Հասկանալի չէ նիստի հրատապությունը․ Գորգիսյանի պնդմամբ՝ այս հարցերը կարելի էր քննարկել սեպտեմբերին ավելի հանգիստ, ապահով

Այսօր ԱԺ արտահերթ նիստի ժամանակ, երբ «Իմ քայլը» խմբակցության պատգամավոր Սիսակ Գաբրիելյանը ներկայացնում էր նիստի հրատապության անհրաժեշտությունը, «Լուսավոր Հայաստան» խմբակցության պատգամավոր Գեւորգ Գորգիսյանը հարց հնչեցրեց։

Գորգիսյանը նշեց, որ իր համար այդքան էլ հասկանալի չէ օրակարգում ընդգրկված հարցերի հրատապությունը։ Նա մեջբերեց նաեւ փաստը, որ «Իմ քայլը» խմբակցության պատգամավորների մեջ կան վարակակիրներ, կոնտակտավորներ։ Վերջիններս, ըստ Գորգիսյանի, այդպես էլ չմեկուսացան 14 օր։ «Հիմա բոլորով հավաքվել են ստեղ, քննարկելու նախագծեր, որոնց հրատապությունը հասկանալի չէ։ Ինչո՞վ է պայմանավորված այս նախաձեռնությունն ընդհանրապես, որովհետեւ նախագծերի առնվազն 90 տոկոսը կարելի էր սեպտեմբերին հանգիստ, նորմալ քննարկել, նաեւ վստահ լինելով, որ այլեւս չունենք վարակակիր, կամ նրանք մեկուսացած են, եւ չենք վտանգի մեզ»,- ասաց պատգամավորը։

Գաբրիելյանն ի պատասխան՝ պնդեց, որ կան նախագծեր, որոնք անհրաժեշտ են եւ հրատապ։ Նա շեշտեց նաեւ, որ ԱԺ-ն արձակուրդում չէ եւ խնդիր չի տեսնում պատգամավորներին մեկ օր ավելի ԱԺ հրավիրելու։

«Եթե տեղեկություն ունեք, որ որեւէ մեկն այստեղ նստած է եւ պարետի որոշմամբ պետք է ինքնամեկուսացվեր եւ չի ինքնամեկուսացվել, բարձրաձայնեք։ Գուցե այդ հայտարարությունից հետո ԱԺ նախագահն այլ քայլեր ձեռնարկի»,- ասաց Գաբրիելյանը։

Գորգիսյանը նշեց, որ տեսնում է պատգամավորների, որոնց մասին հայտարարվել է, թե կորոնավիրուսով վարակված են։ Նա հավելեց, որ չի անցել սահմանված 14 օրը, իսկ կոնտակտավորները եւս պետք է մեկուսանային 14 օր, ինչը, ըստ նրա, վերաբերում է ամբողջ խմբակցությանը։

Հրատապության հետ կապված Գորգիսյանը հարցրեց, որ գուցե միայն կարեւոր հարցերը ներառվեին օրակարգ։ Նրա խոսքով կան մեծ փաթեթներ, որոնք ոչ միայն 24-ժամյա ռեժիմի հետ խնդիր ունեն, այլեւ ավելի լայն քննարկման կարիք ունեն։

Գաբրիելյանը հիշեցրեց ավելի վաղ տեղի ունեցած պետական-իրավական հարցերի մշտական հանձնաժողովի նիստը, որտեղ ԼՀԿ խմբակցության պատգամավորն օրինագիծ էր առաջարկել։ «Եթե հրատապ չէ, իրեն ասեիք, որ հրատապ չէ, ինչո՞ւ եք բերում եւ արտահերթ նիստում ներառում։ Ես ասում եմ՝ կան օրակարգում հրատապ հարցեր, որոնք պետք է ընդունվեն։ Հա՛մ նախագիծ եք բերել, որ արտահերթով պետք է քննարկենք, հա՛մ ասում եք՝ հրատապություն եւ այլն»,- ասաց պատգամավորը։

Ինքնամեկուսանալու թեմայի շուրջ Գաբրիելյանը եւս մեկ անգամ շեշտեց, որ չգիտի մի պատգամավորի, որին ինքնամեկուսացման պահանջ է ներկայացվել։

Այնուհետեւ ԱԺ նախագահ Արարատ Միրզոյանը ներողություն խնդրեց այդ «հետաքրքիր» զրույցն ընդհատելու համար եւ տեղեկացրեց, որ բոլոր այն պատգամավորները, որոնք ցուցում ունեն մեկուսանալու, մեկուսացած են, իսկ այն պատգամավորները, որոնք նախկինում եղել են կորոնավիրուսով վարակակիր, թեստի բացասական պատասխաններ ունեն, կազդուրված են։

Տպել
2839 դիտում

System of a Down-ը նոր երգերի միջոցով մեկ միլիոն դոլար է հավաքել Արցախին աջակցելու համար

Ռուստամ Մուրադովն անձամբ այցելել է Ադրբեջան, հանդիպել հայ ռազմագերիների հետ, մեզ տրամադրել նրանց անունները. ԱՀ նախագահ

Արցախում ստուգվել է խմելու ջրի որակը. հերքվել են բնակչության մտահոգությունները

Հայազգի համաշխարհային աստղերը կոչ են անում գերությունից ազատել հայ ռազմագերիներին. Fox 11 Los Angeles

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ

Ընդդիմությունը վարչապետին հեռանալու համար մինչեւ երեքշաբթի օրը ժամանակ տվեց, այլապես կդիմեն անհնազանդությունների

Հանրահավաքի մասնակիցները երթով շարժվում են դեպի կառավարական ամառանոցներ

Վազգեն Մանուկյանը ներկայացրեց առաջարկվող ժամանակավոր կառավարության առաջնահերթությունները

Արսեն Թորոսյանը հանդիպել է վիրավոր զինծառայողների

Օրենքի խախտմամբ հավաքներ անցկացնելու համար ընդհանուր առմամբ մեղադրվում է 35 անձ

Լևոն Տեր-Պետրոսյանն իր մտահոգությունն է արտահայտել ներքաղաքական թեժացող գործընթացների առնչությամբ

Գագիկ Ծառուկյանն ԱԱԾ-ում է. հրապարակում նրա անունից խոսք կարդաց Իվետա Տոնոյանը

Խնածախ համայնքի տարածքում տեղի կունենա հայտնաբերված զենք-զինամթերքի վնասազերծում

Սյունիքի մարզի քաղաքային համայնքների ղեկավարները պահանջում են Նիկոլ Փաշինյանի հրաժարականը

Նիկոլ Փաշինյանի հրաժարականի պահանջով հանրահավաք Ազատության հրապարակում. մարդկանց խմբեր տանելու ահազանգեր են հնչում

Ստեփանակերտի Վերածննդի հրապարակում կայացել է նոր ռեանոմոբիլների նվիրատվության արարողությունը

Երեւանի Սարալանջի խճուղում բախվել են 4 մեքենաներ. կա զոհ եւ տուժածներ

Ավարտվել են Կապան քաղաքի «Սյունիք» օդանավակայանի վերականգնման աշխատանքները

Վրաերթի ենթարկված 57-ամյա կինը հիվանդանոցում մահացել է

Ապարան եւ Չարենցավան քաղաքներում ձյուն է տեղում, «Չայնիի ոլորաններ»-ում մառախուղ է