Կրթության տեսչության փոխարեն ստեղծվում է կրթության տեսչական մարմին՝ հաշվետու վարչապետին

ՀՀ կառավարության այսօրվա՝ սեպտեմբերի 7-ի նիստի օրակարգում ընդգրկված հարցերից մեկը վերաբերում է կրթության եւ գիտության նախարարության կրթության տեսչական մարմին ստեղծելուն: Այն փոխարինելու է գալիս ԿԳՆ լուծարված կրթության պետական տեսչությանը:

Ստեղծվող տեսչական մարմինը ԿԳ նախարարության համակարգում գործող առանձնացված ստորաբաժանում է, որը իրականացնելու է մասնավորապես վերահսկողական գործառույթներ, ինչպես նաեւ օրենքով սահմանված կարգով կիրառելու է պատասխանատվության միջոցներ կրթության բնագավառում:

Որոշման նախագծում նշվում է, որ տեսչական մարմնի խնդիրներից են կրթության բնագավառը կարգավորող օրենսդրության պահանջների, կրթության զարգացման պետական ծրագրի իրականացման, պետական կրթական չափորոշիչների, կրթակարգի կիրառման, կրթության իրավունքի, կրթական համակարգի սոցիալական երաշխիքների պահպանման նկատմամբ վերահսկողության իրականացումը:

Փաստաթղթում նաեւ չի բացառվում, որ կրթության տեսչական մարմնով փոխարինվող կրթության պետական տեսչությունում կարող են լինել որոշակի կադրային կրճատումներ:

Ինչ վերաբերում է նշված հին ու նոր մարմինների տարբերությանը, ապա թեեւ երկուսն էլ գործել կամ գործելու են ԿԳ նախարարության կազմում, նորաստեղծ մարմինն, ի տարբերություն նախորդի, հաշվետու է լինելու վարչապետին: Տեսչական մարմնի ղեկավարին ու նրա երկու տեղակալներին նշանակելու է վարչապետը:

Տեսչական մարմինը կառավարելու է տեսչական մարմնի կառավարման խորհուրդը՝ կազմված ինն անդամից, որոնք ներկայացնելու են տարբեր գերատեսչություններ:

Կառավարության որոշման նախագծում տեղի ունեցող փոփոխության հիմնավորումը բավական հետաքրքիր է եւ հղում է արվում նպաստավոր գործարար միջավայր ստեղծելուն: 

Այդ հիմնավորման մեջ մասնավորապես նշվում է. «Հայաստանի Հանրապետության կառավարությունը ստանձնել է երկրում տեսչական բարեփոխումների իրականացումը, որի նպատակն է առավել արդյունավետ տեսչական համակարգի հիմնումը եւ դրանով իսկ գործարար միջավայրի համար բարենպաստ պայմանների ստեղծումը: Այդ նպատակով եւ տեսչությունների գործունեության հետ կապված կարգավորումները միասնականացնելու համար 2014 թվականի դեկտեմբերի 17-ին ընդունվել է «Տեսչական մարմինների մասին» ՀՀ օրենքը, որի 19-րդ հոդվածի 2-րդ մասով սահմանվել է, որտեսչական մարմինները ստեղծվում են նշված օրենքն ուժի մեջ մտնելուց հետո՝ երեք տարվա ընթացքում: Նշված հոդվածի պահանջը կատարելու համար անհրաժեշտություն է առաջացել լուծարել ՀՀ կրթության եւ գիտության նախարարության կրթության պետական տեսչությունը»:

Տպել
3788 դիտում

Մասիսում հարձակվել են «Սուրբ Գեւորգ» եկեղեցու հոգեւոր հովվի վրա

Իհարկե, չեն սիրի, երբ պահակապետ կոչվածն այլեւս չկարողանա եղնիկի միս հյուրասիրել ընկերներին. կենդանաբանական այգու տնօրեն

Փաստացի կրպակներ՝ շարժական կետերի անվան տակ. քաղաքապետարանը խստացնում է վերահսկողությունը

ԲԴԽ-ն քննարկել է արդարադատական գործընթացների արդյունավետ կազմակերպմանը և պարգևատրումներին առնչվող հարցեր

Երբ ինձ ուղարկում եք բանակցելու, չեք ասում՝ կգնաս եւ հարցը կլուծես այսպես. Փաշինյանը՝ Ղարաբաղի խնդրի մասին

Ո՞վ է «Եվրատեսիլ 2019»-ի լավագույն կին կատարողը. ըստ հարցման՝ Սրբուկը դեռ 5-րդն է

Դավիթ Սանասարյանի պաշտպանները դիմել են գլխավոր դատախազին

«Ցածր նշաձող սահմանելու իրավունք չունենք». շինարարություն կազմակերպելու նոր չափորոշիչներ կսահմանվեն

Քննարկումներ եւ հանձնարարականներ. վարչապետը խորհրդակցություն է անցկացրել մարզպետների հետ

Սիրիահայերի խնդիրներն ուշադրության կենտրոնում են

Սարավանի լեռնանցքում գետնաբուք է, Դիլիջանում ձյուն է տեղում

ՀՖՖ-ի կոշտ արձագանքը «Բանանցին». ակումբը կպատժվի

Ստուգումներ՝ «Հրազդան» եւ «Աբովյան» ՔԿՀ–ներում. հայտնաբերվել են խախտումներ

«Ալաշկերտը» ՀՀ Գավաթի եզրափակչում է. շրջանցեց «Արարատ-Արմենիային» (տեսանյութ)

Թերացողներին չեմ հանդուրժի, իսկ սրտացավ ծառայողներին սիրով կպարգեւատրեմ. Վալերի Օսիպյան

Ապրիլի 24-ին Ծիծեռնակաբերդի հուշահամալիր այցելողների համար կգործեն անվճար տրանսպորտային երթուղիներ

«Մանկական նոր ալիքում» Մեծ Բրիտանիայի ներկայացուցիչը հայ է (տեսանայութ)

Ողջիում կատարված ինքնասպանության դեպքով հարուցվել է քրեական գործ

Սնո՞ւնդ է պետք, վերցրու, ինստիտո՞ւտ պետք է ընդունվես, կզանգահարեմ. վարչապետը՝ հնացած մոդելի մասին

Եթե մարտի 1-ի զոհերի ծնողները մահացել են, աջակցության համար իրավահաջորդ կարող է լինել մեկ այլ անձ․ Զեյնալյան