Շատ խնդիրներ հընթացս լուծվել են, բայց դրա մասին չի խոսվում, քանի որ մեդիադաշտի 90% զբաղված է գումար աշխատելով․ Սիմոնյան

Քիչ առաջ վերջացավ «Քաղաքացիական պայմանագիր» կուսակցության վարչության նիստը։ Նիստին ներկա էին նաեւ ՀՀ վարչապետ Նիկոլ Փաշինյանը, ԿԳՄՍ նախարար Արայիկ Հարությունյանն ու ԱԺ փոխնախագահ Ալեն Սիմոնյանը։ Վերջինս լրագրողների հետ զրույցում պատասխանեց հարցին, թե քննարկվե՞լ է արդյոք «Սերժի մնացորդներից» պետական համակարգը մաքրելու հարցը (նմանատիպ հայտարարություն վերջերս հնչեցրել էր վարչապետ Նիկոլ Փաշինյանը)։ Սիմոնյանը պատասխանեց, որ այն, ինչի մասին լրագրողը խոսում է, ակնհայտ է, եւ դրա մասին խոսում է ոչ միայն վարչապետը, այլ՝ շատ համաքաղաքացիներ։ Նա նաեւ ասաց, որ բոլորս գիտենք, լսում ենք, եւ տեսնում ենք այն ազդակները, որոնք տարբեր տեղերից գալիս են։ Սիմոնյանի համոզմամբ՝ թեեւ շատ խնդիրներ հընթացս լուծվել են, սակայն դրանց մասին չի խոսվում հասկանալի պատճառներով, որովհետեւ մեդիադաշտի 90% զբաղված է մեկ այլ գործողությամբ՝ գումար աշխատելու եւ հետաքրքիր վերնագիր հնարելու հարցով։ «Չեմ կարծում, որ վարչապետը նոր բան է ասել։ Մաքրման պրոցեսն անընդհատ ընթանում է․ դրա ապացույցն են այն քրեական գործերը, հետախուզման մեջ գտնվող անձինք, եւ կարծում եմ՝ մոտ ապագայում մենք էլ ավելի շատ նման օրինակների ականատեսներ կլինենք»,- ասաց ԱԺ փոխնախագահը։

Լրագրողի հարցին, թե որտե՞ղից այն թվերը, որ լրատվամիջոցների 90%-ը զբաղված է գումար աշխատելով, Սիմոնյանն ասաց, որ եթե ուզում են իր հետ վիճաբանության մեջ մտնել՝ դա 90 է, 70 թե 95, այդ հարցում ոչ մի բանի չեն հասնի։ «Մենք բոլորս շատ լավ գիտենք, որ այսօր մեդիադաշտի մի ստվար զանգված պատկանում է նախկին իշխանություններին, գիտեք, թե ինչ թվերով եւ ինչ վաճառնքեր են տեղի ունենում եւ տեսնում ենք ոչ միայն մենք, այլեւ՝ մեր քաղաքացիները, իսկ նման քննարկման մեջ մտնելը շատ անշնորհակալ գործ է, որովհետեւ յուրաքանչյուր անձ կամ լրատվամիջոց, որը կասի, որ այսօր լրատվական դաշտում զետեղված ինֆորմացիայի գոնե 50 %-ը խեղաթյուրված չէ, կոնտեքստից կտրված չէ եւ իրականությանը չի համապատասխանում, կհայտնվի շատ վատ վիճակում, որովհետեւ դա այդպես է»,- հայտարարեց Սիմոնյանը։ Ըստ նրա՝ ակնհայտ է, որ արվում է ամեն ինչ մեկ-երկու նպատակի համար՝ լարել հանրությանը գործող իշխանության դեմ, արդարացնել վճարողի սպասումները եւ իշխանության ձեռքբերումները չներկայացնելով ներկայացնել կոնտեքստից կտրված շատ իրավիճակներ, որոնք ոչ իրականությանը համապատասխանում են, ոչ՝ կապ ունեն։

«Ես խոսում եմ զինվորների հետ կապված իրավիճակի մասին, ասում եմ, որ բոլոր երկրներում նման բան տեղի է ունենում, բայց մենք նման բան չենք կարող թույլ տալ, հայտնի լրատվամիջոցը, նախկին իշխանություններին պատկանող, գրում է, որ Ալեն Սիմոնյանն ասաց, որ մեր բանակում նման դեպքերը նորմալ են»,- ասաց նա, որից հետո լրագրողը հետաքրքրվեց, թե ինչու՞ Սիմոնյանը դատի չի տվել այդ լրատվամիջոցին։

«Նրանք կոնտեքստից կտրում են իմ ասած նախադասությունը, իսկ կոնտեքստից կտրելու համար դատի տալ չկա։ Բայց խոստանում եմ, որ դուք եւ մենք ականատես կլինենք շատ եւ շատ դատական հայցերի մոտ ապագայում իմ կողմից»,- ասաց Սիմոնյանը։

Տպել
962 դիտում

Սկսվել է երաժշտական միջոցառումը քաղցկեղ և արյան հիվանդություններ ունեցող երեխաների համար. Աննա Հակոբյանը չի մասնակցում

Արմեն Սարգսյանը շնորհավորել է վարչապետ Նիկոլ Փաշինյանին ծննդյան օրվա առթիվ

Ռոբերտ Քոչարյանի՝ մինչեւ արտակարգ դրության ավարտը ԲԿ-ում մնալու որոշումը կարող է բողոքարկվել․ Արթուր Դավթյան

«Արարատ 73»-ի լեգենդար ֆուտբոլիստների գողացված արձանները չեն գտնվել

Կալանավորվել է Մարմաշենում 21-ամյա երիտասարդի սպանության գործով ձերբակալված անչափահասը

Չեմ ուզում գնալ հիվանդանոցից. Գյումրիում բռնության ենթարկված 13-ամյա Նազելին դուրս է գրվել «Սուրբ Աստվածամայր» ԲԿ-ից

2019 թվականին Զինված ուժերում հանցագործությունների թիվը նվազել է 18,5%-ով․ Արթուր Դավթյան

Քննիչը հանձնարարել էր պարզել Սանասարյանի դրամական միջոցների ծագումը, փոխհարաբերությունը ՊՎԾ աշխատակիցների հետ

Գյումրիում շների հարձակման հետևանքով Երևան տեղափոխված 2.5 տարեկան երեխան գիտակցության է եկել, ինքնուրույն շնչում է

Նիկոլ Փաշինյանն ու Վլադիմիր Պուտինը քննարկել են կորոնավիրուսային համաճարակի հետ կապված իրավիճակը

Թմրամիջոցների հայտնաբերման դեպքեր քրեակատարողական ծառայողների կողմից

14-ամյա պատանին իր մոտ եղած դանակով հարվածել է 16-ամյա տղայի թիկունքին՝ պատճառելով մարմնական վնասվածք

Յուրաքանչյուր երեխա ապագայի խորհրդանիշն ու երաշխիքն է. Արմեն Սարգսյանի շնորհավորանքը

Պատերազմներից, սովից, բռնությունից տառապող յուրաքանչյուր երեխա մեր՝ մեծերիս, պարտությունն ու ամոթն է. Աննա Հակոբյան

Վալենտինա Մատվիենկոն շնորհավորական ուղերձ է հղել Նիկոլ Փաշինյանին ծննդյան օրվա առթիվ

Միջազգային 20 կինոփառատոններ հասանելի են մեկ հարթակում տասն օր բոլորի համար անվճար

Բարոյական եւ հոգեբանական փլատակների մի՛ վերածվեք. Աննա Հակոբյանը՝ իրենց ընտանիքի վարակման փաստը շահարկողներին

Ժամանակավորապես կդադարեցվի բնական գազի մատակարարումը Հայաստան

Արցախի նախագահի հաստատմամբ Մարտակերտի շրջանի վարչակազմը նոր ղեկավար ունի

Պարետի կողմից սահմանված նորմերի խախտման դեպքերով դադարեցվել է 1376 կազմակերպության գործունեություն