Լեւոն Ալթունյանը 15 տարի է չի ծխում, Մկրտչյանը` 17 տարի, Դավիդյանը` հիմնարկում չի ծխում

Այսօր` ծխախոտի դեմ պայքարի համաշխարհային օրը, առողջապահության նախարար Լեւոն Ալթունյանը մեր հարցին ի պատասխան ասաց, որ ինքը չի ծխում եւ արդեն 15 տարի: Առանձնահատուկ միջոցներ դրա համար նա չի ձեռնարկել, նույնիսկ հատուկ որոշում էլ չի կայացրել: Ուղղակի մի օր արթնացել է ու այլեւս չի ծխել:

Առողջապահության նախկին նախարարներից մի քանիսից եւս հետաքրքրվեցինք` ծխո՞ղ են արդյոք: Նրանցից ոմանց պատասխանը շատ սեղմ է:

Արմեն Մուրադյան (2014-2016 թթ.)- Նա երբեք չի ծխել:

Դերենիկ Դումանյան (2012-2014 թթ.)- «Հիմա չէ, բայց լինում է, որ մեկ-մեկ ծխում եմ: Շնորհակալություն»:

Հարություն Քուշկյան (2007-2012 2 թթ.)- Նա 20 տարի է` չի ծխում: Ուղղակի որոշել է եւ դադարել ծխելուց:

Նորայր Դավիդյան (2003-2007 թթ.) - «Շատ վատ բան եմ անում, բայց ծխում եմ, ցավոք: Փորձել եմ հրաժարվել, մի քանի տարի չեմ ծխել, բայց նորից վերսկսեցի: Շատ վատ բան է ծխելը, բայց հիմնարկությունում չեմ ծխում»,- ասաց Ճառագայթային բժշկության եւ այրվածքների գիտական կենտրոնի ներկա տնօրեն Նորայր Դավիդյանը:

Արարատ Մկրտչյան (2000-2003 թթ.)- Առողջապահության նախարարի պաշտոնում նշանակվելուն պես նա հրաժարվել է ծխախոտից:

«Վաղուց ի վեր որոշել էի թողնել, դա էլ իր հերթին պատճառ հանդիսացավ, որովհետեւ առողջապահության ծխող նախարար մի քիչ դժվար է պատկերացնել եւ ընդունել»,- նկատեց Արարատ Մկրտչյանը: Նրա դեպքում չծխելու որոշումը կայացվել է եւ վերջ:

«Ընդամենը կամքի ուժ է պետք` վատ սովորությունից հրաժարվելու համար: Նիկոտինից կախվածության տարբերակը ես այդքան էլ չեմ ընդունում, ինքը սովորության կախվածություն է: Շատերը կարծում են, թե ծխախոտն օգնում է հաղթահարել սթրեսը: Ընդամենը պետք է հրաժարվել ծխախոտի ազդեցության միֆերից, որը ես արեցի` հասկանալով, որ դա ինձ ոչ սթրեսից է ազատում, ոչ էլ հաճելի զբաղմունք է: Այդ բոլոր բաները համադրեցի, որոշում կայացրեցի չծխել, հաջորդ օրվանից չծխեցի: Ուղղակի մի կարճ ժամանակամիջոց պետք է դիմադրես վերսկսելու ցանկությանը եւ վերջ: Ծխելու երեւույթն էլ է տգեղ: Երբ չես ծխում եւ հայացք ես գցում ծխողի վրա, զարմանք է առաջանում` այս ինչո՞վ է զբաղված այս մարդը, այս ի՞նչ տարօրինակ բաներ է անում»,- ծխախոտից հրաժարվելու իր ուղին ներկայացրեց Մկրտչյանը:

Առողջապահության նախկին նախարարն իր օրգանիզմի վրա զգացել է ծխելու բացասական ազդեցությունը:

«Ծխախոտը ինքնին շատ եւ շատ բացասական ազդեցություն է թողնում թե´ այն անձի վրա, որը օգտագործում է այդ չարիքը, թե´ շրջապատի: Իհարկե, իմ դեպքում էլ բացասական ազդեցությունը շատ մեծ էր` շնչառության հետ կապված պրոբլեմներ, մաշկի գույնի փոփոխություն, հեւոց, շուտ հոգնում ես եւ այլն, եւ այլն: Իսկ ծխախոտից հրաժարվելուց հետո կյանքի որակը կտրուկ փոխվում է, ավելի լավ ես զգում, ավելի դիմացկուն ես լինում, նաեւ օրգանիզմի ընկալունակությունն է փոխվում տարբեր վարակիչ հիվանդությունների նկատմամբ` դիմադրողականությունդ բարձրանում է: Մի խոսքով, այդ չարիքը հասարակության միջից որքան արագ դուրս գա, այնքան լավ»,- համոզմունք հայտնեց առողջապահության նախկին նախարար Արարատ Մկրտչյանը:

Տպել
7128 դիտում

ՍԴ-ն կասեցնում է Քոչարյանի գործի վարույթները եւ դիմում ՄԻԵԴ-ին ու Վենետիկի հանձնաժողովին․ նոր զարգացում

Հայկական շոու-բիզնեսի ապագա մայրիկները (լուսանկարներ)

Իշխանությունը դատապարտված է դատական համակարգում բարեփոխումներ անել, հակառակ դեպքում 1 մմ իսկ առաջ գնալու շանս չունենք

Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել

2019 թվականի առաջին եռամսյակի համեմատ անշարժ գույքի գործարքներն աճել են 24.3 %-ով

ՀՀ սահմաններից դուրս գտնվող հայկական պետական միակ թատրոնն ինը տարի անց կգործի սեփական շենքում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ

Կիպրոսում «Մելքոնյան Վարժարանը» պետք է վերաբացվի. Եվրոպայի հայերի համագումար

Մոտ 12մլն դրամ. Արմավիրի մարզում ավարտված կոռուպցիոն գործերով 63 տոկոսով ավելի շատ վնաս է վերականգնվել, քան 2018թ-ին

Վրացական «Ռուսթավի 2» հեռուստաընկերությունը կվերադարձվի նախկին սեփանականտիրոջը. ՄԻԵԴ-ը խախտում չի արձանագրել

Սեպտեմբերի 1-ից Հայաստանի երիտասարդական հիմնադրամը կլուծարվի

Հայաստանը հուսով է ՄԱԶԾ-ից լրացուցիչ աջակցություն ստանալ. Տիգրան Ավինյանը՝ ՄԱԿ-ի զարգացման ծրագրի կառավարչին

Եվրո 2019. ՀՀ հավաքականը տեղավորվեց խմբի վերջին տեղում

Մեկնարկել է Երևան-Սևան-Իջևան-հայ-ադրբեջանական սահման ավտոճանապարհի նորոգումը