Գոգյանը փաստեր ունի. նա համամիտ է նախարարի հետ, որ իրավական պետություն է, ու հարցերն իրավական ճանապարհով պետք է լուծվեն

Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի արտահերթ նիստը որոշ չափով կառուցողական էր։ Այս կարծիքին է Բարձրագույն որակավորման կոմիտեի նախագահ Սմբատ Գոգյանը։

Հիշեցնենք, որ երեկ տեղի ունեցած նիստը, որը ձգվել է մինչեւ ուշ երեկո, վերջին օրերին լայն արձագանք ստացած իրադարձությունների վերաբերյալ էր՝ ԲՈԿ նախագահի աշխատանքից ազատման դիմումի եւ դրա պատճառներից մեկի, երբ Գոգյանը պնդում էր, որ, չնայած Հայաստանի պետական տնտեսագիտական համալսարանի ռեկտորի պաշտոնակատարի ատենախոսությունում ակնհայտ արտագրություններ ու թարգմանություններ կան, նա շարունակում է պաշտոնավարել, քանի որ ունի Կրթության, գիտության, մշակույթի եւ սպորտի նախարարի տեղակալի հովանավորությունը։

Թեեւ ավելի վաղ հանձնաժողովի նախագահ Մխիթար Հայրապետյանը նշել էր, որ նիստն ուղիղ հեռարձակվելու է, հանձնաժողովի որոշմամբ՝ այն ընթացավ դռնփակ։

Մեզ հետ զրույցում Սմբատ Գոգյանը նշեց, որ հանդիպումը բավականին երկար է տեւել, եւ ընթացքում շոշափվել են բավականաչափ հարցեր։ Դրանց մասին առավել մանրամասն դեռ չցանկացավ խոսել՝ նշելով, որ մի քանի օր պետք է սպասել։

Գոգյանը նաեւ չմեկնաբանեց, թե արդյոք հանդիպման ընթացքում լարված մթնոլորտ եղել է։

Հարցին՝ այդպիսի այլ հանդիպում նախատեսվո՞ւմ է, ԲՈԿ նախագահը նշեց, որ անհրաժեշտության դեպքում հանձնաժողովի նախագահը կհրավիրի։

Նշենք, որ նիստին մասնակցում էր նաեւ ԿԳՄՍ նախարարի տեղակալ Գրիշա Թամրազյանը, որը ՀՊՏՀ ռեկտորի պաշտոնակատարի վաղեմի ընկերն է, եւ հենց նրան էին մեղադրում հովանավորչության համար։

ԲՈԿ նախագահը զրույցի ընթացքում անդրադարձավ նաեւ երեկ ԿԳՄՍ նախարար Արայիկ Հարությունյանի ֆեյսբուքյան ուղիղ եթերին՝ նշելով՝ սպասում էր, որ նախարարն այդ մասին ավելի շուտ խոսեր, իսկ ելույթին նորմալ է վերաբերվում։ «Իրավական պետություն է, բոլոր հարցերը պետք է ստանան իրենց պատասխանները»,- նշեց նա։

Այն դիտարկմանն էլ, թե նշանակում է՝ ինքն ունի՞ անհրաժեշտ փաստեր, նկատեց՝ եթե չլինեին, չէի խոսի։

Հիշեցնենք, որ Հարությունյանը իրավապահների ուշադրությունը հրավիրեց հովանավորչության մասին Գոգյանի հայտարարության վրա եւ հաղորդեց հանցագործության մասին։ Նա նշեց, որ հարցը փոխանցում է իրավական դաշտ, եւ այնտեղ կորոշվի՝ հովանավորչություն եղել է, թե Գոգյանը զրպատում է:

Գոգյանը ԲՈԿ նախագահի պաշտոնից ազատվելու դիմում էր գրել մայիսի 14-ին: Վաչապետն այն դեռ չի ստորագրել: Նա հանդիպման էր հրավիրել Գոգյանին, հետո Ազգային անվտանգության ծառայություն էր հրավիրվել Թամրազյանը: Այնուհետեւ հայտարարվեց ԱԺ-ում հանձնաժողովի նիստ հրավիրվելու մասին: Այս ողջ ընթացքում նախարար Արայիկ Հարությունյանը լուռ էր, եւ միայն երեկ նա ֆեյսբուքյան ուղիղ եթերով անդրադարձավ ստեղծված իրավիճակին: 

Տպել
3053 դիտում

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին