Փոխմարզպետի որդու սպանությունից 20 օր անց Նորատուսում իրավիճակը դեռ չի հանդարտվում

Գեղարքունիքի փոխմարզպետ Անդրանիկ Հակոբյանի որդու՝ Հայկ Հակոբյանի սպանությունից հետո Նորատուս գյուղում դեռ լարվածությունը պահպանվում է: Հակոբյանի սպանության մեջ մեղադրվող 20-ամյա Մեխակ Հարությունյանի ընտանիքն ու հարազատները շարունակում են ընդհատակում մնալ, նրանց տները դեռ շրջապատված են ոստիկաններով ու ոստիկանական մեքենաներով: Մեխակ Հարությունյանը, հիշեցնենք, Նորատուսի գյուղապետ Մուրադ Հարությունյանի եղբորորդին է: Նորատուսի գյուղապետին շուրջ 20 օր է՝ գտնել հնարավոր չէ: Նրա բջջային համարն անհասանելի է, գյուղապետարանի համարները չեն գործում:

ՀՀ քննչական կոմիտեի նախագահի խորհրդական Սոնա Տռուզյանից այսօր տեղեկացանք, որ շարունակում է ուժի մեջ մնալ սպանության դեպքի առթիվ հարուցված քրգործով քննիչի որոշումը՝ մեղադրյալ Մեխակ Հարությունյանի ընտանիքի եւ նրանց գույքի պահպանության իրականացման վերաբերյալ:

ՀՀ տարածքային կառավարման եւ զարգացման նախարարի մամուլի խոսնակ Կարինե Մանգասարյանից հետաքրքրվեցինք՝ արդյոք դադարեցվել են Նորատուսի գյուղապետի լիազորությունները, ինչո՞ւ գյուղապետարանում որեւէ հեռախոսահամար չի գործում:

Մանգասարյանն ասաց, որ Մուրադ Հարությունյանի լիազորությունները դադարեցված չեն, նա շարունակում է մնալ գործող գյուղապետ: Մեզ հաջողվեց կապ հաստատել եւ զրուցել գյուղապետի տեղակալ Վաչիկ Խաչատրյանի հետ: Վերջինս ասաց, որ Մուրադ Հարությունյանն արձակուրդում է, նրան փոխարինում է ինքը:

- Պարոն Խաչատրյան, իսկ ի՞նչն է Հարությունյանի արձակուրդի պատճառը:

- Անհրաժեշտ էր, գնացել է:

- Գյուղապետարանի հեռախոսնե՞րն ինչու չեն պատասխանում:

- Քաղաքային համարները չեն գործում, միայն բջջային համարներով ենք խոսում:

- Իսկ գյուղացիներն անհրաժեշտության դեպքում ինչպե՞ս են զանգում:

- Մեր բջջային համարները համարյա բոլորի մոտ էլ կան, եթե պետք է լինում՝ զանգում են:

- Ասում են՝ գյուղում շատ լարված վիճակ է, փոխմարզպետի որդու սպանությունից հետո ոստիկաններ են ամենուր, գյուղապետն ու նրա հարազատները գյուղից հեռացել են, կա՞ նման բան:

- Դե բնականաբար էդ դեպքերից հետո անվտանգությունը ապահովելու խնդիր առաջացել էր:

- Դրանո՞վ է պայմանավորված, որ պարոն Հարությունյանը չի գալիս աշխատանքի:

- Գյուղապետը հիմա գյուղում չի:

- Փաստորեն ճիշտ է, որ նա եւ նրա հարազատները գյուղից հեռացել են:

- Գուցե ինչ-որ տեղ դա էլ կարող է դեր խաղալ, բայց եսիմ ինչ թշնամություն գյուղապետը եւ այդ ընտանիքը (սպանվածի ընտանիքը-խմբ.) չեն ունեցել: Ջահելներ են, երեւի իրար չեն հասկացել, հասել է էդ բանին:

- Իսկ ինչո՞ւ է գյուղից հեռացել համայնքի ղեկավարը:

- Գյուղապետը գնում- գալիս է, երեկ ես իրեն հանդիպել եմ, էսօր չեմ հանդիպել: Գալիս է գյուղ, գնում է:

- Որքա՞ն ժամանակով է նա արձակուրդ վերցրել, ե՞րբ կվերադառնա:

- Հունվարի 9-ից արձակուրդի մեջ է, փետրվարի առաջին տասնօրյակից հետո կգա:

- Ավագանին նիստ գումարո՞ւմ է այս ընթացքում:

- Երկու օր առաջ նիստ է եղել, ես եմ վարել:

- Չկա՞ գյուղապետի հրաժարականի հարց ավագանու կողմից:

- Ոչ, ոչ, աշխատանքը նորմալ իր հունով գնում է:

Հիշեցնենք, որ Գեղարքունիքի փոխմարզպետի որդին սպանվել է հունվարի 7-ին, Գավառի «Քաղառի կռուգ» կոչվող վայրում: Նրա սպանության մեջ մեղադրվող Մեխակ Հարությունյանի պաշտպան Ինեսսա Պետրոսյանը մեր թղթակցին ասել էր, որ իր պաշտպանյալին կալանավորելուց հետո միջնորդել է քննիչին, որպեսզի անվտանգության նկատառումներից ելնելով «Նուբարաշեն» ՔԿՀ չտեղափոխեն: Բանն այն է, որ սպանված Հայկ Հակոբյանը քրեական հեղինակություն Նորատուսցի Ալիկի մորեղբոր որդին է: Նորատուսցի Ալիկը կալանավորվել է 2016 թվականին Շենգավիթ վարչական շրջանում գտնվող «Լիա» գեղեցկության սրահում տեղի ունեցած աղմկոտ սպանության գործի շրջանակներում եւ պահվում է «Նուբարաշեն» ՔԿՀ-ում: 

Տպել
23291 դիտում

Վիժեցում  մայր թատրոնում

Զինծառայողը զորակոչվելուց 1.5 տարի անց զինծառայությանը ոչ պիտանի է ճանաչվել և վաղաժամ զորացրվել. ՀՔԱՎ

Մեծ Բրիտանիան վավերացրել է ԵՄ-Հայաստան համաձայնագիրը. մնաց 19 պետություն

Սկանդալ Երեւանում. մանկապարտեզի երեխաների սնունդը գողացել եւ տեղափոխել են ռեստորան

Աշոցքի դահուկասպորտի փառատոնին կմասնակցի Սվիտալսկին, գուցե նաեւ ՀՀ կառավարության անդամներ

Ընտրական հանցագործության համար ազատազրկմամբ պատիժ նշանակել. դատախազը և ՀՀ վերաքննիչ դատարանը համակարծիք են

Անընդունելի ենք համարում անհիմն ոտնձգությունները ՀՀ դիվանագիտական անձնակազմի նվիրված ծառայության նկատմամբ․ ԱԳՆ խոսնակ

Ավելի քան 90 մլն դոլար. ԵՄ-ն Վրաստանը դրամական փոխանցումներով առաջ է անցել Ռուսաստանից

Մարկ Գրիգորյանի դեմ նյութեր են նախապատրաստվում. ռադիոյի նոր ԺՊ-ն չի ցանկանում տնօրեն դառնալ

Սերգեյ Խաչատրյանը նշանակվել է հոգեբուժական կենտրոնի տնօրենի ԺՊ. մինչեւ տնօրեն մեկ քայլ է

Երջանկության նախագիծ. Հովիկ Չարխչյան

2 բնակարան, 1 առանձնատուն. ի՞նչ ունեցվածք ունի վերջերս ՀԱՀ-ի քոլեջի դեկան նշանակված նախկին փոխվարչապետը

5455 ապօրինի հատված ծառեր. «Հայանտառ»-ի աշխատակիցները կազմել են 278 արձանագրություն

Վահան Արծրունին ընտրվեց ԵՊԲՀ հոգաբարձուների խորհրդի նախագահ. Շուշան Դանիելյան

Ինչպե՞ս պաշտպանել էլեկտրոնային փոստերը հաքերներից եւ ի՞նչ մեխանիզմով են հաքերները դրանք կոտրում. պարզաբանում

Քոչարյանին կալանքի տակ պահելու ժամկետը երկարացնելու մասին դատարանի որոշումը դեռևս չի տրամադրվել պաշտպաններին

Թալանել են Երեւանում քաղաքապետարանի ճարտարապետի տունը. գողոնը կազմում է մի քանի միլիոն դրամ

Վերահսկողական ծառայության նախկին աշխատակիցը պատրաստ է միլիոնավոր դոլարների չարաշահումների փաստեր ներկայացնել վարչապետին

«Արմավիր» ՔԿՀ-ի դատապարտյալին հայտնաբերել են մահացած

Ինչ թույլատրելի չէր Սերժ Սարգսյանի համար, չի կարող թույլատրելի լինել Նիկոլ Փաշինյանի համար. Սամսոնյան