Երեւանի քաղաքապետարանի պետական պահպանության համար պետբյուջեից հատկացվում է 70 միլիոն դրամ

Երեւանի քաղաքապետարանը, կառավարության որոշման համաձայն, համարվում է ոստիկանության կողմից պետական պահպանության ենթակա տարածք: Դա շեփորահարվելով էլ՝ շենքի վրա «յոթ կողպեք է կախված» եւ սահմանափակվում է քաղաքացիների ոչ միայն ազատ մուտքը, այլ նաեւ ազատ տեղաշարժը շենքի ներսում:

Երեւանի քաղաքապետարանում հաստատված բռնապետական կարգերին ու ոստիկանական խիստ վերահսկողությանը տարբեր առիթներով անդրադարձել ենք ավելի վաղ, երբ շենքի ներսում ավելի շատ ոստիկանների կարելի է հանդիպել, քան քաղաքացիների:  

Ոստիկանության հասարակայնության հետ կապի եւ լրատվության (ՀԿԼ) վարչությունից պատասխանել են մեր հարցմանը, որով հետաքրքրվել էինք՝

  • ինչ ասել է պետական պահպանություն, ինչպես եւ ինչ կարգով է այն իրականացվում, մասնավորապես, Երեւանի քաղաքապետարանի շենքում,
  • քանի ոստիկան է պահպանություն իրականացնում Երեւանի քաղաքապետարանում, շենքի որ հատվածներում նրանք պետք է գտնվեն եւ ինչ է մտնում նրանց գործառույթների մեջ,
  • Երեւանի քաղաքապետարանում ոստիկանության կողմից պետական պահպանություն իրականացվելու համար տարեկան որքան գումար է նախատեսվում պետական բյուջեով:

Ստացված պատասխանից պարզ է դառնում, որ «պետական պահպանություն» ասվածը պետության անունից իրականացվող` օբյեկտների եւ գույքի պահպանության գործառույթ է: Երեւանի քաղաքապետարանի շենքի պահպանությունը իրականացվում է ՀՀ ոստիկանության պետական պահպանության գլխավոր վարչության կարեւորագույն օբյեկտների եւ հիմնարկ-ձեռնարկությունների պահպանության գնդի ու Երեւանի քաղաքապետարանի միջեւ կնքված պայմանագրի հիման վրա:

«Երեւանի քաղաքապետարանի պետական պահպանությունը իրականացնելու համար ՀՀ պետական բյուջեից տարեկան հատկացվում է մոտ 70 մլն դրամ գումար»,- ասվում է մեզ տրամադրված պատասխան գրության մեջ: Իսկ թե ոստիկանության քանի աշխատակից է ծառայություն իրականացնում Երեւանի քաղաքապետարանում եւ ինչպես են նրանք տեղաբաշխված, չի բացահայտվում: Հղում է արվում ՀՀ ոստիկանության պետի 2016 թվականի փետրվարի 29-ի համապատասխան հրամանին, որի համաձայն, այդ տվյալները ծառայողական գաղտնիք են:

Ինչ վերաբերում է Երեւանի քաղաքապետարանում պահպանություն իրականացնող ծառայողների գործառույթներին, ոստիկանության ՀԿԼ վարչությունից տեղեկացնում են, որ դրանք հետեւյալն են.

  1. Քաղաքապետարանի աշխատակազմի քարտուղարը (պահպանության իրականացման պատվիրատուն), համաձայնեցնելով պահպանություն իրականացնող ստորաբաժանման հետ, հաստատում է պահակետերի տեղադիրը՝ ելնելով դրանց առանձնահատկություններից եւ ծառայության պայմաններից:
  2. Քաղաքապետարանի վարչական շենքի անցագրային ռեժիմի նպատակն է մասնաշենքի մուտքի մոտ ապահովել հուսալի պահպանություն եւ բացառել առանց համապատասխան թույլտվության քաղաքացիների ազատ մուտքի եւ ելքի, նյութական արժեքներ ներս բերելու եւ դուրս հանելու հնարավորությունը:
  3. Անցագրային ռեժիմը տարածվում է քաղաքապետարանի աշխատակիցների, ինչպես նաեւ մասնաշենք մուտք գործող բոլոր քաղաքացիների վրա:
  4. Քաղաքապետարանի վարչական շենք մուտք թույլատրվում է միայն ՀՀ օրենսդրությամբ նախատեսված՝ անձը հաստատող փաստաթղթի առկայության դեպքում եւ համապատասխան մետաղորսիչ սարքով զննում անցնելուց հետո:
  5. Քաղաքապետարանի վարչական շենք արգելվում է մուտք գործել զենք- զինամթերքով կամ սառը զենք համարվող առարկաներով: Այս դեպքերում նշվածը պարտադիր հանձնվում է պահակետային ոստիկանին` հատուկ պահարաններում պահելու համար: Զենք-զինամթերք, սառը զենք համարվող առարկաների ընդունման մասին պահակետի հատուկ մատյանում կատարվում է համապատասխան գրանցում եւ տրվում փոխարինող կտրոն: Քաղաքապետարանի վարչական շենք զենքով իրավունք ունեն մուտք գործել միայն հաշվեցուցակային զենք կրելու իրավունք ունեցող աշխատակիցները:
  1. Քաղաքապետարանի վարչական շենքում կամ բակում այլ աշխատանքներում ընդգրկված անձանց մուտքը թույլատրվում է անձը հաստատող փաստաթղթի առկայության դեպքում` սահմանված կարգի անցագրերով կամ ցուցակի համաձայն, որը հաստատվում է աշխատակազմի քարտուղարի կողմից: Եթե անցագրում օբյեկտում գտնվելու ժամկետ նշված չէ, ապա տվյալ անձը դուրս է հրավիրվում  պահպանվող տարածքից ժամը 18:00-ին:
  2. Քաղաքապետարանի բակ մուտք գործելու իրավունք ունեն այն տրանսպորտային միջոցները, որոնց համարանիշերը նշված են քաղաքապետարանի աշխատակազմի քարտուղարի կողմից հաստատված ցուցակում։ Անհրաժեշտության դեպքում  տրանսպորտային  միջոցների բեռնախցիկները կարող են ստուգվել պահակետային ոստիկանների կողմից: Քաղաքապետարանի վարչական շենք մուտք գործող կամ շենքից դուրս եկող աշխատակիցների եւ քաղաքացիների պայուսակներն անհրաժեշտության դեպքում կարող են ստուգվել պահակետային ոստիկանի կողմից:
  3. Չի թույլատրվում քաղաքապետարանի վարչական շենք մուտք գործել սպորտային համազգեստով եւ ոչ սթափ վիճակում:

Նկատենք, որ կար ժամանակ, երբ պետական մարմինների մեծ մասում քաղաքացիների մուտքն ազատ էր, այդ թվում՝ Երեւանի քաղաքապետարանում: Այդ իրավիճակը ոչ վաղ անցյալում էր: Հետագայում, սակայն, դռներն աստիճանաբար փակվեցին քաղաքացիների առաջ: Այսօր արդեն նրանց մուտքի հնարավորությունը հասցվել է նվազագույնի:  

Տպագրվել է «Հայկական ժամանակ» օրաթերթի հուլիսի 5-ի համարում:

Տպել
2227 դիտում

Արտաշատ-Երևան ավտոճանապարհին տեղի ունեցած վթարի հետեւանքով 2 հոգի հոսպիտալացվել է

Կենդանիների կենսաապահովման կետեր կկառուցվեն Հայաստանում

Թուրքիայում հայկական եկեղեցու պատերին արված գրաֆիտիները հեռացվել են (լուսանկարներ)

Վաղարշապատի 5 բնակիչ թունավորվել է գազի կաթսայից շմոլ գազի արտահոսքի հետևանքով

Դոնորների հետ համագործակցության համակարգման հարթակը կենսական պահանջ է․ փոխվարչապետ

Անահիտ Տեր-Մինասյանը ՀՀ ամենահեղինակավոր ուսումնասիրող­ներից է. վարչապետը ցավակցել է պատմաբանի մահվան կապակցությամբ

Շարունակում են փակ մնալ Արագածոտնի մարզի 17 գյուղերի միջհամայնքային ճանապարհները

28-ամյա քաղաքացին սպառնացել է նետվել Երեւանի Հաղթանակի կամրջից

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է