Նորատուսցի Ալիկի թզբեհով ներկայանալը դատարանն անտեսում է, իսկ մաստակ ծամողին՝ ոչ. դատախազ

Անցած տարի նոյեմբերին «Լիա գեղեցկության» սրահին կից նկուղում տեղի ունեցած աղմկոտ սպանության գործով երեկ տեղի ունեցած դատական նիստի ընթացքում մեղադրող կողմը բարձրացրեց դատարանի կողմից մրցակցային դատաքննության սկզբունքը խախտելու մասին:

Նմանատիպ «դեպք», ի դեպ, ոչ հաճախ է պատահում, երբ մեղադրող դատախազները նման խնդիր են բարձրացնում:

Բանն այն է, որ նախորդ նիստի ընթացքում վկաներից մեկի հարցաքննության ժամանակ Շենգավիթ վարչական շրջանի ընդհանուր իրավասության դատարանի դատավոր Նելլի Բաղդասարյանը երկու անգամ նախազգուշացման տեսքով սանկցիա կիրառեց սույն գործով մեղադրող դատախազ Արգիշտի Քյարամյանի նկատմամբ՝ վկային նստած հարցեր տալու, դատարանի նկատմամբ անհարգալից վերաբերմունք դրսեւորելու համար: Երբ մեղադրող դատախազը փորձել էր պարզաբանել, որ ինքը վկային ընդամենը հարցեր է ուղղում, իսկ քրեական դատավարության օրենսգրքով սահմանված չէ վկային կանգնած հարցեր ուղղելը, դատավորը բարկացել էր նրա վրա՝ սպառնալով հերթական սանկցիան կիրառել, եւ դատական նիստը հետաձգել: 

Երեկ մեղադրող դատախազ Արգիշտի Քյարամյանը վկաների հարցաքննության ավարտից հետո հանդես եկավ հայտարարությամբ՝ մասնավորապես, նկատելով, որ թեեւ այս գործով որոշ ամբաստանյալներ դատարանին դիմելով ոտքի չեն կանգնում՝ Բաղդասարյանն այս հանգամանքն անտեսում է: «Ամբաստանյալ Արմեն Գասպարյանը (Նորատուսցի Ալիկի թիկնապահ,-հեղ.) դատարանին դիմում է նստած վիճակում եւ այդ հանգամանքին մեղադրող կողմը չէր անդրադառնա, եթե նախորդ դատական նիստին դատարանը ինձ նախազգուշացում չհայտներ նստած վկային հարցեր ուղղելու համար: «Հայտնելով վերոգրյալը խնդրում եմ չխախտել մրցակցային դատաքննության սկզբունքը»,- ասաց դատախազը:

Վերջինս ուշադրություն հրավիրեց նաեւ այն հանգամանքին, որ Նելլի Բաղդասարյանը վկաներից մեկի կողմից հիվանդությամբ տառապելու հանգամանքը հաստատված համարելու համար համապատասխան բժշկական փաստաթղթեր է պահանջել, մինչդեռ սույն գործով երկրորդ դատական նիստի ընթացքում, դատավորը հաստատված փաստ է համարել ամբաստանյալ Պետրոս Իսրայելյանի բանավոր հայտարարությունն առ այն, որ ինքը վատառողջ է, ողնաշարի խնդիրներ ունի եւ դժվարանում է ոտքի կանգնել. «Մեղադրանքի կողմի համար անհասկանալի է դատարանի կողմից սկզբունքորեն տարբերվող մոտեցումներ ունենալու հանգամանքը: Միեւնույն ժամանակ, նշված համատեքստում հարկ եմ համարում անդրադառնալ այն հանգամանքին, որ սույն գործով գրեթե բոլոր նիստերի ընթացքում դատարանը բազմիցս անդրադարձել է դատարանի դահլիճում նստած կամ մաստակ ծամող անձանց վարքագծին, վերջիններիս վարքագիծը որակելով որպես դատարանում կարգի խախտում: Մինչդեռ անհասկանալի է, թե ինչո՞ւ դատարանը որեւէ կերպ չի անդրադառնում ամբաստանյալ Ալիկ Բանդուրյանի կողմից տեւական ժամանակ թզբեհ կոչվող առարկայով դատարանի դահլիճ ներկայանալու եւ նիստի ընթացքում նշված առարկան օգտագործելու հանգամանքին:

Հարց է առաջանում, մի՞թե դատարանի համար հիշյալ հանգամանքը նվազ վիրավորական է, քան՝ դատարանի դահլիճում նստած մաստակ ծամող մեկը, ում այս հեռավորությունից (մոտ 6 մետր) նկատելն անգամ բացառիկ ճիգեր է ենթադրում: Հետեւաբար, մեղադրանքի կողմը միջնորդում է, որպեսզի դատարանը դատաքննության ընթացքում միատեսակ մոտեցում ցուցաբերի ինչպես դատավարական կողմերի, այնպես էլ դատաքննությանը մասնակցող այլ անձանց նկատմամբ»,- եզրափակեց մեղադրող դատախազը: Դրանից հետո դատավոր Նելլի Բաղդասարյանն ասաց, որ մեղադրողի հայտարարությունն ընդունվեց ի գիտություն:

Նշենք, որ այս դատավորը հաճախ է անհարկի դիտողություններ անում ոչ միայն դահլիճում ներկա գտնվողներին այդ թվում լրագրողներին: Մասնավորապես՝ այս գործի սկզբնական փուլում Նելլի Բաղդասարյանն ուշադրությունը սեւեռում էր լրագրողների շարժուձեւի եւ, որ ամենազավեշտալին է, անգամ դեմքի միմիկայի վրա:

Հ.Գ. Ի դեպ այս գործը լուսաբանելիս Նորատուսցի Ալիկից պարբերաբար երկու կրկնվող լուսանկար ենք հրապարակում, քանի որ դատարանը՝ դատավոր Նելլի Բաղդասարյանի նախագահությամբ արգելել է լրագրողներին տեսա-լուսանկարահանել դատական ողջ նիստը: Նույն պատճառով  հնարավորություն չունենք սույն նյութի հետ հրապարակել մեղադրող դատախազ Արգիշտի Քյարամյանի լուսանկարը:

Տպել
17462 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները