Արարատ Միրզոյան. ՀՀ առաջին փոխվարչապետի կենսագրությունը

Հայաստանի Հանրապետության նոր Կառավարության անդամների կազմը բավականին երիտասարդ է: Ամենաերիտասարդ անդամը՝ սփյուռքի նախարար Մխիթար Հայրապետյանը, 27 տարեկան է, իսկ ամենատարեցը՝ արտաքին գործերի նախարար Զոհրաբ Մնացականյանն է՝ 52 տարեկան: ՀՀ վարչապետ Նիկոլ Փաշինյանը քառասուներկու տարեկան է:

Ազգային ժողովի ԵԼՔ խմբակցության արդեն նախկին պատգամավոր, 39-ամյա Արարատ Միրզոյանը, մայիսի 11-ից Հայաստանի Հանրապետության առաջին փոխվարչապետն է:

Արարատ Սամվելի Միրզոյանը ծնվել է 1979 թվականի նոյեմբերի 23-ին Երեւան քաղաքում:

Միրզոյանը պատմաբան է, պատմական գիտությունների թեկնածու: Սովորել է Երեւանի պետական համալսարանի պատմության ֆակուլտետում, այնուհետեւ ՀՀ պետական կառավարման ակադեմիայում:

2003-2005 թվականներին աշխատել է ՀՀ ԳԱԱ Հայոց ցեղասպանության թանգարան-ինստիտուտում, 2005-ից 2007-ը՝ Հայաստանի ազգային արխիվի հասարակական-քաղաքական փաստաթղթերի բաժնում՝ որպես գլխավոր արխիվագետ:

2004 թվականին Միրզոյանը մի խումբ երիտասարդ գիտնականների եւ ուսանողների հետ նախաձեռնել ու ակտիվ մասնակցել է «Հանուն գիտության զարգացման 1» շարժմանը: Նշենք, որ «Հանուն գիտության զարգացման» շարժումը մեկնարկել էր, երբ 2004 թվականին ՀՀ կառավարությունն առաջ էր քաշել «Զինվորական ծառայության եւ զինծառայողի կարգավիճակի մասին» օրենսդրական նախագիծը, որը, ինչպես մեկնաբանել էին մասնակիցները, հակասում էր կրթության շարունակականության և անընդհատության սահմանադրական սկզբունքին, և որի ընդունման դեպքում գիտական ներուժ ունեցող բազմաթիվ երիտասարդներ զորակոչվելու էին զինվորական ծառայության: ՀԳԶ-ի ջանքերով օրենսդրական նախաձեռնությունը չեղյալ համարվեց:

2007-2010 թվականներին Արարատ Միրզոյանը եղել է «HSBC Բանկ Հայաստան» ՓԲԸ մասնագետ, մեկ տարի անց՝ «Ռեգնում» միջազգային լրատվական գործակալության վերլուծաբան:

2012 թվականից մեկ տարի դասավանդել է Երեւանի պետական համալսարանում: 2013 թվականի նախագահական ընտրություններից հետո համալսարանը չի երկարեցրել Միրզոյանի հետ կնքած աշխատանքային պայմանագիրը: Ինչպես նշվում է տարբեր աղբյուրներում՝ պատճառը եղել է այն, որ Արարատ Միրզոյանը քննադատել ու դատապարտել է բողոքի ակցիաներ եւ դասադուլներ անող ուսանողների շարժմանը խոչընդոտած ԵՊՀ պաշտոնայներին:

2012-2013 թվականներին եղել է Ընտրական համակարգերի միջազգային հիմնադրամի (IFES) ընտրողների իրազեկման ծրագրի համակարգող, 2013-2015 թվականներին՝ «Հայաստանի զարգացման նախաձեռնություններ» (IDEA) հիմնադրամի «Ավրորա մրցանակ եւ 100 կյանք» նախաձեռնության հետազոտական խմբի ղեկավար:

2014-2017 թվականներին Միրզոյանը եղել է Բազմակուսակցական ժողովրդավարության նիդեռլանդական ինստիտուտի (NIMD) քաղաքական կուսակցությունների եւ ռազմավարական պլանավորման փորձագետ:

Հայաստանյան եւ միջազգային մամուլում տպագրված բազմաթիվ վերլուծությունների հեղինակ է:

Միրզոյանը Քաղաքացիական պայմանագիր կուսակցության հիմնադիր անդամ է, իսկ 2016 թվականից՝ ՔՊ կուսակցության վարչության անդամ:

2016 թվականի ապրիլյան դեպքերի ժամանակ կամավոր մեկնել է՝ մասնակցելու սահմանի պաշտպանությանը: Պարգեւատրվել է ՀՀ ՊՆ պատվոգրով:

2017 թվականին ընտրվել է ՀՀ վեցերորդ գումարման Ազգային ժողովի պատգամավոր՝ ԵԼՔ կուսակցությունների դաշինքի ցուցակով:

2018 թվականի մարտի 31-ից նախաձեռնել եւ մասնակցել է #ԻմՔայլը շարժմանը:

#ԻմՔայլը շարժման անդամներ Արարատ Միրզոյանն ու Նիկոլ Փաշինյանը՝ ապրիլի 13-ին՝ քայլարշավի վերջին օրը Երեւան մտնելիս

Շարժման հաղթանակից հետո՝ 2018 թվականի մայիսի 11-ից Հայաստանի Հանրապետության առաջին փոխվարչապետն է:

Ամուսնացած է, ունի մեկ դուստր եւ մեկ որդի:

Տպել
10204 դիտում

Պուտինը պետական պարգեւներ եւ կոչումներ է շնորհել ռուսաստանաբնակ հայտնի հայ գործիչներին

Աղբահանման և աղբի վերամշակման աշխատանքները համակարգող աշխատանքային խումբը սկսում է գործունեության առաջին փուլը

Եվրոպա լիգայի եզրափակիչը կարող է խաղացվել հազարավոր դատարկ տրիբունաների առաջ. The Sun

Ողբերգական դեպք Գյումրիում. երեխան մահացել է

Աշխարհաքաղաքականության և հակամարտությունների ֆրանսահայ փորձագետը ՀՀ ԱԳՆ-ում հանդես եկավ դասախոսությամբ

Դատավոր Դավիթ Գրիգորյանը հանցագործության մասին հաղորդում է ներկայացրել գլխավոր դատախազին

BBC-ն Գրանդ փղի մասին վավերագրական ֆիլմը կցուցադրի հունիսի 6-ին

Օսիպյանը շնորհավորական ուղերձ է հղել վերջին զանգի առթիվ

Պետնախարարը հանդիպել է CONIFA-ի Արցախում կայանալիք ԵԱ-ին  մասնակցող Արցախի հավաքականի հետ

Տեղի է ունեցել ՀՀԿ Գործադիր մարմնի հերթական նիստը. գնահատական է տրվել վարչապետի կոչին

«Արսենալի» երկրպագուները ստորագրահավաք են սկսել, որ ԵԼ եզրափակիչը Բաքվից տեղափոխվի

Ես տուրիստ էի եկել, էդ տանն էլ 3 եղբայր ենք ապրում ու 50 ախրանա, որ մեզ պահում ա. Դոն Պիպոն չգիտեր, որ իր ասուլիսն է

Վարչապետը վերընտրվելու առթիվ շնորհավորական ուղերձ է հղել Հնդկաստանի վարչապետ Նարենդրա Մոդիին

Մխիթարյանի՝ ԵԼ եզրափակչին չմասնացկելը խայտառակում է ՈՒԵՖԱ-ին. CNN-ն առաջարկում է բոյկոտել

Քոչարյանի եւ մյուսների գործով վերաքննիչ բողոքը ներկայացվել է. եղել է դատավարական օրենքի էական խախտում

Եկել ենք ասելո՝ւ լրջացե՛ք. Արմեն Ռուստամյան

Վերջին զանգի օրը ոստիկանները կծառայեն ուժեղացված ռեժիմով (տեսանյութ)

Բանակի հրամանատարությանը ուզում են տանել քավարան՝ ապրիլյան պատերազմի քննության անվան տակ. ՀՅԴ անդամ

Տիմատին ներկայացրել է նոր տեսահոլովակը՝ նկարահանված Հայաստանում (տեսանյութ)

ՀՅԴ-ի հանրահավաքը (լուսանկարներ)