Կորոնավիրուսն այնքան վարակիչ չէ, որքան կարմրուկը․ Լենա Նանուշյան

Հայաստանը մինչեւ այս շաբաթվա վերջ կունենա կորոնավիրուսի նոր ենթատեսակը հայտնաբերող 5000-ից ավելի լաբորատոր թեստեր։ Դա բավարար կլինի՝ ստուգումներն իրականացնելու համար, սակայն չի նշանակում, որ ՀՀ առողջապահության նախարարությունն աշխատանքներ չի տանում նոր թեստեր ձեռք բերելու ուղղությամբ։

Այս մասին այսօր լրագրողների հետ զրույցում նշել է առողջապահության փոխնախարար Լենա Նանուշյանը՝ հավելելով, որ այդ աշխատանքներն ամենօրյա ռեժիմով շարունակվում են։

Անդրադառնալով վերջին օրերին շատ քաղաքացիների այն պնդմանը, թե իրենց չեն թեստավորվում, մինչդեռ դիմել են՝ նշել է, որ դրա համար հիմք է ընդունվում միջազգային համագործակիցների կողմից ներկայացված ուղեցույցը։ Ըստ այդմ՝ թեստավորվում են բոլոր այն մարդիկ, որոնք ունեն կլինիկական ախտանշաններ՝ տաքություն, հազ, դժվարացած շնչառություն եւ վերջին շրջանում եղել են այն երկրներում, որտեղ կա վիրուսի տեսանկյունից համաճարակային լարված իրավիճակ։ Բացի այդ, բոլոր այն անձինք, որոնք վերջին շրջանում սերտ շփում են ունեցել հաստատված հիվանդի հետ եւ ունեն ախտանշաններ։

Փոխնախարարը հավելել է, որ սերտ շփում ունենալը դեռեւս չի նշանակում, որ տվյալ անձը պարտադիր պետք է վարակված լինի․ «Կորոնավիրուսի վարակի տարածվածությունն այնքան բարձր չէ, որքան կարմրուկինը, վարակելիությունը գրեթե հավասար է գրիպի վիրուսի հետ»։

Այս դեպքում կարեւոր է հիվանդի հետ շփված անձանց ինչքան հնարավոր է վաղ հայտնաբերելը, որպեսզի ընդհատեն վիրուսի տարածման շղթան։

Նանուշյանի խոսքով՝ Հայաստանում կորոնավիրուսով վարակված անձանցից նրանք, ովքեր այժմ թոքաբորբով հիվանդ են, միջին տարիքի են, նրանց վիճակը բավարար է, գտնվում են բժիշկների հսկողության ներքո, ստանում սիմպտոմատիկ բուժում։ Նա հավելել է, որ մնացած վարակվածները հիմնականում անախտանիշ են կամ ընթացքում ունենում են թեթեւ ջերմություն։

Լրագրողի հարցին ի պատասխան՝ Նանուշյանը նշել է, որ այս օրերին ԱՆ-ի կողմից մշակվել են ուղեցույցներ հյուրանոցների եւ այլ կառուցների համար, որտեղ ներկայացված է, թե ինչպիսի աշխատանքներ պետք է կատարեն աշխատակիցները թե՛ անձնակազմի շրջանում, թե՛ հյուրեր ունենալու պարագայում։   

Այս ամենը վերաբերում է նաեւ հասարակական, քաղաքային եւ միջմարզային տրանսպորտի ախտահանմանը։ Լրագրողի դիտարկմանը՝ որքա՞ն արդյունավետ է այն կատարվում, փոխնախարարը նշել է, որ իրենց հիմնական գործառույթը քաղաքականության մշակումն է, որն իրականացնում են, սակայն վերահսկողական գործառույթ չունեն, դրանք այլ մարմիններ են կատարում, թեեւ ԱՆ-ն սերտ աշխատում է բոլոր գետատեսչությունների հետ։

Նանուշյանն ընդգծել է, որ շարունակ կապը պահպանվում է Առողջապահության համաշխարհային կազմակերպության եւ այլ միջազգային կազմակերպությունների համագործակիցների հետ, ինչպես նաեւ ՀՀ գերատեսչությունների։ Վիրուսի մասին նոր տեղեկատվություն ստանալու դեպքում փորձում են այն նաեւ այստեղ կիրառել։

Դեռեւս երեկ խոսվեց նաեւ կամավորների հավաքագրման մասին։ Նանուշյանի խոսքով՝ վերջին օրերին իրենց շատ քաղաքացիներ են դիմել՝ օգնելու նպատակով, այդ պատճառով կազմակերպվել է նախեձեռնությունը․ «Վարակին զուգընթաց հասկանում ենք, որ ունենք դրա կարիքը»։

 

Տպել
755 դիտում

«Նորք»-ի վերակենդանացման բաժանմունքում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել