«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Արցախյան 44-օրյա պատերազմը նպատակաուղված պարտության տանելու, Շուշին հանձնելու, Արցախից ազատվելու մեջ ՀՀ իշխանություններին մեղադրելուց հետո նախօրեին Արարատի մարզի բնակիչների հետ հանդիպմանը «Հայրենիքի փրկության շարժման» վարչապետի թեկնածու Վազգեն Մանուկյանը հարց բարձրացրեց.

«Եթե իմ ասածների փաստերն ու մեկնաբանությունները ճիշտ են, Էդ ո՞նց ա, որ ամբողջ ժողովուրդը ոտքի չի կանգնում»: Ապա նաեւ ինքն էլ պատասխանեց. «Կկանգնեցնենք, կփոխենք, խաղաղ կանենք, չի լինի՝ զոռով կանենք»:

Մինչ համացանցում շատերը իշխանություններից պահանջում էին պատասխանատվության ենթարկել Մանուկյանին՝ իր վերը նշված հայտարարությունների համար, իշխանական «Իմ քայլը» խմբակցության անդամ, ԱԺ փոխխոսնակ Ալեն Սիմոնյանը ԱԺ-ում լրագրողների հետ զրույցում այսպես արձագանքեց. «Թող փորձի»։

Լրագրողներից մեկի դիտարկմանը, որ Վազգեն Մանուկյանը շենքեր գրավելը «սովորել է իշխանությունից», փոխխոսնակը պատասխանեց․ «Երբ Վազգեն Մանուկյանը այս շենքը գրավում էր, ես 16 տարեկան էի, ուստի ինձնից դժվար թե բան սովորած լինի, իսկ եթե բան սովորած լինի, կարծում եմ՝ միայն լավը պետք է սովորած լինի»։

Անդրադառնալով պատերազմի օրերին գեներալներին զանգելու մասին Վազգեն Մանուկյանի հայտարարությանը՝ Սիմոնյանն այն խոստովանություն համարեց՝ նշելով, որ եթե Վազգեն Մանուկյանը հողերը ծախած լինելու քարոզը տարել է գեներալների շրջանում, կարելի է ենթադրել, որ նույն բանը արել են նաեւ նրան իրենց թեկնածու կարգած ուժերը՝ ըստ կոչումների՝ գնդապետներից մինչեւ շարքայիններ:

«Պատերազմի ընթացքում, փաստորեն, էս մարդիկ միայն մի բանով են զբաղված եղել. գեներալից մինչեւ շարքային մեր բանակի հաղթանակի կամքը թուլացնելու, կոտրելու գործով: Նրանք համոզված են եղել՝ իրենց թողած բանակցային ժառանգության բերումով Ջեբրայիլն ու Հորադիզը պետք է թողնել եւ պետք է գրոհել Հայաստանի կառավարության շենքը: Իսկ որպեսզի Կառավարության շենքը գրոհելու «լեգիտիմ» առիթ լինի, ռազմաճակատում պետք է լինեին հնարավորինս շատ անհաջողություններ, իսկ սրա համար պետք էր կասկած սերմանել հայոց բանակի զինվորների, սպաների, գեներալների շրջանում, թուլացնել ու կոտրել կռվելու ու հաղթելու նրանց կամքը:

Իսկ այդ նույն ժամանակ Երեւանում ձեւավորվում էին Կառավարության ու Ազգային ժողովի շենքը գրոհելուն պատրաստ «մարտունակ» ջոկատներ»,- ֆեյսբուքի իր էջում գրել էր Սիմոնյանը:

Վազգեն Մանուկյանի երեկվա հայտարարությունները ԱԺ պատգամավոր Արման Բաբաջանյանին էլ հիշեցրել էին Հոկտեմբերի 27-ի գործով դատապարտված Նաիրի Հունանյանի հետ իր զրույցից մի հատված.

«Նաիրի Հունանյանը հոկտեմբերի 27-ից առաջ ազգի «փրկիչների» առաջնորդի (Վազգեն Մանուկյանի) հետ հանդիպումներից մեկի բովանդակության մասին պատմում էր ճիշտ այսօր Արարատում Վազգեն Մանուկյանի արտաբերած մտքի տրամաբանությամբ՝ Հայաստանը առաջ չի գնա, քանի Վազգեն Սարգսյանը ողջ է: Ահա թե ինչու պետք է տեղի ունենար պետությունը վախճանի դատապարտող ահաբեկչական ակտը»:

Խոսքը Մանուկյանի երեկվա այն հայտարարության մասին է, թե գործող իշխանության հեռացումը մեր երկրի ապագայի հարցն է:

Ավելին, ըստ պատգամավորի՝ ապստամբության մասին Վազգեն Մանուկյանի հայտարարությունը վտանգավոր է, քանի որ «ապստամբությունը լինում է զինված, չզինված ապստամբություն չի լինում»: Չզինվածը, նրա կարծիքով, լինում է խաղաղ անհնազանդություն, իսկ ապստամբությունը ենթադրում է ուժի կիրառում:

Բաբաջանյանը վստահ է՝ զինված ապստամբությունը չի լուծում որեւէ հարց, նոր արյունահեղությունից ու ապակայունացումից բացի, անկախ, թե ով ինչ նկատառումով է գնում այդպիսի քայլի: Այդպիսի գործողությունն ու զարգացումը, ըստ նրա, կարող է ձեռնտու լինել կամ լուծել միմիայն այն ուժերի համար կարեւոր հարցեր, որոնց ձեռնտու չէ Հայաստանի անկախ եւ թեկուզ բարակ թելով մնացած ինքնիշխանությամբ հանրապետության գոյությունը:

Ե՞րբ կգնա Վազգեն Մանուկյանի վարչապետացմանն ուղղված շարժումը ապստամբության, ե՞րբ կհասկանան, որ խաղաղ ճանապարհով իշխանափոխություն անելու սահմանագծին են, եւ պետք է սկսել ապստամբությունը: Երեկ Արարատում այդ մասին իրեն ուղղված հարցին Մանուկյանը պատասխանել էր. «Ես չեմ հասկանալու, ժողովուրդը ինքը կհասկանա, կանի»:

Քաղաքագետ Վիգեն Հակոբյանը կարծում է, որ ապստամբության մասին Մանուկյանի հայտարարությունը ուղղված է հասարակության այն հատվածին, որն ավելի վճռական քայլեր է ակնկալում իրենցից:

Նա ընդգծեց՝ շենքեր գրավելու քայլը սիմվոլիկ է, այդ քայլին գնում են շատ հաճախ եւ բազմաթիվ երկրներում:

Հիշեցնելով, որ 2 տարի առաջ էլ նման քայլի գնացել է վարչապետ Փաշինյանը՝ հեղափոխությունից առաջ գրավելով ռադիոտունը, քաղաքագետը նկատեց. «Այդ քայլը մի կողմից ցույց է տալիս, որ ընդդիմությունը այդ պահին այնքան ուժեղ է, որ կարողանում է որեւէ օբյեկտ գրավել առանց բռնության, մյուս կողմից իշխանությունը այնքան թույլ է, որ չի կարողանում դիմադրել այդ գործողություններին: Վազգեն Մանուկյանը հենց դա է ուզում ցույց տալ. Քանի որ հանրության մի հատվածի մոտ կա պահանջ ավելի վճռական գործողությունների գնալու, իսկ ընդդիմությունը այդ վճռական գործողությունները գոնե մինչ այս պահը չի իրականացրել, այս պայմաններում պետք է ցուց տալ, որ վճռական են: Այդ սիմվոլիկ քայլի մասին է խոսքը, որ անհրաժեշտ պահին հանրությանը ոգեւորեն»:

Կգնա՞ Մանուկյանի գլխավորած շարժումն այդ քայլին, թե ոչ՝ Վիգեն Հակոբյանը չի ցանկանում գուշակել: Նա ենթադրում է, որ այդ մասին հայտարարելու նպատակը առնվազն նման գործողությունները չբացառելն է: «Եթե հարցնեիք՝ կկարողանա՞ն, թե՞ չէ՝ կասեի կարող են: Այդ գործողությունը ամենաբարդ բանը չէ, դրա համար կրիտիկական զանգված պետք չի, մի քանի հարյուր, նույնիսկ տասնյակ մարդով էլ կարող ես անել: Բայց կգնան, թե ոչ այդ քայլին՝ դա հանգամանքներից եւ տվյալ պահի իրավիճակից է կախված»,- ասաց նա:

Քաղաքագետ, ԳԽ եւ ՀՀ նախկին պատգամավոր Վիգեն Խաչատրյանն այսքան լուրջ չի վերաբերում  այս ամենին. «Նպատակներ կան (ապստամբության-խմբ.), բայց դրանք անլուրջ են, դրանք չեն բխում հասարակական, քաղաքական, պետական շահերից եւ ակնհայտորեն չեն արտահայտում մեծամասնության տրամադրությունները: Մարդը կտրվել է իրականությունից, ցանկալին իրականության տեղ է փորձում մատուցել: Կարծում եմ, որ պետությունը բավականաչափ ներուժ ունի, որ ցանկացած իրավախախտում օրենքի դաշտ բերի: Կբերեն: Աստիճանաբար ինքը մտնում է դրա տակ»,- մեր զրույցում ասաց նա:

Հարցին՝ բացառո՞ւմ եք, որ ընտրություններից հրաժարվող Մանուկյանն ու նրան սատարող ուժերը իշխանության հասնելու համար գնան շենքեր գրավելու ճանապարհով, Վիգեն Խաչատրյանը պատասխանեց՝ կգրավեն էլ, կազատեն էլ.  

«Ավելի լուրջ բաներ կար գրավելու, կարող էին գրավել՝ չմասնակցեցին, հիմա մնացել է շենքերի վրա իրենց կարողությունները փորձեն: Կգրավեն շենքերը, կազատեն, ինչ կա դրա մեջ»,- նկատեց նա:

Ապա անդրադառնալով Արցախի գեներալներին զանգելու մասին Մանուկյանի հայտարարությանը, եւ պատասխանելով մեր հարցին, թե դա խոսո՞ւմ է այն մասին, որ բանակի շարքերում պարտվողական տրամադրություններ են տարածել, քաղաքագետը պատասխանեց.

«Ակամա դա է բխում, բայց նման պահվածքը խոսում է այն մասին, որ էդ խոսքերի հեղինակը…հավանաբար արդեն բժշկի կարիք կա»:

Տպել
2320 դիտում

Զբոսաշրջության ոլորտը սկսվում է վերականգնվել, մարդիկ ուզում են ճանապարհորդել. Վարդան Սարգսյան

Գերմանիայի Բունդեսթագն անձեռնմխելիությունից զրկել է պատգամավորներից մեկին՝ Ադրբեջանից կաշառք ստանալու կասկածանքով

«Թումո» տուփն ամռանն արդեն Կապանում կլինի

«Վահագնի Սիթին» Ա-Լիգայի եզրափակչի երկրորդ խաղում ևս հաղթեց «Դվինին»

Վարդենյաց լեռնանցքում հարկավոր է երթևեկել անվաշղթաների կիրառմամբ, Քաջարանում և Կապանում ձյուն է

Կոնգրեսականները չեղյալ են հայտարարել մարտի 4-ի նիստը՝ Կապիտոլիումի վրա հարձակման սպառնալիքի պատճառով

Դեղի հետկանչ․ կարգադրագիր է տրվել դեղերի վաճառքով զբաղվող 7 ընկերության

Սլովակիայի արտգործնախարարը ներողություն է խնդրել Ուկրաինայից վարչապետի կատակի համար

Ազատ ոճի ըմբշամարտի Հայաստանի հավաքականի գլխավոր մարզիչը՝ Կիևի մրցաշարի, Պատրիկեևի հեռանկարների և հավաքականի կազմի մասին

Արմավիրի մարզպետն ընդունել է Հայաստանի մանուկներ հիմնադրամի տնօրենին․ քննարկվել են մարզի զարգացմանն ուղղված հարցեր

ՄԻՊ-ը Բունդեսթագում բարձրացրել է Ադրբեջանում պահվող գերիների անհապաղ վերադարձի հարցը

Վերակառուցվել է Նշավան համայնքի ամբուլատորիայի շենքը

Շիրակի փոխմարզպետն Արեգնադեմում ծանոթացել է կառուցվող սպանդանոցին և ֆերմերային տնտեսությանը

Արմավիրի Արևաշատ գյուղում մոտ 2500 հակ անասնակեր է այրվել

Նախադպրոցական կրթական բոլոր ծառայությունները, մանկական ժամանցի կենտրոնները կլիցենզավորվեն. նոր նախագիծ

Ամենայն Հայոց Կաթողիկոսն ընդունեց «Հայոց Եկեղեցու պատմություն» առարկայի հանրապետական օլիմպիադայի հաղթողներին

Քոչարյանը երբեք առանց «տանիքի» հաջողության չի հասել. չլիներ Վազգեն Սարգսյանը՝ նա ՀՀ տեղը մոռացած կլիներ. Վիգեն Խաչատրյան

Զինված ուժերի գլխավոր շտաբում իրականացվում են պլանների ճշգրտման աշխատանքներ

Կայացել է «Երկրաֆիզիկոս Սերգեյ Նազարեթյանի գիտական 50-ամյա գործունեությունը» խորագրով գրքի շնորհանդեսը

ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում է կազմակերպվել ԱԳՆ-ում

Բերման է ենթարկվել քրեական հեղինակություն Զապն ու նրան ուղեկցող 10-ից ավելի անձ

Փլուզում «ՉԱԱՐԱՏ Կապան» հանքում. 25-ամյա աշխատակիցը մահացել է

37-ամյա տղամարդը գողացել էր Հյուսիս-հարավ ճանապարհաշինության համար նախատեսված ավազից (տեսանյութ)

«Սա այն բացառիկ դեպքերից է, երբ ես ուրախ եմ, որ դեմ քվեարկեցիք». խնդրահարույց օրինագիծը էլի կքննարկվի

Մեսրոպ Առաքելյանը և Հայաստանում Շվեդիայի դեսպան Պատրիկ Սվենսոնն ընդգծել են մի շարք առաջնահերթություններ

Արայիկ Հարությունյանն ընդունել է Հադրութի մի խումբ բնակիչների

Հրդեհ է բռնկվել Բալահովիտում գտնվող «Գոլդ Շին» ընկերության փրփրապլաստի արտադրամասում (տեսանյութ)

4 կիլոգրամ հերոին և 2 կիլոգրամ ափիոն. Սյունիքում խոշոր չափի թմրանյութ է հայտնաբերվել (տեսանյութ)

Կորոնավիրուսի դեմ զանգվածային պատվաստումները Հայաստանում սկսվել են. 200 բուժաշխատող արդեն պատվաստվել է

Առաջիկայում կգործարկվի շուրջ 400 ծառայությունների էլեկտրոնային մատուցման հարթակը․ Ավինյանն ընդունել է Մոլինեուսին

ԲՈՒՀ-երը դեռևս քաղաքականությունից զերծ չեն. պատգամավորը՝«Բարձրագույն կրթության և գիտության մասին» օրենքների փաթեթի մասին

Բարձր լեռնային պայմաններում անցկացվել է զինվորների մասնագիտական պարապմունք

Քերոբյանը և «Էս-Ջի-Էս»-ի ներկայացուցիչները քննարկել են բեռնափոխադրումներին և մաքսային ընթացակարգերին վերաբերող հարցեր

IDBank-ը պատերազմական գործողությունների մասնակից իր հաճախորդներին խնդրում է մինչև մարտի 31-ը դիմել Բանկ

Boeing 737 օդանավի սկանդալային անհետացման դեպքի առթիվ ԱԱԾ-ում հարուցվել է քրեական գործ և իրականացվում է նախաքննություն

ՀՀ պաշտպանության նախարարին են ներկայացվել ընթացիկ խնդիրները

Դատավորների կենսաթոշակների սահմանման կարգում կլինեն փոփոխություններ. ԱԺ-ն առաջին ընթերցմամբ ընդունեց օրենքի նախագիծը

Վճռաբեկ դատարանի դատավորի ընտրության երկրորդ փուլը կանցկացվի ԱԺ հաջորդ քառօրյայի ընթացքում

Պողոս Պողոսյանի սպանության գործով նիստին որպես վկա դատարանում էր երգչուհի Նունե Եսայանը

«ՇԱՆԹ» ընկերության նկատմամբ կիրառվել է վարչական տույժ