Մանվել Մամոյան. ցանկանում եմ 1 տարում «Գինեսի» 10 ռեկորդ սահմանել

25/02/2016 schedule19:28

Մանվել Մամոյանը, ով նախորդ տարվա հոկտեմբերին «Գինեսի ռեկորդ» սահմանեց, ուղղահայաց ձեռքերի վրա 1 րոպե ժամանակահատվածում 27 հենում-ծալում վարժություն կատարելով, պատրաստվում է հերթական ռեկորդներին: Arimtimes.com-ի հետ զրույցում նա նշեց, որ մոտ մեկ ամսից կստանա սահմանած ռեկորդի սերտիֆիկատը, իսկ մինչ այդ հայտ է ներկայացրել «Գինեսի ռեկորդների» հանձնաժողովին եւ պատրաստվում է փորձել 1 տարում 10 ռեկորդ սահմանել:

«1 տարում «Գինեսի» 10 ռեկորդ սահմանելու ցանկություն ունեմ: Ճիշտ է՝ դա անհնար է թվում, բայց ինձ համար չկան սահմաններ: Վարժություններից 5-ը, որոնք պետք է կատարեմ, արդեն հաստատված են: Մնացածը 5-ի հարցում դեռ սպասում եմ հանձնաժողովի պատասխանին: Դա փաստաթղթային գործընթաց է, որը պետք է պահպանվի, եւ դրանից հետո նոր կկարողանամ պաշտոնապես սահմանել այդ ռեկորդները»,-ասաց նա:

Բացի այս ռեկորդներից՝ մարզիկը վաղուց ցանկություն ունի եւս մեկ շատ բարդ վարժություն կատարելու: Դա դրոշ վարժությունն է, որի ուղղությամբ երկար ժամանակ է, ինչ Մամոյանն աշխատում է:

«Հաջորդ ռեկորդը, որը ցանկանում եմ սահմանել, դրոշ վարժությունն է, որը տարիներ առաջ սահմանել եմ, սակայն ընդամենը 20 վայրկյան անելով: Դա գրանցվել է ընդամենը «Դյուցազնագրքում», իսկ հիմա «Գինեսի ռեկորդ» սահմանելու նպատակ ունեմ: Ընդհանրապես միայն մտածում եմ «Գինեսի ռեկորդներ» սահմանելու մասին: Հայաստանի մակարդակով ռեկորդներ սահմանելու նպատակներ այլեւս իմ առջեւ չեմ դնում, թեեւ ժամանակին սկսել եմ «Դյուցազնագրքում» գրանցվելով»,-ասաց նա:

Ռեկորդը սահմանելու հստակ ժամանակ մարզիկը դեռ չի նշանակել: Առայժմ մարզվում է եւ քանի դեռ 100 տոկոսով պատրաստ չէ եւ վստահ չէ, որ կստացվի, չի ցանկանում ռիսկի դիմել:

«Դեռ հստակ չեմ որոշել, թե երբ եմ դրոշ վարժության ռեկորդը սահմանելու, բայց դա իմ գերնպատակն է: Աշխատելու եմ ամեն գնով շուտ սահմանել այդ ռեկորդը, պարզապես շատ դժվար վարժություն է: Երկար պետք է մարզվեմ, որ այդ արդյունքն ունենամ: Ներկա պահին ինձ աշխարհի ռեկորդից բաժանում է ընդամենը 5-6 վայրկյան, իսկ ռեկորդը 1 րոպե 5 վայրկյան 71 միլիվայրկյան է»,-պարզաբանեց Մամոյանը:

Ընդհանրապես Մանվել Մամոյանն իր առջեւ մեծ նպատակներ է դնում: Նա ցանկանում է բացառիկ ռեկորդներ սահմանել, որոնք շատերին նույնիսկ անհնար են թվում: Աշխատելու է նաեւ դառնալ «Գինեսի» ամենաշատ եւ ամենաբազմազան ռեկորդներ սահմանած մարդը: Վստահ է, որ դա իր մոտ անպայման կստացվի:

«Դա ինձ համար դժվար չի լինի: Վստահ եմ իմ խոսքերի վրա, կարող եմ հեղինակել այդ բոլոր ռեկորդները եւ դառնալ առաջինը՝ ռեկորդների տեսակով եւ քանակով»,-ասաց նա:

Մանվելը սպորտով սկսել է զբաղվել 10 տարեկանից: Իր ուժերն է փորձել տարբեր մարզաձեւերում՝ ըմբշամարտ, ձյուդո, սամբո: 

Տպել
2273 դիտում

Ընտրվեցին ԱԺ մշտական հանձնաժողովի նախագհաները. ով՝ որքան քվե է ստացել

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել

Գագիկ Ծառուկյանը՝ 16 տարվա ընթացքում առաջին անգամ ելույթ ունենալու մասին

Դատարանը քիչ առաջ Արամ Հարությունյանին կալանավորելու որոշում կայացրեց

Երեւանի քաղաքապետարանն ամբուլատոր-պոլիկլինիկական բուժհաստատություններում հերթապահություն է սահմանել

Հայաստանը ցանկանում է խորացնել համագործակցությունը Եվրապոլի հետ. ՀՀ դեսպանը հանդիպել է կառույցի գործադիր տնօրենին

Թուրքիայի Մեջլիսը մերժել է Հրանտ Դինքի սպանության ուսումնասիրության պահանջը

Մանվել Գրիգորյանի գործով դատավորը երկրորդ անգամ մերժեց ինքնաբացարկի միջնորդությունը

ՄԻԵԴ-ում ՀՀ ներկայացուցիչը ձեռնարկում է անհրաժեշտ քայլեր Մայրապետյանի գործով դատարանի որոշումը կատարելու համար. ԱՆ

Երեւանում արտակարգ դեպք է գրանցվել. անցած գիշեր զինված մտել են «ՍԱՍ» սուպերմարկետ

Սպասվում է առանց տեղումների եղանակ, բայց ջերմաստիճանը կնվազի 3-5 աստիճանով. ԱԻՆ

Ամեն մեկս պետք է մյուսի վրա պարապի, ստորակետ գտնի. Ծառուկյանի պատասխանը՝ Միքայել Մինասյանին