«Մոտ 30 տարի մարդկանց զգացողությունը իշխանության նկատմամբ եղել է զզվանքը եւ ատելությունը: Եվ սա մեծ իներցիա է». Փաշինյան

«Իմ քայլը» խմբակցության պատգամավոր Քրիստինե Պողոսյանն այսօր Ազգային ժողովում ՀՀ վարչապետին հիշեցրեց վերջերս հրապարակված 10 տարվա վաղեմության տեսանյութի մասին, որում երեւում էր, թե ինչպես են ոստիկանության աշխատակիցները քաղաքացուն խոշտանգելով ցուցմունք կորզում: Այնուհետեւ նկատելով, թե խոսակցություններ կան, որ այդ երեւույթը շարունակում է գոյություն ունենալ՝ Պողոսյանը հարցրեց վարչապետի կարծիքը:

Նիկոլ Փաշինյանն ասաց, որ տեսանյութի հետ կապված ՀՔԾ-ում գործ է հարուցված, մասնակիցների անձը ճշտված է:

«Այսինքն ուզում են ասել, որ հիմա նույն ձեւով ոստիկանությունում խոշտանգո՞ւմ են: Ո՞վ, որտե՞ղ, ե՞րբ…Հեղափոխությունից հետո մա՞րդ են խոշտանգել»,- զարմացավ Փաշինյանը եւ երբ պատգամավորը կրկնեց, որ դրանք ընդամենը խոսակցություններ են՝ վարչապետն արձագանքեց. «Այդպես կարելի է ասել չեն խոշտանգում, նաեւ ուտում են»:

Փաշինյանն ասաց, որ դա եւ իր եւ ոստիկանության ղեկավարի հստակ դիրքորոշումն է, որ էդպիսի բան լինել չի կարող: Ըստ վարչապետի՝ չի կարող լինել այնպես, որ ոստիկանության, իրավապահ մարմինների շրջանում կոռուպցիոն դեպքերի, չարաշահումների հետ կապված ձերբակալություններ լինեն, իսկ խոշտանգումը անտեսվի:

Քրիստինե Պողոսյանն արձագանքեց, թե ոստիկանապետին առաջարկել են բարեփոխումների մեջ ներառել հարցաքննությունների սենյակները տեսաձայնագրող սարքերով կահավորելը:

«Ավելի քան 30 տարի Հայաստանի քաղաքացիների քննարկման թեման իշխանությունների մասին եղել է հետեւյալը. գողացան, թալանեցին, սպանեցին, խոշտանգեցին, ձեռքից խլեցին, գնդակահարեցին: Մոտ 30 տարի մարդկանց դիսկուրսը իշխանության մասին եղել է սա, եւ մոտ 30 տարի մարդկանց զգացողությունը իշխանության նկատմամբ եղել է զզվանքը եւ ատելությունը: Եվ սա մեծ իներցիա է: Հիմա ընդունված չէ, որ քաղաքացիների մեծամասնությունը կարող է իշխանությանը լավ վերաբերվել: Եվ մարդիկ ոստիկանություն ասելով իներցիայով խոշտանգում, իշխանություն ասելով կոռուպցիա եւ այլն եւ այլն»,- հայտարարեց Փաշինյանը:

Շարունակելով իր միտքը՝ Փաշինյանը նկատեց, թե այնպես չի, որ հիմա իշխանությունը կոռուպցիայից զերծ է: «Էսօր օրինակ, չգիտեմ լուրը կա թե չկա, եթե չկա՝ կլինի, էսօր մի բարձրաստիճան պաշտոնյահի հետ կապված բացահայտում է տեղի ունեցել: Համենայնդեպս քրգործ է հարուցված՝ նկատի ունեմ դա էլ կա: Բայց այն, որ մենք 100 տոկոսով այդ երեւույթների դեմ պայքարում ենք՝ այդտեղ չի կարող կասկած լինել»,- եզրափակեց Փաշինյանը:

Վարչապետի հայտարարությունից րոպեներ անց ԱԱԾ-ն հաղորդագրություն տարածեց՝ տեղեկացնելով, որ «դեկտեմբերի 4-ին, առանձնապես խոշոր չափերով կաշառք ստանալու կասկածանքով, բերման է ենթարկվել ՀՀ կրթության, գիտության, մշակույթի եւ սպորտի նախարարի տեղակալը, ինչպես նաեւ վերջինիս վարորդն ու ՀՀ-ում գործող ֆուտբոլային ակումբներից մեկի նախագահը, ով միաժամանակ հանդիսանում է նաեւ մի շարք մատակարարող ընկերությունների փաստացի ղեկավարը»:

Տպել
1026 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն