Մինչեւ հիմա նրանք ընկճված են. Վիկ Դարչինյանը հանդիպեց ապրիլյան պատերազմի վիրավորների հետ

Երեկ զինհաշմանդամների համար նախատեսված «Հերացի» թիվ 1 վերականգնողական կենտրոն էր եկել պրոֆեսիանալ հայ բռնցքամարտիկ Վիկ Դարչինյանը: Վիկը վերջին մի քանի օրերին է Ավստրալիայից ժամանել Հայաստան:

«ՀԺ»-ի հետ զրույցում բռնցքամարտիկն ասաց, որ եկել էր ընկերներին տեսնելու նպատակով, բայց իմացել է քառօրյայի մասնակից վիրավոր զինվորների՝ վերականգնողական կենտրոնում գտնվելու մասին եւ արդեն երկրորդ օրն է՝ ինչ գալիս է «Հերացի» թիվ 1 նորաբաց կենտրոն եւ շփվում տղաների հետ: «Ուզում եմ իրենց հետ մի փոքր ժամանակ անցկացնել, ավելի մոտիկից ծանոթանալ: Միայն այն միտքը, թե ինչերի միջով են անցել տղաները, ամեն ինչ արդեն ասում է: Ինձ շատ է տպավորել նրանց հետ հանդիպումը: Վիկ Դարչինյանն ասաց, որ սկզբում տղաներն այնքան էլ ազատ չեն եղել, բայց երեկվա մի քանի ժամ շփումից հետո արդեն մտերմացել են. «Ես զգում եմ, որ մինչև հիմա նրանք ընկճված են, բայց իրենց հետ զրուցել է պետք, մշտական շփումներ է պետք, որ դուրս գան այդ վիճակից»,- ասաց բռնցքամարտիկը:

Մխիթար Հերացու անվան բժշկական համալսարանի պլաստիկ վիրաբուժության ամբիոնի վարիչ, առողջապահության նախարարության գլխավոր պլաստիկ վիրաբույժ Արտավազդ Սահակյանը մեզ հետ զրույցում ասաց, որ Վիկն իր ընկերն է, եւ երբ ինքը հայտնել է, որ կա նման վերականգնողական կենտրոն, որտեղ լավագույն տղաներն են բուժում ստանում, բռնցքամարտիկը մեծ խանդավառությամբ որոշել է այցելել: «Կարծում եմ, այս այցը շատ օգտակար կլինի տղաների համար, տղաները կարիք ունեն թե՛ ուշադրության, թե՛ ինտեգրման:

Նրանք պետք է լինեն մշտական ուշադրության կենտրոնում, պետք է կարողանանք հասնել նրան, որ տղաները կարողանան թեկուզ չնչին, բայց օգտակար աշխատանք կատարել հասարակության համար եւ ինքնաբավ լինել»,- ասաց պլաստիկ վիրաբույժը: Տղաներից գրեթե բոլորն առաջին անգամ էին տեսնում Վիկ Դարչինյանին, ասացին, որ շատ ուրախ են իրականում տեսնել իրենց սիրելի բռնցքամարտիկին: Տղաներից շատերն ասացին, որ միշտ նայել են Վիկի մենամարտերը, բայց երբեք չեն պատկերացրել, որ միասին կնստեն մի սեղանի շուրջ եւ կուտեն «VIK» տորթը:

Բռնցքամարտիկի անվամբ եւ բռնցքամարտի ձեռնոցներով խմորեղենը տղաները համտեսցին Վիկի հետ միասին, ընթացքում երկար խոսելով, անգամ մարզաձևեր քննարկելով: Քառօրյայի մասնակից Դավիթ Սարգսյանն ասաց, որ Վիկի հետ հասցրել են անգամ իր հետագա գործունեությունը քննարկել, շատ հաճելի զգացողություններ ունի:

Դալլաքյան Ալբերտն ասաց, որ շատ ուրախ է, որ նման մարդիկ ունենք. «Ես էլ եմ Կիրովականից, իր մասին վաղուց գիտեմ»,- հպարտությամբ նշեց քառօրյայի մասնակիցը: «Հերացի» թիվ 1 կենտրոնի Կինեզիոլոգ (կինեզիոթերապիա, շարժումներով բուժում) Դավիթ Արսենյանն ասաց, որ տղաներ կային, որ որոշ առումներով կոտրվել էին, բայց տեսնելով իրենց աշխատանքը, այս մթնոլորտը, բավականին ոգևորված են:

Բժշկի խոսքերով՝ բուժման աշխատանքների ընթացքում տղաները տեսել են, թե ինչպես է ազդում նոր սարքավորումներով բուժում ստանալն իրենց օրգանիզմի վրա եւ առաջընթաց կա: «Երբ որ ժամանակակից տեխնոլոգիաներով հագեցած կենտրոնում են տղաները բուժվում, ինտերնետի միջոցով էլ են տեսնում, թե որ հիվանդը ինչ սարքավորումներից օգտվելով՝ ինչ արդյունքների է հասել, բնականաբար դրանից ոգևորվում են, գումարած դրան նմանատիպ հանդիպումները, որոնք իրենց այս պահին շատ են պետք»,- ասաց Դավիթ Արսենյանը:

Նյութը տպագրվել է «Հայկական ժամանակ» օրաթերթի փետրվարի 15-ի համարում:

Տպել
2555 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)