Ծառուկյանն անձամբ կխոսի իր անելիքների մասին. նա ԲՀԿ-ից դուրս գալու դիմում չի գրել

03/11/2015 schedule16:18

Հանրապետականները համառորեն խուսափում են մեկնաբանել իրենց նախկին որակումները եւ ֆինանսների նախարար Գագիկ Խաչատրյանի երեկվա հայտարարությունը ԲՀԿ երբեմնի նախագահ Գագիկ Ծառուկյանի մասին:Երեկ մենք փորձում էինք ճշտել՝ ՀՀԿ-ն ներողություն խնդրելո՞ւ է Ծառուկյանից՝ նախկինում վերջինիս մասին արած սկանդալային ու խիստ վիրավորական հայտարարությունների համար:

Մեր հարցերին պատասխանել է Գագիկ Ծառուկյանի մամուլի խոսնակ Իվետա Տոնոյանը:

- Դուք մի անգամ մեզ պատասխանել էիք, որ Գագիկ Ծառուկյանի՝ քաղաքականությամբ չզբաղվելու մասին հայտարարությունը մնում է ուժի մեջ, բայց հիմա բոլորովին այլ իրավիճակ է. քանի որ մեծամասնական ընտրակարգ այլեւս չի լինելու, Գագիկ Ծառուկյանն էլ կարծես թե «Բարգավաճ Հայաստան» կուսակցությունից դուրս չի եկել, այլ ընդամենը կուսակցության նախագահի պաշտոնից է հրաժարվել, առաջիկա խորհրդարանական ընտրություններին հնարավո՞ր է նա ԲՀԿ համամասնական ցուցակով մասնակցի կամ որեւէ այլ կուսակցության ցուցակով: Ինչպե՞ս է նա պատկերացնում դա:

- Պարոն Ծառուկյանի առաջիկա անելիքների մասին տեղեկատվության ես այս պահին չեմ տիրապետում, քանզի մինչ 2017-ը դեռեւս բավականին երկար ժամանակ կա եւ կարծում եմ, որ պարոն Ծառուկյանը իր պատգամավորական գործունեությունը շարունակելու եւ ընդհանրապես քաղաքականության հետ կապված հարցերի մասին անձամբ կխոսի: Ինչ վերաբերվում է որեւէ կուսակցության ցուցակում ներկայացված լինել կամ չլինելու հարցին, ապա ասեմ, որ այս պահի դրությամբ մենք ունենք Գագիկ Ծառուկյանի հրապարակային հայտարարությունը այն մասին, որ ինքը վայր է դնում կուսակցության նախագահի, խորհրդարանական խմբակցության ղեկավարի լիազորությունները: Նույն օրը պարոն Ծառուկյանը նաեւ հրապարակային հայտարարել է, որ՝ բառացի եմ հիմա ցիտում. «Ես այլեւս որեւէ կապ չունեմ «Բարգավաճ Հայաստան» կուսակցության հետ»: Այնպես որ, պարոն Ծառուկյանի այդ պահին արված հայտարարությանը ես այս պահի դրությամբ ոչինչ չեմ կարող ավելացնել: Եկեք չառաջնորդվենք ենթադրություններով, թե ինչ կարող է լինել, կամ չլինել: Կարծում եմ, պարոն Ծառուկյանն իր անելիքների մասին անձամբ կխոսի:

- Պարզապես ինքը կուսակցությունից դուրս գալու դիմում չի գրել:

- Անկեղծ ասած, ես տեխնիկական մանրամասներին չեմ տիրապետում՝ գրել է, չի գրել, որպես հիմք ընդունում եմ պարոն Ծառուկյանի հայտարարությունը: Իսկ նա հայտարարել է, որ որեւէ առնչություն այլեւս չունի «Բարգավաճ Հայաստան» կուսակցության հետ: Դա հրապարակային հայտարարություն է եղել եւ բոլորն ունեն այդ հայտարարությունը, կարծում եմ: Մարտի 5-ին արված հայտարարության մասին է խոսքը:

- Մամուլում գրվեց, որ հնարավոր է «Բարգավաճ Հայաստան» կուսակցության ղեկավարն ընդհանրապես փոխվի, դուք, որպես նրա խոսնակ, հնարավոր համարո՞ւմ եք Գագիկ Ծառուկյանի վերադարձը ԲՀԿ՝ կուսակցության նախագահի կարգավիճակով:

- Ես որեւէ գնահատական այս պահին չեմ հնչեցնի, կարծում եմ, մշտապես պարոն Ծառուկյանը իր մտադրությունների եւ անելիքների մասին անձամբ է անկեղծ խոսել, եւ ես այս պահին ձեռնպահ կմնամ որեւէ կանխատեսում իրականացնելուց: Մեկնաբանությունները պայմանավորված են պարոն Ծառուկյանի գործողություններով. կլինեն գործողություններ՝ կլինեն նաեւ մեկնաբանություններ:

- Ֆինանսների նախարար Գագիկ Խաչատրյանի այսօրվա հայտարարությունը ինքը՝ Ծառուկյանը եւ դուք, որպես նրա խոսնակ, ինչպե՞ս եք ընդունում: Հիշում ենք փետրվարի 12-ին Սերժ Սարգսյանի արած մի շարք աղմկոտ հայտարարություններ, այդ թվում միլիարդավոր դրամներ բարեգործություն անվան տակ քողարկելու մասին, որից հետո եղավ վարչապետ Հովիկ Աբրահամյանի հայտարարությունը, որ եթե չեն հասկանում, պետք է բամփել եւ այլն, ու այսօր հայտարարվում է, որ առանձնապես որեւէ խախտում Ծառուկյանին պատկանող ձեռնարկություններում չի հայտնաբերվել:

- Գագիկ Խաչատրյանի հայտարարությունը գնահատում եմ օբյեկտիվ, ասվել է այն, ինչ կա իրականում, իսկ մնացած հայտարարություններին ուղղակի սկզբունքորեն ես մասնագիտական առումով չեմ անդրադառնում եւ այս ամիսների ընթացքում էլ չեմ անդրադարձել: Կարծում եմ, դա իմ իրավունքն է:

- Իսկ Գագիկ Ծառուկյանը շարունակո՞ւմ է ձեռնպահ մնալ սահմանադրական փոփոխությունների այս գործընթացից:

- Գագիկ Ծառուկյանի օրակարգում սահմանադրական փոփոխությունների հետ կապված հարց որեւէ ձեւաչափում այս օրերին չկա:

Հիշեցնենք, այս տարվա փետրվարի 12-ին Սերժ Սարգսյանը Գագիկ Ծառուկյանի հասցեին մի շարք խիստ վիրավորական արտահայտություններ արեց: Նա ասել էր նաեւ. «Տարիներ ի վեր շարունակում են օդում կախված մնալ չստուգված լուրերը չմուծված միլիարդավոր դրամ հարկերի, տարեցների կենսաթոշակներից ու երիտասարդների կրթվելու իրավունքից գողացված միլիարդները չնչին, այսպես ասած, «բարեգործության» անվան տակ քողարկելու մասին: Ես հորդորում եմ Հայաստանի Հանրապետության վարչապետին՝ հանձնարարել համապատասխան մարմիններին մինչեւ վերջ ու մանրամասն ստուգել այս լուրերի իսկությունը եւ բաց ներկայացնել բոլորին»։ Մի քանի ամիս շարունակ ֆիննախը հայտարարում էր, թե ստուգումները դեռ շարունակվում են: Ծառուկյանն ու Սարգսյանը, սակայն, Սամվել Կարապետյանի միջնորդությամբ հաշտվեցին: ԱԺ նախագահ Գալուստ Սահակյանը մոռացավ Սերժ Սարգսյանի կողմից իրեն տրված հանձնարարությունը՝ ստուգել Ծառուկյանի բացակայությունների հիմքերը, իրավապահ մարմիններն էլ իրենց տրված հանձնարարությունը՝ ստուգել օդում կախված բազմաթիվ քրեական հանցագործություններ պրոֆեսիոնալ կերպով քողարկելու մեխանիզմ հիմնելու մասին չստուգված լուրերը, ֆիննախն էլ հայտարարեց, թե ստուգումների ժամանակ առանձնապես խախտումներ չեն հայտնաբերվել։

Տպել
2889 դիտում

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)

Քաղաքացին ահազանգում է՝ իրերը երեք ամիս է՝ մաքսատանն է. բաց նամակ ՀՀ վարչապետին

Գորիսի Ավանգարդ թաղամասի ճանապարհներն ու մայթերը հիմնանորգվում են. ուսանողական թաղամասը նոր տեսք կստանա

Վանաձորում պահեստապետը 8 միլիոն դրամի մալուխ է գողացել ու բռնվել

ՀՀ-ում ԱՄՆ դեսպանատան աջակցությամբ պաշտպանիչ միջոցներ և արյան թթվածնի մոնիթորինգի պուլսօքսիմետրեր են տրամադրվել Շիրակին

Կառավարության նվերը Շիրակի մարզ է հասել. ամենագնացները հատկացվել են մարզի 3 բուժհաստատություններին

Մահացած ծննդկանի հարազատները մեղադրում են բժիշկներին, իսկ ԲԿ-ից հայտնում են՝ գործել են ըստ խիստ ցուցումի, չեն թերացել

Տեղի է ունեցել ոլորտային խորհրդակցություններ Հայաստանի և Արցախի ԱԳՆ կառուցվածքային ստորաբաժանումների միջև

ԱԺ-ն ընդունեց սահմանամերձ համայնքների բնակիչներին աջակցության ժամկետը երկարաձգող նախագիծը

Պետք է ամրապնդել ՀՀ-սփյուռք լրատվական հաղորդակցությունը. Զարեհ Սինանյանը հանդիպել է ԱՄՆ-ի և Կանադայի հայ լրագրողների հետ

Կինոյի միջոցով հանրահռչակել Հայաստանի Հանրապետությունը. քննարկվեց կինեմատոգրաֆիայի ոլորտին առնչվող օրենքների նախագծերը

ԱԳՆ-ն ընտրել է այն ՀԿ-ներին, որոնք ներգրավվել են ՀՀ կայուն զարգացման նպատակների խորհրդում

Զորամասերից մեկում անցկացվել է զորավարժություն՝ մարտական հրաձգությամբ

Լոռիում բախվել են Kamaz-ն ու Vaz 2111-ը. վիրավորներից մեկը 6-ամյա երեխա է (լուսանկարներ)

Վերցրել է օտարերկրացու բջջային հեռախոսն ու դիմել փախուստի. բերման է ենթարկվել Երևանի 18-ամյա բնակիչ (տեսանյութ)

Վազգեն Սարգսյանի անվան ռազմական համալսարանում կոնֆերանս է անցկացվել

Հանդիպել են ՀՀ ԱԳՆ նախարար Զոհրաբ Մնացականյանն ու Շվեդիայի նորանշանակ դեսպան Պատրիկ Սվենսոնը