Աղ ցանող մեքենաները բակեր էլ չեն մտնի. այնտեղ կայանած մեքենաների տերերը բողոքում են, որ դրանց վրա աղ են ցփնում

Երեւան քաղաքի փողոցներում ձնամաքրման աշխատանքները սկսվում են ձյան տեղալուն զուգընթաց: Բակային տարածքներն ու մայթեզրերը, սակայն, մեծամասամբ շարունակում են մնալ ձնառատ, սահուն, վտանգավոր անցորդների համար: Աղ ու ավազով մշակված ձյունը, օրվա տաք ժամերին տրորվելով, խորդուբորդ սառում է գիշերը, եւ առավոտյան դժվար է անցնել մինչեւ փողոց ընկած տարածքը, պահել հավասարակշռությունն ու... վատ-վատ բաներ չմտածել:

«Հայկական ժամանակի» հետ զրույցում «Երեւանի աղբահանություն եւ սանիտարական մաքրում» համայնքային հիմնարկի գլխավոր ինժեներ Տիգրան Ոսկանյանը համաձայնեց այն դիտարկման հետ, որ աղը ցանելուց հետո օրվա տաք ժամերին հալված ու ցրտելուց հետո խորդուբորդ սառած բակերն ու մայթերը շատ ավելի վտանգավոր են դառնում հետիոտների համար. «Մենք այդ հատվածները փոքր տրակտորներով ենք մաքրում: Այդ մեքենաները կոշով ու խոզանակով են ձյունը հեռացնում, լիովին անվտանգ են դարձնում: Բայց ո՛չ բոլոր հատվածներն ենք հասցնում մաքրել: Մենք օգտագործում ենք այն փոքր տրակտորները, որ ունեն Երեւանի 12 վարչական տարածքները: Բոլորը միասին 8-10 հատ են, դրա համար էլ չենք հասցնում բոլոր տեղերը մաքրել: Հիմնականում մայթեզրերն ենք մաքրում: Իսկ փողոցները մաքրող մեծ տրակտորները մայթ մտնել չեն կարող»:

Բակային տարածքներում շաբաթ օրվանից, ըստ նրա, աշխատել են աղ ցանող մեքենաները, սակայն դրանք, ամենայն հավանականությամբ, այլեւս չեն աշխատի. բակերում կայանված մեքենաների սեփականատերերից ստացվել են մեծ թվով բողոքներ: «Վերջին օրերին Երեւան քաղաքի բակային տարածքների մաքրման հետ կապված մի նոր խնդիր կա. այնտեղ կայանած մեքենաների տերերից բողոքներ են ստացվել, որ մեր աղցան մեքենաները աղը ցփնում են նաեւ իրենց մեքենաների վրա. պատկերացրեք, նեղլիկ բակում աշխատում է մեծ մեքենա՝ կոշով, կարող է նաեւ այդպես լինել: Այնպես որ, այսուհետ, թերեւս, բակերում կաշխատենք միայն մարդկային ռեսուրսներով: Նաեւ, կարող են վթարներ լինել, որի պատասխանատուն էլի մեր վարորդները կլինեն»,- ասաց նա:

Ոսկանյանի խոսքով՝ հիմնարկի միջոցները լիովին բավարար են Երեւանի փողոցները մաքրելու, աղ ու ավազով մշակելու համար. «Ամեն ինչ ունենք: Զուտ փոքր տրակտորներն են քիչ, և, քանի որ նոր չեն, տեխնիկական խնդիրներ են ունենում, իսկ յուրաքանչյուր տեխնիկական անսարքությունը վերացնելու, մեքենան նորոգելու համար անհրաժեշտ է լինում ժամանակ: Մեր մարդկային ռեսուրսները լրիվ բավարար են առաջիկա օրերին սպասվող ձյան տեղումները դիմավորելու, բակերի բոլոր խնդրահարույց տեղերը աղով մշակելու համար, և մենք ամեն ինչ կանենք, որ Երեւան քաղաքը նորմալ երթեւեկելի լինի թե՛ վարորդների եւ թե՛ հետիոտների համար»:  

Երեւանի քաղաքապետարանի մամուլի խոսնակ Հակոբ Կարապետյանը, սակայն, վստահ է, որ պետք են թե նոր մեքենաներ և թե հավելյալ աշխատուժ: Մեզ հետ զրույցում նա նշեց, որ թեպետ նախորդ տարի քաղաքապետարանը սանմաքրման հիմնարկին գումար հատկացրեց տեխնիկայի ձեռքբերման համար, բայց թե՛ տեխնիկան եւ թե՛ մարդկային ռեսուրսները դեռեւս բավարար չեն Երեւան քաղաքի սպասարկումը պատշաճ իրականացնելու համար:

Նա ընդգծեց, որ 2009 թվականից գործում է Երեւանի ավագանու որոշումը, որով տնտեսվարող սուբյեկտները ևս պարտավոր են մաքրել իրենց առեւտրային կենտրոնների, գրասենյակների մուտքն ու շուրջը: Որոշման 19-րդ կետում կարդում ենք. «Պարտադիր բարեկարգման և մաքրման է ենթակա այն տարածքը, որը փաստացի տիրապետվում է անշարժ գույքի տիրապետողի կողմից»: Որոշման 20-րդ կետը սահմանում է պարտավորությունների եզրագիծը՝ «հատկացված կամ զբաղեցրած տարածքի պարագծից 5 մետր, կառույցից դուրս` մինչև փողոցի երթևեկելի մասի եզրաքարը»:

Բակային տարածքները մաքրելու պարտավորություն ունեն նաեւ վարչական շրջանները: «Այս պահին աշխատում ենք նոր տեխնիկա ձեռք բերելու ուղղությամբ. նաեւ, շարունակվում են բանակցությունները նվիրատուների հետ թե մայթեզրերը մաքրող փոքր մեքենաների եւ թե փոշեկուլ-մեքենաների ձեռքբերման համար: Նվիրատուների հետ բանակցություններն ուղղակի մի փոքր առկախվեցին»,- նշեց նա:

Այն հարցին, թե այս առկախումը կապ ունի՞ նախորդ նվիրատվությունների շուրջ բարձրացած աղմուկի հետ, Հակոբ Կարապետյանը պատասխանեց. «Չեմ կարող ասել, որ դա է պատճառը, բայց եւ՝ չեմ բացառում»: Նա դժվարացավ ժամկետներ նշել, թե երբ ի վերջո կլինեն այդ մեքենաները՝ հույս հայտնելով, որ դրանք հնարավորինս շուտ կկարողանան օգտագործել ձյան հալվելուց հետո մեր քաղաքացիներին նյարդայնացնող կարմիր ավազը մաքրելու նպատակով:

Տիգրան Ոսկանյանի խոսքով՝ փոշեկուլների ներկրվելուց հետո Երեւանի փողոցները կմաքրվեն այդ տեխնիկայով, կհեռացվեն տերեւների կույտերը, ավազը, փոշին, իսկ մարդկային ռեսուրսներով կմաքրվեն բակային տարածքները, և այդ պարագայում իրենց ռեսուրսները լիովին բավարար կլինեն Երևանն ամեն օր լվանալ-մաքրելու համար. «Հավաստիացնում եմ Ձեզ, քաղաքն արդեն իդեալական մաքուր կլինի»,- ընդգծեց նա:

Տպել
1495 դիտում

Վերակառուցվում է Գյումրու «Սուրբ Մարիամ» մանկապարտեզը

Պարզ վեհության, միաժամանակ խորհրդավոր պարզության քաղաք է Գյումրին. Շիրակի մարզպետ

Ավագանու «Իմ քայլը» խմբակցության նախկին անդամ Հայկ Հովհաննիսյանը հեռանում է «Քաղաքացիական պայմանագիր» կուսակցությունից

Երևանում որոշ թաղամասերում և 7 մարզում լույս չի լինի

Հրդեհ Ելփինում. այրվել է անասնակեր, անկել են կենդանիներ

Մենք երկուստեք դատապարտված ենք ունենալ հաջողութուն․ Գնել Սանոսյանն ընդունել է Անդրեա Վիկտորինին

ԱԱՏՄ տեսուչներն այսօր Շենգավիթում ուսումնասիրել են ուղևորափոխադրում իրականացնող 85 տրանսպորտային միջոց

Զինծառայողը կալանավորվել է մարտական հերթապահություն կամ մարտական ծառայություն կրելու կանոնները խախտելու մեղադրանքով

ԵՊՀ նախկին դասախոս, «Հայաստան» դաշինքի պատգամավոր Արթուր Ղազինյանն ԱԺ է գնում մոտ 100 000 դոլարանոց նոր մեքենայով․ civic

Կողբ գյուղի «Ղիասի քար» կոչվող հանդամասում մոտ 25 հա խոտածածկույթ է այրվել

Անդրանիկ Փիլոյանը և Անդրեա Վիկտորինը բարձր են գնահատել իրականցվող ծրագրերի ընթացքը

Ծնողը պիտի կոշիկ գնի երեխայի համար, բայց գումարը վատնում է տոտալիզատորի վրա. Պապոյանը՝ խաղադրույքների գովազդների մասին

Մարտական դիրքերում առանձնակի ուշադրություն է դարձվել անձնակազմի հանդերձավորմանը և սոցիալ-կենցա­ղային պայմաններին

Ժաննա Անդրեասյանն այցելել է հիմնանորոգվող ավագ դպրոցներ

Արդեն 2-րդ օրն է զոհված զինծառայողների աճյունների որոնումներն արդյունք չեն տալիս․ Արցախի ԱԻՊԾ

Իսպանիա ժամանող ՀՀ քաղաքացիները պարտավոր են ներկայացնել պատվաստման սերտիֆիկատ․ հայտնի է պատվաստանյութերի ցանկը

Ռոմանոս Պետրոսյանը հանդիպել է անտառապետությունների ու անտառտնտեսությունների շուրջ 100 ներկայացուցիչների հետ

Արցախում իրանական անձնագրերով ադրբեջանցիների առկայության մասին լուրը իրականությանը չի համապատասխանում․ ԱՀ ԱԱԾ

Արգավանդ-Շիրակ կամրջի շինարարությունն ավարտական փուլում է

Հատուկ նշանակության ստորաբաժանումները հետախուզական խմբերի հարձակողական մարտեր են վարել զորավարժությունների շրջանակում

Վաղվանից կտրվի ուսուցիչների կամավոր ատեստավորման մեկնարկը. այն կանցկացվի Երևանի 4 դպրոցներում

Գեղարքունիքի մարզում ՀՀ Անկախության տարեդարձի առթիվ հանձնվել են «Մարտական ծառայություն» մեդալներ (լուսանկարներ)

Զոհված զինծառայողների ծնողները բողոքում են Սեպտեմբերի 21-ի միջոցառումից. նրանց է հանդիպել Նաիրի Սարգսյանը

Բացահայտվել է ենթադրյալ ապօրինի ծագում ունեցող 90 անշարժ և 19 շարժական գույք, մոտ 21 մլրդ դրամի չափով գումար

«Հարսնաքար» -ի գործով ավարտվել է ևս մեկ մեղադրյալի վերաբերյալ անջատված մասի նախաքննությունը

Ովքեր են Դիլիջանի համայնքապետի թեկնածուները եւ ինչ կենսագրություն ունեն նրանք

Մհեր Արմենիայի «Ազգի ձայն» կուսակցությունը չի միանա վարչապետի հրաժարականի պահանջին

Համագյուղացու նկատմամբ սպանության փորձ կատարելու գործի նախաքննությունն ավարտվել է

Դոլարն ու ռուբլին կրկին նվազել են. ԿԲ-ն սահմանել է նոր փոխարժեքներ

Հայաստանի բանտերում գտնվող անձանցից քանիսն են աշխատում. ուղղիչ հիմնարկն ինչ է պարտավոր հաշվի առնել

Վահագն Խաչատուրյանը և Ջոն Գալլագերը քննարկել են ոլորտային համագործակցության ընդլայնման հեռանկարները

ԿԳՄՍ նախարարն ընդունել է 44-օրյա պատերազմում զոհված զինծառայողների մայրերին

Հայաստանը հոգեկան առողջության մանկական բաժանմունք ունի

Սուրենավան գյուղի մոտ տեղի ունեցած պատահարի դեպքի առթիվ հարուցված քրեական գործը կարճվել է

Արարատ Միրզոյանը հեռախոսազրույց է ունեցել Ֆրանսիայի ԱԳ նախարար Ժան-Իվ Լը Դրիանի հետ

ՏՄՊՊՀ-ն 20 տարեկան է. առաջիկա տարիներին մրցակցային քաղաքականությունը հիմնված է լինելու 4 հենասյուների վրա

Թատրոնը վերից վար խառնված է, որ անկյունը մտնում ես՝ աղբ է, լվացված չէ. Օպերային թատրոնի տնօրենի նորանշանակ պաշտոնակատար

«Մտքերի գագաթնաժողով»-ում Արմեն Սարգսյանը խոսել է 44-օրյա պատերազմի և հայկական բանակի զինվորների խիզախության մասին

Կասեցվել է Դիլիջանում ինքնակամ կառուցվող հյուրանոցի շինարարությունը․ ՔՏՀ տեսչական մարմին

Խորհրդարան, ՏԻՄ, մարզեր. Ռուսաստանում 3 օր կընթանան տարբեր մակարդակի ընտրություններ