2 օր է՝ Սալվարդում եւ Թանահատում լույս չկա և դեռ պարզ չէ՝ երբ կլինի, գերեզմանատներ են այրվել

Սեպտեմբերի 15-ին Սյունիքի մարզի Սիսիանի տարածաշրջանում գտնվող Արեւիս-Թասիկ-Հացավան ավտոճանապարհի հարակից խոտածածկ տարածքում հրդեհ էր բռնկվել: Ըստ պաշտոնական տեղեկատվության՝ հրդեհը բավականին լուրջ վնասներ էր հասցրել: Մասնավորապես՝ էլեկտրասյուներ էին այրվել, մոտ 500 հա խոտածածկույթ տարածք եւ 3000 հազար հակ անասնակեր:

«Եթե նյութականի մասին անգամ չխոսենք, Թասիկի եւ Հացավանի գերեզմանատներն են այրվել: Այդ մարդկանց հոգեկան վիճակը պատկերացրեք»,- այս մասին մեր զրույցում ասաց Սիսիանի համայնքապետարանի մամուլի քարտուղար Անի Սիմոնյանը:

Հարցին, թե ինչի՞ց է հրդեհը բռնկվել, Սիմոնյանը պատասխանեց. «Ճիշտն ասած՝ այս պահին դեռեւս փորձագիտական աշխատանքներ են տեղի ունենում` քաղաքաշինության բաժնի տղաներն արդեն երկու օր է՝ այնտեղ են, անգամ ԱԻՆ-ի պաշտոնական էջում դեռ բան չկա: Հրդեհը բռնկվել է Թանահատ բնակավայրի մոտակայքից, բայց թե ինչի՞ց է բռնկվել, դեռ պարզ չէ: Թանահատից բռնկվել եւ եկել է դեպի Սալվարդ-Թասիկ-Հացավան բնակավայրերի ուղղությամբ: Մեզ մոտ այնքան ուժեղ է արեւը, կարող է մի փոքր ապակի ընկած լինի խոտին եւ դրանից բռնկվի: Դա դաշտ է եղել եւ չեմ կարծում, որ այդտեղ կարող էր մարդկային գործոն լինել:

Հացավան բնակավայրում գոմի տանիք է այրվել, 3000 տուկ խոտ, կրակը մյուս գյուղեր չի հասել: Բայց քանի որ էլեկտրասյուները այրվել են, Սալվարդ եւ Թանահատ բնակավայրերը մինչ այժմ հոսանքազրկված են»,- ասաց Սիմոնյանը՝ հավելելով, որ Հացավանին հնարավոր է եղել լույս տրամադրել` Թասիկից, բայց Սալվարդը եւ Թանահատը լույս չեն կարող ունենալ, քանի որ 70 էլեկտրասյուն է պայթել:

Մեր հարցին, թե ինչքա՞ն ժամանակում կվերականգնվի հոսանքազրկված գյուղերի հոսանքը, Սիմոնյանը պատասխանեց. «Երեւի երկար ժամանակ կտեւի: Այս պահի դրությամբ դեռ ինֆորմացիան էլ ընդհանրական չի, ԱԻՆ-ը նշել է, որ 500 հա խոտածածկույթ է այրվել, բայց իրականում շատ ավելի շատ է, այդ բնակավայրերի շրջակայքի ամբողջ խոտածածկույթը այրվել է»:

Հարցին, թե որքա՞ն նյութական վնաս է հրդեհը պատճառել, Սիմոնյանը պատասխանեց. «Եթե նյութականի մասին անգամ չխոսենք, Թասիկի եւ Հացավանի գերեզմանատներն են այրվել: Այդ մարդկանց հոգեկան վիճակը պատկերացրեք: Ամբողջությամբ այրվել են, գրանիտից քարերը պայթել են»:

Սիմոնյանը նշեց, որ այդ տուկով խոտը վաճառում են գյուղացիները: Մեկ տուկը 500 դրամ է, այսինքն՝ միայն 3 հազար այրված տուկից գյուղացին 1.5 մլն դրամի վնաս է կրել: «Դա միայն խոտի վնասն է, էլ չեմ ասում տանիքը, էլ չեմ ասում, որ անասուն էլ է այրվել, գոմից էլ են փախել եւ չեն գտել տերերը», - ասաց Սիմոնյանը:

Հարցին, թե նման դեպքերում փոխհատուցում կամ աջակցություն լինո՞ւմ է, Սիմոնյանը պատասխանեց. «Շաղաթում էլ վերջերս 4-5 հազար տուկ խոտ այրվեց, անասուն այրվեց, 7 գոմ այրվեց, գոմի հրդեհից բնակելի տների պատուհանները ջերմահարվեցին ամբողջությամբ, համայնքապետարանը ակտը կազմում է, ուղարկում է մարզպետարան, այնտեղից էլ կառավարություն են ուղարկում, որից հետո նոր պարզ է դառնում: Շաղաթի դեպքը եղել է հուլիսի 31-ին եւ դեռեւս փոխհատուցում չի եղել:

Համայնքապետարանը, որպես պետական կառույց փոխհատուցում չի կարող տալ: Դա համայնքապետարանի գործունեության մեջ չի մտնում, որ արտակարգ իրավիճակներում փոխհատուցեն: Դա ավելի շատ կառավարության մակարդակով է լինում: Որոշ ժամանակ առաջ գայլը մտել էր, մի ամբողջ գոմ ոչխար լրիվ վերացրել էր, փոխհատուցում չեղավ: Չեմ հիշում, որ փոխհատուցման դեպքեր եղած լինեն», - ասաց Սիմոնյանը:

Տպել
1449 դիտում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա