ՀՀԿ-ն Ռ. Քոչարյանին էլ կբացատրի` ինչու «այո» ասել սահմանադրական փոփոխություններին

01/09/2015 schedule12:14

Ազգային ժողովի ՀՀԿ խմբակցության ղեկավար Վահրամ Բաղդասարյանը երեկ մեզ հետ զրույցում հայտարարեց, որ եթե Ռոբերտ Քոչարյանը վերադառնա ակտիվ քաղաքականություն եւ «ոչ» ասի սահմանադրական փոփոխություններին, նրա հետ կքննարկի այդ հարցը:

- Պարոն Բաղդասարյան, տեղեկություններ կան, որ Վարդան Օսկանյանը, այդուամենայնիվ, կուսակցություն է բացելու, եւ այդ կուսակցությանը ֆինանսավորելու է Ռոբերտ Քոչարյանը, ՀՀԿ-ն ինչպե՞ս է սրան վերաբերվում, գիտենք, որ Քոչարյանը հստակ դեմ է սահմանադրական փոփոխություններին ու եթե իրենք ակտիվորեն ներգրավվեն «Ոչ»-ի ճակատին, ՀՀԿ-ն ի՞նչ է անելու, դուք այս նոր միավորին մրցակից համարո՞ւմ եք, թե՝ ոչ:

- ՀՀԿ-ն չստուգված տեղեկությունները չի մեկնաբանում, եւ երբ չկա հայտարարություն, արդարադատության նախարարությունում չկա նման գրանցված կուսակցություն, ես չեմ ցանկանում մեկնաբանել: Իսկ Ռոբերտ Քոչարյանը միշտ եղել է քաղաքականության մեջ, իր ընտրությունն է, թե ինչ ճանապարհով մտնի ակտիվ քաղաքականություն:

- ՀՀԿ-ն ինչպե՞ս կվերաբերվի, եթե նա «Ոչ»-ի ճակատում հայտնվի:

- ՀՀԿ-ն նորմալ է վերաբերվում ե՛ւ «Այո»-ին ե՛ւ «Ոչ»-ին, ՀՀԿ-ն կատարում է իր գործը եւ բոլորին բացատրում է, թե ինչու պետք է ասել «այո»: Իսկ «Ոչ»-ի կողմնակիցները չեն կարողանում բացատրել, թե ինչու՝ «ոչ»:

- Բայց կարող է Քոչարյանը կարողանա բացատրել:

- Այն ժամանակ կքննարկենք: Մենք բոլորի հետ անում ենք քննարկումներ եւ կարող ենք քննարկել: Համենայնդեպս, ես խորհուրդ չեմ տա, որ հանրապետության երկրորդ նախագահի անունը հանիրավի շոշափվի, որովհետեւ նրա գրասենյակից չկա նման հայտարարություն, եւ ես խորհուրդ չեմ տա, որ նման շահարկումներ արվեն:

- Նրա գրասենյակի ղեկավարը քիչ առաջ մեզ հետ զրույցում հաստատեց, որ Քոչարյանն առաջիկայում հարցազրույցով է հանդես գալու ու նաեւ...

- Երբ հանդես կգա, այն ժամանակ մենք կանենք մեկնաբանություն:

- Իսկ կարո՞ղ է նա համոզել ՀՀԿ-ին՝ հետ կանգնել սահմանադրական հանրաքվեից:

- ՀՀԿ-ն շատ հիմնավոր ձեւով կարողացել է բացատրել, թե ինչու են անհրաժեշտ սահմանադրական փոփոխությունները, եւ եթե նման տիպի հնարավորություն կար համոզելու, պարտադիր չէ ինչ-որ քաղաքական կուսակցության անդամ լինել, ամբողջ քաղաքացիական հասարակության ներկայացուցիչները եղել են հանդիպումների, կարող են ձեր նշած անձինք, որպես ՀՀ քաղաքացի, քաղաքական ակտիվ գործիչներ իրենց բոլոր առաջարկությունները ներկայացնել եւ քննարկման առարկա դարձնել: Մենք նման առաջարկություններ նրանցից չենք ստացել, իսկ ումից ստացել ենք, բոլորին կարողացել ենք բավարար պատասխաններ տալ եւ հիմնավորել բարեփոխումների ապագա նպատակահարմարությունը, եւ արդյունքում նախկինում ովքեր դեմ էին, եկել են այն եզրահանգման, որ սահմանադրական բարեփոխումները անհրաժեշտություն են:

- Վերլուծություններ կան, որ եթե Ռոբերտ Քոչարյանը վերադառնա ակտիվ քաղաքականություն, նա փորձելու է իշխանության ներսից մարդկանց ներգրավել:

- Մենք խոսում ենք փաստերի մասին, երբ քայլեր կկատարվեն, այդ քայլերի մասին արդեն կխոսենք եւ ի՞նչ իմաստ ունի խոսել ճանաչված մարդկանց մասին «եթե»-ներով եւ «կարող է»-ներով:

- Ես իշխանությունից ինչ-որ հատված պոկվելու մասին էի հարցնում:

- Իշխանությունը շատ հանգիստ է, իշխանությունը որեւէ մտավախություն չունի, ընդհակառակը, իշխանությունը միշտ մտածում է, որ համալրվում է, ոչ թե, որ իրենից պոկվում են:

Տպել
2683 դիտում

Նոր Նորք վարչական շրջանի Վերածննդի այգին բարեկարգվում է, ջրագծի անցկացման աշխատանքներ են տարվում

Դատարանը Միքայել Մինասյանին կալանավորելու որոշում կայացրեց

Չեմ կարծում, որ կհաջողվի հանրային մոբիլիզացիա ապահովել. Ռուբինյանը՝ սպասվող հանրահավաքի մասին

Պոմպակայանի հոսանքազրկման պատճառով սեպտեմբերի 23-ին 6 ժամով կդադարեցվի Արմավիրի մարզի Ակնալիճ գյուղի ջրամատակարարումը

«Այս անիմաստ դատը երկար է տեւելու, զբաղվեք ավելի կարեւոր գործերով». Քոչարյանը՝ իր աջակիցներին

Աղամալ Հարությունյանի դատավճռի բեկանման և գործը նոր քննության ուղարկելու որոշումը բողոքարկվել է Վճռաբեկ դատարան

Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովին, հանդիպել ՌՈՍԱՏՈՄ կորպորացիայի տնօրենին

Շրջակա միջավայրի նախարարությունը նոր գլխավոր քարտուղար ունի. ներկայացրել է նախարարը

ԱԱԾ-ն բացահայտել է Արաբկիրի նախկին ղեկավարի կողմից կոռուպցիոն մեխանիզմներով կեղծիք կատարելու, խարդախության դեպք

Շիրակի ՄՓՎ 25 աշխատակիցներ պարգևատրվել են մասնագիտական բարձր պատրաստականության և բարեխիղճ ծառայության համար

«Լուսավոր Հայաստանը» չի սպասում, որ մեկը մի բան հայտարարի, վազի միանա այդ հայտարարությանը. Էդմոն Մարուքյան

«Բյութի օֆ Արմենիա տուր» տուրիստական գործակալության տնօրենի նկատմամբ հայտարարվել է հետախուզում

ՀՊՏՀ դասախոսներն ու ուսանողները բողոքի ցույց էին անում. պահանջում են Դիանա Գալոյանին հաստատել ռեկտորի պաշտոնում

Արամ Ա կաթողիկոսը Անկախության տոնի առթիվ շնորհավորական ուղերձ է հղել Արմեն Սարգսյանին

Հայոց բանակը տարածաշրջանում խաղաղության պահպանման գործում գլխավոր դերակատարում ունի. հանդիպում ՊՆ-ում

Ո՛չ ցեղասպանություններին, այլեւս երբեք. «105 ռոյալ» նախագիծը չի չեղարկվել, այն կարող է Գինեսի գրքում գրանցվել

«Տուֆտուֆիկ»-ի հետ միասին երեխաները ստանում են սեփականության վկայական՝ տան հատակագծով. Սեւակ Մարկոսյան

ԱԺ պատգամավոր Սուրեն Գրիգորյանը գործադիր չի գնա

ԲՀԿ-ն, ՀՅԴ-ն ու «Հայրենիք»-ը ծանուցում են Ազատության հրապարակում սպասվող համապետական հանրահավաքի մասին

Մարդու անձնագրի պատճենը կարող է լինել ցանկացած մեկի մոտ. Իվետա Տոնոյանը՝ «Դոսյե»-ի տվյալների մասին