Եթե չտաս մեզ, գողականով հարցը կլուծենք. ՀՀԿ-ական գյուղապետի դեմ հաղորդում է ներկայացվել

Գյուղապետերի կողմից հնարավոր հանցագործությունները չներելու մասին Սերժ Սարգսյանի ելույթից շատ չի անցել, սակայն այդ հարցում որեւէ բան չի փոխվել: Նախորդ տարվա նոյեմբերի 9-ին Սերժ Սարգսյանն իր ծավալուն ելույթում խոսելով համայնքապետերի մասին ամոթ էր որակել համայնքային գումարները տուն տանող գյուղապետերի արարքը, եւ հայտարարել, որ այսուհետ չեն ներվելու նման գյուղապետերը: Առհասարակ գյուղապետերի կողմից կատարվող հնարավոր անօրինականությունները Սերժ Սարգսյանը սուր քննադատության էր ենթարկել: Նա ասել էր, թե ինչպես չպետք է լինեն գյուղապետեր:

Մեզ հայտնի է դարձել, որ Գեղարքունիքի մարզի Աստղաձոր համայնքի ՀՀԿ-ական ղեկավար Ռոբերտ Խաչատրյանի գործունեությունը Սերժ Սարգսյանի կողմից այլեւս ներման չարժանացողների տեսակից է: Փաստաբան Ժիրայր Սաֆարյանը «Հայկական ժամանակ»-ի հետ զրույցում ասաց, որ նշված համայնքի ղեկավարի գործունեության վերաբերյալ հանցագործության մասին հաղորդում է ներկայացվել գլխավոր դատախազություն: 

2002 թվականին Աստղաձոր համայնքում կառավարության որոշմամբ վիճակահանություն է իրականացվել եւ նույն գյուղի բնակիչ Կարեն Մաթոսյանին հողատարածք է հատկացվել:

Մաթոսյանը դրա համար վճարել է գույքահարկ, տնօրինել հողատարածքը, տիրապետել այն, սակայն իրավունքի պետական գրանցում կատարելու համար չի դիմել կադաստրի պետական կոմիտե: Այդպես են վարվել նաեւ նույն գյուղի այլ բնակիչներ: 2017 թվականի մարտ ամսից սկսած ոմն Արմեն Հովհաննիսյան ցանկացել է գնել Կարեն Մաթոսյանի 0.12 հա հողակտորը: Այդ ժամանակ հողակտորը Կարեն Մաթոսյանի գիտությամբ մշակելիս է եղել նույն գյուղի բնակիչ Ատոմ Ապետյանը: Ժամանակին Ապետյանի մայրը դիմել է Մաթոսյանին եւ խնդրել հողակտորը մշակել, քանի որ այն անմիջապես իր տան հարեւանությամբ է գտնվում: Կարեն Մաթոսյանն էլ համաձայնվել է, քանի որ հաճախ արտագնա աշխատանքի է մեկնում եւ նպատակ է ունեցել հետագայում այդ տարածքում տուն կառուցել:

2017 թվականից սկսվել է այդ հողակտորի «օրինականացման» գործընթացը: «Համայնքապետարանում սկսվում է որոշումների կայացումը: Հողի նկատմամբ իրավունքը գրանցվում է համայնքին, հետագայում նվիրատվություն է կատարվում Ատոմ Ապետյանին, որն էլ այն վաճառում է Արմեն Հովհաննիսյանին: Հողը ավագանու որոշմամբ է դառնում համայնքային սեփականություն, հետագայում նվիրատվության որոշումն է կայացվում»,- ասաց փաստաբան Ժիրայր Սաֆարյանը՝ նշելով, որ նվիրատվության ժամանակ էլ Կարեն Մաթոսյանը պետք է նախապատվության իրավունք ունենար, քանի որ հիմք ուներ: «Հողի հարցով նաեւ Կարեն Մաթոսյանի նկատմամբ ճնշումներ են եղել: Ասել են՝ եթե չտաս մեզ, գողականով հարցը կլուծենք եւ այլն: Կարենն իր բացատրության մեջ նշել է, որ Ատոմի մերձավորներն են եղել ասողները»,- ասաց փաստաբանը:

Փաստաբանը նշեց, որ դեպքի մասին տեղեկանալուց հետո հաղորդում են ներկայացրել գլխավոր դատախազություն եւ միջնորդել են, որպեսզի գործի ենթակայությունը որոշելուց այն ուղարկեն հատուկ քննչական ծառայություն, քանի որ հաղորդումը պաշտոնատար անձի վերաբերյալ է եղել: Քրեական գործ դեռ չի հարուցվել, նյութեր են նախապատրաստվում: «Քննչական որ մտանք, ընդհանուր մթնոլորտն այն է, որ գործ չպետք է հարուցվի»,- նկատեց փաստաբանը:

Բացի դրանից Ժիրայր Սաֆարյանը հայցադիմում է ներկայացրել Վարչական դատարան, սակայն հայցը դեռ վարույթ չի ընդունվել: Հարցին՝ ի՞նչ ակնկալիք ունեք դատարանից, փաստաբանն ասաց.«Վարչական դատարանից մեծ ակնկալիքներ ունենք: Դատարանում իրավունքի գրանցումների հետ կապված հաջողություներ ունենք: Այն կարծրատիպը, որ ամեն դեպքում մերժելու են, այդքան էլ այդպես չի: Վարչական դատարանից ակնկալիք միանշանակ կա: Ես նաեւ քաղաքացիական հայց էլ եմ նախապատրաստում, էլի ակնկալիք կա: Բայց ամեն դեպքում քրեաիրավական հարթությունում այստեղ խնդիր կա: Համայնքի ղեկավարի ոչ իրավաչափ գործելաոճը, եթե բացահայտվի, միանշանակ պատասխանավության խնդիր պետք է առաջանա»:

Փորձեցինք մեկնաբանություն ստանալ համայնքի ղեկավար Ռոբերտ Խաչատրյանից: Վերջինս երբ իմացավ, թե որտեղից ենք զանգահարել ասաց, որ մարդ է մահացել եւ իր տեղը հարմար չէ խոսելու համար: Հարցին էլ, թե ե՞րբ հարմար կլինի խոսել, համայնքի ղեկավարն ասաց.«Չեք տեսնո՞ւմ ինչքան մարդ կա այստեղ»: Այսքանով մեր զրույցն ավարտվեց:

Աստղաձոր համայնքի ղեկավարի գործունեության վերաբերյալ մենք եւս մեկ հրապարակում ենք ունեցել: Ռոբերտ Խաչատրյանի նախկին խորհրդականը մեր թղթակցի հետ զրույցում պնդել էր, թե համայնքի ղեկավարը չարաշահումներ եւ յուրացումներ է կատարել:

Նյութը տպագրվել է «Հայկական ժամանակ» օրաթերթի մարտի 2-ի համարում:

Տպել
10063 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին