Եվրոպայում մասսայաբար թուլացնում են կարանտինը. աշխարհը մոտենում է վարակակիրների 5 միլիոն թվին

Այսօրվանից եվրոպական մի շարք երկրներ շարունակում են թուլացնել կորոնավիրուսային համաճարակով պայմանավորված սահմանափակումները:

Ջոն Հոփքինսի անվան ամերիկյան համալսարանի տեղեկություններով, ամբողջ աշխարհում կորոնավիրուսով վարակվածների թիվը գերազանցում է արդեն 4,7 միլիոնը, մահացել է ավելի քան 315 հազար մարդ:

BBC-ն ներկայացնում է իրավիճակը աշխարհի մի շարք երկրներում:

Մասավորապես Իտալիայում այսօրվանից աշխատում են բարերը, սրճարաններն ու վարսավիրանոցները: Այդ բոլոր ոլորտների աշխատակիցները պարտադիր հաճախորդների հետ պետք է պահպանեն 1 մետր հեռավորություն եւ սպասարկեն միայն դիմակներով:

Իտալիան եվրոպական այն երկրներից է, որը չափազանց շատ է տուժել կորոնավիրուսի համաճարակից: Այստեղ վարակից 2 հազար մարդ է մահացել: Իտալիայի ՀՆԱ-ն, վերջին կանխատեսումների համաձայն, այս տարվա ցուցանիշներով անկում է ապրում մոտ 10 տոկոսով:

Եվրոպական շատ երկրների նման, Իտալիան հաղթահարել է կորոնավիրուսի պիկը՝ շնորհիվ մարտից գործող խիստ կարանտինային միջոցառումների: Այս կիրակի երկրում գրանցվել է ամբողջ մայիս ամսվա ընթացքում մահացությունների ամենացածր ցուցանիշը՝ 145 դեպք: Համաճարակի պիկին՝ մարտի 27-ին, իտալական հիվանդանոցներում մահերի թիվը գերազանցել էր 1 օրում 900-ի ցուցնիշը:

Իտալիայում եւ Վատիկանում կաթոլիկ եկեղեցիները պատրաստվում են վերսկսել աշխատանքների՝ սոցիալական հեռավորություն պահպանելով: Երկուշաբթի Սուրբ Պետրոսի տաճարն իր դռներն է բացել այցելուների առջեւ: Հռոմի Ֆրանցիսկոս պապը երկուշաբթի օրը կատարել է իր առաջին պատարագը՝հասարակության ներկայացուցիչների ներկայությամբ:

Կարանտինը կամաց-կամաց թուլացնում են Իսպանիայի որոշ շրջաններում: Երկիրը բաժանված է գոտիների, իսկ կարանտինը հանվում է փուլերով՝ տարբեր տարածաշրջաններում տարբեր արագությամբ:

Անցյալ շաբաթվանից ի վեր երկրի մեծ մասը մտել է կարանտինային միջոցառումների թուլացման «առաջին փուլ»՝ մինչև 10 հոգանոց խմբերով թույլատրվում է հավաքվել՝ դիմակների առկայության եւ հեռավորության պահպանման պայմաններում: Կինոթատրոնները, թատրոններն ու թանգարանները գործում են որոշակի սահմանափակումներով: Իսկ ահա իսպանական որոշ կղզիներ մտնում են կարանտինային միջոցառումների թուլացման «երկրորդ փուլ», երբ թույլատրվում է հանդիպել 15 հոգանոց խմբերով եւ բացվում են խոշոր առեւտրի կետերը:

Բարսելոնայում, մայրաքաղաք Մադրիդում եւ երկրի հարավարեւմտյան շրջաններում գրեթե բոլոր սահմանափակումները մնում են ուժի մեջ: Այդ շրջանները դեռ ոչ մի փուլում ընդգրկված չեն, սակայն այսօրվանից այնտեղ կբացվեն ոչ մեծ խանութներն ու կթույլատրվի հուղարկավորության արարողություններն անցկացնել մարդկանց մասնակցությամբ:

Բելգիայում կբացվեն տարրական եւ միջին դպրոցները՝ մեծ թվով սահմանափակումներով: Երկրում պահպանվում է կորոնավիրուսով պայմանավորված մահվան դեպքերի՝  համեմատաբար մեծ ցուցանիշը:

Հունաստանում եւս բացվել են տարրական դպրցները, Աթենքի Ակրոպոլիսն ու Հունաստանի բոլոր հնագիտական հուշարձանները: Դրանք փակված էին կորոնավիրուսի համաճարակի պատճառով՝ արդեն ավելի քան 2 ամիս:

Երկրի նախագահ Կատերինա Սակելլարոպուլոն, պահպանելով անվտանգության բոլոր միջոցառումները, առաջինն է այցելել Ակրոպոլիս՝ Աթենքի բլրի վրա կառուցված Հին Հունաստանի տաճարների հանրահռչակ համալիր:

Ռուսաստանում կորոնավիրուսն այցելեց ավելի ուշ, քան եվրոպական մյուս երկրներ, սակայն այժմ այն գտնվում է Covid-19-ից վարակվածության պիկում, թեպետ այսօր, վերջին 1 ամսում առաջին անգամ, գրանցվել է վարակի 9 հազարից ավելի քիչ դեպք:

Ռուսաստանում, Ջոն Հոփքինսի անվան համալսարանի տվյալներով ՝ համաճարակի սկզբից ի վեր հաստատվել է Covid-19 վարակի 290 հազար դեպք, սա աշխարհում երկրորդ ցուցանիշն է՝ ԱՄՆ-ից հետո եւ Մեծ Բրիտանիայից առաջ: Այնուամենայնիվ, վարակի կտրուկ աճը, ինչպես ասում են, կարող է լինել տեխնիկական. Ռուսաստանում վերջին շաբաթներին ամեն օր ավելի ու ավելի շատ քանակությամբ Covid-19- ի թեստավորումներ են իրականացնում:

Բրիտանական Քինգի քոլեջի գիտնականները պնդում են, որ կազմել են կորոնավիրուսային ախտանիշների ամենաընդարձակ ցուցակը ՝ օգտագործելով հատուկ ծրագիր:

Կրառելով քոլեջի կողմից մշակված հատուկ հավելվածը, գիտնականները հավաքել էին ախտանիշի տվյալները միլիոն ու կես բրիտանացիներից , որոնք գանգատներ ունեին Covid-19- ի նախանշաններից: Հետազոտողները ասում են, որ բժիշկներին հայտնի են վիրուսի ոչ բոլոր ախտանիշները, իրենք բացահայտել են այդպիսի 14 նոր ախտանիշ, որոնցից են, օրինակ, քնկոտությունը, հետքերի ու բծերի հայտնվելը  ձեռքերին ու ոտքերին:

Չինաստանի պաշտոնական ներկայացուցիչ Չժաո Լիցզյանն այսօր մեկնաբանել է պահանջն այն մասին, որ համաճարակի բռնկման մասին միջազգային հետաքննություն պետք է տարվի: Պահանջը պաշտոնապես ներկայացրել է Ավստրալիան: Նախօրեին Ավստրալիայի պահանջին աջակցել եւ դրան միացել է 62 պետություն՝ ներառյալ Եվրամիության 27 անդամ երկրներ: Հետաքննության վերաբերյալ որոշման նախագիծը ներկայացվել է Միացյալ Ազգերի կազմակերպությանը:

«Բանաձեւում երկրների մեծամասնությունը համաձայնել է, որ համաճարակը դեռ չի ավարտվել: Բայց համաճարակի դեմ պայքարի ուղղությամբ համագործակցությունն այս պահին առաջնային է, առայժմ անհապաղ հետաքննության ժամանակը չի եկել», - ասել է չինացի պաշտոնյան:

ԱՄՆ-ի մի շարք նահանգներում խանութներ են վերաբացվում: Դրանց թվում են Հարավային Կարոլինան, Մեյնը եւ Տեհասը: Սա առավելապես չի վերաբերում Նյու Յորքին, որն ավելի շատ է տուժել համաճարակի հետեւանքով, քան մյուս նահանգները: Տեհասում, ինչպես նախատեսվում է, օրերի ընթացքում կվերաբացվեն սպորտդպրոցներն  ու մի շարք ընկերությունների աշխատակիցները կվերադառնան աշխատանքի: Այսօր Արքանզասում բացվել է 3 խաղատուն, բայց՝ այցելուների սահմանափակ քանակով: Ամերիկյան խոշոր ավտոարտադրող ընկերությունները՝ General Motors-ը, Fiat Chrysler-ը եւ  Ford-ը այսօրվանից կրկին սկսել են մեքենաների հավաքումները: Աշխատակիցների համար դիմակները պարտադիր են:

ԱՄՆ-ի նախագահ Դոնալդ Թրամփը ռեստորանային ցանցերի սեփականատերերի հետ հանդիպում է ունենալու՝ ռեստորանների մասով հետագա անելիքները որոշելու համար:

Ստորեւ ներկայացնում ենք այս պահի դրությամբ կորոնավիրուսի ցուցանիշներով առաջին 10 հորիզոնականներում գտնվող երկրների ցանկն ու ցուցանիշները.

1. ԱՄՆ- 483. 873 դեպք
2. Ռուսաստանի Դաշնություն- 200 678 դեպք
3. Մեծ Բրիտանիա- 243 708 դեպք
4. Բրազիլիա- 241 080 դեպք
5. Իսպանիա- 230 698 դեպք
6. Իտալիա- 225 435 դեպք
7. Ֆրանսիա- 177 280 դեպք
8. Գերմանիա- 176 369 դեպք
9. Թուրքիա- 149 435 դեպք
10. Իրան- 120 198 դեպք