Օլիմպիական չեմպիոնին ՀՀ ընտրանի բերելն ըմբշամարտի ֆեդերացիայի համար 10 հազար շվեյցարական ֆրանկ է արժեցել

ՀՀ ըմբշամարտի ֆեդերացիան օլիմպիական չեմպիոն, աշխարհի 5-ակի, Եվրոպայի եռակի չեմպիոն Հաջիմուրադ Գացալովին ՀՀ ազատ ոճի ըմբշամարտի հավաքական տեղափոխելու համար 10 հազար շվեյցարական ֆրանկ է վճարել: Այս մասին այսօր՝ փետրվարի 7-ին, մարզիկի ներկայացմանը նվիրված միջոցառման ժամանակ հայտարարեց ՀՀ ըմբշամարտի ֆեդերացիայի գլխավոր քարտուղար Արայիկ Բաղդադյանը: Նա նշեց, որ 5 հազարը վճարվել է Ըմբշամարտի միջազգային միությանը տրանսֆերի համար, 5 հազարն էլ՝ Ռուսաստանի ֆեդերացիային, քանի որ նրանց մարզիկն է եղել: Բաղդադյանը նաեւ տեղեկացրեց, որ 37-ամյա Գացալովը ՀՀ դրոշի ներքո հանդես է գալու անվճար:

«Նրա հետ պայմանագիր չկա, նա ոչ մի գումար չի ստանում, 0 դրամ: Նրան մենք ոչ մի գումար չենք պարտավորվել, այդպիսի պայմանավորվածություն չկա, ոչ մի գումար չի ստանում»,- ասաց նա:

Ռուսաստանի հավաքականի նախկին անդամը Հայաստանի ընտրանու կազմում հանդես է գալու 97 կգ քաշային կարգում: Բաղդադյանը նշեց, որ անկախ մեծ տարիքից՝ նրա ներկայությունը կարեւոր է նախ այն պատճառով, որ Հայաստանը մշտապես խնդիրներ է ունենում ծանր քաշային կարգերում մարզիկների սակավության պատճառով, բացի այդ՝ նման փորձառու ու անվանի ըմբիշի կողքին մարզվելը շատ օգտակար կլինի հավաքականի երիտասարդների համար:

«Այս տարիքին շատ մեծ օգուտ կտա առաջին հերթին, որովհետեւ այդ քաշային կարգում մենք կաղում ենք, բոլորդ էլ գիտեք... 92-ում, 97-ում: Այսօր նրա կարգի մարզիկը, որ մեր մարզիկների հետ մարզվում է, շատ մեծ բան է: Մարզիկներ ունենք, որ նրան հեռուստացույցով կամ կայքերով են տեսել, այսօր նրա հետ մարզվում են»,- ասաց նա՝ ավելացնելով, որ Գացալովից օլիմպիական ուղեգրի ու մեդալի հույս ունի:

Ըմբիշն ինքն էլ մեծ հույսերով է միանում Հայաստանի հավաքականին: Նա շեշտեց, որ մոտիվացված ու տրամադրված է արդյունքներ գրանցելու: Ընդգծեց, որ հասկանում է, որ հարցեր կային իր տարիքի հետ կապված, սակայն ինքը պահպանել է մարզավիճակը, շնորհակալ է իրեն վստահելու համար ու ամեն ինչ կանի հույսերն արդարացնելու համար:

«Շատ շնորհակալություն, որ ընդունեցին: Շատ ուրախ եմ, հպարտ եմ եւ իմ հերթին ամեն ինչ կանեմ օլիմպիական մեդալ նվաճելու համար»,- ասաց նա:

Գացալովն օլիմպիական ոսկին նվաճել է Աթենք 2004-ում: Աշխարհի չեմպիոն է դարձել 2005, 2006, 2007, 2009, 2013 թթ., Եվրոպայի չեմպիոն՝ 2003, 2004, 2006 թթ.: Վերջին անգամ մրցաշարի է մասնակցել 2016 թ.: Ռուսաստանի առաջնությունում զբաղեցրել է 2-րդ տեղը: Այդ մրցաշարն ընտրական է եղել օլիմպիական հավաքականը ձեւավորելու համար, եւ պարտվելու պատճառով Գացալովը Ռիո 2016-ին չի մասնակցել:

Տպել
1192 դիտում

Լոռում ունենք կորոնավիրուսով վարակվածության 3 դեպք․ վարակված անձանց շփման շրջանակը պարզված է, բոլորը մեկուսացված են

Վարչապետի որոշմամբ աշխատանքից ազատվել է առողջապահական և աշխատանքի տեսչական մարմնի ղեկավարի տեղակալը

էկոնոմիկայի փոխնախարարները առցանց խորհրդակցություն են անցակացրել մարզպետարանների գյուղոլորտի պատասխանատուների հետ

Շնչո՞ւմ է, թե՞ չի շնչում․ Լուսինե Բադալյանի եւ Արսեն Թորոսյանի թեժ վեճը սոցհարթակներից ԱԺ ամբիոն է տեղափոխվել

Արցախում ընտրություններն ավարտված են. սկսվում է ձայների հաշվարկը

ՀՀ ԱԽ քարտուղարի մամլո խոսնակ Արեգ Քոչինյանն աշխատանքից ազատման դիմում է գրել

1-ին զորամիավորումում անցկացվել է պարապմունք գիշերային պայմաններում․ ՊՆ

Նիդերլանդների թանգարաններից մեկից գողացել են Վան Գոգի կտավը. Интерфакс

Ոստիկանները Բերդում ապօրինի փայտանյութով բեռնված մեքենա են հայտնաբերել

Հրդեհ է բռնկվել Անդրանիկ Մանուկյան փողոցի տներից մեկում․ ԱԻՆ

Քննարկվել են տնտեսության առանձին ճյուղերում նպատակային ներդրումային ծրագրերին օժանդակություն ցուցաբերելու քայլերը

Եվս 10 օր չի գործի ՀՀ ոստիկանության անձնագրային և վիզաների վարչությունը

ԿԳՄՍՆ-ն հորդորում է՝ չծանրաբեռնել աշակերտներին համակարգչի կամ ՏՀՏ գործիքի կիրառում պահանջող հանձնարարություններով

ՃՈ-ն 10 օրով երկարաձգել է հաշվառման-քննական ստորաբաժանումների գործունեության դադարեցումը

ՍԱՏՄ-ն Նոր Հաճնի խանութներից մեկում հայտնաբերել է ժամկետանց սննդամթերք

Թոփ 5 առաջնությունների ֆուտբոլիստների ընդհանուր արժեք 28%-ով կնվազի

Զգուշացում ոստիկանությունից. «Ֆեյսբուք»-ում հայտնվել են էջեր, որոնց միջոցով քաղաքացիներից գումար են շորթում (տեսանյութ)

ԱԺ-ն առաջին ընթերցմամբ ընդունեց զանգերի եւ տեղաշարժի մասին տեղեկությունները ֆիքսելու նախագիծը

ժամը 17:00-ի դրությամբ Արցախում ընտրություններին մասնկացել է 66,731 ընտրող

ԱԻՆ ՓԾ բուժապահովման մեքենաները 21 երթ են իրականացրել (տեսանյութ)