Դավթաշենում երեխաների ճանապարհին մայթ կկառուցվի, իսկ մեկ շաբաթից շահագործման կհանձնվի 220 մ երկարությամբ ճեմուղի

Երեւանի Դավթաշեն վարչական շրջանի N61 մանկապարտեզի հարեւանությամբ, որտեղով նաեւ N200 դպրոցի աշակերտներն են անցնում, մայթ կկառուցվի:

«Դավթաշեն վարչական շրջանի առաջին թաղամասի բնակիչները եւ թիվ 200 դպրոցի աշակերտների ծնողները ստորագրահավաք են արել եւ ներկայացրել վարչական շրջանի ղեկավարին՝ համար 61 մանկապարտեզի եւ ավտոտնակների միջեւ եղած ճանապարահահատվածի երկայնքով մայթ ձեւավորելու համար: Պարբերաբար անցնում են երեխաները, եւ մայթ առկա չէ»,- ավագանու այսօրվա նիստում խնդիրը բարձրաձայնեց «Լույս» խմբակցության ղեկավար Դավիթ Խաժակյանը՝ դրան անդրադառնալը պատճառաբանելով վարչական շրջանի ղեկավարից արձագանք չլինելով:

Վերջինս հայտարարեց, որ խնդիրն ուսումնասիրել հանձնարարել է տեղակալին: «Ոչ մի խոչընդոտ ես չեմ տեսնում: Եթե չկան խանգարող ավտոտնակներ, որոնք պետք է քանդվեն, հեռացվեն, անպայման մայթը կկառուցվի»,- ասաց Թումասյանը եւ, արձագանքելով Խաժակյանի կատակով մեջբերմանը, թե մեզ ոչ թե թուղթը, այլ գործն է պետք, վստահեցրեց. «Դա կիրականացվի ամենակարճ ժամանակում»:

Միքայել Թումասյանը նաեւ տեղեկացրեց, որ Դավթաշենում կառուցվում է նոր ճեմուղի՝ մոտ 220 մ երկարությամբ ավելի քան 3 մ լայնությամբ: Նախատեսվում է այն շահագործման հանձնել մեկ շաբաթից:

Դավթաշենի Փիրումյան փողոցի խաչմերուկից եւ Եղվարդի խճուղու խաչմերուկից կառուցվում է ամբողջովին նոր ճեմուղին, մոտ 220 մ, 3 մետրից ավել լայնությամբ, հուսով եմ մեկ շաբաթից կհանձնենք շահագործման:

«Ունենք ծրագրեր այլ մայթեր կառուցելու, ուղղակի քանի որ հողատարածքները դեռեւս կառուցապատված չեն, սպասում ենք կառուցապատողներին: Եթե նրանք ստանան շինթույլտվություններ, այդ մայթերի կառուցումը ավտոմատ կդառնա իրենց պարտականությունը: Դրա համար առայժմ սպասում ենք: Բայց մայթերի կառուցումը իմ անմիջական ուշադրության կենտրոնում է»,- ասաց Դավթաշեն վարչական շրջանի ղեկավարը:  

Տպել
861 դիտում

Տանկիստներն անցկացրել են մեքենավարման պարապմունք

Ռուստամ Բադասյանն ընդունել է Միացյալ Թագավորության գործերի ժամանակավոր հավատարմատարին

ՊԵԿ-ը բացահայտել է կանխամտածված սնանկության դեպք. պետությանը պատճառվել է շուրջ 200 մլն դրամի վնաս

Արսեն Ջուլֆալակյանի մանդատը կանցնի Նարեկ Ղահրամանյանին

78-ամյա զոքանչին դաժանաբար սպանելու դեպքի առթիվ հարուցված քրեական գործն ուղարկվել է դատարան

Հայաստանի պետական տնտեսագիտական համալսարանը ժամանակավորապես դադարեցնում է ուսումնական գործընթացը

2020 թվականի հուլիսի համեմատ օգոստոսին աշխատատեղերն ավելացել են շուրջ 5 հազարով

Արարատի Շահումյան համայնքում հայտնաբերված ապօրինի ջերմոցների գործով ՔՏՀԱ տեսչական մարմինը դիմել է դատախազություն

Արցախի ԱԺ նախագահի գլխավորած պատվիրակությունն աշխատանքային այցով Երևանում է

Պարեկային ծառայության դասընթացավարները վերապատրաստվում են

Սահմանադրական դատարանում ընտրում են դատարանի նախագահ եւ փոխնախագահ

Շառլ Միշելն ինքնամեկուսացված է. ԵՄ գագաթնաժողովը հետաձգվել է մեկ շաբաթով

Նորշենից մինչև Գուսանագյուղ ճանապարհահատվածը ժամանակավորապես փակ կլինի երթևեկության համար

Հանրակրթության չափորոշիչների մասին նախագիծն ամենաքննարկվածներից է. առաջ քաշված հիմնական խնդիրներն ու ԿԳՄՍՆ պատասխանները

Հայաստանի ազգային ֆիլհարմոնիկ նվագախումբը և «Լոֆթը» ներկայացնում են «Մոցարտը՝ քաղաքում» մշակութային երեկոն

Էքստեռն ավարտական քննությունների 3-րդ քննաշրջանը կմեկնարկի հոկտեմբերի 15-ից

Ամերիկյան տեխնոլոգիական ընկերությունը նախատեսում է Հայաստանում հիմնել Տեխնոլոգիական լուծումների գլոբալ կենտրոն

Գագիկ Ծառուկյանի խափանման միջոցի հարցով հաջորդ նիստը նշանակվել է սեպտեմբերի 25-ին

Նավալնին դուրս է գրվել գերմանական «Շարիտե» կլինիկայից

Նոյեմբերին ՀՀ տարածքում կանցկացվի «Շանթ-2020» զորավարժությունը