2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Իջեւանի բժշկական կենտրոն բուժքույր Քրիստինա Բարխուդարյանը դժվարին իրավիճակում է հայտնվել։ ԲԿ-ի տնօրենի որոշմամբ ընդունարանի ցերեկային ռեժիմով աշխատող բուժքույրերը պետք է աշխատեն հերթափոխով, այսինքն՝ 24-ժամյա գրաֆիկով: Այդ տարբերակով աշխատելու հնարավորություն նա չունի, գործից դուրս գալ նույնպես չի կարող։

Քրիստինան 4 տարի նույն ԲԿ-ում է աշխատում, գինեկոլոգիական բաժանմունքի ընդունարանի բուժքույրն է, մանկաբարձուհին։ 2 ամիս առաջ ծանուցում է ստացել հերթափոխային աշխատանքի անցնելու մասին, սակայն իր խոսքով՝ նախապես ոչ ոք իր հետ չի խոսել՝ հասկանալու արդյո՞ք կարող է այդպես աշխատել։

Տանը մայրիկին սպասող 2 անչափահաս երեխա ունի՝ 7 եւ 9 տարեկան, ամուսինը բանակի սպա է, 15 օր շարունակ սահման է պահում։ Իրենք էլ տեղացի չեն, բարեկամներ այդտեղ չունեն։ Ստացվում է՝ հերթապահության ամբողջ օրը երեխաները մենակ պետք է լինեն։ Մեր զրուցակիցը աշխատանքից դուրս գալ եւս չի կարող․ պարտքեր ունեն։

Տնօրենը որպես պարզաբանում նշել է, որ աշխատանքային փոփոխություններ են նախատեսվում, բուժքույրերը պետք է հերթափոխով լինեն, իսկ մանկաբարձուհի ընդունարանում անհրաժեշտ չէ, եւ այդ գործն այժմ Քրիստինան չի կատարում։

Քրիստինայի խոսքով՝ թեեւ տնօրենն ասում է, թե ոչ ոքի չի ազատում, սակայն նույնն է, թե ասի, քանի որ տեղյակ է, որ ինքը հերթափոխով չի կարող աշխատել։

«Ես իրեն բացատրում եմ, որ ունեմ այսքան պարտք, այս աշխատանքն ինձ շատ պետք է, բայց ոչ մի մարդկային արձագանք»,- պատմեց Քրիստինան՝ հավելելով, որ ի պատասխան լսել է, որ իրեն ընդառաջել չեն պատրաստվում։

Տնօրենի այն պարզաբանման էլ, թե պետք է հերթափոխով աշխատեն, որ ժամը 16-ից հետո ընդունող բուժքույր լինի, նշեց, որ ժամը 16-ից հետո ոչ մի կին գինեկոլոգի մոտ չի այցելում։ Կարող է գալ ծննդաբերության ցավեր ունեցողը, ում ընդունում է ծնարանի մանկաբարձուհին։

Քրիստինան այս ընթացքում դիմել է ՀՀ առողջապահության նախարարություն, ստացված պատասխանում նշվել է, որ նման հրաման չի եղել, թե ցերեկային ռեժիմով աշխատող բուժքույրերը պետք է հերթափողով աշխատեն։

Այս ամենը տնօրենին է ցույց տվել, նա էլ մեկնաբանել է, թե ինքն այդպես է կազմակերպում իր հիվանդանոցի աշխատանքը։

Մեր զրուցակիցը 2 դիպլոմ ունի, այժմ համաձայն է աշխատել նաեւ կադրերի բաժնում, նույնիսկ այլ բաժանմունքում՝ որպես բուժքույր։

«Ինձ ընդամենը ցերեկային աշխատանք է պետք, ուրիշ ոչինչ»,- նշեց Քրիստինան՝ հավելելով, որ տնօրենն այս ընթացքում այլ մարդկանց է ընդունել, սակայն իր համար աշխատանք չկա, մինչդեռ 4 տարի նույն կենտրոնում լինելով՝ տեղյակ է, որ կարող է դա առաջարկվել։

Այժմ նա մյուս 4 բուժքույրերի հետ պետք է աշխատի 24-ժամյա հերթափոխով։ Տնօրենն էլ ասել է՝ ոչնչով չի կարող օգնել, թող դիմում գրի, դուրս գա։

Ցերեկային հաստիք, սակայն, չկա

Այս ամենի վերաբերյալ տնօրեն Էդուարդ Գրիգորյանի կարծիքն այլ է։ Ինչպես մեզ տեղեկացրեց, շարժվել է աշխատանքային օրենսգրքով, մարդ չի ազատել, վարձատրության չափ չի փոփոխել։ Եղել է պայմանների փոփոխություն, որը բուժքրոջը ձեռնտու չէ։

Նրա խոսքով՝ Քրիստինա Բարխուդարյանն ի սկզբանե ընդունված է եղել որպես ընդունարանի բուժքույր, ժամանակին ներքին հրամանով կատարել է կանանց կոնսուլտացիայի քույրի պարտականություններ եւս։ Այժմ այդ կոնսուլտացիան չի կատարում, քանի որ դա պոլիկլինիկայի գործառույթ է։ Առողջապահության նախարարի կողմից հրաման է տրվել կազմակերպել ընդունիչ բաժանմունք, ինքն էլ որպես տնօրեն կարծում է, որ ընդունարանում պետք է լինի հերթափոխային աշխատանք։

«Չեմ կարող մարզային հիվանդանոցի ընդունարանը թողնել առանց հերթափոխի, այսինքն՝ ժամը 4-ից հետո հիվանդ գա ու մարդ չլինի, չդիմավորի»,- նշեց նա։

Գրիգորյանի պնդմամբ՝ փոփոխությունների մասին 2 ամիս առաջ է ծանուցել՝ Աշխատանքային օրենսգրքի համաձայն։ Սա վերաբերում է ոչ միայն Քրիստինային, 4 հոգու եւս, որոնք, ըստ Գրիգորյանի, չեն բողոքում։

«Ոչ ոք աշխատանքից չի ազատել, ինքն այս պահին էլ համարվում է ընդունարանի աշխատող, վաղն էլ կարող է գալ հերթապահել»,- նշեց նա՝ հավելելով՝ ամենքս էլ ունենք խնդիրներ, բայց դրանք տարածել ու գործը ձախողել պետք չէ։

Տնօրենը մեզ հայտնեց, որ այժմ համապատասխան ցերեկային հաստիք հիվանդանոցում չկա։ Նա այս մասին նաեւ բուժքրոջ ամուսնու հետ է խոսել, խոստացել, որ մոտ ապագայում եթե ցերեկային քույրի հաստիք լինի, կնոջը կառաջարկի։ Հայտնի չէ, սակայն, թե երբ կլինի այդ հաստիքը։

Այն հարցին, թե արդյոք կադրերի բաժնում կամ այլ բաժանմունքում որեւէ հաստիք չկա, որ հնարավոր լինի առաջարկել բուժքրոջը, բացասական պատասխան տվեց, այս պահին չկա։ 

«Եթե մի հատ ցերեկային հաստիք կգտնենք, ես ներողություն կխնդրեմ բոլորից»,-իր խոսքը եզրափակեց տնօրենը։

Տպել
1531 դիտում

Պոկված տանիքներ, վնասված այգիներ. ուժեղ քամու և առատ անձրևի պատճառով Արցախի Ասկերանի շրջանը մեծ վնասներ է կրել

Կանխվել է ՌԴ քաղաքացու ինքնասպանության փորձը Երևանի Մաշտոցի պողոտայի շենքերից մեկից

Ուսուցչի մասնագիտական չափանիշների համար սահմանվել է չորս ոլորտ. Ժաննա Անդրեասյան

Ըմբիշ Սուրեն Աղաջանյանը նվաճել է Եվրոպայի առաջնության ոսկե մեդալը

Ողբերգական դեպք Երևանում. բանկերից մեկի հարևանությամբ գտնվող տնակում տղամարդու դի է հայտնաբերվել

«Օգտվել հնարավոր չէ». Երևանում հասարակական զուգարանները սակավաթիվ են և անմաքուր, ի՞նչ է առաջարկում քաղաքապետարանը

Ամասիայում բնակարաններից մեկի ավտոտնակից առանձնապես խոշոր չափի թմրանյութ է հայտնաբերվել

Գարգառ բնակավայրով անցնող ճանապարհահատվածում գտնվող կամրջի հիմնանորոգման աշխատանքներն ընթացքի մեջ են

Օտարերկրացի զբոսաշրջիկների հրապարակած տեսանյութի հիմքով մսամթերքի արտադրամասի գործունեություն է կասեցվել (տեսանյութ)

Կներդրվի հայտարարագրման նոր էլեկտրոնային համակարգ

Հայաստանի և Բենինի միջև միջազգային տարբեր հարթակներում ձևավորված փոխգործակցության դրական փորձը բարձր է գնահատվում

ՄԱԿ ՓԳՀ-ն առաջարկել է Սյունիքի մարզպետարանին ստանձնել իրենց կողմից մարզում իրականացվող գործողությունների համակարգումը

Մոտոցիկլիստները և դրիֆտի սիրահարները՝ անդորրը խաթարողներ. բնակիչները ահազանգում են, ոստիկանությունը պնդում՝ տուգանում են

Ավարտվել է հայրենադարձների համար հայերենի անվճար դասընթացների առաջին փուլը

Ժաննա Անդրեասյանը և Ստարովիչն անդրադարձել են Սերբիայի համալսարանի հենքի վրա հայագիտական ամբիոնի ստեղծման հնարավորությանը

Երևանի քաղաքապետը Լիոնում մասնակցել է հայ-ֆրանսիական ապակենտրոնացված համագործակցության չորրորդ համաժողովի բացմանը

Աննա Հակոբյանը Նիցցայում այցելել է Մասսենա թանգարան և Շատո դե Նիսս (լուսանկարներ, տեսանյութ)

Կանադան Հայաստանում դեսպանատուն է բացելու

«Եռաբլուր» զինվորական պանթեոնում հարգանքի տուրք է մատուցվել՝ ի հիշատակ անհետ կորած ազատամարտիկների

Ֆանարջյան փողոցում արկ է հայտնաբերվել

Դոլարի փոխարժեքը մի փոքր կայունացել է. ՀՀ կենտրոնական բանկը հրապարակել է նոր փոխարժեքներ

Ստորագրվել է ՀՀ և ԱՄՆ միջև զարգացմանն ուղղված համագործակցության դրամաշնորհային համաձայնագիրը

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Լոռու մարզում հայտնաբերվել է ապօրինի հատված 63 ծառի կոճղ

Լիահույս եմ, որ հայ-լիբանանյան հարաբերությունները կթևակոխեն որակապես նոր փուլ. Նիկոլ Փաշինյանը՝ Լիբանանի վարչապետին

Ժաննա Անդրեասյանը հանդիպել է «Բնակարանային և կոմունալ ծառայությունների բարեփոխումների աջակցության» ներկայացուցիչներին

ՀՀ վարչապետի գլխավորությամբ ամփոփվել են 2023-2025 թթ. միջնաժամկետ ծախսերի ծրագրի նախագծի շուրջ քննարկումները

Նախագահ Վահագն Խաչատուրյանին հավատարմագրերն է հանձնել Իսրայելի նորանշանակ դեսպանը

ՀՀ գլխավոր դատախազ ընտրված Աննա Վարդապետյանի կենսագրությունը

ՔՏՀԱ տեսչական մարմինը փորձարկել է տրանսպորտային միջոցների գազաբալոնների տեղադրման նոր ստուգաթերթը

Հայաստանը պատմության մեջ առաջին անգամ կին Գլխավոր դատախազ կունենա. 70 կողմ ձայնով Աննա Վարդապետյանն ընտրվեց

Երևանում կրակոցներ են հնչել. դեպքի վայրում հայտնաբերվել է 9 հատ կրակված պարկուճ

ՀՀ ԱԺ նախագահը և Իսրայելի դեսպանը մտքեր են փոխանակել տարածաշրջանում տևական կայունություն հաստատելու շուրջ

Զբոսաշրջիկների հրապարակած տեսանյութը մսամթերքի արտադրամասի գործունեության կասեցման հիմք է ծառայել

Ոչ ռեզիդենտ կազմակերպությունները 2022 թ. հունվարից համարվում են ԱԱՀ վճարող. ՊԵԿ-ը ներդրել է e-VAT համակարգը

Հակոբ Արշակյանը հյուրընկալել է ՌԱԿ ներկայացուցիչներին. հանդիպմանը անդրադարձ է կատարվել կուսակցության գործունեությանը

Արարատի մարզում 18-ամյա տղան շինարարական աշխատանքներ կատարելիս բարձրությունից վայր է ընկել և տեղում մահացել

4 եղբայր և 6 քույր ունեցող փոքրիկ Դանիելը բարեհաջող վիրահատվել է. նրա մոտ ատամի բորբոքումից բարդություն էր առաջացել

Նոր Խարբերդում 46-ամյա տղամարդը հարվածներ է հասցրել կնոջ գլխին, ինչն առաջացրել է վերջինիս մահը. հարուցվել է քրեական գործ

Ստեփանակերտ-Երևան անվճար ուղևորափոխադրման նոր կարգ է սահմանվել