ԵԱՀԿ համանախագահներն ու Բակո Սահակյանը «կառուցողական քննարկում» են ունեցել

ԵԱՀԿ ՄԽ համանախագահները եւ ԼՂՀ նախագահ Բակո Սահակյանը բավականին կառուցողական քննարկում են ունեցել: Այս մասին Armtimes.com-ի հետ զրույցում ասաց ԼՂՀ նախագահի մամուլի քարտուղար Դավիթ Բաբայանը:

Հիշեցնենք, որ տարածաշրջան այցի շրջանակում համանախագահները նախ՝ հոկտեմբերի 22-ին այցելել էին Բաքու, այսօր՝ Լեռնային Ղարաբաղ, վաղը սպասվում է այց Երեւան:

«Կառուցողական քննարկում էր տարբեր հարցերի շուրջ, իհարկե, արծարծվել է իրավիճակը սահմաններում եւ վերջին լարվածությունը, ընդհանրապես, բանակցային գործընթացի ներկա փուլը, հնարավոր զարգացումները եւ այլն»,- ասաց Դավիթ Բաբայանը:

Հարցրեցինք՝ Վիեննայի եւ Սանկտ-Պետերբուրգի պայմանավորվածություններին անդրադարձ եղե՞լ է հանդիպման ժամանակ, Բաբայանն ասաց.

«Իհարկե, եղել է: Նախագահ Սահակյանը հաստատել է, որ մենք ողջունում ենք այդ պայմանավորվածությունները, ավելին՝ նշել է, որ այդ մեխանիզմների ներդրումը առաջնային նշանակություն ունի, որովհետեւ հենց դրանից հետո պետք է ակնկալել դրական զարգացումներ»:

Ինչ վերաբերում է այն հարցին, թե արդյոք ԼՂՀ նախագահը պարզաբանում խնդրե՞լ է ԵԱՀԿ ՄԽ ամերիկացի համանախագահ Ջեյմս Ուորլիքից ադրբեջանական լրատվամիջոցի հետ զրույցում հայտնած խոսքերի համար, Բաբայանն այդ ամենն անլուրջ որակեց:

Հիշեցնենք, որ ըստ ԱՊԱ ադրբեջանական պետական գործակալության՝ Ջեյմս Ուորլիքը ողջունել է Ադրբեջանի նախագահ Իլհամ Ալիեւի հայտարարությունը ԼՂ կարգավիճակի մասին (ինքնավար հանրապետության կարգավիճակ):

Ամենայն հավանականությամբ, համանախագահները կգիշերեն Լեռնային Ղարաբաղում:

Մեր հարցին, թե ե՞րբ է սպասվում համանախագահների այցը Երեւան, ՀՀ ԱԳՆ մամուլի քարտուղար Տիգրան Բալայանը պատասխանեց, որ նրանք Երեւանում կլինեն վաղը. նախատեսված է հանդիպում Արտաքին գործերի նախարար Էդվարդ Նալբանդյանի հետ: Համանախագահների հետ հանդիպում կունենա նաեւ Սերժ Սարգսյանը:

Տպել
6051 դիտում

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը

Կրակոց Աբովյանում. թալանել են «Արեգակ» վարկային կազմակերպությունը

Հրդեհ Գլաձոր գյուղում. այրվել է տանը հարակից անասնագոմի տանիքը. տուժածներ չկան

ԱՄՆ-ում տեղի է ունեցել երգչուհի Լիլուի հարսանիքը (լուսանկարներ)

«Իմ քայլը» հիմնադրամի գալա-ընթրիքին հավաքվել է 700 մլն դրամ. Աննա Հակոբյանի ելույթը՝ ընթրիքի ժամանակ (տեսանյութ)

Ինչպիսին է լինելու Ամանորը Երեւանում. բոլոր միջոցառումների մասին՝ մեկ տեսանյութում

Փրկարարները ջրատարից դուրս են բերել խոշոր եղջերավոր կենդանուն