էկոնոմիկայի փոխնախարարները առցանց խորհրդակցություն են անցակացրել մարզպետարանների գյուղոլորտի պատասխանատուների հետ

31/03/2020 schedule20:18

ՀՀ էկոնոմիկայի նախարարի տեղակալներ Տիգրան Գաբրիելյանն ու Արման Խոջոյանը մարտի 31-ին կազմակերպել են առցանց խորհրդակցություն մարզպետարանների գյուղատնտեսության և բնապահպանության վարչության պետերի հետ: Հանդիպմանը մասնակցել են Գյուղատնտեսական խորհրդատվության, նորարարությունների և մոնիթորինգի վարչության պետ Հայկ Ղևոնդյանը և Գյուղատնտեսության առաջնային արտադրանքի վարչության պետ Լևոն Տեր-Իսահակյանը: Այս մասին տեղեկացնում է էկոնոմիկայի նախարարության լրատվական ծառայությունը։

Առցանց հանդիպման հիմնական նպատակն էր ՀՀ վարչապետի հանձնարարականով տեղեկացնել ոլորտի մարզային պատասխանատուներին կորոնավիրուսի տնտեսական հետևանքների չեզոքացման երկրորդ միջոցառման, ինչպես նաև գյուղատնտեսության ոլորտում իրականացվող պետական օժանդակության ծրագրերում իրականացված փոփոխությունների և լրամշակումների վերաբերյալ: Օրակարգում ընդգրկված էին նաև գարնան գյուղատնտեսական աշխատանքներին առնչվող մի շարք հարցեր:

Տիգրան Գաբրիելյանն ընդգծել է, որ, նկատի ունենալով գյուղատնտեսական աշխատանքների ակտիվ շրջանը` հարկավոր է սեղմ ժամկետներում բոլոր մարզերի ֆերմերներին իրազեկել ծրագրերում կատարված փոփոխությունների մասին, որպեսզի նրանք կարողանան օգտվել ծրագրերի նոր պայմաններից` իրենց աշխատանքներն առավել արդյունավետ կազմակերպելու համար:

Փոխնախարարը նշել է, որ իրազեկման աշխատանքներում ներգրավված կլինեն նաև ՀՀ էկոնոմիկայի նախարարության Գյուղատնտեսական խորհրդատվության, նորարարությունների և մոնիթորինգի վարչության մարզային բաժինների աշխատակիցները:

Այնուհետև փոխնախարարները համառոտ անդրադարձել են լրամշակված ծրագրերին, շեշտել, որ հիմնական փոփոխությունը վերաբերում է մի շարք ծրագրերում սահմանված 0 տոկոս տոկոսադրույքին, իսկ ծրագրերի հիմնական մյուս պայմանները, մասնակից ֆինանսական կառույցների և կապալառուների ցանկը մնացել են անփոփոխ:

Տեղեկացվել է նաև գյուղատնտեսության ոլորտում գործունեության նպատակով տրամադրվող միկրովարկերի մասին. տրամադրվող վարկի գումարը կազմում է մինչև 1 մլն դրամ, տոկոսադրույքը` 0%, մարման ժամկետը՝ մինչև 2 տարի, վարկի մայր գումարի արտոնյալ ժամկետը՝ մինչև 9 ամիս:

Առանձնահատուկ ընդգծվել է, որ տրամադրվող վարկերի նպատակային օգտագործումը ենթարկվելու է վերահսկման:

Փոխնախարար Արման Խոջոյանը հայտնել է, որ իրազեկման նպատակով առաջիկայում կպատրաստվի տեղեկատվական գրքույկ, որում ընդգրկված կլինեն գյուղտնտեսության ոլորտում իրականացվող բոլոր ծրագրերին մասնակցության պայմաններն ու քայլերի հաջորդականությունը: Գրքույկը հասանելի կլինի նաև էլեկտրոնային տարբերակով:

Հանդիպման ընթացքում Գյուղատնտեսական խորհրդատվության, նորարարությունների և մոնիթորինգի վարչության պետ Հայկ Ղևոնդյանը նշել է, որ, արտակարգ իրավիճակով պայմանավորված, մարզային բաժինների բոլոր աշխատակիցներն իրազեկվում են ծրագրերում կատարված փոփոխությունների վերաբերյալ, որպեսզի նրանք իրենց հերթին կարողանան հավուր պատշաճի համապատասխան տեղեկատվություն տրամադրել գյուղացիական տնտեսություններին:

Գյուղատնտեսության ոլորտում իրականացվող բոլոր պետական օժանդակության ծրագրերին կարելի է ծանոթանալ ՀՀ էկոնոմիկայի նախարարության  կայքէջում: Ներկայումս ՀՀ էկոնոմիկայի նախարարության կայքէջում և ֆեյսբուքյան էջում հրապարակվում և գովազդվում են ծրագրերի վերաբերյալ իրազեկման հոլովակները:

Տպել
1174 դիտում

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)

Եթե պահպանենք կանոները, 3 շաբաթում կհաղթենք կորոնավիրուսին, եթե ոչ՝ կզրոյացնենք կառավարության ջանքերը. Դավիթ Պատրիկյան

Վարչապետի որոշմամբ՝ Էդվարդ Հովհաննիսյանն ազատվել է ՊԵԿ նախագահի տեղակալի պաշտոնից

Տիգրան Ավինյանը և Արսեն Թորոսյանն այցելել են բժշկական հաստատություններ

24 ժամով դադարեցվել է Կառավարության N1 և N3 շենքերում գործող հանրային սննդի կազմակերպությունների աշխատանքը

Աբովյան քաղաքի մթերային խանութներից մեկում հրդեհ է բռնկվել. ԱԻՆ

Ես պարտավոր եմ հավատալ ՀՀ քաղաքացու վարքագծով սարեր շուռ տալու հնարավորությանը. Նիկոլ Փաշինյան

Սուրենավանի դպրոցի տնօրենին խիստ նկատողություն է հայտարարվել, իսկ հավաքին մասնակից ուսուցչուհին ազատվել է աշխատանքից

Տոտալ արգելափակումների փուլ, պարետային ժամ, տնտեսական սահմանափակումներ. քննարկվել են բոլոր սցենարները. վարչապետ (ուղիղ)

«Դիլիջան ազգային պարկ» ՊՈԱԿ-ում կաշառք տալու և ստանալու դեպք է բացահայտվել. մեղադրանքներ են առաջադրվել

ՀՀ սահմանին օրեր առաջ հետախուզվողներ են ձերբակալվել. ԱԱԾ տնօրեն

Նազիկ Ամիրյանին մեղադրանք է առաջադրվել յուրացումների և «Հայբյուրեղապակի» ԲԲԸ կանխամտածված սնանկության տանելու համար

ԱՄՆ-ում Քանյե Ուեստը միացել է ցուցարարներին՝ աջակցելու նպատակով, բայց խանգարել է նրանց

Գյումրու ինֆեկցիոն հիվանդանոցում կորոնավիրուսով 84 հիվանդ է բուժվում. ինքնամեկուսացման ցուցում ունի 388 քաղաքացի

Այսօր վարչապետի ճեպազրույցին մասնակցելու է կորոնավիրուսից բուժված «Արմենիա» ԲԿ-ի նյարդավիրաբույժ Դավիթ Պատրիկյանը

Տեսանյութում ներկայացված է միջադեպի միայն մի մասը. Արդարադատության նախարարի մի քանի արձանագրումները

Եթե 38 աստիճանից բարձր է ջերմում, հոսպիտալացման ցուցում է․ պոլիկլինիկայի աշխատակիցը խոսում է նոր կարգի մասին

Նախագահ Արմեն Սարգսյանն ու նախարար Արսեն Թորոսյանը հանդիպել են (տեսանյութ)

ՄԱԿ-ի պարենի համաշխարհային ծրագիրը 233 մլն դրամ կտրամադրի նպաստառու ընտանիքների 6-9 տարեկան դպրոցական երեխաներին

Առավել երկարատեւ կասեցումներ՝ կրկնախախտումների կամ առավել ռիսկային խախտումների դեպքում․ ԱԱՏՄ