Հուլիսի 17-ին ռուսական 102-րդ ռազմաբազայի ստորաբաժանումները Շիրակի մարզի Փանիկ բնակավայրում զորավարժանք իրականացրեցին: Դրա ընթացքում գյուղի մեջ կրակոցներ հնչեցին, որոնք հանդիսացան տեղի բնակիչների վախի, ապա զայրույթի պատճառը: Դատելով տեղի բնակիչների կատարած տեսանյութերից, կարելի է եզրակացնել, որ զորավարժության սցենարը ենթադրում էր հարձակում Փանիկ գյուղի երկաթուղու մոտով անցնող ավտոշարասյունի վրա՝ դարանակալած դիրքերից: Մի կողմ թողնենք այն, թե ովքեր հիպոթետիկ սցենարների պարագայում կարող են շարասյունով շարժվել այդ ուղղությամբ. ընդունենք իրավիճակն ընդամենը որպես սցենար:

ՀՀ վարչապետ Նիկոլ Փաշինյանը անդրադարձավ այս միջադեպին՝ որակելով այն սադրանք հայ-ռուսական հարաբերությունների դեմ:

«Դա անթույլատրելի միջադեպ է եւ ես դա համարում եմ սադրանք՝ ընդդեմ հայ-ռուսական բարեկամական հարաբերությունների, եւ սադրանք՝ ընդդեմ Հայաստանի ինքնիշխանության», - ասել է Փաշինյանը: 

Փաշինյանի գնահատականին բավական կոշտ արձագանքել է հայտնի ռուս քաղաքագետ, պատմաբան ИА REGNUM-ի սյունակագիր Ստանիսլավ Տարասովը՝ 168.am-ի հետ զրույցում: Նրա զգացմունքային պատասխանները փոքր-ինչ անհասկանալի են, քանի որ հոդվածներում նա սովորաբար համակողմանի եւ սթափ ուսումնասիրություններ է կատարում, թեեւ ոչ առանց կայսերապաշտության չափաբաժնի: Տարասովի արտահայտած մի քանի մտքեր յուրահատուկ ուշադրության են արժանի:

«Իսկ ինչպե ՞ս գնահատել Փաշինյանի օրոք Հայաստանի մասնակցությունը Վրաստանում կայանալիք ՆԱՏՕ-ի Noble Partner 2018 զորավարժությանը: Ակնհայտ, հակառուսական զորավարժություններ, որոնք ուղղված են ՆԱՏՕ-ի ամրապնդմանը: Հայաստանը ՀԱՊԿ անդամ է, մասնակցում է համարյա հակառուսական զորավարժությունների, ինչպե՞ս պետք է Մոսկվան դա գնահատի: Դավաճանությո՞ւն, թե՞ երկակի ստանդարտների կիրառում», - կայքի հետ զրույցում ասել է Տարասովը:

Պարոն Տարասովին, թերեւս, հարկ է հիշել, որ Հայաստանն առաջին անգամ չի մասնակցում ՆԱՏՕ-ի զորավարժություններին եւ գնահատել նույն կերպ, ինչպես որ գնահատել է մինչ այդ: Հարկ է նշել նաեւ, որ նախորդ տարվա սեպտեմբերին Վրաստանում կայացած ՆԱՏՕ-ի զորավարժությանը, որին Հայաստանը ներկայացված էր լինելու երեք ռազմական բժիշկով, մենք չմասնակցեցինք:

Ինչ վերաբերվում է պաշտոնական Մոսկվայի գնահատականին, ապա կարելի է նոր մոտեցում առաջարկել՝ դիտարկել որպես դաշնակցի մասնակցությունը հակառակորդի զորավարժություններին: Ի վերջո, եթե Հայաստանը կարողանում է այդ զորավարժությունների ընթացքում հանդուրժել Ադրբեջանի ներկայությունը, ապա, կարելի է ենթադրել, որ մասնակցությունն իրոք կարեւոր է:

«Թող ընկեր Փաշինյանը դնի Հայաստանում ռուսական զինծառայողների ներկայության հարցը, եւ թող իրեն պաշտպանեն թուրքերը, ադրբեջանցիները եւ իր արեւմտյան գործընկերները»,- ասել է Տարասովը 168.am-ին:

«Ընկեր» Փաշինյանը, ամենայն հավանականությամբ, հարցը չի բարձրացնի, քանի որ այն փակված է առնվազն մինչեւ 2044 թ.: Իսկ թուրքերի եւ ադրբեջանցիների դասումը «արեւմտյան գործընկերների» հետ նույն շարքին հերթական անգամ ի ցույց է դնում Տարասովի արդարացված մտավախությունն առ այն, որ Ադրբեջանն ու Թուրքիան դիտարկվում են որպես սպառնալիք՝ միացյալ թյուրքական պետության համատեքստում, իսկ ռուս-թուրքական սերտ համագործակցությունը թեկուզ սիրիական ճակատում, կրում է ժամանակավոր բնույթ: Սրանից էլ բխում է, որ տարածաշրջանում Հայաստանի եւ Ռուսաստանի կենսական շահերն իրարից անբաժան են՝ անկախ նրանից «սիրում ենք» մենք միմյանց, թե ոչ:

«Մենք չենք խոչընդոտելու Փաշինյանին, թող աշխատեն»,- ասել է Տարասովը: Ամփոփելով զրույցը՝ նա նշել է, որ, եթե ՀՀ կառավարության նոր ղեկավարն «այդքան վստահ է, թող պաշտպանվի»:

Տարասովը, թերեւս, տեղյակ չէ, որ այժմ Հայաստանում այնպիսի իրավիճակ է, որ թե՛ ՀՀ կառավարությունը, թե՛ հայ հասարակությունն այնքան վստահ են, որ անհրաժեշտության դեպքում կարող են եւ ինքնուրույն պաշտպանվել: Սակայն, օբյեկտիվ պատճառներով պաշտպանության հնարավոր ձախողման դեպքում արդեն Տարասովի նշած «իրենք» պետք է մտածեն ինչ են անելու Ալբանիայից մինչեւ Ալթայ նկրտումներ ունեցող ուժերի հետ, որոնց մասին պարոն Տարասովը որպես պատմաբան, քաղաքագետ, Ադրբեջանի պետական համալսարանի շրջանավարտ եւ երկար տարիներ ԽՍՀՄ Պետական Հեռուստառադիոյի թուրքական խմբագրության աշխատակից, անշուշտ, տեղյակ է:

168.am-ի հետ հարցազրույցի հրապարակումից 5 րոպե առաջ Տարասովի հարազատ REGNUM-ում հրապարակվել էր քաղաքագետի՝ մոտավարապես նույն բովանդակությամբ հոդվածը, որում քաղաքագետը եզրակացություն էր անում, թե «ժամանակն է Երեւանին հրաժարվել միաժամանակ երկու աթոռի վրա նստելու փորձերից»:

Անհասկանալի է միայն, թե ինչ տրամաբանությամբ է նա կրկնում հուլիսի 1-ին Չոջուկ Մարջանլիում հավաքված ռուսաստանցի փորձագետների խոսքերը, որոնք ինքը Տարասովն ավելի վաղ «աբրակադաբրա» էր անվանել, իսկ Ադրբեջան այցելած փորձագետներին կապել մասոնների հետ:

Ինչ վերաբերվում է կոնկրետ խնդրի էությանը, ապա Տարասովին դուր չի եկել Փաշինյանի գնահատականի հնչերանգը: Նրա կարծիքով՝ Փաշինյանը կարող էր այլ կերպ արձագանքել, քանի որ, հնարավոր է, տեղի են ունեցել տեխնիկական թյուրիմացություններ: Սակայն չէ՞ որ փանիկցիներին էլ դուր չի եկել, որ իրենց գյուղում կրակում են՝ այն էլ առանց նախազգուշացնելու: Ի վերջո, անկախ նրանից, թե ինչպես կհանգուցալուծվի այս դեպքը՝ մինչեւ հուզական մտքեր արտահայտելը անհրաժեշտ է հիշել, որ տարածաշրջանում կան ուժեր, որոնք պատրաստ են մեծ գին վճարել հայ-ռուսական հարաբերությունները փչացնելու համար եւ չարժե նրանց ջրաղացին ջուր լցնել:

Տպագրվել է «Հայկական ժամանակ» օրաթերթի հուլիսի 21-ի համարում:

Տպել
5255 դիտում

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ