Հասունացման շրջանի հետ կապված ավելի է սրվել աղջկաս առողջական վիճակը. բաց նամակ՝ վարչապետին

Գյումրի քաղաքի բնակչուհի Աննա Խուրշուդյանը սոցիալական ծանր վիճակում է գտնվում: Քաղաքացին բաց նամակով դիմում է ՀՀ վարչապետ Նիկոլ Փաշինյանին, աջակցություն է խնդրում դստեր առողջական խնդրից ելնելով:

Աննա Խուրշուդյանի դուստրը մանկուց հաշմանդամ է, ունի սիրտ-թոքային անբավարարություն, որը պայմանավորված է սրտի բնածին արատով: Աշխատանքի եւ սոցիալական հարցերի նախարարության բժշկասոցիալական փորձաքննության արդյունքում հանձնաժողովը եզրակացրել է, որ դուստրը 80 տոկոսով առողջ է, եւ զրկել հաշմանդամության կարգից, հետեւաբար՝ ընտանեկան նպաստից:

Քաղաքացին բազմաթիվ նամակ-խնդրանքներով դիմել է մի շարք պետական կառույցների ու բարեգործական կազմակերպությունների, սակայն ոչ մի աջակցություն չի ստացել, որպեսզի կարողանա լուծել արտասահմանում դստեր վիրահատության եւ բուժման խնդիրը: Ստորեւ ներկայացնում ենք Աննա Խուրշուդյանի բաց նամակը.

Մեծարգո պարոն Փաշինյան`

Ամբողջ ընտանիքով ցնծությամբ ընդունեցինք Ձեր՝ ՀՀ վարչապետ դառնալու փաստը: Պայքարի օրերին մենք էլ ողջ հայ ժողովրդի նման հույսով ու հավատով լեցուն մասնակցում էինք թավշյա հեղափոխությանը: Մեր ժողովրդի մեծագույն մասի նման ես էլ մեծ ակնկալիքներով եմ նայում ապագային, հավատում, որ ունենալու ենք հայ մարդու շահերից բխող օրենքներ, իսկապես ազատ ու անկախ, ծաղկուն ու երջանիկ հայրենիք: Լավ, անչափ լավ եմ հասկանում, որ հնարավոր չէ մեկ ակնթարթում կարգավորել ամեն ինչ, որ դեռ շատ ջանքեր ու անելիքներ են պահանջվում թե՛ կառավարությունից, թե՛ ժողովրդից, սակայն կան ոլորտներ, որտեղ խիստ վերահսկողություն ապահովելը առաջնային է դառնում, մանավանդ, եթե խոսքը վերաբերում է մարդկային կյանքին ու ճակատագրին: Բանն այն է, որ մեր ընտանիքում կան երկու հաշմանդամներ՝ ամուսինս եւ մեծ դուստրս: Ես նամակս գրում եմ ՝ դստերս հետ կապված խնդրից ելնելով.

Աղջիկս մանկուց հաշմանդամ էր, ունի սիրտ-թոքային անբավարարություն, որը պայմանավորված է սրտի բնածին արատով, բժիշկների բնորոշմամբ՝ TEDRADA FALO անվամբ: Հիվանդությունը բուժվում է վիրահատական 4 փուլերից հետո միայն: Առաջին վիրահատությունը կատարվեց, երբ աղջիկս 1 տարեկան 4 ամսական էր: Վիրահատության մյուս փուլերը մնացին անկատար, քանի որ բժիշկների խորհրդով դրանք պետք է կատարվեին փուլ առ փուլ, ինչը Հայաստանում անհնար է կազմակերպել, հաջորդ վիրահատությունները պետք է լինեն արտասահմանում: Ես բազմաթիվ նամակ-խնդրանքներով դիմեցի մի շարք պետական կառույցների ու բարեգործական կազմակերպությունների, բարերարների, սակայն ոչ ոք չցանկացավ ֆինանսապես օգնել՝ արտասահմանում դստերս վիրահատելու եւ բուժումներն անցկացնելու համար:

2016 թվականին բժշկասոցիալական փորձաքննությունը կրկին հաստատեց աղջկաս մանկուց հաշմանդամ լինելու փաստը՝ նրա մոտ առկա են 2-րդ աստիճանի անբավարարություն, փորձաքննությունը նշանակվեց 2 տարի ժամկետով: 2018 թվականի հունիսի 22-ին դարձյալ դիմում ներկայացրինք բժշկասոցիալական փորձաքննության հանձնաժողով, քանի որ հուլիսի 1-ին լրանում էր 2 տարին: Կրկին անցկացվեց բժշկական փորձաքննություն, որի արդյունքում հանձնաժողովը եզրակացրեց, որ աղջիկս 80 տոկոսով առողջ է, եւ դստերս զրկեցին հաշմանդամության կարգավիճակից, հետեւաբար նաեւ՝ ընտանեկան նպաստից: Եվ սա այն դեպքում, երբ հասունացման շրջանի հետ կապված ավելի է սրվել աղջկաս առողջական վիճակը: Միջնապատի արատից բացի աղջկաս մոտ կա նաեւ քիթ-կոկորդային խնդիր, որի հետեւանքով առաջանում է թթվածնային քաղց եւ հաճախակի արյունահոսություն:

Մեծարգո վարչապետ, մասնագիտական ի՞նչ տեսանկյունից ելնելով բժիշկները եկան նման եզրակացության: Ինչպե՞ս առողջ դարձավ 4 փուլից ընդամենը 1 փուլը վիրահատված իմ դուստրը, երբ նույն բժիշկները առաջին վիրահատությունից հետո սահմանեցին դինամիկ հսկողություն առ այսօր եւ այդ ընթացքում նրանց կողմից ոչ դեղորայքային, ոչ վիրահատական միջամտություն չի եղել: Եվ մի՞թե արդար էր հաշմանդամության թոշակից ու ընտանեկան նպաստից զրկել մեր ընտանիքին: Մի՞թե իմ 55 հազար դրամ եւ ամուսնուս 60 հազար աշխատավարձերը բավարար է ապրելու 4 անձից բաղկացած մեր ընտանիքին: Մենք միաժամանակ ստիպված ենք փակել երեք միլիոն դրամ բանկային վարկ, որն առաջացել է ամուսնուս եւ դստերս վիրահատությունների պատճառով:

Մի՞թե արդար է հիվանդ երեխային առողջ համարելն ու զրկելը գոնե անվճար բժշկական ծառայություններից օգտվելու հնարավորությունից, որը նրան ընձեռում էր նրա հաշմանդամության կարգավիճակը: Չէ՞ որ ընտանեկան նպաստի եւ հաշմանդամության գումարներով էի հոգ տանում աղջկաս համար:

Պարոն Փաշինյան, խնդրում եմ Ձեր միջամտությունը՝ վերականգնելու դստերս հաշմանդամության կարգը, որպեսզի կարողանամ ապահովել նրա մինիմալ կարիքները, եւ նա անվճար կարողանա օգտվել բժշկական անհրաժեշտ ծառայություններից:

Մեծապես հավատում եմ, որ անտարբերության չեք մատնի նամակս եւ կհասկանաք այն ցավն ու տառապանքը, որ հերթական անգամ զգացի դարձյալ կյանքի անարդարության ու մարդկային անտարբերության պատճառով, այս անգամ՝ Շիրակի թիվ 2 բժշկական սոցիալական փորձաքննության հանձնաժողովի կողմից:

Քաղաք Գյումրի

Մուշ 2 թաղ. 4/32 շ. բն19

Բնակչուհի Աննա Խուրշուդյան, հեռ. 077 459 155

Տպել
8022 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)