Ազգային ժողովում քննարկվեց ՁԻԱՀ-ի կանխարգելման կենտրոնի եւ «Նորք» ինֆեկցիոն հիվանդանոցի միավորման հարցը

ՁԻԱՀ-ի կանխարգելման հանրապետական կենտրոնը «Նորք» ինֆեկցիոն կլինիկական հիվանդանոցին միացնելու դեպքում շահառուների համար ծառայությունների որակի որեւէ փոփոխություն չի լինի, միայն կմիավորվեն կառավարման մարմինները եւ բյուջեն:

Այս մասին այսօր ՀՀ Ազգային ժողովի առողջապահության եւ սոցիալական հարցերի մշտական հանձնաժողովի կազմակերպած աշխատանքային քննարկման ժամանակ նշել է Առողջապահության նախարարության գլխավոր քարտուղարի պարտականությունները կատարող Լուսինե Քոչարյանը:

Նրա խոսքով, միեւնույն է, ՁԻԱՀ-ի կենտրոնն այսօր ստացիոնար բուժում չի ապահովում, եւ հիվանդներն այն ստանում են «Նորք»-ում:

Լրացնելով Քոչարյանին՝ ԱՆ Գլոբալ հիմնադրամի ծրագրերը համակարգող խմբի ղեկավար Հասմիկ Հարությունյանը նշել է, որ ընդհանրապես աշխարհում միավորումները համարվում են արդյունավետ, իսկ մոնոպրոֆիլ հաստատությունները՝ հնացած: Դրանք առաջանում են այն դեպքում, երբ տվյալ հիվանդության բուժման ու ախտորոշման արդյունավետ մեթոդներ չկան: Այսպիսին եղել է ժամանակին ՁԻԱՀ-ի կենտրոնը, սակայն՝ ոչ այսօր:

Հարությունյանի խոսքով՝ 30 տարում ՁԻԱՀ-ի կենտրոնը բազմաթիվ դրամաշնորհային ծրագրեր է ունեցել, տարբեր կազմակերպություններից ստացել է աջակցություն, որից այսօր զրկված են ԱՆ այլ ոլորտներ: Նախարարությունը միտում ունի ամբողջ հզորությունն օգտագործել՝ ուժեղացնելով այլ ոլորտներ, օրինակ՝ բազմաթիվ սարքեր կարող են օգտագործվել այլ հիվանդությունների դեպքում եւս:

Քննարկմանը ներկա ՄԻԱՎ-ով հիվանդ անձանցից մեկը հարց է հնչեցրել՝ արդյոք հասարակությունը հավելյալ չափով իրազեկված է, որպեսզի այլ մարդիկ ՄԻԱՎ-ով վարակվածների հետ օգտվեն նույն վայրից: Հայաստանում, ըստ նրա, առկա է խտրականության բարձր մակարդակ թե՛ հասարակության մեջ, թե՛ հիվանդանոցներում:

Քոչարյանը, ի պատասխան, նշել է, որ այսպես թե այնպես այդ մարդիկ պետք է բոլոր հիվանդանոցներում առանց խոչընդոտ ստանան բուժում: «Ընդամենը կառավարիչն է փոխվելու, հաշվապահությունն է միավորվելու, բոլոր ծառայությունները մնալու են այդ շենքում, շենքը չի շարժվելու, սարքավորում չի շարժվելու, ի՞նչն է խնդիրը»,- իր խոսքում նշել է Լուսինե Քոչարյանը:

Անդրադառնալով վերջին օրերին վերոնշյալ կենտրոնի աշխատակիցների աշխատանքից ազատումներին՝ նա հավելել է, որ բժշկի ցանկացած անգործություն, որը կբերի հիվանդի վիճակի վատացմանը, հանցագործություն է:

Կենտրոնի համաճարակաբանական հսկման արդեն նախկին բաժնի վարիչ Արշակ Պապոյանը, ի պատասխան նախարարության աշխատակիցների, նշել է, որ ընդհանրապես ճիշտ չէ ՄԻԱՎ, ՁԻԱՀ-ը համեմատել այն հիվանդությունների հետ, որոնք հնարավոր է՝ բուժվեն կարճ ժամանակահատվածում:

Նա ընդգծել է, որ միավորման քողի տակ փորձ է արվում ՁԻԱՀ-ի կենտրոնի ամբողջ ունեցվածքը նվիրաբերել այլ հիվանդանոցի՝ փաստացի բերելով նրա լիկվիդացմանը: Նրա խոսքով՝ հաշվի չի առնվում կառույցի ռազմավարական նշանակությունը:

Նշենք, որ քննարկման ժամանակ ԱԺ-ի դիմաց հավաքված էին «ՁԻԱՀ կանխարգելման կենտրոն»-ի աշխատակիցները, որոնք դեմ են միացմանը, նրանք ուղիղ եթերի միջոցով լսում էին քննարկումը, միեւնույն ժամանակ՝ բողոքի ակցիա իրականացնում:

Հիշեցնենք, որ օրեր առաջ նրանց՝ ՀՀ կառավարության դիմաց իրականացրած ցույցին հետեւել էր աշխատակիցների աշխատանքից ազատման դիմումները, որոնց թիվը սկզբում 75 էր, սակայն շարունակում էր աճել:

Տպել
600 դիտում

Անցած 1 օրում Հայաստանում գրանցվել է 3 տրանսպորտային պատահար, կա 3 վիրավոր

«Վարդաշեն» ՔԿՀ-ի Պահպանության բաժնի աշխատակիցներից 5-ի մոտ ախտորոշվել է COVID-19

23:59-ից հետո անձանց տեղաշարժը ՀՀ ոստիկանությունը կսահմանափակի. հայտարարություն Արցախ մեկնելու մասին

Զինվորի ծնողը նրան բանակ ուղարկելուց հետո չպետք է ստիպված լինի հոգ տանել, որ որակյալ սնունդ ուղարկի նրան․ վարչապետ

Ցերեկային խնամքի կենտրոններում երեխայի ճանապարհածախսը կհոգա պետությունը

ՀՀ կառավարությունը հաստատեց Վանաձորի Հ․ Թումանյանի անվան պետական համալսարանի ռեկտորի ընտրության արդյունքները

Մինչեւ 18 տարեկան երեխաներ ունեցող ընտանիքներին աջակցություն կտրամադրվի․ կառավարությունը հաստատեց նախագիծը

Միանվագ աջակցություն կցուցաբերենք նաեւ օրավարձով աշխատող մեր հայրենակիցներին. վարչապետ

Արցախում բնակվող 440 միայնակ քաղաքացիներին պետությունը տրամադրում է մեկ ամսվա պարենամթերք և հիգիենիկ պարագաներ

Սիրելի՛ հայրենակիցներ, ես խնդրում եմ այդքան հանգիստ մի վերաբերվեք էս պրոբլեմին․ վարչապետ

Քաղաքացիներին վերահսկելու անհրաժեշտություն են ունենում այն կառավարությունները, որոնք չունեն լեգիտիմություն․ Փաշինյան

«Ֆլայ Արմենիա Էյրվեյզ» ՍՊԸ-ին օդանավի շահագործման վկայական չի տրամադրվել թերությունները չվերացնելու պատճառով

«Սուրբ Գրիգոր Լուսավորիչ» ԲԿ-ն ամբողջությամբ կդատարկվի եւ կծառայի որպես կորոնավիրուսի դեմ պայքարի հիվանդանոց․ Թորոսյան

Խաղաղությունը հնարավոր է այնտեղ, որտեղ դրան հավատում են. Աննա Հակոբյանը՝ ապրիլյան քառօրյայի մասին

2020 թվականի բյուջեի եկամուտները առաջին եռամսյակի տվյալներով գերակատարվել են 8.9 մլրդ դրամով․ վարչապետ

Ախտահանվում է Բագրատաշենի սահմանային կետը. ՍԱՏՄ աշխատակիցները կաշխատեն արտահագուստով

Կարծում եմ, որ Արցախում տեղի են ունեցել բարձր որակի ընտրություններ․ վարչապետ

Կառավարության անդամները 1 րոպե լռությամբ հարգեցին Ապրիլյան պատերազմի բոլոր զոհերի հիշատակը

Հայաստանում կորոնավիրուսի 92 նոր դեպք է հաստատվել. հանրագումարով՝ 663 դեպք կա

Դիլիջանի ոլորաններում ձյուն է տեղում. դժվարանցանելի են Աշոցքի և Ամասիայի միջհամայնքային ավտոճանապարհները