Որեւէ ներմուծողի կողմից դժգոհություն չի եղել. նախարարը՝ գործարարների ահազանգերի մասին

07/11/2016 schedule12:49

Հայաստանը Չինաստանի հետ բանակցություններ է վարում, որպեսզի վերջինս տրամադրի GSP+ միակողմանի արտոնյալ առեւտրային ռեժիմ:

Այս մասին խորհրդարանում՝ լրագրողների հետ զրույցում ասաց Տնտեսական զարգացման եւ ներդրումների նախարար Սուրեն Կարայանը.

«Դա նշանակում է, որ եթե Չինաստանի Հանրապետությունն այդ ռեժիմը տրամադրի, ապա ՀՀ-ում արտադրված որոշակի ապրանքներ կներմուծվեն Չինաստան՝ առանց սահմանափակումների ու մաքսատուրքերի»,- մանրամասնեց նախարարը:

Ճշտող հարցին՝ ի՞նչ ապրանքատեսակների մասին է խոսքը գնում, նախարարն ասաց, որ այն կախված է բանակցություններից:

Նախարարի խոսքով՝ 2017 թվականին նախարարության ձեռնարկած միջոցառումների արդյունքում ներդրումների աճ կլինի:

Հարցին՝ ԵՏՄ-ին անդամակցության ազդեցությունը թվային ցուցանիշներով կարո՞ղ է ասել, նախարարն ասաց, որ ԵՏՄ-ին անդամակցությունը ՀՀ-ի համար լայն հնարավորությունների ստեղծում է.

«Մեր պատրաստի արտադրանքի մեծ մասն արտահանվում է ԵՏՄ շուկաներ, եթե հիմնական մակրոտնտեսական ցուցանիշները վերլուծեք ՀՀ-ի եւ մեր հարեւան այլ պետությունների մասով, որոնք չեն անդամակցել ԵՏՄ-ին, կհամոզվեք, թե ինչքանով դրական էր մեր անդամակցությունը»,- ասաց նա:

Դիտարկմանը, որ ՌԴ նախագահի խոսքով, ՀՀ-ում 10 տոկոս տնտեսական աճ է գրանցվել, այդ ինչ աճի մասին է խոսքը, նախարարն ասաց.

«Չեմ իմանում»:

Ինչ վերաբերում է գործարարների՝ ներկրումների հետ կապված ահազանգերին, նախարարը վստահեցրեց, որ չեն եղել նման դեպքեր.

«Մեր նախարարությունը դեռ ներկրման հետ կապված ահազանգ չի ստացել»,- ասաց նախարարը:

Դիտարկմանը, որ մամուլում տեղեկություններ կային բանանի ներկրման արգելքի մասին, Կարայանը չցանկացավ մեկնաբանել «այն, ինչ գրված է մամուլում», սակայն պատասխանեց.

«Որեւէ ներմուծողի կողմից որեւէ դժգոհություն վերջին ժամանակաշրջանում չի եղել»:

Նախարարը լրագրողների հետ զրույցում հստակեցրեց՝ պատգամավորի հարցին ի պատասխան ասել է ոչ թե 3,2 տոկոս տնտեսական աճից ավելին է սպասվում, այլ չեն բացառում, որ իրենց ծրագրած միջոցառումների արդյունքում կլինի 3,2 տոկոս տնտեսական աճ, ապա հավելեց.

«Սակայն թիրախավորում ենք, որ առավել ակտիվ միջոցառումներ իրականացնենք, որ արդյունքներն ավելի իրատեսական լինեն»:

Դիտարկմանը, որ որոշ տնտեսագետներ 3,2 տոկոս տնտեսական աճից ցածր ցուցանիշ են կանխատեսում, ավելի քիչ կանխատեսումներ չկա՞ն, նախարարն ասաց.

«Կան, ուզում եմ նշել, որ 3,2 տոկոս տնտեսական աճը բավական ռիսկային եւ լուրջ ցուցանիշ է ներկա պարագայում»:

Ճշտող հարցին՝ 2017-ին արդյունաբերական որեւէ ձեռնարկություն բացվելո՞ւ է, նախարարը չցանկացավ պատասխանել.

«Եկեք բացահայտ չխոսենք էդ մասին. պետությունը ձեռնարկություններ չի բացում, ստեղծում է բարենպաստ պայմանները, որ բացվեն»,- եզրափակեց նա:

Տպել
2141 դիտում

Զգուշություն դրսևորելով՝ Ստամբուլի 200 հայ ՀՀ է եկել․ Սինանյանի խոսքով՝ սփյուռքի համախմբումն աննախադեպ է

Վիեննայում շուրջ 50 իսլամիստ հարձակվել է կաթոլիկ եկեղեցու վրա

Ադրբեջանական սոցիալական ցանցերը նոր տեսանյութ են հրապարակել, որում երեւում են 19 հայերի մարմիններ. Արցախի ՄԻՊ

Հայաստանում հաստատվել է կորոնավիրուսի 2381 նոր դեպք. գրանցվել է 41 մահ

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր

Այսօր Վրաստանում խորհրդարանական ընտրություններ են․ կանցկացվեն հակահամաճարակային կանոնների խիստ պահպանմամբ

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին