ՀՀ ազատ ոճի առաջատար ըմբիշը բաց կթողնի Եվրոպայի առաջնությունը

ՀՀ ազատ ոճի ըմբշամարտի հավաքականի առաջատար Եվրոպայի 2017 թ. բրոնզե մեդալակիր Վալոդյա Ֆրանգուլյանը բաց կթողնի Եվրոպայի 2019 թ. առաջնությունը: Այս մասին «Հայկական ժամանակ»-ի հետ զրույցում հայտնեց հավաքականի գլխավոր մարզիչ Հաբեթնակ Կուրղինյանը: Ֆրանգուլյանն ուսի վնասվածք էր ստացել Եվրոպայի 2018 թ. առաջնությունից հետո: Նույն թվականի աշխարհի առաջնությունից հետո վիրահատվել էր ու դեռեւս վերականգնվում է: Թեեւ արդեն մարզվում է, բայց, ըստ մարզչի, պետք չէ ռիսկի դիմել:

«Իհարկե բաց կթողնի: Մարզավիճակ չունի: Եվրոպայի առաջնությունից հետո նոր կսկսի մրցաշարերի մասնակցել: Հիմա մարզվում է, ուղղակի դեռ լրիվ ապաքինված չէ: Ուսագոտու վնասվածք կա, վիրահատվեց: 4, 5, 6 ամիս ժամանակ է պետք լիարժեք վերականգնվելու համար: Ռիսկի գնալու դեպքում կարող է նորից վնասվածք ստանալ, եւ կարող է ավելի լուրջ լինել»,- ասաց մարզիչը:

Մասնագետը նաեւ խոսեց նախաօլիմպիական 2019 թ. իր թիմի առաջին մրցումների մասին: Օրերս ազատոճայինները մասնացեցին փետրվարի 7-8-ն Իրանում կայացած Թախթիի միջազգային մրցաշարին: Ստուգատեսում Հայաստանը ներկայացված էր 10 մարզիկով: Նրանք էին Վաղինակ Մաթեւոսյանը (57 կգ քաշային կարգ), Վազգեն Թեւանյանը (65 կգ), Գեւորգ Մխեյանը (70 կգ), Վարուժան Կաջոյանը եւ Խաչատուր Պապիկյանը (2-ն էլ 74 կգ), Գրիգոր Գրիգորյանը (79 կգ) Հովհաննես Մխիթարյանը (86 կգ), Սարգիս Հովսեփյանը (92 կգ), Արման Մկրտչյանը (97 կգ), Անդրանիկ Գալստյանը (125 կգ): Ըմբիշները վերադարձան ընդամենը 2 բրոնզով: Հաշվի առնելով, որ տարվա առաջին մրցումն է՝ Կուրղինյանը գոհ է:

«Տարվա մեր առաջին մրցաշարն էր: Տղաներն իրենց փորձեցին տեսան: Մենք՝ մարզիչներս էլ նայեցինք՝ ինչ վիճակում են: Նորմալ էր՝ ինձ թվում է: Ավելացնելու տեղ ունեն: Շատ լավ չէր, բայց նորմալ էր: Ժամանակ ունենք՝ գորգի վրա աշխատանք տանելու, տեխնիկական, տակտիկական կողմերի վրա աշխատելու»,- ասաց նա:

Իրանում բրոնզե մեդալակիրներ դարձան 74 կգ քաշային կարգում հանդես եկող Խաչատուր Պապիկյանն ու 125 կգքաշային կարգում հանդես եկող Անդրանիկ Գալստյանը: Կուրղինյանը հատկապես գոհ է նրանցից: Նշում, որ երկուսն էլ շատ լավ են հանդես եկել:

«Խաչատուրը Պապիկյանը երիտասարդ ըմբիշ է: Շատ լավ հանդես եկավ: Նա մինչեւ 23 տարեկանների հավաքականի կազմում կմասնակցի Եվրոպայի առաջնությանը: Շատ գոհ եմ նրանից: Անդրանիկն էլ փորձառու մարզիկներից է: լավ հանդես եկավ»,- ասաց նա:

Մի քանի օրից իրենց ուժերը կփորձեն նաեւ հավաքականի 2-րդ համարները: Նրանք կմասնակցեն Խարկովում փետրվարի 15-ից մեկնարկող մրցաշարին: Ազատոճայինների համար առաջիկա կարեւոր ստուգատեսը Եվրոպայի մինչեւ 23 տարեկանների 2019 թ. առաջնությունն է, որը կայանալու է Սերբիայի Նովի Սադ քաղաքում մարտի 4-10: Այնուհետեւ հավաքականը պատրաստվելու է Եվրոպայի մեծահասակների առաջնությանը, որը տեղի կունենա Ռումինիայի մայրաքաղաք Բուխարեստում ապրիլի 8-14-ը: Մինչեւ այդ մեծահասակների ու երիտասարդների ընտրանիները համատեղ հավաքներ են անցկացնելու, քանի որ, ինչպես Կուրղինյանը նշեց, մեծահասակաների հավաքականը երիտասարդացման, սերնդափոխության կարիք ունի:

Տպել
436 դիտում

Վանում փախստականներ տեղափոխող ավտոբուս է կողաշրջվել․ 15 մարդ է զոհվել՝ այդ թվում երեխաներ

ԱԳ նախարար Զոհրաբ Մնացականյանը ելույթ է ունեցել Կրոնական հարցերով նախարարական հանդիպմանը

Շրջակա միջավայրի նախարարությունը JIKA-ի հետ համագործակցության նոր ծրագրեր է մշակվել

Արա լեռան մոտակայքում քաղաքացիները մոտոցիկլետներով իջել են ձորը և չեն կարողացել դուրս գալ

ՀՀ ոստիկանության պետի աշխատակազմի ղեկավարը կհանդիպի Շիրակի մարզի բնակիչներին

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

Անշարժ գույքի կադաստրի պետկոմիտեի 5 ստորաբաժանումները կմիավորվեն մեկի մեջ, որը կտեղակայվի Վանաձորում

Արցախի խորհրդարանը կգումարի արտահերթ նստաշրջան

Հակոբ Արշակյանը Թեհրանում մասնակցում է «Սմարթ Իրան» կոնֆերանսին

ՀԱՕԿ-ը որոշել է էլ ավելի աբսուրդային քայլեր ձեռնարկել. բռնցքամարտի ֆեդերացիայի նախագահ

Մարդու իրավունքների պաշտպանն ընդունել է ՀՀ-ում Ֆրանսիայի արտակարգ և լիազոր դեսպանին

Իջեւանում «բողոքի ակցիաների» հրահրման գործում իր դերն ունի ԱԺ նախկին կարկառուն ՀՀԿ-ական պատգամավորներից մեկը

Առանց միացյալ ջանքերի չեմ պատկերացնում, որ որևէ տեղ կհասնենք. Զարեհ Սինանյանն այցելել է «Ռուսաստանի հայերի միություն»

Այս պահին ոստիկանության տեսադաշտում 36 մարդ կա, որոնցից 22-ը բերման են ենթարկվել. Օսիպյան