Ինձ թունավորել են, մինչև առավոտ չեմ ապրի. հարազատների պնդմամբ՝ Լ. Հայրապետյանին սպանել են

Հայտնի բարերար, գործարար, «Собеседник» հրատարակչատան տնօրենների խորհրդի նախագահ, մեծահարուստ, 2017 թվականին բանտում մահացած Լևոն Հայրապետյանի հարազատները պահանջում են ՌԴ Քննչական կոմիտեից  գործ հարուցել նրա մահվան հանգամանքների հիման վրա:

Հարազատները կասկածներ ունեն, որ Հայրապետյանին թունավորել ու սպանել են, այդ մասին ինքը Հայարապետյանն է հայտնել մահից մի քանի ժամ առաջ, հայտնում է Rosbalt.ru-ն:

Նշվում է, որ Հայրապետյանին սպանելու պատճառներ, անկասկած եղել են: Նա ունեցել է կարողություն ամբողջ աշխարհով մեկ, անտիկվար իրերի հավաքածուներ՝ 800 մլն դոլար արժողությամբ, սակայն նրա բանտում գնտվելու ընթացքում իր տասնյակ ակտիվների մի մասը հանելուկային կերպով վաճառվել է: Գործարարը ցանկություն է ունեցել բացահայտել այդ ամենը, սակայն ազատության մեջ հայտնվելուց մի քանի օր առաջ մահացել է բանտում:

Հայրապետյանի դստեր շահերի ներկայացուցիչ, փաստաբան Կարեն Ներսիսյանը լրատվամիջոցին պատմել է, որ գործարարը տառապել է մի քանի հիվանդություններով, բայց նրա վիճակը չի եղել կրիտիկական, ավելին ՝ 2017-ի աշնանը Լեւոն Հայրապետյանը գրեթե միշտ բարձր տրամադրություն է ունեցել:

Հոկտեմբերի 19-ին Մորդովայի Բարձրագույն դատարանում պետք է տեղի ունենային լսումներ, որի ժամանակ, ամենայն հավանականությամբ,  պետք է որոշում կայացվեր նրան ազատել կալանքից՝ վատառողջ լինելու պատճառով: Հայրապետյանն արդեն գծագրել է, թե ինչպես է հաշվեհարդար տեսնելու իր պարտապանների հետ ու ինչպես է հետ բերելու իր բաժնետոմսերը, սակայն չի հասցրել:

Բանտից ազատ արձակվելուց մի քանի օր առաջ 2 անհայտ տղամարդիկ նրան փոխանցել են բժշկական փաթեթ, որի պարունակությունը նա ընդունել է այնպես, ինչպես իր նախորդ դեղորայքը, սակայն անսպասելի նրա վիճակը կտրուկ վատացել է:

Փատաբանի խոսքերով, առողջության վատթարացման համար նրա մոտ է հրավիրվել բուժքույր, որը նրան է տվել անհայտ ինչ-որ լուծույթ, ինչից հետո Հայրապետյանի վիճակը գնալով ավելի է վատացել, նրան մի կերպ հասցրել են բանտախուց. Այդ ժամանակ գործարարն արդեն անգիտակից վիճակում է եղել: Ուշքի գալուց անմիջապես հետո խցի մյուս բանտարկյալից նա հեռախոս է ուզել ու անմիջապես զանգահարել է եղբորը,  ապա՝ ընկերոջը:  Երկուսին էլ նա նույն բանն է ասել. «Ինձ թունավորել են, մինչև առավոտ չեմ ապրի, չթաղեք ինձ առանց դիահերձման»:

Խոսակցությունից հետո նա կրկին կորցրել է գիտակցությունը, իսկ առավոտյան՝ հոկտեմբերի 18-ին մահացել է: Երբ Լեւոն Հայրապետյանի հարազատները նրա մահից հետո սկսել են զբաղվել նրա կտակի հարցերով, թունավորելու հնարավոր շարժառիթները եւս պարզվել են:

Գույքի հաշվարկի ժամանակ պարզ է դարձել, որ Հայրապետյանը ահռելի ունեցվածքի տեր է եղել, նրա ունեցվածքը գերազանցել 1 միլիարդ դոլարը: Նա ունեցել է մի քանի տասնյակ անշարժ գույք ամբողջ աշխարհում՝ Նյու-Յորքում, Մոնակոյում, Փարիզում, եռահարկ բնակարան Մոսկվայի կենտրոնում, առանձնատներ ու գործարաններ Արցախում: Նրան է պատկանել նաեւ հայտնի նկարիչների հազվագյուտ գործերի հավաքածուներ , ներառյալ Մինաս Ավետիսյանի, Այվազովսկու, Մալեւիչի, Կորովինի կտավները:  Նրան է պատկանել նաեւ հնագույն թանկարժեք քարերի հսկայական հավաքածու, թանկարժեք ժամացույցների, հնաոճ զարդերի հավաքածուներ, մի քանի ռուսական ընկերությունների բաժնետեր է եղել:

Բանտում գտնվելու ժամանակ նա մի քանի անձանց է վստահել տնօրինել իր ունեցվածքը՝ առանց դրանք վաճառելու արտոնության, սակայն անհայտ հանգամանքներում  գործարարի ունեցվածքի մի մասը օտարվել է: Պարզվել է, որ վաճառվել են Նյու-Յորքի, Մոնակոյի վիլլաները, թանկարժեք քարերի և ժամացույցների մեծ մասը, կտավները, «Գազպրոմի» ու մի քանի այլ ընկերությունների  բաժնետոմսերի մի մասը: 

Այս ամենի համատեքստում, հաշվի առնելով այն հանգամանքը, որ հաշված օրեր անց Հայրապետյանը պետք է ազատության մեջ հայտնվեր, ըստ փաստաբանի, դժվար չէ ենթադրել նրա ընդունած դեղարայքի կասկածելի ծագումը:

Ներսիսյանի խոսքերով, չկա պնդում, որ նրան թույն են փոխանցել, Հայրապետյանը շաքարային դիաբետ ուներ ու դրա հետ մեկտեղ մի շարք այլ հիվանդություններ, ինչի արդյուքում որոշ «սխալ» ներարկումները, ընդունումները կհանգեցնեին նման արդյունքի:

Բիզնեսմենի հարազատները դիմում են ներկայացրել ՌԴ Քննչական կոմիտեի Մորդովայի  ենթամաս՝ հնարավոր թունավորման հանգամանքները պարզելու համար, սակայն մի քանի անգամ մերժվել է գործը, դեռեւս հետմահու փորձաքննություններ չեն անցկացվել ու ապացույցները վերացված չեն:

Հարազատները ամեն գնով ցանկանում են պարզել իրականությունը՝ փորձելով հասնել նրան, որ գործով զբաղվի քննչական կոմիտեի կենտրոնական բաժինը:

Տպել
10611 դիտում

Ոստիկանին սպանելու մեջ կասկածվող անչափահասը հակասոցիալական վարքով երեխաների դպրոցի սան է. նա 10 օր է՝ դասի չէր գնում

Ձորաղբյուրում երեկվանից այրվող տան հրդեհը այսօր դեռ չի մարվել. բնակչի կրած վնասը անցնում է 7 մլն դրամը (լուսանկարներ)

Պուտինի հրավերով Թուրքիայի նախագահը կմեկնի Ռուսաստանի Դաշնություն

Սեռական բնույթի ձայնագրություններ չհրապարակելու, արատավոր տեղեկություններ չտարածելու համար գումարներ է գանձել

Կապանում սողանքից փլուզված տան փլատակների տակից եւս մեկ դի է դուրս բերվել

Մայր Աթոռի և Ճապոնիայի դեսպանատան միջև ձևավորվել է սերտ գործակցություն. հանդիպում Գարեգին Բ-ի հետ

Հայբիզնեսբանկի 24/7 ռեժիմով գործող Հեռախոսազանգերի կենտրոնն ունի նաև Viber և WhatsApp հավելվածներ

Ես զինվորական եմ, ո՞նց կարող եմ համաձայնել կամ չհամաձայնել գալ նիստերին․ Արշակ Կարապետյանն ԱԺ քննիչ հանձնաժողովում է

ԱԱԾ են կանչվել Սահմանադրական դատարանի նախագահ Հրայր Թովմասյանի 75-ամյա հայրը և երկու դուստրերը

Ծառայողական պարտականությունները կատարելու ընթացքում զոհված ոստիկանը պարգևատրվել է Արիության մեդալով

Խախտումներ հայտնաբերվել են Արտաշատում ստուգված բոլոր դպրոցներում. ՍԱՊԾ

Հարկային համակարգի բարեփոխումների երկարաժամկետ հանգրվանը պետք է լինի ՊԵԿ-ի՝ որպես կառույց վերացումը. Մ. Առաքելյան

Վանաձորում խողովակներով բարձված КамАЗ է վթարի ենթարկվել (լուսանկարներ)

Կապանում փլուզված երկհարկանի տան փլատակների տակից 69-ամյա կնոջ դի է դուրս բերվել

Պարոն Էրդողան, հիմար մի՛ եղեք. հրապարակվել է Թրամփի նամակը Էրդողանին (լուսանկար)

Արծվանիկի պոչամբարում տեղի ունեցած վթարը վերացվել է. Տեսչական մարմին

ՊՆ մարդու իրավունքների եւ բարեվարքության կենտրոնի պետը հանդիպել է կին զինծառայողների հետ

Լեգենդար դարպասապահ Իկեր Կասիլյասը սրտի կաթվածից հետո կրկին մարզվում է

«Նուբարաշեն» եւ «Արմավիր» ՔԿՀ-ներում ներդրված փորձնական սննդի ծրագրից օգտվող կալանավորները մեծ թիվ են կազմում. նախարար

Ինչքան հրավիրյալների թոփ տասնյակին մոտենանք, այնքան վախերը դեպի հարգարժան գեներալներ շատ են ուղղվելու․ Անդրանիկ Քոչարյան