ԵԱՏՄ գագաթնաժողովին ընդառաջ. ի՞նչ են քննարկելու Փաշինյանն ու Պուտինը

Մայիսի 14-ին Սոչիում կկայանա Եվրասիական բարձրագույն տնտեսական խորհրդի նիստը: Դրան մասնակցում են ԵԱՏՄ անդամ երկրների ղեկավարները: Նիստի ընթացքում այլ հարցերի շարքում հավանաբար կքննարկվեն նաեւ ԵԱՏՄ Թվային օրակարգի եւ 2018 թ. հունվարի մեկից ուժի մեջ մտած ԵԱՏՄ Մաքսային օրենսգրքի գործարկման արդյունքում ի հայտ եկած թերությունները:

Ընդհանուր առմամբ ուշագրավ է միայն այն փաստը, որ հանդիպումից մեկ շաբաթ առաջ հասարակության պահանջով վարչապետ նշանակված Փաշինյանը նույն սեղանի շուրջ է նստելու Պուտինի, Լուկաշենկոյի եւ Նազարբաեւի հետ, որոնք համապատասխանաբար 18, 24 եւ 28 տարի իրենց երկրների փաստացի ղեկավարներն են:

Առաջիկա գագաթնաժողովը, սակայն, յուրահատուկ հետաքրքրություն է առաջացնում ոչ թե ԵԱՏՄ ընթացիկ հարցերի քննարկման կամ «երկարակյացների» և «նորեկի» հանդիպման, այլ Հայաստանի նորանշանակ վարչապետ Նիկոլ Փաշինյանի եւ Ռուսաստանի վերջերս վերընտրված նախագահ Վլադիմիր Պուտինի հանդիպման տեսանկյունից:

Դեռեւս մայիսի 8-ին կայացած հեռախոսազրույցի ընթացքում Փաշինյանն ու Պուտինը, շնորհավորելով միմյանց երկրի ղեկավարի պաշտոնը ստանձնելու կապակցությամբ, պատրաստակամություն են հայտնել շարունակել համատեղ աշխատանքը հայ-ռուսական ռազմավարական, դաշնակցային հարաբերությունների հետագա զարգացման եւ ինտեգրացիոն գործընթացների խորացման ուղղությամբ՝ նշելով, որ մայիսի 14-ին կայանալիք Եվրասիական բարձրագույն տնտեսական խորհրդի նիստի շրջանակներում հնարավորություն կունենան առավել մանրամասն անդրադառնալ այդ հարցերին:

Փաշինյան-Պուտին հանդիպման նկատմամբ հետաքրքրությունը հասարակության այնքան լայն շրջանակ է ներառում, որ սկսել են անգամ խաղադրույքներ ընդունվել՝ արդյո՞ք ՀՀ վարչապետը կսափրվի այդ հանդիպմանն ընդառաջ:

Եթե ավելի լուրջ, ապա կայանալիք հանդիպման գլխավոր ինտրիգը նրանում է՝ արդյո՞ք Հայաստանի եւ Ռուսաստանի ղեկավարները կսահմանափակվեն օրակարգային հարցերի քննարկումով, թե՞ որոշակի շեղումներ այդուհանդերձ կլինեն: ԵԱՏՄ-ի եւ ՀԱՊԿ-ի վերաբերյալ վարչապետ Փաշինյանի ունեցած մոտեցումները թույլ են տալիս ենթադրել, որ օրակարգից դուրս քննարկվելիք հարցեր այդուամենայնիվ լինելու են:

Փաշինյանը վերջին շրջանում բազմիցս նշել է, որ ԵԱՏՄ-ից եւ ՀԱՊԿ-ից դուրս գալու խնդիր չի դրվում, սակայն այդ կազմակերպություններում առկա խնդիրները պետք է քննարկվեն գործընկերների հետ եւ լուծվեն: Ելնելով այդ տրամաբանությունից և Փաշինյանի մինչ այս քաղաքական հարցերում դրսևորած անմիջականությունից կարող ենք ենթադրել, որ ԵԱՏՄ գործունեության արդյունավետությունը բարձրացնելու անհրաժեշտության մասին խոսք կգնա: Այս առումով Հայաստանը հավակնում է առավել պատասխանատու՝ նախաձեռնող դեր ստանձնել ԵԱՏՄ-ում:

Սպասելի է նաև որոշակի «նորամուծություն» հայ-ռուսական հարաբերություններում, քանի որ, ըստ էության, այնքան էլ կարևոր չէ, թե անձնական հարաբերությունների տեսանկյունից որքանով միմյանց դուր կգան երկու ղեկավարները: Փաշինյանի վարչապետությունը, համենայնդեպս առաջիկա մի քանի ամիսներին, անհերքելի ու անբեկանելի է, Պուտինի նախագահությունը առաջիկա վեց տարիներին՝ ևս: Ուստի, նրանք «դատապարտված են» միմյանց հետ աշխատելու և պետք է անկեղծ լինեն միմյանց հետ:

Այդուհանդերձ, թե՛ Փաշինյանը, թե՛ Պուտինը ունեն սեփական կարծիքը լիարժեք արտահայտելու կաշկանդվածության առիթներ: Փաշինյանն իր տեսակետը հայտնելիս պետք է հաշվի առնի, որ Հայաստանի անվտանգության լիարժեքությունն ապահովվում է Ռուսաստանի կողմից, իսկ Պուտինը իր արտահայտություններում պետք է զգույշ լինի՝ հաշվի առնելով հայաստանցիների աննախադեպ միասնականությունն ու մոբիլիզացիան: Այդ նույն մոբիլիզացիայի շնորհիվ, թերևս, իրատեսական է դառնում ԵԱՏՄ շրջանակներում ստեղծել գործող միջազգային կառույց, որը ի զորու կլինի բավարարել մեր երկրի տնտեսական ինտեգրման պահանջները:

Այդուհանդերձ, սպասել, որ հայ-ռուսական հարաբերություններին առնչվող բոլոր թեմաները քննարկվելու են և լուծումներ գտնվեն հենց առաջին հանդիպման ընթացքում՝ առնվազն իրատեսական չէ, ուստի, ամենայն հավանականությամբ, երկրների ղեկավարները կծանոթանան, կքննարկեն ներկա իրավիճակը և կփոխանակվեն հետագա համագործակցության վերաբերյալ կարծիքներով:

Իսկ ինչ վերաբերվում է այն մտահոգություններին, թե Հայաստանը դանդաղորեն հեռանալու է ԵԱՏՄ-ից և շարժվի դեպի արևմուտք, մասնավորապես Եվրոպական Միություն, ապա հարկ է նշել, որ դա առնվազն տրամաբանական չէ: Հայաստան-ԵՄ Համապարփակ և ընդլայնված գործընկերության համաձայնագիրը արդեն իսկ տալիս է այն հնարավորությունները, որոնք կարող էին դրդապատճառ հանդիսանալ դեպի ԵՄ շարժվելու:

Տպագրվել է «Հայկական ժամանակ» օրաթերթի մայիսի 12-ի համարում:

Տպել
9746 դիտում

««Եվրատեսիլի» 8 հազար դրամ արժողությամբ տոմսը վերավաճառում են 30-50 հազար դրամով». քաղաքացիներն ահազանգում են

ԱԱ-2022. A խմբի հանդիպումներն ավարտվեցին

Տեղի է ունեցել «Քաղաքացիական պայմանագիր» կուսակցության վարչության նիստը․ հաստատվել է հաստիքացուցակը

Շքեղ համերգ, լեփ-լեցուն դահլիճ, պայթող ծափեր, անվերջանալի «բրավոներ». աշխարհահռչակ դիրիժոր Վլադիմիր Սպիվակովը Գյումրիում

Ոսկեհասկ գյուղի սկզբնամասում ավտոմեքենա է այրվել

ՀՀ-ում այլազգիները սպասարկման ոլորտում շփվում են իրենց լեզվով, տեղի բնակչությունը դժգոհում է. ինչ է ասում «Լեզվի» օրենքը

2021-22թթ. 1 մլրդ 300 մլն դրամ է հատկացվել 44-օրյա պատերազմում վիրավորված զինծառայողների վերականգնողական բուժման համար

Ռոման Ամոյանը նշանակվել է Երևանի թենիսի և բադմինթոնի մանկապատանեկան մարզադպրոցի տնօրեն

ՀՀ վարչապետը նոր օգնական ունի․ Նիկոլ Փաշինյանը որոշում է ստորագրել

90-ականներին կար մեծ սպասում. դեկտեմբերին ամանորյա ինչ ներկայացումներ կլինեն Երևանի թատրոններում

Տիգրան Արզաքանցյանը սով է կանխատեսում. նա կոչ է անում հատուկ ուշադրություն դարձնել գյուղատնտեսությանը

«Նուբարաշեն» ՔԿՀ այցելած քաղաքացու մոտ հայտնաբերել են թմրամիջոցին նմանվող զանգվածներ

Պայթյուն Նոր Խարբերդի տներից մեկում․ կա տուժած

Աննա Հակոբյանն այցելել է Դվինի հնավայր, Ֆրանկոֆոնիայի այգի և Նոր Կյանքի լորաբուծարան (լուսանկարներ)

Երբ դաշինքները ստեղծվում են հատուկ ընտրությունների համար, նման վերջաբան են ունենում. Թարվերդյանը՝ ԱԺ ընդդիմության մասին

66 տարի առաջ այս օրն իր առաջին քայլն արեց Հանրային հեռուստաընկերությունը․ ՀՀ նախագահը ուղերձ է հղել

Հայ-ադրբեջանական սահմանագոտում հակառակորդի կրակոցից զինծառայող է վիրավորվել

ԱՄՆ-ն աջակցում է Հայաստանի և Ադրբեջանի միջև ուղիղ երկխոսությանը. Ռիքեր

Ալեն Սիմոնյանի հայտարարությունը 3 պատգամավորի՝ մանդատները վայր դնելու դիմումների վերաբերյալ

Հայաստանը ձգտում է խաղաղության և բարի դրացիական հարաբերությունների հաստատման իր բոլոր հարևանների հետ․ ՀՀ նախագահ

Տեսչական մարմինների աշխատանքի որակի արդյունավետության բարձրացումը ՀՀ վարչապետի աշխատակազմի համար առաջնահերթություն է

ՀՀ վարչապետին զեկուցվել է դատաիրավական ոլորտի բարեփոխումների ընթացքի մասին

Գրիգոր Մինասյանը կարևորել է Եվրոպայի խորհրդի աջակցությունը դատավարական օրենսդրության կատարելագործման գործում

Բացահայտվել են Երևանի քաղաքապետարանի մի խումբ պաշտոնատար անձանց կատարած ապօրինություններ․ նախաձեռնվել է քրեական վարույթ

Կինը ծննդաբերել է բնական ճանապարհով՝ մահացած պտղով, մի քանի անգամ սրտի կանգ է գրանցվել․ «Շենգավիթ» ԲԿ-ի պարզաբանումը

Աննա Հակոբյանն այցելել է Արարատի մարզ (լուսանկարներ)

ՀՀ վարչապետի եղբոր՝ Արմեն Փաշինյանի վրաերթի փաստով նախաձեռնվել է քրեական վարույթ

BUGGY-ն՝ պայծառ գաղափարի խորհրդանիշ․ Գյումրու ՏՏԿ-ի ինժեներական դպրոցի սաները մեքենա են ստեղծել (լուսանկարներ)

Բագրատաշենով և Գոգավանով ներմուծվող որոշ տրանսպորտային միջոցների մաքսային գործառնությունները կիրականացվեն նաև Երևանում

ԶՈՒ ԳՇ պետը նախաձեռնել է զորամիավորումների, միավորումների, զորամասերի համալիր և բազմակողմանի ստուգումներ

Հունաստանի խորհրդարանի պատվիրակությունն այցելել է Հայոց ցեղասպանության հուշահամալիր

Քրեական վարույթի շրջանակներում որոնվում է տեսագրության մեջ պատկերված անձը (տեսանյութ)

Ռուսաստանի կողմից Լեռնային Ղարաբաղի աշխարհագրական անվանումների օգտագործումը իրավաբանորեն արդարացված է. Մարուքյան

Հայաստանին փոխանցված 13 մարմինն անճանաչելի է, նույնականացման գործընթացը սկսվել է. ՔԿ

Ընդունված է գործընկերներին ֆուտբոլ դիտելու հրավեր ուղարկելը. ԱԺ նախագահի խոսնակը՝ Ալեն Սիմոնյանի Կատար մեկնելու մասին

Նախագահ Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանը

Նիկոլ Փաշինյանի՝ վրաերթի ենթարկված եղբոր վիճակը լավ է. նա լուրջ վնասվածքներ չի ստացել

Դեկտեմբերի 3-ին դուրս կբերվի Աստվածամուխ Սուրբ Գեղարդը

ԱԺ խորհրդարանականները քննարկել են «Կենսաբանական և տոքսինային զենքի մշակման անթույլատրելիության մասին» ՀԱՊԿ նախագիծը

Ջրի սակագինը մոտ 9 դրամով կբարձրանա. մինչև 2024 թվականը կսուբսիդավորի կառավարությունը