«Այո, ես չեմ անելու դա». Վազգեն Մանուկյանը հրաժարվել է զբաղվել վարչապետի առաջարկած խնդրով

Քաղաքական չեզոքություն չպահպանելը պատճառ է, որ հանրային խորհրդի նախագահ Վազգեն Մանուկյանը չսպասի՝ իրեն հեռացնեն, այլ ինքը հեռանա: Մեր զրույցում նման տեսակետ հայտնեց Հանրային խորհրդի անդամ, քաղաքագետ Ստյոպա Սաֆարյանը:

Լինելով Հանրային խորհրդի անդամ՝ նա ինքը չի տեսնում այդ կառույցի գործունեության արդյունավետությունը:

«Ինձ թվում է՝ պարոն վարչապետն ի սկզբանե անկեղծորեն ցանկանում էր, որ Հանրային խորհուրդն աշխատող մարմին դառնա, որովհետեւ ինքը խորհրդատվական մարմին է, իր առաքելությունը կառավարությանը խորհրդատվություն տալն է, հանրային շահը վեր հանելը: Բայց այդ կառույցում այդ քաղաքականության իրականացումը չի եղել ու չկա: Իհարկե, կան աշխատողներ, ովքեր շատ կարեւոր հանրային աշխատանք են կատարում, բայց խոշոր առումով հանրությանը հուզող խնդիրներով կամ կառավարության նախաձեռնությունների մասին հետաքրքիր առաջարկություններով հանդես գալու որեւէ փորձ այս ամիսների ընթացքում չի արվել»,- նշեց Սաֆարյանը:

Նա մի օրինակով ցույց տվեց, որ Մանուկյանն իրականում չի ցանկանում աշխատել կառավարության հետ. «Մի հետաքրքիր բան պատմեմ. երբ որ առաջին հանդիպումը տեղի ունեցավ պարոն վարչապետի հետ, որին նախապատրաստվեց նաեւ Հանրային խորհուրդը, խնդիրը դրված էր հասկանալ Կառավարություն-Հանրային խորհուրդ կապը, եւ երբ վարչապետը եկավ, իր տեսլականը շարադրեց կառույցի վերաբերյալ, ասաց՝ ես, օրինակ, շատ ցանկանում եմ, որ հանրային խորհուրդն իր լիազորությունների դաշտում պարզի արցախյան խնդրով հանրության շրջանում առկա կոնսենսուսը: Ի՞նչ է ուզում հանրությունը, ի՞նչ չի ուզում: Ես կարծում էի, որ պարոն Վազգեն Մանուկյանը դա ընկալած կլինի որպես հանձնարարություն՝ տրված կառավարության կողմից եւ կնախաձեռնի նման խնդրի լուծում: Բայց ի զարմանս ինձ, երբ ասացի՝ ինչո՞ւ չեք կատարում այն, ինչի խնդրանքով կառավարությունը մեզ դիմել է, Մանուկյանն ասաց՝ այո՛, ես չեմ անելու դա: Ինձ համար շոկ էր, որ Հանրային խորհրդի նախագահը հրաժարվում է կատարել օրենքով իրեն վերապահված լիազորությունը: Դրա փոխարեն սկսեցին գտնել այն խնդիրները, որոնցով նախորդ իշխանության տարբեր խմբեր դեմ են ներկա իշխանություններին՝ Ստամբուլյան կոնվենցիա, Ամուլսար, դատարաններ եւ այլն: Այդ հարցերով փորձեցին «ցավացնել» կառավարությանը: Ստացվեց, որ Հանրային խորհրդի նախագահը դեմ է կառավարության պաշտոնական օրակարգին»:

Մեր հարցին՝ արդյոք Հանրային խորհրդի աշխատանքի ոչ արդյունավետ լինելը միայն Վազգեն Մանուկյանո՞վ է պայմանավորված՝ Սաֆարյանը դրական պատասխան տվեց.

«Եթե անձը ցանկանում է աշխատացնել էդ կառույցը, կառույցը կաշխատի: Հազար ու մի խնդիր կա, որտեղ իսկապես հասարակության կարծիքը վեր հանելու մեխանիզմ կա: Մինչ այժմ հասկանալի չի՝ էս քառասունից ավելի հոգին ոնց են ներկայացնում հանրությանը: Ո՞նց ենք ներկայացնում. հարցո՞ւմ ենք անում, ի՞նչ ենք անում, ուղղակի մեզ դրել ենք հանրության ներկայացուցիչների տե՞ղը, եւ ում խելքին ինչ փչի՝ խոսո՞ւմ է: Ես չեմ տեսել, որ մենք որեւէ խնդրի վերաբերյալ գեղեցիկ առաջարկ կազմենք ու ներկայացնենք կառավարությանը, ասենք՝ հանրությունն այսպես է տեսնում լուծումը: Դրա համար էլ ո՛չ հանրությունն է հասկանում էդ մարմնի դերը, ո՛չ մենք ենք հասկանում՝ լինելով այդ մարմնի անդամ, ու կարծիք է ձեւավորվում, որ անպիտան կառույց է: Ամեն կառույց կարելի է չաշխատեցնել, եւ այն կվերածվի անպիտան կառույցի»:

Երեկ հրավիրված ասուլիսում պատասխանելով հարցին, թե եղե՞լ է նման բան, որ վարչապետն առաջարկի Արցախի հարցի վերաբերյալ հասարակության մոտեցումը ճշտել՝ Վազգեն Մանուկյանն այսպես պատասխանեց.

«Երբ որ ասվում է, որ Ղարաբաղը Հայաստան է եւ վերջ, եւ ես հասկանում եմ, որ դա հակասում է ընդհանուր մեր քաղաքականությանը, եւ ոնց կընկալվի ամբողջ աշխարհում, ես հոդված եմ գրում, որտեղ մանրամասն գրում եմ, թե իրականում ոնց է պետք անել: Ու ես կարծում եմ, որ դա տեղավորվում է Հանրային խորհրդի աշխատանքների մեջ»:

Շարունակելով արդարացնել իր վարքագիծը՝ Մանուկյանը հավելեց, որ վարչապետի առաջարկն իրականացնել կնշանակեր՝ 0-ից սկսել քննարկումներ Ղարաբաղի հարցի շուրջ: Մանուկյանն ասաց, թե ավելի նեղ կազմով վարչապետի հետ հանդիպմանն ինքն ասել է, թե այդ հարցին արդեն պատասխանել է մեր ժողովուրդը՝ Արցախի պատերազմին մասնակցելով: 

Տպել
9068 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան