Ջիլ և Վարսեր համայնքներում ՏԻՄ ընտրության վերաքվեարկություն է կատարվում. թարմացվող

Այսօր Գեղարքունիքի մարզի Ջիլ եւ Վարսեր գյուղական համայքներում համայնքապետի ընտրություններ են անցկացվում: Քաղաքացի դիտորդ նախաձեռնությունն արդեն առանձնացրել եւ հրապարակել է իր դիտորդների արձանագրած ընտրախախտման դեպքերը եւ ժամանակագրությամբ ներկայացրել է:

Նշենք, որ Վարսեր համայնքում առաջադրվել է գործող ՀՀԿ-ական գյուղապետ Զավեն Հարությունյանը եւ անկուսակցական Հուսիկ Սեդրակյանը, իսկ Ջիլում թեկնածուները երեքն են՝ Նիկոլայ Հովհաննիսյան, Միքայել Ղարիբյան (գործող գյուղապետ), Հայկանուշ Մելիքյան:  

Հիշեցնենք, որ Գեղարքունիքի մարզի Վարսեր և Ջիլ համայնքներում ընտրություններն անվավեր էին ճանաչվել. նշված համայնքներում անցկացվում են համայնքի ղեկավարի ընտրությունների վերաքվեարկություններ: ԿԸՀ մամուլի քարտուղարն ավելի վաղ մեր զրույցում ասել էր, որ ընտրությունների արդյուքններն անվավեր ե ճանաչվելու համար հիմք էր հանդիսացել ներկայացված վերահաշվարկի դիմումները եւ դրանց հիման վրա անցկացված վերահաշվարկի աշխատանքները:

Հաղորդումները Վարսերում՝

20:41 ժամը 19:30-ի սահմաններում մի քանի տղաներ Վարսեր համայնքի ընտրատեղամաս են բերել Վարսենիկ անունով մի ծեր կնոջ և նստեցրել տեղամասի մուտքի մոտ, աթոռին: Նվեր Սամվելի Սեդրակյան անունով մեկը ներկայացել և գրանցվել է որպես տատիկին օգնող և տատիկին թողնելով տեղամասում, միայնակ մտել է քվեախցիկ և քվեարկել: Դիտորդի այն դիտարկմանը, որ առանց ընտրողի օգնողը կատարեց քվերակություն, փաստացի նրա փոխարեն, ՏԸՀ նախագահն ասել է, որ ինքը ոչին չի կարող անել:Այնուհետև նույն անձինք Վարսենիկ տատին տեղամսից տարել են:

18:04 Վարսեր համայնքի 23/1 ընտրատեղամասում Times.am կայքի լրագրող ներկայացող ոմն Վիգեն Խաչատրյանն ամբողջ օրվա ընթացքում անտեսանելի է պահում իր վկայականը։ Դիտորդը դիմել է ՏԸՀ նախագահին, սակայն վերջինս մերժել է դիտորդի առաջարկը և հրաժարվել է Վիգեն Խաչատրյանից պահանջել սահմանված կարգով և տեսանելի կրել վկայականը։

12:42 Մարդկանց կամ մեքենաների կուտակումներ տեղամասից 50 մետր շառավղով: Ընտրատեղամասից դուրս՝ 50 մետր շառավղով մարդկանց և մեքենաների կուտակումներ։ Նախագահի դիտողությամբ ոստիկանը պարբերաբար փորձում է կարգավորել, սակայն կուտակումները շարունակվում են։ 

11:48 Հանձնաժողովի անդամ Հովիկ Ավետիսյանը լրացրել է քվեարկողի տվյալները՝ կենսաչափական անձնագրի հիման վրա և թույլ է տվել, որ քվեարկի, սակայն երբ ընտրողը մոտոցել է, որ գցի քվեատուփը և անձնագրում կնքվի, դիտորդը նկատել է, որ կենսաչափական անձնագիր է և դիմել հանձնաժողովի նախագահին։ Քվեաթերթիկը մարվեց, գրանցամատյանում կազմվեց արձնագրություն, ընտրողը բերեց իր նույնականացման քարտը և ստանալով նոր քվեաթերթիկ՝ քվեարկեց։ 

11:35 Անձնագրում դրվող կնիքների հետ կապված խնդիրներ: Քվեարկողի անձնագրում դրվող կնիքի թանաքը շատ վատ որակի է,թանաքը հեղուկային է, լղոզվում է և կնիքը չի հասկացվում։

11:09 Ջիլ համայնքի 23/1 տեղամասում մի երիտասարդ ընտրողի քվեարկության ժամանակ հանձնաժողովի անդամ Սոնա Մաղաքյանը (ԸԸՀ) դիտորդին տեղեկացրել է, որ այդ ընտրողի նկատմամբ ուշադիր լինեն, քանի որ նախորդ ընտրությանը նկարել էր իր քվերաթերթիկը: Երբ այդ ընտրողը քվեախցում քվեարկություն է կատարել, դիտորդը լսել է հեռախոսի նկարահանման ձայնը և տեղեկացրել է հանձնաժողովին,վերջինս պահանջել է ընտրողից դուրս գալ քվեախցից: Ընտրողը որոշ ժամանկ անց դուրս է եկել քվեախցից և պատրաստվել է ծրարը քցել քվեատուփի մեջ, սակայն հանձնաժողովի անդամների և դիտորդների պահանջով ՏՀԸ նախագահ Սուրեն Ծատուրյանը (ՀՀԿ) թույլ չի տվել գցել և պահանջել է ցույց տալ հեռախոսի լուսանկարները: Ըստ դիտորդի՝ հեռախոսում անձնական բնույթի նկարների էին, որի պատճառով մինչև վերջ չեն նայել նկարները ու ՏԸՀ նախագահը հայտարարել է, որ քվեաթերթիկի լուսանկար չկա, կարող է քվեածրարը գցել տուփի մեջ: Տարաձայնություն է առաջացել այդ հարցի շուրջ. թույլ տալ քվեարկել, թե համարել անվավեր: ՏԸՀ նախագահը զանգահարել է ԸԸՀ, որտեղից պատասխանել են, որ կարող է քվեարկել: Երիտասարդը քվեարկել է և դուրս եկել տեղամասից:

Հաղորդումները Ջիլում՝

11:09 Ջիլ համայնքի 23/1 տեղամասում մի երիտասարդ ընտրողի քվեարկության ժամանակ հանձնաժողովի անդամ Սոնա Մաղաքյանը (ԸԸՀ) դիտորդին տեղեկացրել է, որ այդ ընտրողի նկատմամբ ուշադիր լինեն, քանի որ նախորդ ընտրությանը նկարել էր իր քվերաթերթիկը: Երբ այդ ընտրողը քվեախցում քվեարկություն է կատարել, դիտորդը լսել է հեռախոսի նկարահանման ձայնը և տեղեկացրել է հանձնաժողովին,վերջինս պահանջել է ընտրողից դուրս գալ քվեախցից: Ընտրողը որոշ ժամանկ անց դուրս է եկել քվեախցից և պատրաստվել է ծրարը քցել քվեատուփի մեջ, սակայն հանձնաժողովի անդամների և դիտորդների պահանջով ՏՀԸ նախագահ Սուրեն Ծատուրյանը (ՀՀԿ) թույլ չի տվել գցել և պահանջել է ցույց տալ հեռախոսի լուսանկարները: Ըստ դիտորդի՝ հեռախոսում անձնական բնույթի նկարների էին, որի պատճառով մինչև վերջ չեն նայել նկարները ու ՏԸՀ նախագահը հայտարարել է, որ քվեաթերթիկի լուսանկար չկա, կարող է քվեածրարը գցել տուփի մեջ: Տարաձայնություն է առաջացել այդ հարցի շուրջ. թույլ տալ քվեարկել, թե համարել անվավեր: ՏԸՀ նախագահը զանգահարել է ԸԸՀ, որտեղից պատասխանել են, որ կարող է քվեարկել: Երիտասարդը քվեարկել է և դուրս եկել տեղամասից: