Իրավակիրառ պրակտիկայի գիտահետազոտական դմփդմփիկը. վարչապետը Մեղրիում խոսեց Սարգսյան-Թովմասյան ենթադրյալ գործարքի մասին

«Իմ ելույթները չեն կրկնվելու, խնդրում եմ դրանք համարել մեկը մյուսի շարունակություն»: Մեղրիի քաղաքապետարանի դիմացի տարածքում հավաքվածների առջեւ սկսելով իր ելույթը՝ հայտարարեց ՀՀ վարչապետ Նիկոլ Փաշինյանը՝ ընդգծելով, որ քարոզարշավի հնարավորությունն օգտագործելու է՝ խոսելու կուտակված բոլոր հարցերի մասին, այդ թվում՝ Արցախի, Սահմանադրական դատարանի եւ այլն:

Փաշինյանը շեշտեց նաեւ, որ վարչապետ ընտրվելուց հետո արդեն երրորդ անգամ է այդ հրապարակում, որից մեկը ընտրությունների առիթով չի եղել: Սա, ըստ նրա, նշանակում է, որ իրենք այն իշխանությունը չեն, որ ընտրությունից ընտրություն է գնում համայնքներ:

Այս քարոզարշավի իր առաջին ելույթը Փաշինյանը նվիրեց Սահմանադրական դատարանի շուրջ ստեղծված իրավիճակի նկարագրությանը:

Ընդգծելով, որ 2015-ի սահմանադրական փոփոխությունների ժամանակ բոլորը մտահոգություններ էին արտահայտում, թե այն նպատակ ունի երկարացնել Սերժ Սարգսյանի իշխանությունը՝ Փաշինյանը հիշեցրեց, որ իշխանությունները դա հերքում էին՝ ասելով, թե դա արվում է մեր երկրի ինստիտուտների կայացման համար:

Ըստ Փաշինյանի՝ ասվում էր նաեւ, որ հեղափոխական փոփոխություններ են նախատեսվում, որն ամբողջ Եվրոպան ողջունում է: Իսկ ո՞րն էր փոփոխությունների՝ հայտարարվող նպատակը. որ ՍԴ անդամին այլեւս չառաջադրի խորհրդարանական մեծամասնությունը եւ նույն մեծամասնությունն էլ ընտրի:

Գործող Սահմանադրության մեջ ՍԴ անդամ առաջադրելու հնարավորություն տրվեց ՀՀ նախագահին, կառավարությանը, դատավորների ընդհանուր ժողովին: Եթե հաշվի առնենք, որ ԱԺ-ն էլ ընտրում էր ՍԴ անդամներին, Փաշինյանի կարծիքով, ստացվում էր, որ իշխանության 4 ճյուղերը մասնակցում են Սահմանադրական դատարանի ձեւավորմանը:

Սա՝ ըստ գրվածի: Իսկ ի՞նչ ունենք իրականում: Վարչապետի համոզմամբ՝ իրականում չունենք այդ Սահմանադրությանը համապատասխանող Սահմանադրական դատարան:

«Գործող Սահմանադրությամբ 6 տարին մեկ պետք է տեղի ունենա ՍԴ նախագահի ընտրություն: Եթե լսենք իրենց մեկնաբանությունը՝ հաջորդ ընտրությունը ե՞րբ պետք է տեղի ունենա՝ 2024 թվականին: Բայց իրենք նախատեսել են, որ ՍԴ նախագահը պետք է պաշտոնավարի 2035 թվականը: Այսինքն՝ ՍԴ նախագահի 2 ընտրություն էդ մարդիկ չեղյալ են արել: Դա նույնն է, որ 2018-ին խորհրդարան է ընտրվել, հաջորդ ընտրությունը 2023-ին պետք է լինի: Հիմա մենք խորհրդարանում ձեր ձայնով ունենք մեծամասնություն: Պատկերացրեք՝ գնանք մի հատ օրենք մտածենք, ասենք՝ չէ, լավ, ժողովուրդ ջան, ընտրել եք, լավ եք արել, մինչեւ 2035 թվական ընտրություն չի լինելու, որովհետեւ իրավակիրառ պրակտիկայի գիտահետազոտական դմփդմփիկը տենց մի հատ ինչ-որ բան է նշանակում: Ես էլ մինչեւ 2035-ը պիտի վարչապետ լինեմ: Տենց բան ո՞նց կլինի»,- հարց հնչեցրեց վարչապետը՝ հավելելով, որ նախկին իշխանությունները դա եւս մտածել են.

«Անցումային դրույթներում՝ էն ամենավերջում, գրել են՝ փոքր տառերով, որ էս փոփոխությունները չեն վերաբերում էն դատավորներին, որոնք ընտրվել են հին կարգով: Բայց հանկարծ չմտածեք, թե էն հին դատավորների համար են արել, թե վա՜յ, մեր դատավորներն են, կեղծված ընտրությունները մեզ համար լեգիտիմացրել են: Դա արվել է ուրիշ բանի համար, որովհետեւ երբ որ Սերժ Սարգսյանը եւ Հրայր Թովմասյանը նստած մկրատով ոլորտները բաժանելիս են եղել, պարզ հարց է. եթե Հրայր Թովմասյանը Սերժ Սարգսյանի համար ստեղծում է հնարավորություն, որ նա ցմահ լինի ՀՀ ղեկավար, Սերժ Սարգսյանն էլ հո տենց էժան տղա չի, ջոմարդ է, պիտի ասի՝ դու էլ պիտի լինես ցմահ ՍԴ նախագահ, Հրայր ջան»:

Այնուհետեւ, ըստ Փաշինյանի, այս գործընթացն ավարտին հասցնելու համար պաշտոնավարման ավարտից ընդամենը 25 օր առաջ կազմակերպվել է ՍԴ նախագահ Գագիկ Հարությունյանի հրաժարականը, որպեսզի հասցնեն մինչ նոր Սահմանադրության ուժի մեջ մտնելը կազմակերպել Հրայր Թովմասյանին այդ պաշտոնին նշանակել:

«ԱԺ-ում նայել են, որ Հրայր Թովմասյանին պետք է ՍԴ նախագահ ընտրեին ԱԺ հերթական նիստում: Տեսել են, որ եթե Գագիկ Հարությունյանի հրաժարականը ձեւակերպեն մարտի 5-ին, չեն հասցնում մինչեւ նոր Սահմանադրության ուժի մեջ մտնելը, ԱԺ հերթական նիստով իրեն ընտրել ՍԴ նախագահ: Իրենց համար դա ի՞նչ պրոբլեմ է ո՜ր: Բռնել են, Գագիկ Հարությունյանի հրաժարականը ձեւակերպել են մարտի 2-ով, թույլ են տվել պաշտոնական կեղծիք: Այս գործով քրգործ է հարուցված՝ երկու մեղադրյալով. ԱԺ նախկին նախագահ Արա Բաբլոյանով, ԱԺ աշխատակազմի ղեկավարի նախկին տեղակալ Արսեն Բաբայանով գնացել է դատարան, դատարանը կորոշի»,- ասաց Փաշիինյանը:

Այսպիսով, ըստ վարչապետի, նոր Սահմանադրության ուժի մեջ մտնլուց 19 օր առաջ Հրայր Թովմասյանն ընտրվել է ՍԴ նախագահ, եւ մինչեւ 2035 թվականը Հայաստանը զրկվել է երազանքի ՍԴ ունենալուց:

«Այսինքն՝ իրենց տրամաբանությամբ մենք պետք է ունենանք Սահմանադրության մեջ գծագրված ՍԴ, բայց էդ ՍԴ-ն պիտի չունենանք: Պատկերացնո՞ւմ եք՝ ունենանք Սահմանադրություն եւ չունենանք իրականություն: Եվ մեր պրոբլեմը, դեռ ընդդիմադիր ժամանակներից եմ ասել, հենց դա է, որ մեր Սահմանադրության մեջ գրված է մի բան, իրականության մեջ այլ բան է»,- ասաց վարչապետը՝ հավելելով, որ հեղափոխության ամենակարեւոր առաքելություններից մեկն այն է, որ մենք հիմա քայլ-քայլ Հայաստանում Սահմանադրության մեջ գրածը պիտի դարձնենք իրականություն:

Փաշինյանը հիշեցրեց, որ դա արդեն տեղի է ունեցել ընտրությունների պարագայում, երբ 2018-ի խորհրդարանական ընտրություններից սկսած՝ ՀՀ-ում չի եղել նույնիսկ մեկ գյուղապետի ընտրություն, որ կասկածի տեղիք տված լինի:

«Ասում են՝ իշխանությունը պատրաստվում է կեղծիքների մեխանիզմների: Հիշո՞ւմ եք՝ Սերժ Սարգսյանի հետ բանավեճի ժամանակ ասում էի՝ դուք չեք հասկանում՝ ինչ է կատարվում Հայաստանում, ծիծաղում էր: Հիմա էդ մարդիկ չեն հասկանում՝ Հայաստանում ինչ է կատարվել: Ես ասել եմ՝ երկու ձեռքերս կկտրեմ, թույլ չեմ տա Հայաստանում արժանապատիվ, հպարտ քաղաքացու ձայնը որեւէ մեկը կեղծի: Եվ կեղծողի ձեռքերն առավել եւս կկտրեմ»:

Փաշինյանը կրկնեց իր այն միտքը, որ իրենք իրենց իշխանությունը երկարաձգելու խնդիր չունեն, եւ երբ ՀՀ քաղաքացին կորոշի, որ անձամբ ինքը պետք է գնա, ուրիշ գործով զբաղվի, ինքը կգնա եւ ուրիշ գործով կզբաղվի:

Վերադառնալով Սահմանադրական դատարանին՝ Փաշինյանն ասաց, որ իր քաղաքական գնահատականը հետեւյալն է. գործող Սահմանադրական դատարանը քոչարյանասերժական իշխանության վերջին մնացորդն է, եւ էդ մնացորդից ՀՀ ժողովուրդը պետք է ապրիլի 5-ին ազատվի:

«Ես ասացի, որ չեմ խառնվի դատական համակարգին, ու էդ մարդիկ ասում են, որ գործող ղեկավարը կանտրոլ չի անում դատական համակարգին, մենք անենք: Խելքին աշեցեք սրանց: Այո՛, եւ էդ անտեսանելի ձեռքերը նույնպես պետք է կտրենք այս սահմանադրական հանրաքվեով: Դրանց բոլորի շոշափուկները՝ իրենց կեղտոտ ձեռքերով, որ ուզում են Հայաստանը հետ գլորեն դեպի կոռուպցիայի, բեսպրեդելի, հուսահատության, օլիգարխիայի, հաստագլուխների ժամանակները, էդ անտեսանելի ձեռքերը պետք է կտրենք: Բայց դա ես չեմ որոշում, դա դուք եք որոշում…Ասում են՝ ձեզ տվել ենք իշխանություն, գնացեք լուծեք: Ո՛չ, իշխանությունը մերը չէ, իշխանությունը ժողովրդինն է: Էնքան են խճճել, սահմանադրական տեքստերը, ենթատեքստերը, միջազգային հարթակներում էնքան են խառնակչություն արել: Հետո վազում են, Եվրոպայի միջանցքներում սկսում են լացել, թե բա մեզ ճնշում են Հայաստանում, եվրոպացիներ ջան: Եկեք ձեր ժողովրդին ասեք, հլը դուրս եկեք փողոց ժողովրդին ասեք: Ընդհակառակը, էսօր ժողովուրդը մեզ մեղադրում ա, ասում ա՝ ոնց որ շատ եք նեյնիմ-նեյնիմ անում, էդ կարո՞ղ ա բան ա եղել: Ժողովուրդ ջան, ՀՀ-ում պետք է բոլոր ինստիտուտները 100 տոկոսով համապատասխանեն Սահմանադրությանը՝ ընտրական ինստիտուտը, խորհրդարանը, կառավարությունը պետք է համապատասխանեն սահմանադրությանը: Մենք ունենք ռազմավարություն, թե ինչպես իրականացնենք դատաիրավական բարեփոխումները: ՍԴ-ն վերջին ինստիտուտն է, որ պետք է համապատասխանեցնել»,- հայտարարեց Փաշինյանը՝ խնդրելով եւ կոչ անելով ապրիլի 5-ին գնալ տեղամասեր եւ գործող ՍԴ-ին ուղարկել տուն, ազատել աշխատանքից:  

Ելույթի ավարտին Փաշինյանն ընթերցեց հանրաքվեի առիթով գրած բանաստեղծությունը:

Տպել
1916 դիտում

Օմանի նորին մեծություն սուլթանը շնորհավորել է Հայաստանի նախագահին, հայ ժողովրդին մաղթել բարգավաճում

Մենք հայ-ամերիկյան հարաբերությունների դրական ապագա ենք տեսնում. ՀՀ-ում ԱՄՆ դեսպան

Անկախ պետականության վերականգնումը մեր ամենամեծ ձեռքբերումն է, մեր հպարտության անսպառ աղբյուրը. Հայկ Մարությանի ուղերձը

Ջանք չենք խնայելու Մինսկի խմբի համանախագահության շրջանակում հակամարտության տևական լուծում գտնելու համար. Մակրոնի ուղերձը

Դժվարություններն անցողիկ են, իսկ հայկական անկախ պետականությունը՝ մնայուն. ՀՀ փոխվարչապետի ուղերձը

Անկախությունը եղել է ու կա մեր ընտրությունը, որի վրա 30 տարի պետականություն ենք կառուցում. ԱԺ նախագահի ուղերձը

Պետք է կարողանանք գլուխներս բարձր և մեջքներս ուղղած դուրս գալ ստեղծված իրավիճակից և շարժվել առաջ. նախագահի ուղերձը

Պետականաշինության, հայրենակերտումի դժվարին ուղի անցավ մեր ժողովուրդը. Ամենայն հայոց կաթողիկոսի ուղերձը

Անկախության տոնի կապակցությամբ Թբիլիսիի հեռուստաաշտարակը լուսավորվել է Հայաստանի դրոշի գույներով

Պետական բարձրաստիճան պաշտոնյաներն այցելել են Եռաբլուր զինվորական պանթեոն

Այս երեսնամյա անկախության ճանապարհը հնարավոր եղավ հայ ժողովրդի լավագույն զավակների անձնվիրության շնորհիվ. ԱՀ նախագահ

Անկախ Հայաստանն այսօր դառնում է 30 տարեկան

Ստուգվել են եռամսյա վարժական հավաքներում ընդգրկված պահեստազորայինների սոցիալ-կենցաղային պայմանները

Երևանում կայացել է «Armenian Business Forum» գործարար համաժողովը

ՔՈԱՖ-ն ու ԱՄԱԱ-ն նոր զարկ են տալիս Լոռու մարզում կաթնամթերքի արտադրությանը

Վաղը միջոցառմանը մասնակցելու նպատակով Ագարակ քաղաքից բնակիչներին տեղափոխող միկրոավտոբուսներ կշարժվեն Մեղրի

Արամ Առաջինը պատգամ է հղել Հայաստանի Հանրապետության անկախության 30-ամյակի առթիվ

Եթե վաղը չհաջողվի լինել Հանրապետության հրապարակում, ժամը 21։20-ից հայացքն ուղղեք դեպի Հրապարակի երկինք․ Հարությունյան

Հետախուզական խմբերը հարձակողական մարտ են վարել (լուսանկարներ)

«Արևիկ» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Վարչապետը ցավակցական հեռագիր է հղել Անահիտ Թոփչյանի մահվան կապակցությամբ

ԱԹՍ փորձակայանում տեղի է ունեցել «Հաւք 2021» ԱԹՍ առաջին մրցույթը, մասնակցել է 27 թիմ

Նիկոլ Փաշինյանը ցավակցական հեռագիր է հղել ՀՀ ժողովրդական արտիստ Ժենյա Ավետիսյանի մահվան կապակցությամբ

Բախվել են Ոսկեվազ-Երևան երթուղին սպասարկող ГАЗель-ն ու Nissan X-Trail-ը, կան վիրավորներ. shamshyan.com

Նիկոլ Փաշինյանը ցավակցական հեռագիր է հղել Վլադիմիր Պուտինին

2022-ին կապիտալ ծախսերի ծավալը կլինի աննախադեպ. վարչապետը մասնակցել է Հայկական գործարար ֆորումի բացման արարողությանը

Առաջիկա օրերի եղանակի կանխատեսումը

Կայացել է Արցախի Հանրապետության և Հայաստանի Հանրապետության հռչակման 30-րդ տարեդարձին նվիրված միջազգային գիտաժողովը

Նախագահ Սարգսյանը ցավակցել է Հայաստանի ժողովրդական արտիստուհի Ժենյա Ավետիսյանի մահվան կապակցությամբ

Տիտանից աճեցված առաջին պրոթեզները՝ վիրավոր զինվորին․ Ջումայանը ներկա է գտնվել «Հիբրիդ» լաբորատորիայի բացմանը

Armenia Business Forum-ի բացման ելութում Գրիգորյանը կարևորել է թվայնացման և նորագույն տեխնոլոգիաների դերը մեր կյանքում

Հրդեհ է բռնկվել Եղեգնավան գյուղի տներից մեկի տանիքում

Գյումրու «Շիրակ» օդանավակայանից մեկնարկել են Մոսկվա-Գյումրի-Մոսկվա երթուղով չվերթները

Լիահույս եմ, որ մեր բարեկամության ավանդական կապերը կշարունակեն ամրապնդվել. Եգիպտոսի նախագահի շնորհավորական ուղերձը

Ուսապարկերով ջուրը հրդեհի օջախներ է հասցվում. «Արևիկ» ազգային պարկում հրդեհաշիջումը շարունակվում է (տեսանյութ)

30 տարի առաջ Լիտվան առաջինն էր, որ ճանաչեց ՀՀ անկախությունը. Անկախության օրվա առթիվ շնորհավորել է Լիտվայի նախագահը

L’Œuvre d’Orient-ը պահանջում է Լեռնային Ղարաբաղին վերադարձնել ողջ պատմական տարածքը՝ ապահով սահմաններով. Արցախի ՄԻՊ

ԱՀ նախագահի մեդալներով են պարգևատրվել արարատցի զինծառայողները. անմահացած տղաներինը հանձնվել են ծնողներին (լուսանկարներ)

Զոհված և անհետ կորած համարվող զինծառայողների աճյունների որոնողական աշխատանքներն այսօր Հադրութում արդյունք չեն տվել

Հակակոռուպցիոն կոմիտեն ինչով է տարբերվում ՀՔԾ-ից, ինչ գործառույթ է իրականացնելու. մանրամասնում է ՀՔԾ-ի բաժնի պետը