Հայ աստղերն աջակցում են ապրիլյան քառօրյայի վիրավորներին

Հունվարի 24-ին Արամ Խաչատրյանի անվան համերգասրահում հայ աստղերի մասնակցությամբ տեղի ունեցավ բարեգործական համերգային ծրագիր:

Համերգի հասույթը տրամադրվելու է զինհաշմանդամների համար կառուցվող վերականգնողական կենտրոնին, որպեսզի տղաները կարողանան ժամանակակից տեխնոլոգիաներով հագեցած լիարժեք բուժում ստանալ: Համերգին ներկա էին քառօրյա պատերազմի ընթացքում վիրավորված տղաներ եւ տարբեր տարիների ծառայության ընթացքում վնասվածք ստացածներ, պատերազմի վետերաններ, զինվորի մայրեր:

Վերականգնողական կենտրոնը լինելու է «Հերացի թիվ 1» հիվանդանոցային համալիրի տարածքում: Բարեգործական ծրագիրն իրականացնում է «Դիրքապահ» քառօրյա պատերազմի մասնակիցների միավորում հասարակական կազմակերպությունը` համագործակցելով ՀՀ մշակույթի նախարարության հետ:

«Դիրքապահ» հասարակական կազմակերպությունը գործում է 2017 թվականի հուլիսի վերջից, կազմակերպության ղեկավար Մանուել Մանվելյանը «Հայկական ժամանակ»-ի հետ զրույցում ասաց, որ քառօրյա պատերազմից հետո է առաջացել նման կենտրոն ստեղծելու գաղափարը: «Այս պահին ամենակարեւոր խնդիրը տղաներին լիարժեք բուժում ստանալու հնարավորության ստեղծումն է, հետագայում էլ նրանց աշխատանքի տեղավորելը: Ամեն ինչ անելու ենք վիրավոր զինվորներին աջակցելու համար»,- ասաց Մանուել Մանվելյանը:

«Դիրքապահ» հկ-իի ղեկավար կազմում ընդգրկված են հայրենիքի պաշտպանության համար ծանր վիրավորում ստացած տղաներ, որոնք մասնակցում են այս ծրագրի իրականացմանը, ինչպես նաեւ կազմակերպության ընթացիկ գործունեությանը:

Ծրագրի իրականացնողներից եւ գլխավոր կազմակերպիչներից ժողովրդական երգիչ Արսեն Գրիգորյանը (Մրո) ասաց, որ սա պարզապես համերգային ծրագիր չէ, այլ հաղորդակցության մի երեկո, որին պետք է ողջ հայ ազգը մասնակցի ու իր շնորհակալությունն ասի հայ զինվորին:

«Զինվորին, որն իր առողջությունը չի խնայել մեր բարոյական եւ ֆիզիկական գոյության համար, սա ամենաչնչին վերաբերմունքն է մեր կողմից՝ նրանց»,- ասաց Արսեն Գրիգորյանը, հավելելով որ նմանատիպ ծրագրերը շարունակական են լինելու, ամեն ինչ արվելու է, որպեսզի որքան հնարավոր է շատ գումար հավաքվի զինվորների առողջացման համար:

Արսեն Գրիգորյանը նաեւ ասաց, որ այս պահին ազգային մշակույթի հանրահռչակման նոր ծրագիր են իրականացնում սահմանամերձ շրջաններում: Տարբեր համերգային ծրագրեր եւ միջոցառումներ են իրականացվելու սահմանամերձ գյուղերի համար, որպեսզի փոքր ինչ գունավորվի նրանց առօրյան:

                                                                                     Աղունիկ Հովհաննիսյան    

Տպել
1109 դիտում

ՀՅԴ-ն բացատրել է՝ ինչու կուսակցության ընդհանուր ժողովն Արցախում տեւելու է 9 օր

Սուրենավան գյուղի բնակիչը «Կալաշնիկով»-ից կրակահերթ է արձակել համագյուղացիների ուղղությամբ. հարուցվել է քրեական գործ

Հայաստանում չարորակ հիվանդությունների վիրահատական բուժումը կլինի անվճար. նախարար

Ռեգուլյար բենզինն այս պահին Վրաստանում 30 դրամով թանկ է, քան ՀՀ-ում. պատգամավորը՝ բենզինի և հացի գների փոփոխության մասին

Արդյոք միգրանտներն իրենց հետ հիվանդություննե՞ր են տանում Եվրոպա. ԱՀԿ-ն հերքում է

ՄԻՊ-ն առաջարկներ է ներկայացրել մատչելի բնակարան զինծառայողներին ծրագրի վարկավորման կարգի եւ պայմանների վերաբերյալ

Սուր շնչառական վարակներով պայմանավորված հոսպիտալացման դեպքերը նվազել են. ԱՆ

ՀՀ վարչապետին շնորհավորական ուղերձ է հղել Ուզբեկստանի նախագահը

Երևանի քաղաքապետը պարգեւատրել է աշխատակիցներին 474 միլիոն դրամի չափով, տնտեսել՝ շուրջ 7 միլիարդ դրամ. հաշվետվություն

Նախարար Հակոբ Արշակյանը ընդունել է ԿՏՀ գլխավոր քարտուղար Նուրիդին Մուխիդինովին

Սիրիան սպառնում է ՄԱԿ-ի ԱԽ-ին՝ Իսրայելին չզսպելու դեպքում Թել-Ավիվի օդանավակայանին կհարվածեն

Ոստիկանները հայտնաբերել են մի քանի տասնյակ մեքենաներից գողություններ կատարած անձանց

Անցկացվել են ՊՆ մասնագետների հավաքներ՝ ցուցադրական պարապմունքների տեսքով

Թուրքիան բնութագրվում է լրագրողների ամենամեծ բանտ աշխարհում. «Լրագրողներ առանց սահմանների»

Վայոց Ձորի, Լոռու, Տավուշի մարզերում հրշեջ-փրկարարները մարել են խոտածածկ տարածքների հրդեհները

ՀՀ տարածքում կան դժվարանցանելի և փակ ավտոճանապարհներ, Լարսի ճանապարհը բաց է

Անցկացվել են Հակաօդային պաշտպանության ստորաբաժանման համալիր մարզումներ

Լոռու մարզում բախվել են ВАЗ 2106-ը և ВАЗ 2110-ը. կան վիրավորներ

Երևանում և 3 մարզում այսօր էլեկտրաէներգիայի մինչեւ 6-ժամյա պլանային անջատումներ կլինեն

ԵԱՏՄ տարածքում կա ավելի քան 60 խոչընդոտ, որոնք թույլ չեն տալիս ինտեգրացիոն գործընթացների զարգացումը. վարչապետ