«Թումոն» Հայաստանի նոր դեմքի ներկայացուցչությունն է Մոսկվայում. դեսպան Տողանյան

25/09/2020 schedule19:27

Ստեղծարար տեխնոլոգիաների «Թումո» կենտրոնը արդեն Մոսկվայում է և իր դռներն է բացել 12-17 տարեկան դպրոցահասակ երեխաների համար: Կրթօջախի ուսումնական ծրագիրը նույնն է ինչ Երևանում: Ուսանողները կարող են կատարելագործել գիտելիքները նորագույն տեխնոլոգիաների ոլորտում 8 ուղղություններով՝ գրաֆիկական դիզայն, համակարգչային խաղեր, երաժշտություն, կինո, անիմացիա, լուսանկարչություն, թվային գեղանկարչություն: Ուսումնական ծրագրերի մշակման փուլում նախատեսվում է ավելացնել մի քանի այլ ուղղություններ ևս:

Դիմորդները անհրաժեշտություն չունեն անցնելու որևէ նախապատրաստական դասընթացներ: Նրանք ընդամենը անցնում են թեստավորում, ընտրում են իրենց հետաքրքրող ուղղությունը և ուսումնական գործընթացի մեջ են մտնում ցանկացած պահի: Դասընթացները լինելու են ռուսերեն և անգլերեն լեզուներով:

Կենրոնում դասընթացները սկսվելու են հոկտեմբերից: Դպրոցի բացման շնորհանդեսին ներկա ՌԴ-ում ՀՀ դեսպան Վարդան Տողանյանը ընդգծելով նախագծի կարևորությունը՝ իր ողջույնի խոսքում ասաց, որ տեխնոլոգիաների նորագույն աշխարհում «Թումոն» այն նախագիծն է, որը հնարավորություն է տալիս Հայաստանը օտարներին ներկայացնել բոլորովին այլ՝այդ նոր աշխարհում հաստատուն մրցակցային պոտենցիալ ունեցող երկրի դիրքերից:

«Պատկերավոր ասած «Թումոն» մեր երկրի՝ Հայաստանի նոր դեմքի ներկայացուցչությունն է այս հսկա մեգապոլիսում՝ Մոսկվայում , որտեղ կա մեծ մրցակցային դաշտ այդ թվում IT տեխնոլոգիաների ոլորտում: Հայաստանը ունի բազմադարյան ավանդույթներով հագեցած պատմություն, մշակույթ, սակայն, ես կարևորում եմ «Թումոյի»  ներկայությունն այստեղ այն առումով, որ ավանդականի նկատմամբ վերաբերմունքը, ընդանուր առմամբ, փոփոխությունների է ենթարկվում և այդ փոփոխությունները հօգուտ նորագույնի և նոր աշխարհի են, այնպես որ դպրոցը ռուս հասարակությանն է ներկայացնելու ժամանակակից Հայաստանի կրթական նոր և բարձրորակ նկարագիրը: Հասկանալով այս իրադարձության նշանակալիությունն ու, թե ինչ թվով մարդիկ են աշխատել այս դպրոցը բացելու ուղղությամբ, ինչքան ժամանակ ու միջոցներ են ներդրվել գաղափարը իրականություն դարձնելու համար, կուզենայի երախտագիտություն հայտնել առաջին հերթին Ալեքսանդր Սմբատյանին, որը երկար ու ջանադրաբար զբաղվել է այս մտահաղացումը կյանքի կոչելու համար, «Տաշիր» և «Մանարխ» ընկերություններին և, իհարկե, Մոսկվայի կառավարությանը, որը, ինչպես գիտեք, մեծ հոգատարությամբ է վերաբերվում այս դպրոցի կայացման գաղափարին»,- ասաց դեսպան Տողանյանը:

Շնորհանդեսի ներկա էին նաև Մոսկվայի հայ համայնքի ներկայացուցիչներ, հասարակական գործիչներ, լրագրողներ, ովքեր, նույնպես կարևորելով դպրոցի ստեղծման գաղափարը, ընդգծեցին, որ «Թումոն» ռուս հասարակությանը նոր նկարագրով ներկայանալու լավագույն հնարավորություններից մեկն է:

«Ռուսաստանի հայերի միասնության» փոխնախագահ Դավիթ Տոնոյանը կարծում է, որ արդեն վաղուց ժամանակն է աշխարհին ներկայանալ հայկական նորաստեղծ ապրանքանիշներով:

«Ուրախալի է, որ մենք աստիճանաբար դուրս ենք գալիս միայն մեր ավանդական արժեքներով ներկայանալու սովորույթից: Ավանդականի հետ միասին չափազանց կարևոր է նաև ներկայանալ մեր ունեցած նորագույն ձեռքբերումներով: Անպայման չէ, որ մեր արտահանումը՝ լինի մտքի հետ կապված արտադրանք, թե նյութական, ունենա հայկական ավանդական հենք, բայց շատ կարևոր է, որ այն մշակված ու ստեղծված լինի Հայաստանում, այսինքն կրի հայկական ապրանքանիշ դաջվածքը: Այս դպրոց ընդունվող երեխաները չեն գալու հայկական կրթություն ստանալու, բայց նրանք տեղյակ են լինելու, որ ժամանակակից չափանիշներին համապատասխանող այս լավագույն կրթական ծրագիրը ծնվել է Հայաստանում»,-եզրափակեց Դավիթ Տոնոյանը:

«Սոբեսեդնիկ» ամսագրի խմբագիր Էլեն Մուսաելյանն էլ փաստեց, որ ժամանակակից աշխարհում ամենաարժեքավոր ներդրումը կրթական ոլորտում է: Այն, ըստ մեր զրուցակցի, ավելի թանկ գին ունի քան, նույնիսկ, նավթը կամ այլ նյութական կրիչներ:

«Շատ կարևորում եմ այն փաստը, որ մենք ներդնում ենք կատարում մտքի և կրթության ոլորտներում, քանի որ հեռահար ապագայում դա է տալու ամենամեծ արդյունքը: Հնարավոր է, որ հենց սա է այն հենման կետը, որի շնորհիվ մենք դուս ենք գալու միջազգային լայն հարթակներ, քանի որ, իմ կարծիքով, ապագան  ինտելեկտուալ աշխարհին է պատկանում»,-կարծում է Էլեն Մուսաելյանը:

«Թումոն», բացի Երևանից արդեն կրթական կենտրոններ ունի Փարիզում և Բեյրությում: Մոտ ապագայում նախատեսվում է կենտրոնի մասնաճյուղերի բացումը Բեռլինում, Տոկիոյում, Կալիֆորնյայում, Նուր-Սուլթանում և այլուր:

Նաիրա Բաղդասարյան

Մոսկվա

Տպել
498 դիտում

Մեծավան գյուղի երեխաները 68 000 դրամ են հավաքել ու տարել համայնքապետարան՝ հիմնադրամին փոխանցելու համար

Գիշերը հատկապես ինտենսիվ մարտեր են ընթացել հարավային ուղղությամբ. ՊԲ

Սոթք-Քարվաճառ ավտոճանապարհը փակ է

Արցախի ՊԲ-ին հաջողվել է խոցել թուրքական արտադրության Bayraktar TB2 տեսակի ԱԹՍ (տեսանյութ)

ՄԱԿ-ի Անվտանգության խորհրդի նիստում քննարկել են Ղարաբաղում հրադադարի պահպանման վերահսկողության հարցը

Ֆրանսիայի Վիեն քաղաքի համայնքային խորհուրդը միաձայն ընդունել է Արցախի ճանաչման բանաձև

Միջազգային կառույցները ողջ եղելությունը պետք է արձանագրեն ֆիզիկապես լինելով Արցախում. Արման Թաթոյան

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան

Ադրբեջանի ագրեսիվ գործողությունների հետևանքով վիրավորված Ռոբերտն ու Նարեկը դուրս են գրվել վերակենդանացման բաժանմունքից