Անկախության տոն՝ անտեսված վարչապետի, քաղաքապետի կողմից. իսկ ո՞վ էր հրավառության «հեղինակը»

Հայաստանի Հանրապետության անկախության 26-ամյակը Երեւանում անցավ շատ տխուր: Համապետական այս միջոցառումը մայրաքաղաքում ըստ էության չնշվեց որեւէ կերպ: Մասնավորապես՝ Հանրապետության, Ազատության հրապարակներում եւ կենտրոնական այլ հատվածներում տոնական մթնոլորտը բացակայում էր իսպառ:

Սակայն, Երեւանի քաղաքապետարանի ֆեյսբուքյան էջը երեկ գիշեր հաղորդագրություն տարածեց անկախության օրվա շրջանակներում տեղի ունեցած միջոցառումների մասին. «ՀՀ անկախության 26-րդ տարեդարձի առիթով Երևանի բոլոր վարչական շրջաններում կազմակերպվել են տոնական միջոցառումներ: Հանդիսություններն ուղեկցվել են ազգային-ազգագրական երգերով, հայկական էստրադայի հայտնի երգիչ-երգչուհիների, պարախմբերի, ինչպես նաև վարչական շրջանների մշակութային կրթօջախների սաների կատարումներով»,- մասնավորապես, ասվում է պաշտոնական հաղորդագրությունում:

armtimes.com-ը դեռ սեպտեմբերի 20-ին քաղաքապետարանի լրատվության ղեկավար Արթուր Գեւորգյանից հետաքրքրվել էր, թե սեպտեմբերի 21-ին մայրաքաղաքում ինչ միջոցառումներ են սպասվում: Գեւորգյանը պատասխանեց, որ անկախության տոնը համապետական է, եւ դրանով համայնքը չի զբաղվում: Վերջինս առաջարկեց համապատասխան տեղեկատվությունը ձեռք բերել մշակույթի նախարարությունից, որտեղից եւս պատասխան չստացանք:

Պաշտպանության նախարարության տեղեկատվության վարչության պետ Գեւորգ Ալթունյանն էլ սեպտեմբերի 20-ին մեր զրույցում փոխանցել էր, որ տոնական համերգի եւ Սարդարապատի հուշահամալիրում զինվորական շարանցման անցկացումը քննարկման փուլում է: Այս երկու միջոցառումներն այդպես էլ տեղի չունեցավ:

Armtimes.com-ն այսօր Պնախարարի մամուլի խոսնակ Արծրուն Հովհաննիսյանից հետաքրքրվեց, թե ինչու՞ քննարկվող միջոցառումը Սարդարապատում տեղի չունեցավ:

«Դա քննարկման փուլում է եղել, հստակ որոշում չի եղել: Այդ օրը Հայաստանում մի քանի միջոցառումներ է եղել`դասակները փոքր խմբերով շքերթ են կազմակերպել: Պարտադիր չէ, որ դա լիներ Սարդարապատում»,- ասաց Հովհաննիսյանը:

Շատ պատահականորեն, սակայն, երեկոյան Հանրապետության հրապարակում տեղի ունեցավ շքեղ հրավառություն, որի մասին մայրաքաղաքի բնակիչներն անտեղյակ էին:

Armtimes.com-ին Երեւանի քաղաքապետարանից այսօր փոխանցեցին, որ այն կազմակերպել է կառավարությունը:

ՀՀ կառավարության տեղեկատվության վարչությունից եւ վարչապետ Կարապետյանի մամուլի խոսնակից, սակայն, չհաջողվեց ճշտել, թե երբ է կայացվել հրավառություն իրականացնելու որոշումը կամ ինչ-որ կերպ հանրությանը տեղյակ պահվե՞լ է հրավառության ժամի եւ վայրի մասին:

Հ.Գ. armtimes.com-ի օպերատորը Հանրապետության հրապարակի հրավառությունը նկարահանել է, քանի որ շատ պատահականորեն այդ պահին այնտեղով անցնելիս է եղել: Ինչպես նա է փոխանցում, հրավառությամբ հիանալու բախտ են ունեցել հիմնականում հարեւան Իրանից մեր երկիր ժամանած զբոսաշրջիկները, որոնք այդ ժամին հիմնականում հավաքվում են Հանրապետության հրապարակում երգող շատրվաններով հիանալու:

 

Տպել
9521 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)