Հակածխախոտային օրինագիծն այս տեսքով բիզնեսի, տնտեսության համար ռիսկեր է պարունակում. Բաբկեն Թունյան

Ես կարծում եմ, որ այս տեսքով այս նախագիծը բիզնեսի, տնտեսության համար էական ռիսկեր է պարունակում: Այս մասին այսօր ԱԺ-ում ասաց «Իմ քայլը» խմբակցության պատգամավոր Բաբկեն Թունյանը՝ անդրադառնալով հակածխախոտային օրինագծին:

«Մենք միայն ծխողների իրավունքների մասին չենք խոսում, հակառակը: Սա պիտի ծխողների ու չծխողների թեմա չլինի, սա պիտի լինի առողջ մարդու թեման, եւ եթե մենք մի քիչ ավելի կոշտ լինեինք, մենք այնքան հիմնավոր փաստարկներ կբերեինք, որ տնտեսական հանձնաժողովում բացասական եզրակացության կարժանանար այս նախագիծը»,- ասաց ԱԺ տնտեսական հարցերի մշտական հանձնաժողովի նախագահ Թունյանը:

Նրա պնդմամբ՝ հանձնաժողովը դրական եզրակացություն տվել է այս նախագծին, քանի որ չի ուզել, որ այն տապալվի:

«Մենք չենք ուզում, որ տնտեսական շահերը գերակայեն առողջապահական շահերին, բայց շտկելու բաներ կան»,- ասաց պատգամավորը՝ հավելելով նաեւ, որ հարցի քննարկումը գտնվում է էմոցիոնալ տիրույթում:

«Երբ հակափաստարկներ են բերվում, պատասխանը հետեւյալն է՝ ծխելը վատ բան է: Մենք էլ ենք ասում, որ ծխելը վատ բան է, միայն անմեղսունակ մարդը կարող է ասել, որ ծխելը առողջությանն օգտակար է, բայց եկեք հասկանանք՝ այս օրինագծով մենք այդ խնդիրը լուծո՞ւմ ենք, թե՞ ոչ, ի՞նչ ենք շահում ու ի՞նչ ենք կորցնում»,- ասաց Թունյանը՝ հավելելով, որ, իհարկե, առողջ մարդն է տնտեսության մեջ արժեք ստեղծում, բայց առողջ մարդիկ լինում են միայն հարուստ երկրներում. աղքատ երկրներում առողջ մարդիկ չեն լինում:

«Այդ հարստությունն էլ ստեղծում են տնտեսվարողները: Եթե դուք խոսում եք փողի ու առողջությունը հակադրելու մասին, ծխախոտային ինդուստրիան 2019 թ.-ին ավելի քան 120 մլրդ դրամի հարկ է վճարել: Հիմա դուք խոսում եք առողջության պարտադիր ապահովագրման համակարգի մասին ու ցանկանում եք 6% լրացուցիչ հարկով հարկել աշխատողներին, որ մենք ունենանք առողջ քաղաքացիներ: Բա այդ ժամանակ առողջության ապահովագրությունը չի՞ հանգում փողին: Ես չեմ ասում, որ մեկը մյուսին պետք է հակասի, բայց պետք է առողջ բալանսավորված մոտեցում գտնել»- ասաց պատգամավորը՝ առաջարկելով նորից քննարկել այս հարցն ու լուծումներ գտնել տնտեսության ոլորտում:

Հիշեցնենք, որ այսօր ԱԺ-ն քննարկում էր «Ծխախոտային արտադրատեսակների եւ դրանց փոխարինիչների օգտագործման հետեւանքով առողջությանը հասցվող վնասի նվազեցման եւ կանխարգելման մասին» եւ կից ներկայացված օրենքների նախագծերի փաթեթը երկրորդ ընթերցմամբ եւ ամբողջությամբ ընդունելու հարցը:

Պատգամավորներից շատերը պնդում էին, որ պետք չէ գումարը գերադասել առողջությունից, իսկ որոշներն էլ, որ պետք է մտածել նաեւ տնտեսության մասին:

Տպել
1422 դիտում

Դեկտեմբերի 3-ին մի քանի ժամով կդադարեցվի Արագածոտնի մարզի Ոսկեվազ համայնքի գազամատակարարումը

Մեկնարկել է արցախցիներին սոցիալական աջակցության տրամադրման երկրորդ ծրագրի դիմումների ընդունման գործընթացը

Ապաքինվող բազմաթիվ զինվորներ ունեն ձեր արյան կարիքը. Արյունաբանական կենտրոն

Ալեքսեյ Սանդիկովը ընտրվեց Տարածաշրջանային և եվրասիական ինտեգրման հարցերի մշտական հանձնաժողովի փոխնախագահ

Վիտալի Բալասանյանը նշանակվել է Արցախի անվտանգության խորհրդի քարտուղար

Որոշել ենք ստեղծել տնտեսական խնդիրների արագ արձագանքման խումբ․ Բաբկեն Թունյան

Գեղարքունիքի մարզի որոշ հասցեներում 8 ժամով դադարեցվել է ջրամատակարարումը

Տարհանվող զինամթերքի պայթյունի հետևանքով զոհվել է ՊԲ երկու զինծառայող

Ապօրինի գույքի բռնագանձման գործընթացի շրջանակում ուսումնասիրություն է սկսվել 206 անձի պատկանող գույքի վերաբերյալ

Հաստատվել է կորոնավիրուսի 1264 նոր դեպք. գրանցվել է 35 մահ, եւս 8-ն էլ՝ այլ հիվանդության հետեւանքով

Տարակարգ ստանալու համար ուսուցիչները կարող են ներկայացնել անհրաժեշտ փաստաթղթերը

«Գոռում էին՝ խփեք, ջարդեք». ԱԱԾ-ն պարզել է՝ ովքեր են ապահովել մարդկանց ներկայությունը ԱԺ և Կառավարություն (տեսանյութ)

«ԵՄ-Թուրքիա հարաբերություններում ցանկալի առաջընթաց չի գրանցվել». Մերկել

Ստեփանակերտի ՌԴ դաշտային հոսպիտալն ընդունել է Լեռնային Ղարաբաղից առաջին հիվանդներին

Վթար Աշտարակ-Ագարակ ճանապարհին. մեքենայից 30 մետր հեռու հայտնաբերվել է վարորդի դին

68.000 դրամ միանվագ աջակցություն կստանան Արցախում հաշվառում ունեցող բոլոր երեխաները՝ անկախ ծնողի շահառու լինելուց

ՀՀ որոշ ճանապարհների մառախուղ, մերկասառույց է. կան դժվարանցանելի ճանապարհներ

Երեւանում եւ 3 մարզում էլեկտրաէներգիայի մինչեւ 6-ժամյա անջատումներ են սպասվում

Առանձնացրել ենք 60 ռազմագերու եւ ներկալված ու անհետացած 40 քաղաքացիական անձի տվյալ. ԱՀ ՄԻՊ

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը