«Վախը եւ հիասթափությունն ավելի ուժեղ են եղել, քան հույսը». ԵԱՀԿ/ԺՀՄԻԳ դիտորդներն ամփոփեցին

«Չնայած իրավական համակարգի հավանության արժանացած բարեփոխումներին եւ նորագույն տեխնոլոգիաների ներդրմանը՝ երեկ Հայաստանում տեղի ունեցած ընտրությունների վրա հետք են թողել ընտրակաշառքների վերաբերյալ վստահության արժանի տեղեկությունները, եւ քաղաքացիական ծառայողների ու մասնավոր ընկերությունների աշխատակիցների վրա ճնշումների մասին այլ տեղեկությունները, որի հետեւանքով, ընդհանուր առմամբ, նկատվել է հանրային վստահության պակաս առ ընտրությունները»,- այսօր Երեւանում տեղի ունեցած մամուլի ասուլիսի ընթացքում այս մասին հայտարարել է ԵԱՀԿ կարճաժամկետ դիտորդական առաքելության համակարգող Իգնասիո Սանչես Ամորը:

Նա ընդգծել է, որ թեեւ քվեարկության օրը ընդհանուր առմամբ հանդարտ եւ խաղաղ է եղել, սակայն նկատվել են կազմակերպչական թերություններ եւ անհարկի միջամտություն գործընթացին՝ հիմնականում կուսակցությունների ներկայացուցիչների կողմից:

«Երեկվա ընտրությունները գծանշեցին Հայաստանում նոր քաղաքական համակարգի ներդրման ճանապարհը, սակայն փոփոխությունը չի կարող տեղի ունենալ մեկ գիշերում: Եթե Հայաստանը ցանկանում է ուժեղ ժողովրդավարություն ստեղծել՝ քաղաքական կուսակցություններին անհրաժեշտ է մեծ հաստատակամություն ցուցաբերել եւ հրաժարվել անցյալի գործելակերպից: Մենք այս եզրակացություններին հասել ենք երկարաժամկետ եւ կարճաժամկետ դիտարկման արդյունքում»,- ասել է Ամորը:

Վերջինս թվել է այն հիմնական թերությունները, որոնց ականատես են եղել. «Մենք նկատել ենք ընտրակաշառքի վերաբերյալ վստահության արժանի տեղեկություններ, հանրային ծառայողների, հիվանդանոցներում, դպրոցներում աշխատողների նկատմամբ ճնշումներ... կուտակումները, երկար հերթերը եւ ոստիկանութան ներկայացուցւչների կողմից միջամտությունները: Դիտարկված տեղամասերի 35 տոկոսում ընտրողները դժվարություններ են ունեցել քվեարկության գործընթացը հասկանալու առումով»,- ընդգծել է նա:

«Ցավոք, չնայած բոլոր իրավական եւ կազմակերպչական փոփոխություններին, այս ընտրություններին եւս չվերացան վաղուց եղած կասկածները՝ ուղղված երկրում ընտրական գործընթացների հուսալիությանը եւ ամբողջականությանը»,- իր հերթին նկատել է ԵԽԽՎ դիտորդական առաքելություն իրականացնող պատվիրակության ղեկավար Լիլիան Մորի-Պասքիեն:

Ըստ նրա՝ միայն նոր ընտրական տեխնոլոգիաների կիրառությունը չի կարող վերականգնել հավատը ընտրությունների հանդեպ, որը կարեւոր է իրական ժողովրդավարության պարագայում: Իսկ երեկվա ընտրությունները ցույց են տվել, որ ընդհանուր միջավայրը բարեփոխված չի եղել եւ ընտրությունը իրականացվել է ոչ թե ծրագրերի, այլ անձերի միջեւ:

«Լրատվամիջոցներում բանավեճեր չեն եղել, մրցակցությունը եղել է անձերի, ոչ թե ծրագրերի վերաբերյալ: Մենք զգացինք, որ վախը եւ հասթափությունն ինչ-որ առումով ավելի ուժեղ են եղել, քան հույսը»,- արձանագրել է եվրոպացի դիտորդը:

Չնայած սրան՝ նրա համոզմամբ Հայաստանում անցկացված նախորդ ընտրություններից հետո բազմաթիվ ջանքեր են ներդրվել, ներառյալ նյութատեխնիկական բարելավումներ, ընտրական գործընթացի որակը բարձրացնելու համար:

«Պետք է արժանին մատուցել իշխանություններին այն աշխատանքի համար, որը տարվել է ընտրազանգվածին այս նոր, բավականին բարդ ընտրական օրենսդրությանը ծանոթացնելու համար»,- ասել է դիտորդական պատվիրակության ղեկավարը:

ԵԱՀԿ ԽՎ պատվիրակության նախագահ Գայիր Յորգեն Բեկեֆոլդը ուրախությամբ է արձանագրել, որ Ազգային ժողովում կունենաք ավելի մեծ թվով կին պատգամավորներ: Վերջում դիտորդները տեղեկացրել են, որ դեռ մոտ 2 շաբաթ հայաստանում են լինելու եւ կարձագանքեն նաեւ հետընտրական զարգացումներին:

Տպել
15047 դիտում

Վրաստան մուտքի արգելքը շարունակում է ուժի մեջ մնալ. բացառություն են բեռնափոխադրումները

Երեւանում «Toyota Camry»-ն բախվել է մայթեզրի արգելապատնեշին և շրջվել

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս