Այս նախագիծը Հայաստանի պատմության մեջ շրջադարձային եւ աննախադեպ է․ վարչապետ

ՀՀ Կառավարությունն այսօրվա նիստում հաստատեց «Տնտեսական երկարաժամկետ զարգացմանն ուղղված առաջին ծրագիրը հաստատելու մասին» նախագիծը: Ծրագրի առաջնային նպատակն է խթանել մասնավոր ներդրումների աճը։

Վարչապետ Նիկոլ Փաշինյանը նախագիծը Հայաստանի պատմության մեջ շրջադարձային եւ աննախադեպ որակեց:

«Հիշո՞ւմ եք, որ մենք ճգնաժամի մեկնարկին հայտարարեցինք, որ պատրաստվում ենք 25 մլրդ դրամի սոցիալական աջակցության ծրագրեր իրականացնել, 25 մլրդ դրամի՝ տնտեսական աջակցության ծրագրեր, 80 մլրդ դրամ պատրաստվում ենք տնտեսական երկարաժամկետ զարգացման ծրագրերի վրա ծախսել»,- ասաց վարչապետը՝ խնդրելով Էկոնոմիկայի նախարար Տիգրան Խաչատրյանին զեկուցել նախագիծը։

Խաչատրյանը նշեց, որ արագ արձագանքման միջոցառումների շրջանակում տարբեր բովանդակությամբ ծրագրեր են իրականացվել, եւ գերազանցվել է նախատեսված 25 մլրդ դրամի շեմը:

«Որովհետեւ շատ միջոցառումների դեպքում, ընթացքում կատարած ճշգրտումներով, որոնք, հօգուտ տնտեսավարող սուբյեկտների էին, թույլ ենք տվել, որ թիրախավորված տնտեսավարողները գործունեության որոշակի ոլորտներում առավելագույն հասանելիություն ունենան հայտարարված արագ արձագանքման միջոցառումներին»,- նշեց նախարարը:

Խաչատրյանի խոսքով՝ քննարկումների արդյունքում եկել են եզրակացության, որ արագ արձագանքման կարճաժամկետ միջոցառումների տրամաբանությունը պետք է փոխվի եւ անցում կատարվի ավելի երկարաժամկետ զարգացմանը միտված ներդրումային ծրագրերի:

Նա ընդգծեց՝ նախագծի շարժիչ ուժը եղել է խնդիրը՝ ինչպե՞ս անել, որ մասնավոր հատվածում առկա ծրագրերը, որոնք առանց կառավարության աջակցության դժվարություններ կունենան մեկնարկի եւ առաջընթացի հարցում, ստանան այդպիսի աջակցություն եւ սկսեն գործել արդեն իսկ բազմապատկված հնարավորություններով:

«Մենք աջակցում ենք, բայց աջակցում ենք պայմանով, որ այդպիսի ֆինանսական աջակցությունը մեր կողմից կառաջացնի նաեւ մասնավոր հատվածի՝ դրան մի քանի անգամ գերազանցող ներդրումները նույն ծրագրին ուղղելուն եւ մուլտիպլիկատիվ էֆեկտով շատ ավելի մեծ տնտեսական ազդեցություն եւ հետեւանքներ առաջացնելուն»,- ասաց նախարարը:

Խաչատրյանն ասաց, որ ծրագիրն առաջինը հաստատված է 50 մլրդ դրամ կազմելու հեռանկարի մտադրությամբ, իսկ եթե առաջին արդյունքներն ամփոփելիս տեսնեն, որ ընտրված ճանապարհը համոզիչ է, կշարունակվի աշխատանքն այդ ուղղությամբ:

«Այս որոշումը այս փուլում կառավարության համար ֆինանսական պարտավորություն է առաջացնում առաջին փուլը մեկնարկելու վերաբերյալ: 50 մլրդ աջակցությունը բաղկացած է լինելու հնարավոր 10 առանձին 5-միլիարդանոց հատկացումներից, եւ սա դրանցից առաջին 5 միլիարդի հատկացման որոշումն է»,- նշեց նախարարը՝ հավելելով, որ հաջորդ 5 մլրդ դրամների վերաբերյալ որոշումները կառավարությունը կամրագրի նախորդների հաշվետվությունները ստանալու եւ քննարկելու արդյունքում:

Խաչատրյանն ընդգծեց՝ պայմաններից մեկն էլ այն է, որ որքան կառավարությունն է ներդրում անում, այդքան էլ առնվազն ներդրում պետք է կատարի մասնավոր ներդրողը, որը այդ նախագծի նախաձեռնողն ու սեփականատերն է: Ներդրումների չափով նաեւ վարկային ռեսուրսներ կներգրավվեն։

«Սա նշանակում է, որ գործում է 1+1+2 = 4 բանաձեւը, որը կառավարության կողմից ներդրվող յուրաքանչյուր մեկ միավոր ներդրումների շնորհիվ ծրագրում ապահովում է առնվազն չորս միավոր ներդրումային ծախսեր»,- ասաց նա՝ հավելելով՝ առաջին արդյունքները կամփոփվեն 3 ամիս հետո:

Վարչապետն էլ ասաց, որ այս փուլում կառավարությունը 5 մլրդ դրամ է տալիս Կենտրոնական բանկում ստեղծված ներդրումային հիմնադրամին, որի կառավարիչն է Հայաստանի ազգային հետաքրքրությունների հիմնադրամը: 

«Ասում ենք, որ այս դրամագլուխը պետք է օգտագործվի ներդրումներ խթանելու համար: Հիմնադրամը պետք է փնտրի եւ գտնի պոտենցիալ ներդրողների, որոնք կունենան վստահելի նախագծեր, եւ ներդրողի ներդրած մեկ միավորի դիմաց, որը 1-2 մլն դոլարի սահմաններում է, պետք է ներդնի եւս մեկ միավոր՝ պայմանով, որ եւս երկու միավոր պետք է ներգրավվի որպես փոխառու միջոց: Մենք այս փուլում 5 մլրդ-ը տրամադրում ենք եւ ասում, որ այս ծրագիրը ունի մինչև 50 մլրդ դրամի պոտենցիալ»,- նշեց վարչապետը՝ հավելելով, որ կառավարությունը որոշակի մասնաբաժին է ունենում այդ ներդրումային ծրագրերում եւ ինչ-որ պահի իր բաժնեմասը կօտարի համաներդրողին։

Տպել
973 դիտում

ԱԺ նախագահ Ալեն Սիմոնյանն ընդունել է ՀՀ-ում Իրանի արտակարգ եւ լիազոր դեսպանին

Մեկնարկեց «ARMENIA EXPO 2021» ցուցահանդեսը. մասնակցում է 13 երկիր (տեսանյութ)

«Ավրորայի աղոթքը». երգչուհի Սիբիլի նոր երգը նվիրվել է պատերազմում որբացած երեխաներին (տեսահոլովակ)

ՀԱՊԿ ուժերի ներուժը պետք է արդիականացնել, համալրել անօդաչու կազմավորումներով. վարչապետը՝ ՀԱՊԿ նիստում (լուսանկարներ)

«ՔՈՎԻԴ-19»-ի պատճառով պառկած հիվանդների 97-98 տոկոսը չպատվաստված քաղաքացիներն են. Ավանեսյան

Արարատի մարզպետը հետ է վերցրել ազատման դիմումը

Եթե առողջապահական համակարգը չդիմանա քովիդով հիվանդների ճնշմանը, ստիպված կլինենք գնալ սահմանափակումների. Քերոբյան

Դանակահարություն Երևանի Ազատության պողոտայի ռեստորաններից մեկում

Վաղն ու հաջորդ օրը կդադարեցվի Արմավիրի մարզի մի շարք համայնքների գազամատակարարումը

Պետք չէ իրավիճակը դրամատիզացնել. Քերոբյանը՝ Գորիս-Կապան ճանապարհի մասին

Արմեն Սարգսյանը Շամոնիում կմասնակցի միջազգային հեղինակավոր Summit of Minds գագաթնաժողովին

ԱՄՆ-ը, Մեծ Բրիտանիան ու Ավստրալիան հայտարարել են անվտանգության ոլորտում նոր համագործակցության մասին

ՖԻՖԱ-ն հրապարակել է ազգային հավաքականների դասակարգման աղյուսակը

Պետք է պաշարները և վաճառքները բալանսավորվեն, մենք կմտնենք նորմալ աշխատանքային ցիկլի մեջ. Քերոբյանը՝ խաղողի մթերման մասին

«Դուստր Մարիաննա» ՍՊԸ-ն կազատվի գերակա ոլորտում ներդրումային ծրագրի իրականացման համար մաքսատուրքերից

ՀՀ ԱԳ նախարար Արարատ Միրզոյանը շարունակում է շնորհավորական ուղերձներ ստանալ

15-ամյա աղջիկը որոնվում է որպես անհետ կորած

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Հրդեհ «Արևիք» ազգային պարկում. կրակը հանգցնելուն օգնում են զինծառայողներ, պարկի աշխատակիցներ (տեսանյութ)

Օլիմպիական խաղերում բարձր ցուցանիշների հասած մարզիկների, նրանց մարզիչների, բժիշկների պարգևատրման գումարները կավելացվեն

Հայաստանը ստանձնեց ՀԱՊԿ նախագահությունը

«Մանչեսթեր Սիթիի» վստահ հաղթանակից մինչեւ ՊՍԺ-ի միավորներ կորցնելը. Չեմպիոնների լիգայի առաջին տուրն ավարտվեց

Սասուն Խաչատրյանը նշանակվեց Հակակոռուպցիոն կոմիտեի նախագահ

Իմ շրջապատում ոչ թե 1 կամ 2, այլ տասնյակ մարդիկ են վարակված կորոնավիրուսով. Պուտինը՝ Դուշանբե չմեկնելու մասին

Կառավարությունը որոշեց կրճատել ամանորյա ոչ աշխատանքային օրերի քանակը

Աճում են և՛ նոր վարակակիրների, և՛ մահերի թվերը. 1 օրում 21 մարդ է մահացել կորոնավիրուսի հետևանքով

Սեպտեմբերի 21-ին Ղազախստանում ՀՀ դեսպանությունը քաղաքացիներ չի ընդունի

Նոր Կեսարիա համայնքում շչակ կգործարկվի

ԱԱԾ-ն պաշտոնատար անձի կողմից լիազորությունները չարաշահելու և պաշտոնեական կեղծիքի դեպքեր է բացահայտել

Դուշանբեում տեղի է ունեցել Նիկոլ Փաշինյանի և Էմոմալի Ռահմոնի հանդիպումը (լուսանկարներ)

Կոտայքի մարզում BMW-ն բախվել է մայթեզրի քարերին, ապա՝ ծառին. կան վիրավորներ

Արցախն արդեն այնքան է հոգուս մեջ, որ նորից կգամ. Նյու Յորքից ժամանած ռեժիսորը՝ Արցախի և Արցախում արած բեմականացման մասին

Բեռնատարը դուրս է եկել ճանապարհի երթևեկելի հատվածից և կողաշրջվել. վարորդը հայտնվել է մեքենայի տակ

Հայաստանում օրական ավելի քան 1 մլն դոլար խաղադրույք է արվում, ոլորտի արգելմանն այլընտրանք չկա. Մեսրոպ Առաքելյան

Հրդեհ Մեծ Մասրիկ գյուղում. այրվել է անասնագոմն ու պահեստավորված անասնակեր

Երևան-Աշտարակ ավտոճանապարհին մեքենան, դուրս գալով երթևեկելի գոտուց, բախվել է էլեկտրասյանը

Երևանի ու 3 մարզերի մի շարք հասցեներում որոշ ժամանակով լույս չի լինի

Սեպտեմբերի 13-15-ը 29 ահազանգ է ստացվել խոտածածկ տարածքներում հրդեհների վերաբերյալ

Նիկոլ Փաշինյանն աշխատանքային այցով ժամանել է Դուշանբե. դիմավորել են Տաջիկստանի վարչապետն ու ԱԳ նախարարը

Շահումյանի և Ֆիոլետովոյի դպրոցներում հիմնվել են ինտենսիվ այգիներ