Ես բացառում եմ, որ այստեղ քաղաքական ինչ-որ բան կարող է լինել. Փամբուխչյանը՝ ՌԴ-ում հայ վարորդների խնդրի մասին

2019 թվականի փետրվարին «Հայկական ժամանակ»-ը անդրադարձել էր Ռուսաստանի Դաշնության բիզնես ոլորտում հայկական վարորդական իրավունքով աշխատելու արգելքի հարցին: Նշենք, որ Ռուսաստանում 2017 թվականի հուլիսի 1-ից գործում են «Ճանապարհային երթեւեկության անվտանգության մասին դաշնային օրենքում» կատարած փոփոխությունները։ Փոփոխությունների համաձայն` արգելվում է աշխատանքի վերցնել օտարերկրյա վարորդական իրավունք ունեցող քաղաքացիների։

Այդ շրջանում Հայաստան էր այցելել ՌԴ Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի ղեկավար Լեոնիդ Կալաշնիկովը:

ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի անդամների հետ հանդիպման ժամանակ Կալաշնիկովը նշել էր, որ կարող են այդ հարցը լուծված համարել, սակայն այսօր դարձյալ այս թեման ակտուալ է դարձել, քանի որ Ռուսաստանի Դաշնությունում կրկին արգելում են հայկական վարորդական իրավունքով մեքենաներ վարելը։ Խոսքն այն վարորդների մասին է, ովքեր մեքենաները շահագործում են ձեռնարկատիրական գործունեություն իրականացնելու համար։ Ըստ սոցցանցերում տեղ գտած ահազանգների՝ նրանց խոշոր չափով տուգանում են անգամ:

Խնդիրը կարող է կարգավորվել ՌԴ պետդումայում՝ որոշակի օրենսդրական փոփոխություններ անելուց հետո:

ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ, «Իմ քայլը» խմբակցության պատգամավոր Արմեն Փամբուխչյանը ՀԺ-ի հետ զրույցում ասաց, որ հանձնաժողովը տեղյակ է խնդրից: «Կալաշնիկովի այցի ժամանակ այդ հարցը բարձրացվել էր, նա ասաց՝ եկեք առաջ չընկնենք, բայց այդ հարցը կարող եք համարել լուծված: Որոշ պայմանավորվածություններ եւ խոստումներ կան: Բայց նա ասաց, որ պաշտոնապես դեռեւս չի կարող ասել, որ այդ հարցը լուծված է, քանի որ որոշակի ընթացակարգեր կան»:

Մեր դիտարկմանը, թե փաստորեն այժմ վարորդները նույն խնդրի առաջ են կանգնել, ինչ քայլեր է ձեռնարկելու հանձնաժողովը, Փամբուխչյանն արձագանքեց. «Ամեն դեպքում մենք նորից պետք է կապ հաստատենք նրանց հետ, հասկանանք, թե ինչ է լինում: Մենք ուշադրության կենտրոնում ենք պահում իրենց արձագանքները եւ հիշեցնում ենք, որ զբաղվեն այդ հարցով»:

Մեր հարցին՝ հնարավո՞ր է, որ սա ինչ-որ քաղաքական պատճառ ունենա, Փամբուխչյանը պատասխանեց. «Ես չեմ կարծում, որ այստեղ քաղաքական ինչ-որ բան կարող է լինել: Բնականաբար, խնդիրը միայն օրենսդրության կարգավորման շրջանակներում է: Ես բացառում եմ քաղաքականը»:

Մեր հարցին, թե ամեն դեպքում ինչո՞վ է պայմանավորված, որ խնդիրը դարձյալ բարձրացվում է, Փամբուխչյանը պատասխանեց. «Չեմ կարող ասել՝ ինչով կարող է պայմանավորված լինել»:

Տպել
897 դիտում

Քաջարան-Մեղրի և Վանաձոր-Ալավերդի-Բագրատաշեն ճանապարհահատվածները բեռնատարների համար փակ են

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել