Օժանդակություն հիվանդանոցներին, սննդի 200 փաթեթ՝ շահառուներին. ՇԹ Սոցիալ-կրթական կենտրոնն արտակարգ գրաֆիկով է աշխատում

Շիրակի թեմի Սոցիալ-կրթական կենտրոնն արտակարգ դրության պայմաններում հենց արտակարգ ռեժիմով էլ աշխատում է: Նախադպրոցականներ, դպրոցականներ, դեռահասներ ու տարեցներ. շահառուների ոչ մի խումբ ուշադրությունից դուրս չի մնացել: Կենտրոնի տնօրեն Կարինե Գյադուկյանը ՀԺ-ի հետ զրուցում ասաց՝ բոլորին նյութական օգնությունից սկսած՝ մինչև հոգեբանական աջակցություն ցուցաբերվում է: Մայր Աթոռի ֆինանսական աջակցությամբ, պետության սահմանած չափորոշիչներին համապատասխան՝ 200 շահառուի արդեն տրամադրվել են սննդի փաթեթներ՝ ալյուր, շաքարավազ, ձեթ, նպարեղեն, ընդեղեն, մսի պահածոներ: Փաթեթներում հիմնականում չփչացող և առաջնային անհրաժեշտության մթերք է ներառնված:

«Ինչքան մեր ուսումնասիրություններն են ցույց տալիս, նաև իմ համոզմունքն է, որ մարդկանց մոտ այս պահին ավելի շատ անհանգստությունն է, քան իրական մեծ կարիքը: Հիմա չենք կարող ասել, թե ընտանիքներին մեր տրամադրած սնունդն իրենց ունեցածի հետ ինչքան ժամանակ կհերիքի: Սա ավելի շատ լրացուցիչ ապահովություն է տալիս մարդուն, որ ինքը սոված չի մնա: 12,400 դրամ արժողությամբ մթերք կա յուրաքանչյուր փաթեթում»,-ասաց Գյադուկյանը:

Մայր Աթոռի աջակցությունից զատ, սննդի 50 փաթեթ էլ եկեղեցու բարերարներ Արմեն և Հովհաննես Տոնոյաններն են նվիրել: Աջակցությունից օգտվել են սոցիալ-կրթական կնետրոնի շահառու ընտանքիներն ու թեմի քահանաներին դիմած կարիքի մեջ գտնվողները, նաև այն ընտանիքները, որոնց մասին քահանաներն են եղել իրազեկ:  

«Քանի որ Սոցիալ-կրթական կենտրոնի հիմնական ուղղվածությունը միայնակ տնտեսվարող կանանց հզորացմանն է ուղղված, և այսօր այդ հատվածը կարծես թե դուրս է մնացել այլ կազմակերպությունների և բարերարների ուշադրությունից, մենք շեշտը դրել ենք հենց միայնակ տնտեսվարող կանանց օժանդակելու, նրանց օգնելու վրա»,- նշեց կենտրոնի տնօրենն ու ընդգծեց՝ ցուցակներն ուղարկել են մարզպետարան, ճշտել, համեմատել են արդեն օժանդակություն ստացած ընտանիքների ցուցակների հետ, որպեսզի կրկնությունները բացառվեն:

Ըստ պատասխանատուի՝ սա մեկ նպատակով է արվել, որպեսզի օգնությունը լինի նպատակային, և հնարավորինս շատ ընտանիքի հոգս մի փոքր թեթևանա: Տրամադրված օգնությունը եղել է միանվագ, սակայն այս պահին սպասում են արտերկրի գործընկերների արձագանքին՝ հնարավոր նոր աջակցության ծրագրի ակնկալիքով:

Մինչ այդ շարունակում են աշխատանքն այլ ուղղությամբ: Գյումրու «Ավստրիական մանկական հիվանդանոց»-ին եւ Ինֆեկցիոն հիվանդանոցին Շիրակի թեմի Սոցիալ-կրթական կենտրոնը տրամադրել է ծածկոցներ, վերմակներ, Ինֆեկցիոնին՝ նաև հավելյալ անկողնային այլ պարագաներ՝ բարձեր ու սպիտակեղեն: «75 հատ էին ուզել իրենք, 35-ն արդեն տվել ենք, մնացածը մինչև շաբաթվա վերջ ենք տրամադրելու»:

Այս պահին Մայր Աթոռի աջակցությամբ կենցաղային օգտագործման 5000 դիմակ են կարում: Նաև շարունակում են իրենց հիմնական աշխատանքն օնլայն հարթակում շահառու խմբերի հետ: Մեզ հետ զրույցում կենտրոնի տնօրենն ընդգծեց՝ շահառուները հիմնականում խնդիրներ ունեցող երեխաներ ու դեռահասներ են, որոնք 4 պատի մեջ փակված են մնացել և կանգնել լուրջ խնդիրների առաջ: Նրանց հետ անընդհատ կապի մեջ են հոգեբանը, սոցմանկավարժն ու սոցիալական աշխատողը: Աշխատանքներ են տարվում նաև ծնողների հետ. «Խնդիրները շատ տարբեր են, նախադպրոցական հասակից սկսած շահառուներ ունենք: Իրենք զբաղվածության դժվարություններ ունեն, դպրոցականների մոտ հեռավար կրթության հետ կապված գիտելիքների բաց կար, որն ամեն օր մեր մասնագետները լրացնում են, օգնում են և՛ ծնողներին, և՛ երեխաներին, որ կարողանան այդ ծրագրերից օգտվել, նաև ծնողներ կան, որ դժվարանում են ընդգրկվել պետական աջակցության ծրագրերում, ստուգում ենք տվյալները, բացատրում, թե ինչպես են օգտվելու պետական աջակցությունից»:

Եթե այս խմբերի հետ օնլայն շփումն արդեն կարգավորված է, նույնը չի կարելի ասել տարեցների մասին: Տատիկ-պապիկներին ուշադրության կենտրոնում են պահում ամենօրյա հեռախոսազանգերի միջոցով, ճշտում՝ ինչ կարիք ունեն, ինչ դժվարություն, ինչպես են: Այլ տարբերակ չկա, բայց մեկ ընդգծում ունի կենտրոնի տնօրենը՝ հասարակության ամենակենսուրախ, չընկճվող, չնահանջող հատվածը հենց տարեցներն են:

Տպել
1237 դիտում

ՀՀ նախագահը Վերաքննիչ դատարանում 3 դատավորների նշանակման մասին հրամանագրեր է ստորագրել

Արամը սա էլ կհաղթահարի. արդեն ութ ամիս հիվանդանոցում գտնվող երիտասարդը արտերկրում բուժման կարիք ունի

Մհեր Գրիգորյանը նոր խորհրդական է նշանակել ու նրան գործուղել ԱՄՆ

Արթուր Բազեյանը նաև ճանաչվել է Եվրոպայի առաջնության լավագույն բռնցքամարտիկ

Ուրախ կլինեմ շարունակել համատեղ աշխատանքները. Էմանուել Մակրոնը շնորհավորել է Նիկոլ Փաշինյանին

Հալաբյան փողոցում գիշերն ապամոնտաժվել է հերթական ապօրինի կառույցը

Արժույթները նվազել են. Կենտրոնական բանկը սահմանել է նոր փոխարժեքներ

Երևանում ու 6 մարզերում էլեկտրաէներգիայի մինչև 6-ժամյա անջատումներ կլինեն

ԱՄՆ-ն ու Թուրքիան բանակցում են Քաբուլի օդանավակայանի պաշտպանությունը թուրքերին հանձնելու հարցով

Հրդեհ Մասիս քաղաքի աղբավայրում. մեկնել է 3 հրշեջ խումբ

Ստեփանակերտում այսօր 7 ժամ ջուր չի լինի

Հաղթանակ՝ նոկաուտով. բռնցքամարտիկ Արթուր Բազեյանը հռչակվել է Եվրոպայի չեմպիոն

Բրյուսելում մեկնարկել է Եվրամիության երկօրյա գագաթնաժողովը. քննարկվող թեմաները հայտնի են

3 բուհի խորհուրդների ձեւավորման ընթացքը կանգ է առել. նախարարությունը սպասում է Սահմանադրական դատարանի որոշումներին

Ռոսաստանի Գվարդիայի ուղղաթիռը կործանվել է․ երեք հոգուց բաղկացած անձնակազմը զոհվել է

ՄԻՊ-ը Ադրբեջանի նախագահի և Թուրքիայի առաջին տիկնոջ միջև խոսակցության տեսանյութն ուղարկել է ԵՄ բարձրագույն ղեկավարությանը

Թամանյանական ոճով կառուցված Հայթաղ համայնքի մշակույթի տունն առաջին անգամ կվերանորոգվի

Քննարկվել են Հայաստանում պղնձի արտադրությանը վերաբերող հարցերը

Ռուսաստանի եւ Թուրքիայի նախագահները քննարկել են Լեռնային Ղարաբաղի շուրջ ստեղծված իրավիճակը

Խնդրում եմ զերծ մնանք բնության հաշվին կոնկրետ ոլորտ զարգացնելուց. Պետրոսյանը՝ «Sevan Startup Summit 2021»-ի մասին

Դատախազությունն արձագանքել է Չարչյանի հարցով հանրությանն ակնհայտ մոլորության մեջ գցելուն միտված անհիմն պնդումներին

Արտաշատի քաղաքային մարզադաշտում աթլետիկայի վազքուղի կկառուցվի

Քանաքեռավան գյուղում այրվում է խոտածածկ տարածք․ հայտարարվել է հրդեհի բարդության «1-Բիս» կանչ

Վարանդայի (Ֆիզուլի) շրջանում ևս մեկ աճյուն է հայտնաբերվել

Պարույր Սևակ գյուղի մոտակայքում այրվել է մոտ 60 հա խոտածածկ տարածք

«Իզմիրլյան» ԲԿ-ի աշխատակիցները ցուցմունք են տվել, Չարչյանը շարունակում է մնալ հիվանդանոցում. պաշտպան

Հայաստանում ընտրության արդյունքներից դժգոհները իրենց չարացածությունը փորձում են պարպել Ստեփանակերտում. քաղաքագետ

Երեւանում կտեղադրվի System of a Down (SOAD) խմբի անդամների քանդակը

ԿԸՀ-ն վերահաշվարկել է եւս 16 տեղամասերի քվերակության արդյունքները

Նիկոլ Փաշինյանը հանդիպել է «Տաշիր» ընկերությունների խմբի նախագահ Սամվել Կարապետյանի հետ

Գործարկվելու է Դողս համայնքի շչակը

Փողոցում վաճառվող ծիրանից թունավորումներ են լինում. թաղապետարանի աշխատողները Մաշտոցի պողոտայից հանում էին առևտրականներին

«Ինչո՞ւ չեք պահպանում Կեսարիայի Սուրբ Թորոս հայկական եկեղեցին». Փայլանը՝ թուրք նախարարին

Ռուսաստանում ԱՄՆ դեսպան Ջոն Սալիվանը վերադարձել է Մոսկվա

Թռչունյանը ամերիկյան համալսարանում ծանոթացել է բուհի գործունեությանը, նյութատեխնիկական բազային ու հնարավորություններն

Նախարարությունը զոհված զինծառայողների նույնականացված մարմինների հուղարկավորության վերաբերյալ հանդես կգա հայտարարությամբ

Մայր Աթոռը պնդում է, թե Արմեն Չարչյանին առաջադրված մեղադրանքները անհիմն են և պահանջում անհապաղ ազատ արձակել նրան

Մոլդովական փողոցում իրականացվել են ապօրինի զավթած հողամասերի ցանկապատերի ապամոնտաժման, տարածքի մաքրման աշխատանքներ

Աթենքում 37-ամյա քահանան ազոտաթթուն լցրել է 7 եպիսկոպոսների վրա

«Ծիծեռնակաբերդ» զբոսայգու տարածքում իրականացվել է հսկվող այրում (տեսանյութ)