ՀՀԿ-ում պաշտոնապես այդ հայտարարությունը չարեցին, սպասում են 13-ի հանրահավաքին. Փաշինյան

#ԻմՔայլը արշավի անդամները երեկ արդեն Կոտայքի մարզում էին: Նրանք գիշերը ճամբար խփեցին Պտղնի գյուղի մոտակայքում, իսկ այսօր երեկոյան կհասնեն Ազատության հրապարակ, որտեղ էլ կմեկնարկեն շուրջօրյա հանրահավաքները: Ապրիլի 13-ին՝ ժամը 13:00-ին, #ԻմՔայլը նախաձեռնության անդամները կլինեն Երեւանի Հյուսիսային ավտոկայանում, որտեղից անցնելով Թբիլիսյան խճուղին, Ազատության պողոտան եւ Տերյան փողոցը կհասնեն Ազատության հրապարակ: ՀԺ-ի հետ զրույցում Նիկոլ Փաշինյանը նշել է, որ ապրիլի 13-ին Ազատության հրապարակում, ըստ իրավիճակի, մանրամասնելու են բոլոր սցենարները:

Պարոն Փաշինյան, արդեն 13-րդ օրն է, որ շարունակվում է քայլարշավը: Ի՞նչ արդյունքների եք հասել այս օրերի ընթացքում:

- Արդյունքները կամփոփենք վաղը, Ազատության հրապարակում: Ապրիլի 13-ին՝ ժամը 18:30-ին, հանրահավաք ենք սկսելու, իսկ այս ընթացքում քայլարշավն անցել է քաղաքացիների համատարած քաջալերանքի պայմաններում:

Պարոն Փաշինյան, վերջնական ե՞րբ եք ներկայացնելու ճանապարհային քարտեզը, քանի որ նշել եք՝ շատ մարդկանց դեպքում այլ գործողություններ են սպասվում, քչի դեպքում՝ այլ:

- Ասել ենք, որ լինելու է գործողություն՝ խաղաղ քաղաքական անհնազանդության գործողություններ: Անկախ նրանից, թե քանի մարդ կլինի հրապարակում: Մեր ստացած ազդակները մեզ հուշում են, որ ունենալու ենք ուժեղ Ազատության հրապարակ:

Այսինքն ե՛ւ բազմամարդ հրապարակ ունենալու պարագայում եք ԱԺ-ի մուտքերը փակելու, եւ հակառակ պարագայու՞մ:

- Ազգային ժողովի շենքը շրջափակելը միակ գործողությունը չէ, որ մենք նախատեսում ենք: Բազմաթիվ սցենարներ ու տարբերակներ կան եւ մենք Ազատության հրապարակում, ըստ իրավիճակի, կմանրամասնենք:

Ոստիկանությունն արդեն արձագանքել է Ազգային ժողովի մուտքերը փակելու ձեր հայտարարություններին, այս գործողությունները համարելով հակաօրինական՝ հորդորել է չոտնահարել մյուս քաղաքացիների իրավունքները: Այս զգուշացումից ի՞նչ հետեւություններ եք անում:

- Ես ասել եմ, որ մեզ հնարավոր չէ զգուշացնել, ինձ չի հետաքրքրում, թե ոստիկանությունն ինչ է ասում:

ՀՀԿ-ն ԳՄ նիստից հետո ոչ պաշտոնապես հայտարարեց, որ ՀՀԿ-ի վարչապետի թեկնածուն Սերժ Սարգսյանն է: Սպասելի՞ էր սա, թե՞ կարծում էիք, որ վերջին պահին ուրիշի անունը կտան:

- Շատերն ասում էին, որ այդպիսի բան չի լինելու, բայց մենք հայտարարում էինք, որ այդպիսի բան է լինելու: Այստեղ հետաքրքիրն այն է, որ երեկ Գործադիր մարմնի նիստում նրանք պաշտոնապես այդ հայտարարությունը չարեցին եւ սա նշանակում է, որ նրանք էլ են սպասում ապրիլի 13-ի հանրահավաքին: Սա նշանակում է, որ նրանք չունեն նախկին վստահությունը, եւ ես այս առումով քաղաքացիներին կոչ եմ անում՝ լինել Ազատության հրապարակում, որովհետեւ ՀՀԿ-ականների այս զգուշավորությունը եւս մեկ անգամ ցույց է տալիս, որ նրանք հասկանում են՝ եթե տեղի ունեցավ քաղաքացիների կամարտահայտում, ապա իրենց պլանները չեն կարող իրագործել:

ՀՀԿ-ում այն կարծիքին չեն, որ փոշմանել եւ փողոց դուրս գալը քաղաքական կատեգորիա է: ՀՀԿ խոսնակ Էդուարդ Շարմազանովը նշում է, որ փոշմանելու օրը միայն ընտրության օրն է:

- Երբ քաղաքացին իր կամքը կարտահայտի Ազատության հրապարակում, մենք բոլորս ամեն ինչ կտեսնենք եւ մեր բոլորի աչքի առաջ ամեն ինչ տեղի կունենա եւ ՀՀԿ-ն իր իշխանությունը կկորցնի:

Մինչ ՀՀԿ-ականները հայտարարում են, որ Սերժ Սարգսյանն անփոխարինելի է, նախօրեին Freedom House-ը զեկույց է հրապարակել, որտեղ ՀՀն դասել է ավտորիտար դարձող երկրների շարքում: Ընդգծվել է նաեւ իշխանության ներկայացուցիչների կապը կոռուպցիոն գործարքների մեջ: Այս զեկույցից իշխանությունը կզգոնանա՞:

- Նրանք կզգուշանան ՀՀ քաղաքացիների կամքից, ուրիշ ոչ մի բանից չեն զգուշանա: Երբ կլինեն հարյուր հազարավոր քաղաքացիներ Ազատության հրապարակում, նրանք ի վերջո կկորցնեն իրենց իշխանությունը:

Պարոն Փաշինյան, երեկ խորհրդարանում Արարատ Միրզոյանի եւ Լենա Նազարյանի ակցիան նյարդայնացրել էր պատգամավորներին: ԵԼՔ-ի ձեր գործընկերներն էլ նեղվել էին, որ իրենց նախապես չէիք տեղեկացրել: Մանե Թանդիլյանը, մասնավորապես, նշեց, որ սա գործընկերային քայլ չէր: Ինչո՞ւ նրանց տեղյակ չէիք պահել:

- Մենք այս ակցիան արել ենք #ԻմՔայլը արշավի անունից, որեւէ մեկի հետ համաձայնեցնելը հարկ չենք համարել: Սա մեր որոշումն է, կայացրել ենք եւ իրականացրել:

Տպագրվել է «Հայկական ժամանակ» օրաթերթի ապրիլի 13-ի համարում:

Տպել
3073 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան