Մանկապարտեզի տնօրենը հրաժարվել է աշխատակիցներին նկատողություն հայտարարել եւ ազատվել է պաշտոնից

Իջեւան քաղաքի մանկապարտեզներում արդեն մի քանի օր է՝ արշալույսները խաղաղ չեն: Ավելի վաղ անդրադարձել էինք մի խումբ աշխատակիցների ահազանգին, ըստ որի՝ մանկապարտեզներն այսուհետ պետք է փակվեն մեկ ժամ ուշ, բայց լրացուցիչ աշխատանքի դիմաց իրենք հավելյալ չեն վարձատրվելու: Այժմ էլ, պարզվում է, զբաղեցրած պաշտոնից ազատվել է N1 մանկապարտեզի տնօրեն Էլմիրա Մարտիրոսյանը: Դրա պատճառաբանությունները նույնպես բերվում-կապվում են նշված փոփոխության հետ:

Երբ կրթության տեսչական մարմինը նախորդ տարեվերջին հայտնաբերել է, որ Իջեւանի մանկապարտեզներն աշխատում են մինչեւ ժամը 16:30-ը, իսկ աշխատակիցների 8-ժամյա աշխատանքը չի ընդմիջվում, որոշվել է, որ մանկապարտեզները պետք է գործեն մեկ ժամ ավելի, որպեսզի մարդիկ նաեւ ընդմիջման ժամ ունենան: Տեսչական մարմինը հայտնաբերել է նաեւ, որ դաստիարակների աշխատանքը պետք է վարձատրվեր 1.2 դրույքով, այնինչ վարձատրվել է 1-ով: N1 մանկապարտեզի բոլոր վեց դաստիարակները, տեղեկանալով այս մասին, տնօրեն Էլմիրա Մարտիրոսյանից թույլտվություն են խնդրել գնալ քաղաքապետարան եւ այնտեղ պարզաբանումներ ստանալ, քանի որ համապատասխան որոշում-փաստաթուղթ տնօրենը չի ունեցել: Էլմիրա Մարտիրոսյանը չի մերժել:

Քաղաքապետարանում, ըստ Մարտիրոսյանի, կրթության բաժնի պետ Լիլիթ Ղալումյանը՝ քաղաքապետ Վարդան Ղալումյանի քույրը, նրանց չի ընդունել եւ կոպիտ պատասխաններ է տվել: Քաղաքապետն ընդունել է, բայց հետո տնօրենին բողոքել, որ մանկապարտեզի աշխատակիցները միտինգ էին անում: Նրանից նախ պահանջել է աշխատողներին ենթարկել կարգապահական տույժի: Տնօրենը մերժել է: Այնուհետեւ պահանջել է, որ տնօրենն ինքը աշխատանքից ազատման դիմում գրի, հակառակ դեպքում ավագանու արտահերթ նիստ կհրավիրի, եւ նա կհեռացվի զբաղեցրած պաշտոնից:

«Ասում էր՝ քո աշխատողները միտինգի էին: Իմ աշխատողները միտինգի չէին, իրավունք չունե՞ն կրթության բաժնի վարիչին, որը չի բարեհաճում գոնե մի անգամ գա մանկապարտեզ, խմբերը մտնի, իրենց հուզող հարցով դիմեն: Հիմա մենք նոր Հայաստանում ստիպելով ոչինչ չենք կարող անել: Միշտ աշխատել ենք իր (քաղաքապետի-խմբ.) կարգադրություններով՝ ում ուզել է, նրան պիտի ընդունեինք, ում չի ուզում, չընդունեինք, ոնց շնչենք, արտաշնչենք: Աշխատել ենք այդ ոճով», «Ինձ ասել է՝ գնա նկատողություն տուր, որ եկել են աշխատանքային ժամին: Ասացի՝ բայց թույլտվություն են վերցրել, իրավունք չունե՞ն իրենց իրավունքները պաշտպանել»,- պատասխանել է Էլմիրա Մարտիրոսյանը:

Ի վերջո, նախորդ ուրբաթ հրավիրվել է ավագանու նիստ, եւ N1 մանկապարտեզի տնօրենն ազատվել է զբաղեցրած պաշտոնից: «Արագ հավաքում է ավագանու անդամներին, ու հարցը դնում՝ տնօրենի պարտականություններից ազատել, որովհետեւ ստեղծում եմ անպատժելիության մթնոլորտ, որի պատճառով աշխատակազմի առանձին աշխատողների կողմից թույլ են տրվում կարգապահական խախտումներ, անհարգելի բացակայություններ՝ վտանգի ենթարկելով մանկապարտեզ հաճախող երեխաների անվտանգությունը»,- ասաց Էլմիրա Մարտիրոսյանը:

«Ոչ մի նկատողություն չունեմ, երբեք իմ աշխատանքը թերի չեմ կատարել, խմբում դայակները, դաստիարակները երբեք իրենց պարտականություններում չեն թերացել որքան հնարավոր է: Ամենաշատ երեխաները այդ մանկապարտեզում են, իսկ ամենավատ պայմանները նույնպես այդ մանկապարտեզում են: Մենք փայտի վառարանով ենք աշխատում: Իրեն չի մտահոգել երեխայի ոչ մի վիճակ: Բոլորս իրավունք չենք ունեցել մեր պահանջները դնել: Ինձ ասում է՝ դու լավ չես աշխատում, այ տես 8-րդ մանկապարտեզի տնօրենը շատ լավ է աշխատում, նրա դաստիարակները չեն եկել քաղաքապետարան»,- նշեց Էլմիրա Մարտիրոսյանը:

Հարցին, թե արդյոք հնարավոր չէ՞ր մանկապարտեզի աշխատակիցները քաղաքապետարան գնային աշխատանքն ավարտելուց հետո, պաշտոնից հեռացված տնօրենը պատասխանեց. «Դե հիմա, թույլտվություն են վերցրել, գնացել 15 րոպեով: Չի կարելի՞ թույլտվություն վերցնել քաղաքապետին կամ կրթության բաժնի վարիչին հանդիպելու համար: Դա 15 րոպեից ավելի չի տեւել: Նախ քաղաքապետարանը շատ մոտ է, հետո էլ մեքենայով արագ գնացել, վերադարձել են: Այդ ընթացքում մանկապարտեզում ոչ մի ավելորդ բան չի եղել: Մենք ունենք հոգեբան, երաժշտության դաստիարակ, սոցմանկավարժ, բուժքույր, ամենքը մի խմբում դայակների հետ մնացել են: Թող նկատողություն տար դրա համար, ոչ թե ասեր՝ դիմումդ գրիր, դուրս արի, կամ եթե չես գրում, ես ավագանու հրատապ նիստ եմ հրավիրում եւ որոշում կայացնեմ»,- նկատեց մանկապարտեզի արդեն նախկին տնօրենը:

Նա մտադիր է աշխատանքից ազատման հրամանը բողոքարկել դատարանում: «Անպայման պիտի դիմեմ, ոնց չդիմեմ»,- պատասխանեց Էլմիրա Մարտիրոսյանը:  

N1 մանկապարտեզի տնօրենի ժամանակավոր պաշտոնակատար է նշանակվել նույն մանկապարտեզի փոխտնօրենը: Մարտիրոսյանի խոսքով, նա ավագանու անդամ Արտակ Խաչատրյանի կինն է: Վերջինիս ամուսնու հետ, ըստ նրա, քաղաքապետն ունի մի շարք բիզնեսներ: «Եթե դիտարկեք քաղաքապետարանի ենթակայությամբ գործող կառույցները, կտեսնեք՝ այնտեղ ովքեր են աշխատում: Իր մոտ աշխատում են ընկեր-ծանոթ-բարեկամներ»,- ասաց Էլմիրա Մարտիրոսյանը:

Մեզ չհաջողվեց վերոնշյալի վերաբերյալ մեկնաբանություն ստանալ Իջեւանի քաղաքապետ Վարդան Ղալումյանից եւ մասնավորապես պարզել, թե ինչ իրավական հիմքով է աշխատանքից ազատվել N1 մանկապարտեզի տնօրենը, երբ նա նախկինում կարգապահական տույժեր չի ստացել, եւ արդյո՞ք նման կտրուկ գործողություններից առաջ քաղաքապետը եզրակացրել է, որ մեր թերթին ահազանգած մանկավարժները այս մանկապարտեզի աշխատակիցներ են, ինչը նույնպես նրան դրդել է նման «պատժիչ» քայլի:

Մենք կապ հաստատեցինք քաղաքապետարանի աշխատակազմի քարտուղարի հետ, բայց նա ասաց, որ տեղի ունեցածն ինքը չի կարող մեկնաբանել:

Ավելի ուշ Իջեւանի քաղաքապետարանից ստացանք հետեւյալ պարզաբանումը:

Տպել
12453 դիտում

Ջրի անվտանգության հարցը՝ ԱԱՏՄ ուշադրության կենտրոնում

Beeline-ը Արցախում ռոումինգում գտնվող իր բաժանորդների համար սահմանում է 0 դրամ/րոպե սակագին

Աննա Հակոբյանը նամակներ է ուղարկել Բրազիլիայի, ԱՄՆ-ի, Կանադայի ու այլ երկրների առաջին տիկիններին

3 շաբաթում աշխարհի 60 երկրներից Զինծառայողների ապահովագրության հիմնադրամին 4.5 միլիոն դոլար է նվիրաբերվել

ԱԻՆ-ի աշխատակիցներն ավելի քան 52.000.000 ՀՀ դրամ են փոխանցել համահայկական հիմնադրամին

Այսօր որոշ շրջաններում սպասվում են տեղումներ, ջերմաստիճանը կնվազի

Բանկերը կներեն մարտերում զոհվածների կամ հաշմանդամություն ստացածների որոշակի շրջանակի վարկային պարտավորությունները

ԵԱՏՄ երկրներից Հայաստան եկող բոլոր ռազմական եւ հումանիտար բեռները կազատվեն հարկային վճարումներից. ԱԺ-ն ընդունեց նախագիծը

Ադրբեջանի ԱԳ նախարար Ջեյհուն Բայրամովը մեկնել է Մոսկվա

Գազամատակարարման պլանային ընդհատումներ կլինեն Վանաձորում և Արարատի մարզում

Բժշկական անձնակազմն այս պահին երկու ուղղությամբ է «կռվում» տեսանելի և անտեսանելի թշնամու դեմ. ԱՆ խոսնակ

Միջազգային հանրությանն այլ տարբերակ չի մնա, քան Արցախի անկախությունը ճանաչելը. սենատոր Էդ Մարքի

Մոսկվայում տեղի կունենա Մնացականյան-Լավրով հանդիպումը. օրակարգում ԼՂ հակամարտությունն է

Կորոնավիրուսի նոր հակառեկորդ՝ 1836 դեպք 1 օրում. առաջին անգամ գրանցվել է 16-ամյա երեխայի մահ

75-ամյա Մարուսյա տատն ու Գառնիկ պապն իրենց կովը մորթել, վաճառել ու 100․000 դրամ են փոխանցել զինծառայողների հիմնադրամին

«Ճանաչե՛ք Արցախի անկախությունը»․ բողոքի ակցիա` ՀՀ-ում Գերմանիայի դեսպանատան դիմաց

Պարզվում է՝ մենք միջմայրցամաքային բալիստիկ «Յարս» հրթիռ ունեինք, բայց չգիտեինք. Ադրբեջանի հայտարարության մասին

Արմեն Սարգսյանը մեկնել է Բրյուսել. նախատեսված են մի շարք հանդիպումներ

Լուսադեմին Մարտակերտը հարակից գյուղերով նորից հայտնվել է թշնամու նշանակետում. ԱԻՊԾ

Խոցվել է հակառակորդի ինքնաթիռ. իրավիճակը հարաբերական կայուն-լարված է