Էջմիածինցին խնդիր ունի. ինչու է քրեական հեղինակություն Դոն Պիպոն փողոց դուրս եկել

Այս պահին Էջմիածնում բողոքի ցույցեր են ընթանում ընդդեմ քաղաքապետ Կարեն Գրիգորյանի: Ցուցարարների մեջ է նաեւ հայտնի քրեական հեղինակություն Արթուր Ասատրյանը (Դոն Պիպոն): Քիչ առաջ նա պատասխանել է լրագրողների հարցերին:

Անդրադառնալով Մանվել Գրիգորյանի մի քանի օր առաջ ԱԺ-ում լրագրողների հետ զրույցում արած հայտարարությանը, թե իբր նախկին ոստիկանապետ Վլադիմիր Գասպարյանը ցանկանում էր դատեր Արթուր Ասատրյանին, իսկ Մանվել Գրիգորյանը չի թողել, Ասատրյանը ասաց. «Այդ հարցը կարող եք պարոն Գասպարյանին տալ եւ նա հստակ կպատասխանի: Առաջինը, որ պարոն Գասպարյանը այն տղան չի, որ ինչ-որ մեկը զանգեր, իրեն ասեր, թողեք կամ մի թողեք` ճանաչելով նրան: Երկրորդ, ժամանակը կգա եւ բոլոր ստերը դուրս կգան ջրի երես», - ասել է Ասատրյանը:

Հարցին, թե ի՞նչ հարաբերությունների մեջ է եղել Մանվել Գրիգորյանի հետ, Ասատրյանը պատասխանեց. «Ես Մանվել Գրիգորյանին ընդամենը ճանաչել եմ, մեր երկրի կայացման մեջ գործունեության ժամանակ եւ տարիներ շարունակ այս խեղճ ժողովրդին կեղեքելով: Հազարավոր մարդիկ եկել են մեր տուն, բայց քանի որ նրա հետեւին կանգնած է եղել պետական լծակ, նրան չեն կարողացել ոչ մի բան անել: Այսօր չունի նա այդ լծակը, տեսնենք ո՞նց պիտի շարունակի», - ասաց Ասատրյանը:

Հարցին, թե հենց դրա համար որոշվե՞ց հենց հիմա անցկացնել հանրահավաքը, Ասատրյանը պատասխանեց. «Ես չեմ որոշել, ժողովուրդն է որոշել, ես նրանցից մեկն եմ»:

«Ես ոչ մի թեկնածու չունեմ եւ ես քաղաքականությամբ չեմ զբաղվում, ոչ էլ մտնելու եմ քաղաքականության մեջ, մի խառնեք ինձ նրանց», - ասաց Ասատրյանը:

Հարցին, եթե քաղաքացիները պահանջեն, որ նա դառնա քաղաքապետ, կհրաժարվի՞, Ասատրյանը պատասխանեց. «Անպայման, որովհետեւ քաղաքապետ դառնալու համար պետք է քաղաքական ճանապարհ անցած լինեք, իսկ ես քաղաքական ճանապարհ չեմ անցել, ես քաղաքագետ չեմ: Ես ասեցի՝ ընդամենը կարող եմ օգնել սպորտին, սպորտսմեններին, իմ անցած ճանապարհով կարող եմ օգնել ժողովրդին, բայց ոչ թե քաղաքականությամբ: Այն մարդիկ, ովքեր չեն զբաղվել քաղաքականությամբ, իրավունք չունեն. զբաղվեցին 25 տարի, տեսանք՝ ինչ եղավ», - ասաց Ասատրյանը:

Հարցին, թե ի՞նչը առիթ դարձավ, որ նման բողոքի ալիք բարձրացավ իր մոտ եւ որոշեց հիմա պայքարել ու դուրս գալ փողոց, արդյո՞ք թավշյա հեղափոխությունն է նպաստել, Ասատրյանը պատասխանեց. «Ինչո՞ւ ենք անձնականացնում, ինչո՞ւ ինձ մոտ, տարիներ շարունակ դուք եք արձագանքել Էջմիածնի խնդիրների մասին: Ես ամենաշատ խնդիրների մասին ձեզնից եմ տեղեկացել, օտարության մեջ ապրելով՝ տեսել եմ՝ ինչ է կատարվում, այդքանը»:

Ասատրյանը նշեց, որ հիմա է բողոքի ձայն բարձրացվում, քանի որ պետական լծակները եւ հովանավորները այլեւս չկան:

Հարցին՝ հնարավո՞ր է, որ հետագայում մշտական բնակություն հաստատի Էջմիածնում, Ասատրյանը ասաց՝ այդ հարցին հաջորդ անգամ կպատասխանի:

«Ես անձնական խնդիրներ չունեմ, մի անձնականացրեք: Էջմիածինցին ունի այսօր ազատության խնդիր, մի ժամ շուտ նա էլ է ուզում ազատվել այդ խնդրից», - այսպես պատասխանեց Ասատրյանը այն հարցին, թե անձնական խնդիրներ ունի, դա՞ է պատճառը:

Տպել
4818 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ