ՏԻՄ. անսպասելի աշխուժություն Սյունիքում

19/09/2018 schedule15:25

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 17-ի համարում

Եւ այսպես, լրացավ Սյունիքի մարզում հոկտեմբերի 9-ին կայանալիք ՏԻՄ ընտրություններին թեկնածուների առաջադրման ժամանակահատվածը: Թե՛ գյուղական, թե՛ քաղաքային համայնքներում թեժ ընտրապայքար է սպասվում: Կապանում առաջադրվել են քաղաքապետի չորս թեկնածուներ. Կապանի նախկին քաղաքապետ, «ԿապանԹԵՍՏ» ՓԲԸ տնօրեն, անկուսակցական Գագիկ Աթաջանյանը, ՀՀԿ անդամ գործող քաղաքապետ Արմեն Կարապետյանը, «ԱրմենՏելի» Սյունիքի մարզային տնօրինության տնօրեն, անկուսակցական  Սամվել Հայրյանը եւ ՀՀԿ Կապանի տարածքային խորհրդի նախագահ, Կապանի պետական բժշկական քոլեջի տնօրեն Ռոմիկ Սարգսյանը: 

Գագիկ Աթաջանյանը երկու անգամ՝ 1996թ-ին եւ 1999թ-ին, ընտրվել է Կապանի քաղաքապետ, ու այս անգամ, որոշ լուրերի համաձայն, նրա թեկնածությունը կպաշտպանի ՀՀ գլխավոր դատախազ Աղվան Հովսեփյանը:  Ըստ մարզային «Սյունյաց երկիր» թերթի, նույնիսկ Աղվան Հովսեփյանի «պատվիրակը ոմն Տոնոյան (կապի նախկին նախարար) Կապանում հետախուզել է քաղաքական թիմերի ու թայֆաների ուժային հարաբերակցությունը» ու կանգնել էքս-քաղաքապետի թեկնածության վրա: Սակայն Կապանի քաղաքապետ Արմեն Կարապետյանը գտնում է, որ բազմաթիվ մրցակիցներ ունենալու պարագայում էլ իր հաղթանակը ապահովված է, չնայած հարկ է նախադեպ ստեղծել եւ քաղաքական պայմանավորվածություններ ձեռք բերել մինչ ընտրամարաթոնի մեկնարկը:

Ի դեպ, ինչքանով մեզ հաջողվեց ճշտել, առայժմ ՕԵ-ն ու ՀՅԴ-ն չեն որոշել, թե  Կապանում ում են պաշտպանելու:  Քաջարանում առաջադրվել է համայնքի ղեկավարի մեկ թեկնածու` ՀՀԿ անդամ, գործող քաղաքապետ Վարդան Գեւորգյանը: Վերջինս հայտարարել է, որ «ընտրությունների գնալու է առանց նախընտրական շտաբի ու քարոզարշավի»: Քաջարանի քաղաքապետի կարծիքով, ինքը «աշխատանքային երեք տարիների ընթացքում եղել է ընտրողի աչքի առաջ, իսկ կատարած աշխատանքը ակներեւ է»: Մեղրիում գործող քաղաքապետ, ՀՀԿ անդամ Միշա Հովհաննիսյանի հետ կպայքարեն անկուսակցական անհատ ձեռնարկատեր Արշավիր Հովհաննիսյանն ու ՀՀԿ անդամ, Մեղրիի բնակ-կոմունալ տնտեսության պետ  Վարդան Հայրապետյանը:

Մեր ունեցած տեղեկություններով, վերջինիս սատարում է Մեղրիի նախկին քաղաքապետ Հարություն Բաղդասարյանը: Ագարակի քաղաքային համայնքում, թերեւս բացի գործող քաղաքապետ ՀՀԿ անդամ Արմեն Սարգսյանից, մինչեւ առաջադրումները դեռեւս թեկնածու չէր նշմարվում, սակայն բացի նրանից առաջադրվել են անկուսակցական Սմբատ Համաբարձումյանն ու Մուրադ Մկրտչյանը` «Օրինաց երկրից» :

Թեժ պայքար կլինի նաեւ Սիսիանում, քանի որ գործող քաղաքապետ, անկուսակցական Լավրենտի Սարգսյանից բացի, առաջադրվել է 5 թեկնածու եւս՝ անկուսակցականներ Արմեն Թադեւոսյանը, Հակոբ Հակոբյանը, Սամվել Թանգյանը եւ ՀՀԿ անդամներ Արայիկ Հակոբյանն ու Վահրամ Սարգսյանը: Թիվ 37 ԸԸՀ-ից տեղեկացրին, որ առաջադրված թեկնածուները արդեն գրանցվել են, եւ մեկ թեկնածուի՝ Սամվել Թանգյանի գրանցումը մերժվել է: Բանն այն է, որ վերջինս չնայած ՀՀ քաղաքացի է, բայց հաշվառված է Երեւան քաղաքում, ուստիեւ առաջադրվելու իրավունք չուներ: Նշենք, որ Գորիսում հոկտեմբերի 9-ին համայնքի ղեկավարի ընտրություն չի կայանալու, այլ միայն կկայանան ավագանու անդամի ընտրություններ: Այնուամենայնիվ, ամեն ինչ առջեւում է, եւ չեն բացառվում ինքնաբացարկները:

Արմեն Մկրտչյան

Տպել
710 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ