանից հետո պարտատերերը կարող են իրենց պահանջները ներկայացնել և եթե ներկայացնեն, կսնանկանա, քանի որ պահանջներն ավելի շատ են, այսինքն՝ իրենց պասիվներն ավելի շատ են, քան՝ ակտիվները»,- նշեց իրավաբանը:

Բնապահպանները սա համարում են էական միջանկյալ հաղթանակ: Այս որոշումն առանցքային ազդեցություն կունենա՞ Ամուլսարի հանքի թնջուկի հարթման համար՝ հարցին ի պատասխան՝ Վարդանյանն ասաց. «Սա մեր բնապահպանների համար հաջողություն է, սակայն բնապահպանների և «Լիդիան»-ի բարձրացրած խնդիրների լուծման ուղղությամբ իրապես պետք են մեր պետության, իրավապահ մարմինների քայլերը: Այս որոշումը լուրջ ֆինանսական խնդիր է «Լիդիան»-ի համար»:

Հնարավո՞ր է, որ «Լիդիան»-ը փորձի սնանկությունից փրկվել՝ մեր պետությանը դատի տալով, փաստաբանը նշեց, որ հնարավոր է, և նման քայլի հաջողության հավանականությունը մեծապես կախված է մեր պետության քայլերից: «Բնապահպանները հայտնաբերել են մի շարք կոռուպցիոն կապեր, սակայն դրանք պետք է ապացուցվեն իրավապահ մարմինների կողմից: Մեր պետությունը 450 հազար տվեց «Էլարդ»-ին՝ փորձաքննության համար, և դրա փորձաքննության մեջ նշված է, որ «Լիդիան»-ը կեղծ, սխալ տեղեկություններ է ներկայացրել, ոչ արժանահավատ, ոչ բավարար, բայց մեր կառավարությունն այդքան գումար ծախսեց ու գնահատական չտվեց: Հիմա «Լիդիան»-ը, օգտվելով առիթից, որ չտրվեց գնահատական, որ փորձագիտությամբ, իրոք, ապացուցում է իրենց գործունեության անօրինականությունը, ինքն է Տորոնտոյի դատարանում ներկայացնում, թե ամեն ինչ իրենց օգտին է գրվել: Նաև տարբեր մարդիկ տարբեր մակարդակներով հայտարարություններ են արել՝ հօգուտ այդ ընկերության, հաշվարկներ են արել, թե ինչքան գումար կտանեն: Սովորաբար դատավարության մեջ կողմը հակառակ կողմի օգտին հայտարարություններ չի անում և ինչ-որ խորհուրդներ չի տալիս: Իսկ այս ամենը հետագայում կարող է օգտագործվել մեր դեմ»:

Նազելի Վարդանյանը նշեց նաև, որ «Լիդիան»-ը վիճարկում է տեսչական մարմնի՝ արդեն երկրորդ ակտը: Առաջինով որոշվել էր պարտավորեցնել «Լիդիան»-ի տնօրենին, որ նա ձեռնպահ մնա որևէ գործունեություն իրականացնելուց Ամուլսարում, երկրորդում նշված է, որ Ամուլսարում ապօրինի հանքարդյունահանություն է արվել: «Սակայն դատական գործընթացին տեսչական մարմնից ոչ ոք չի մասնակցել: Առաջին դեպքում արդեն իսկ ի վնաս տեսչական մարմնի է որոշում կայացվել, հիմա էլ երկրորդն է, որին նորից իրենք չեն ներկայացել, և կրկին կլինի ի վնաս մեր երկրի, մեր ժողովրդի: Կա՛մ համաձայնության են եկել «Լիդիան»-ի հետ, կա՛մ չգիտեմ՝ ինչ են անում, նման բան իմ պրակտիկայում առաջին անգամ եմ տեսնում: Գոնե ձևական գնում-պաշտպանում են իրենց շահերը: Հիմա ամենը լուծվում է ի վնաս պետության և ժողովրդի շահի, մինչդեռ տեսչությունն արդեն արել էր, ինչ պետք էր՝ կար և՛ ակտ, և՛ որոշում, ուղղակի պետք էր պահել դրանք»,- ասաց փաստաբանը:

Դեռ 1.5 տարի առաջվանից «Լիդիան»-ը կարող էր դիմել միջազգային արբիտրաժի դատարան, ինչո՞ւ չեն դիմել, հաղթելու հավանականությո՞ւնն է փոքր. իրավաբանի դիտարկմամբ՝ արբիտրաժի համար մեծ գումարներ են պետք, այն բարդ, երկարատև, ծախսատար գործընթաց է: «Հավանականությունը շատ փոքր է, որ նրանք կարող են անցնել այս գործընթացով: Բայց ցանկացած պարագայում մենք պիտի պատրաստ լինենք, մինչդեռ ոչինչ չի արվում»: Ըստ նրա՝ պետք է իրավապահ մարմիններն ապացուցեն, որ «Լիդիան»-ին տրված թույլտվությունները նախկին կառավարության անօրինական որոշումների արդյունքում ստացված անօրինական թույլտվություններ են: «Այստեղ հիմնականում նախկին կառավարության մեղքն է: Եվ իրավական հիմքերը կային, որ Շրջակա միջավայրի նախարարությունն ուժը կորցրած ճանաչեր թույլտվությունը: Իրավական մարմինները հազար գործ կարող էին հարուցել: Գոնե հիմա պիտի մի բան արվի, տեսչական մարմինը գոնե հիմա պետք է բողոքարկի»,- ընդգծեց նա:

Քանի որ «Լիդիան»-ի սնանկության, լուծարման ազդակներ են երևում, առավել ձեռնտու չէ՞ ակտիվ քայլերի չդիմել՝ ավելորդ ուշադրություն չգրավելու, միջազգային իրավունքի տեսանկյունից թիրախ դառնալու հավանականությունը չմեծացնելու համար, և հնարավո՞ր է՝ մեր պետությունն այդ ռազմավարությունն է ընտրել՝ դիտարկմանն ի պատասխան՝ Նազելի Վարդանյանն ասաց. «Չի բացառվում: Գուցե տեսնում են, որ գնում է ինքնալուծարման, և կառավարությունը չի միջամտում, որ հետո չասեն՝ կառավարությունը կոնկրետ գործողություններ է արել, որ արգելի իրենց գործունեությունը: Այդ առումով գուցե դա ճիշտ է: Գուցեև ավելի ճիշտ է, որ չարվեն բացահայտ գործողություններ, որ հետո մեր դեմ չօգտագործվեն, բայց մյուս կողմից, եթե կան ակնհայտ խախտումներ և պոտենցիալ կոռուպցիոն ռիսկեր կամ թթվային դրենաժի վտանգների վերաբերյալ փաստաթղթեր, դրանց գնահատականները պետք է տրվեին: Իրականում սա շատ նուրբ հարց է, և կառավարության կողմից պիտի չարվեին գործողություններ, որ արգելվեր հանքի շահագործումն առանց իրավական հիմքերի, բայց իրավական ճանապարհով պետք է արվեին քայլեր, որ անհրաժեշտ էին»:

Հիշեցնենք, որ ՀՀ էներգետիկայի և բնական պաշարների նախարարությունը 2014 թ. «Լիդիան ինթերնեյշնլ»-ի հայաստանյան դուստր ընկերությանը հատկացրել է Ամուլսարի ոսկեբեր քվարցիտների հանքավայրի շահագործման թույլտվություն: Ջերմուկի բնակիչները և բնապահպանները, բողոքելով որոշման դեմ, նշել են, որ հանքավայրի շահագործումը շրջակա միջավայրի վրա կունենա աղետալի ազդեցություն՝ աղտոտելով թե՛ օդը, թե՛ հողը և թե՛ ջուրը, և Ջերմուկն այլևս չի կարող համարվել և գործել՝ որպես առողջարանային քաղաք: Նրանք շրջափակել են Ամուլսար տանող ճանապարհներն ու թույլ չեն տալիս, որ տարածք շինտեխնիկա մտնի, հանքը շահագործվի: ՀՀ վարչապետ Նիկոլ Փաշինյանը կոչ է արել նրանց հեռանալ տարածքից՝ հավաստելով, որ եթե «Լիդիան»-ի շահագործմամբ խախտվեն բնապահպանական չափանիշները, ընկերության գործունեությունը կկասեցվի օրենքով սահմանված կարգով: Բնապահպանները չեն ընդունում հեռանալու հորդորը՝ նշելով, որ երբ արձանագրվեն բնապահպանությանը հասցված վնասները, կարող է դրանք արդեն անվերականգնելի լինեն:

Տպել
1839 դիտում

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին