Երեւանի քաղաքապետարանում թեւածում է տարոնիզմը. սաբոտաժ

Լուսանկարում ձախից՝ Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ Արբակ Վարդանյան, աջից՝ Երեւանի քաղաքապետ Հայկ Մարության

Երեւանի քաղաքապետարանում մերժված իշխանության ձեւավորած բարքերը շարունակվում են: Երեւանի քաղաքապետ Հայկ Մարությանը չափազանց բարեկիրթ է իր ենթակաների հանդեպ, որոնց գերակշիռ մասը, ինչպես հայտնի է, նախորդ իշխանության բերած կադրերն են: Ու այդ բարեկրթությունը քաղաքապետարանում, ինչպես վարչապետն է ասում, երեւի թե շփոթում են թուլության հետ: Ու թեեւ քաղաքապետն աշխատում է մինչեւ կեսգիշեր, մյուս կաբինետներում քաղաքացիների դիմումները ամիսներով շարված են մնում: Ավելին, ինչպես երեւում է, այստեղ շատերը կարոտով են հիշում հին ավանդույթները:

«Հայկական ժամանակ»-ին դիմած քաղաքացի Արթուր Մարդոյանի ուշագրավ պատմությունն այդ ամենի վառ ապացույցն է:

Մարդոյանն արդեն ամիսներ շարունակ շինթույլտվություն ստանալու համար տարատեսակ քաշքշուքների է ենթարկվում՝ Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի կողմից:

Մարդոյանը բնակվում է Երեւան քաղաքի Կենտրոն վարչական շրջանի Մոսկովյան փողոցի 8-րդ շենքում՝ 1-ին հարկում: Նա 2018 թվականի մայիսի 9-ին դիմել է Երեւանի քաղաքապետարան, որպեսզի շինթույլտվություն ստանա իր պատուհանը մուտքի փոխելու համար, որպեսզի բնակելի տարածքը վերափոխի գրասենյակի: Մարդոյանը նշեց, որ այդ փոփոխությունը կատարվում է իր տարածքի ներսում:

Քանի որ շենքը պատմամշակութային է համարվում քաղաքապետարանը դիմել է Մշակույթի նախարարություն եւ Մարդոյանին էլ ասել են, որ նախարարությունից դրական եզրակացություն ստանալու դեպքում անհրաժեշտ շինթույլտվությունը կտրամադրվի: 2018 թվականի հունիսի 25-ին Մշակույթի նախարարությունը դրական եզրակացություն է տվել շինթույլտվությանը: Դրանից հետո քաղաքապետարանը հարցում է արել Տարածքային կառավարման նախարարություն: 2018 թվականի հուլիսի 26-ին Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ Արբակ Վարդանյանը Մարդոյանին պաշտոնապես տեղեկացրել է, որ ՏԿԶ նախարարության դրական եզրակացության տրամադրման պարագայում Երեւանի քաղաքապետարանը պատրաստվում է տվյալ գործի շրջանակում տրամադրել անհրաժեշտ քաղաքաշինական փաստաթղթեր: Տարածքային կառավարման նախարարությունը նույնպես դրական եզրակացություն է տվել:

Այդ ընթացքում՝ 2018 թվականի օգոստոսին Երեւանի քաղաքապետի պաշտոնակատարի պարտականությունները կատարող Կամո Արեյանը գրություն է ուղարկել Մարդոյանին՝ նշելով, որ շինթույլտվության համար պետք է նաեւ հարեւանությամբ գտնվող «Լօրանժ» սրճարանի տնօրինության համաձայնությունը՝ նշելով, որ նրանց համաձայնության դեպքում դա պետք է դարձյալ գնա Տարածքային կառավարման եւ զարգացման նախարարություն եւ, եթե այնտեղից էլ դրական եզրակացություն տան՝ քաղաքապետարանը պաստրաստ է տրամադրել անհրաժեշտ քաղաքաշինական փաստաթղթեր:

«Լօրանժ» սրճարանի տնօրինությունը համաձայնություն է տվել: Դրանից հետո Տարածքային կառավարման եւ զարգացման նախարարությունը դիմել է քաղաքաշինության կոմիտեի այդ ժամանակվա նախագահ Ավետիք Էլոյանին, որպեսզի նաեւ նրանց եզրակացությունը ստանան: Քաղաքաշինության կոմիտեի նախագահը պատասխան գրությունով ՏԿԶ-ին տեղեկացրել է, որ առարկություն չունեն շինթույլտվություն տալու հետ կապված:

Այդ ընթացքում ՏԿԶ-ն եւս մեկ անգամ լրացուցիչ դիմել է Մշակույթի նախարարություն, որտեղից այն ժամանակվա նախարար Լիլիթ Մակունցը պատասխանել է, որ նախագծում իրականացվող պատուհանի՝ մուտքի վերածումը եւ կից մայթի վերակառուցումը չի ազդում շենքի կայունության եւ գեղարվեստական արժեքի վրա: Երբ այդ ամբողջ դրական պատասխանները եղել են, Մարդոյանը համբերատար սպասել է, որ Երեւանի քաղաքապետարանը շինթույլտվություն տրամադրի: Սակայն ինչպես հետագայում է պարզվել՝ իզուր: 2019 թվականի փետրվարին Մարդոյանին քաղաքապետարանից ասել են, որ նոր դիմում պետք է գրի, քանի որ այդ բոլոր փաստաթղթերը խառնվել են իրար. «Ասել են՝ նոր դիմում գրի, շինթույլտվությունը տանք»,- ասաց նա:

Մարդոյանը փետրվարի 5-ին նորից դիմում է գրել՝ ճարտարապետահատակագծային առաջադրանքի համար (շինթույլտվության):

Մարդոյանի՝ փետրվարի 5-ին գրած դիմումին մարտի 4-ին քաղաքապետարանից պատասխանել են՝ «Հարցը կարող է քննարկվել նախատեսվող մուտքի արտաքին հարդարման գունային լուծումների պատկերմամբ առաջարկ ներկայացնելու պարագայում»: Այսինքն ստացվում է, որ քաղաքապետարանը քաղաքացուն իր բոլոր գրություններով հայտնում է, որ այս կամ այն նախարարության եզրակացության դեպքում կտրամադրեն շինթույլտվություն, սակայն երբ այդ դրական եզրակացությունները ստանում են, որոշում են է՛լ ավելի հեռուն գնալ՝ «դռան արտաքին հարդարման գունային լուծումների առաջարկ են ուզում»:

Դրանից հետո Մարդոյանը հանդիպել է Երեւանի քաղաքապետարանի մամուլի քարտուղար Հակոբ Կարապետյանի հետ եւ ցույց է տվել քաղաքապետարանից ստացված այդ պատասխանը. «Կարապետյանը օպերատիվ արձագանքեց եւ միասին գնացինք քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժին: Կարապետյանն այդ գրությունը փոխանցեց բաժնի աշխատակից Սուրեն Մելիք-Քարամյանին: 3 րոպե անց ներս մտավ բաժնի պետ Արբակ Վարդանյանը եւ ասաց «Ո՞վ է այս ապուշ պատասխանը գրել»: Դրանից հետո Վարդանյանը Սուրենին հանձնարարել է զեկուցագիր կազմել, որ շինթույլտվություն տրամադրեն: Հետո ճշտեցի՝ արդյո՞ք պետք է էլի դիմում գրեմ, ասացին, որ ոչ, անհրաժեշտ չէ, իրենք զեկուցագրով կներկայացնեն»,- ասաց Մարդոյանը:

Մարդոյանը նշեց, որ այդ ընթացքում անընդհատ կապի մեջ էր լինում, որպեսզի հասկանա, թե գործընթացն ինչ փուլում է գտնվում: «Մարտի կեսերին քաղաքապետարանի մոտակայքում հանդիպեցի Սուրենի հետ՝ ճշտելու համար, թե ինչ փուլում է գործընթացը: Սուրենն ասում է՝ «չգիտե՞ս՝ ոնց է կատարվում այս ամենը»: Մարդոյանը վստահ է, որ այսքան քաշքշուքները եւ այս ակնարկը պատահական չէ եւ ինչ-որ առաջարկ է սա իրենից ենթադրում...

Թե այդ «Ո՞նց է կատարվում»-ը ի՞նչ է նշանակում, թողնում ենք հանրության ենթադրությանը:

«Դրանից հետո մարտի 19-ին հանդիպել եմ քաղաքապետ Հայկ Մարությանի եւ Երեւանի գլխավոր ճարտարապետ Արթուր Մեսչյանի հետ: «Քաղաքապետը Մեսչյանին ասաց՝ պատկերացնո՞ւմ եք, որ նման բաներից տեղյակ չենք լինում, ինչ քաշքշուքների մեջ են հայտնվում քաղաքացիները: Նա նաեւ ասաց, որ խնդիրը կկարգավորեն»,- պատմեց Մարդոյանը:

Մարդոյանի խոսքով՝ այդ հանդիպումից հետո մինչ օրս ոչ մի քայլ չի եղել՝ ոչ դրական եւ ոչ էլ բացասական:

«Ես գոնե իմանամ, ասենք, օգոստոսի 6-ին պատասխան կստանամ՝ կսպասեմ: Երբ հարցը լուծված չի լինում, մարդը չգիտի՝ հաջորդ քայլը ինչ պետք է անի: Սա է խնդիրը, երբ արհեստական ձգձգում են: Բոլոր տեղերից դրական եզրակացություն են տալիս ու մեկ կամ երկու հոգի չեն ուզում լինի: Այդքան նախարարություններից դրական եզրակացություններ են տվել 2 անգամ, դուք իմ փոխարեն ի՞նչ կմտածեիք: Մինչեւ ե՞րբ»,- ասաց Մարդոյանը:

Տպել
7010 դիտում

Մանկապարտեզները 100 տոկոսով պատրաստ են ընդունելու երեխաներին. Հակոբ Կարապետյան

Ալենն իր կյանքում միշտ էր պատերազմում ու պայքարում, բայց՝ գրքով ու գրչով. պայքարող Ալենի մասին գիրք է հրատարակվել

Ժամանակավոր դադարեցվում է Ցեֆտոնուս դեղափոշի ներարկման լուծույթի շրջանառությունը

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ

Տեղի է ունեցել Անասնաբույժների ազգային ասոցիացիայի տարեկան հաշվետու ժողովը

Վերականգնվում է Մ-1-Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը

Արմեն Սարգսյանը հյուրընկալել է Հայրենական մեծ պատերազմի մի խումբ վետերանների

Ունեմ հիմքեր կարծելու՝ սա միջամտություն է իմ ազատությանը. դատավորը՝ իր դեմ հարուցված կարգապահական վարույթի մասին

Մանկապարտեզներում սահմանափակումները հանվում են. նախարարի հրամանն ուժի մեջ կմտնի վաղվանից

Ցուցակների 1-ին համարների միջև հեռուստաբանավեճը պարտադիր կլինի. այլ կարևոր փոփոխություններ ևս «Ընտրական օրենսգրքում» կան

Սակրավորներն այսօր աշխատում են Ստեփանակերտի և Մարտունիի տարածքներում. պայթեցումներ կլինեն այլ համայնքներում

Ուժեղ իմունային համակարգը կարևոր է. Դավիթ Բաբայանը պատվաստվել է կորոնավիրուսի դեմ

Վերականգնվում է Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը. Պապիկյան

Օրիգինալն է, այնքան էլ ծանր չէ, ես եմ բերել. Արամ Խաչատրյանի հետմահու դիմակն արդեն Երեւանում է՝ իր տուն-թանգարանում

Կոմանդոսի ողջ կյանքը հայրենիքին անմնացորդ նվիրվելու օրինակ էր. նախագահն ընդունել է նրա անվամբ ՀԿ-ի նախագահին

Դեռահասների շրջանում կախվածությունների թվի ավելացումը անհանգստացնող է. դասընթացներ Երևանի դպրոցներում

Հակամարտությունից տուժած Հայաստանում գտնվող ընտանիքները կստանան Համաշխարհային բանկի աջակցությունը

Պատգամավորները ԱԺ-ում պատվաստվում են կորոնավիրուսի դեմ

Պատերազմից հետո անհրաժեշտ է փոխել մոտեցումները գյուղատնտեսական ոլորտի խնդիրների լուծման նկատմամբ. ԱՀ նախագահ

Բարի ճանապարհ եմ մաղթում, իրենք ինձ կհետաքրքրեն, երբ իմ լիազորությունների տիրույթում հայտնվեն. Դավթյանը՝ Վանեցյանի մասին

Այսօր ու առաջիկա օրերին անձրևն ու ամպրոպը կշարունակվեն. հնարավոր է կարկուտ

Ձերբակալվել է «օրենքով գողի»՝ քրեական աստիճանակարգության բարձրագույն կարգավիճակ ունեցող անձ. դատախազություն

Համայնքներում կարող են ծառայողական Range Rover կամ Lexus գնել, ոչ ոք չի կարող ասել՝ ինչո՞ւ ես գնել. Գեղամ Հովեյան